Handelinge van die Sinode 2003 - NG Kerk in Oos-Kaapland

H BYLAES : H2 GROETEBOODSKAP NAMENS DIE VGK
H2 GROETEBOODSKAP NAMENS DIE VGK - DS LL PLAATJIES
(ASSESSOR) - 20 OKTOBER 2003
Groete aan die NG Kerk in Oos-Kaapland van die Sinode van die VGK Kaapland.
Weleerwaarde Heer, lede van die Moderatuur, leraars teenwoordig en afgevaardigdes.
Dis vir my 'n besondere voorreg om ‘n groeteboodskap oor te dra namens die Verenigende Gereformeerde
Kerk in Suider-Afrika, Streeksinode Kaapland.
U sinodale vergadering vind plaas op 'n baie interessante tyd in die geskiedenis van die Kerk in Suid-
Afrika, 'n tyd vak waar die soeke na kerkeenheid binne die familie van Nederduitse Gereformeerde Kerke
al groter en groter word.
Mag hierdie sitting die geboorteplek wees van die nuwe Herenigde Kerk
Die Kerk in die Oos-Kaap staar vele uitdagings in die gesig soos onder andere ARMOEDE, GEWELD,
WERKLOOSHEID, MISDAAD, HIV / AIDS, morele verval en veel meer. Die Kerk kan alleenlik hierdie
probleme aanspreek sodra die Kerk in ‘n herenigde front staan.
Ten slotte wil ek u aanmoedig met die woorde uit Filippense 1: 3-6 wat soos volg lees:
"Ek dank my God elke keer as ek aan julle dink. In al my gebede bid ek altyd met blydskap vir julle almal
omdat julle van die eerste dag af tot nou toe saamgewerk het aan die verkondiging van die evangelie. Ek
is veral ook daarvan oortuig dat God wat die goeie werk in julle begin het, dit enduit sal voer en dit sal
voleindig op die dag wanneer Christus Jesus kom."
Ons in die Verenigende Gereformeerde Kerk, Streeksinode Kaapland wens u die Nederduitse
Gereformeerde Kerk, Streeksinode Oos-Kaapland 'n geseënde en voorspoedige sitting toe. Die seën van
die Here word u toegebid.
Umanyano ngamandla. "Eendrag maak mag."
224