Handelinge van die Sinode 2003 - NG Kerk in Oos-Kaapland

VOORSTEL 2
LAAT INGEKOME GELOOFSBRIEWE
Die moderamen versoek die vergadering dat
laat ingekome geloofsbriewe na die Tydelike
Regskommissie verwys word.
Goedgekeur
19. TEOLOGIESE BESINNING:
‘N GESPREK OOR GOD EN DIE
IDENTITEIT VAN DIE KERK
Die voorsitter stel dr Coenie Burger aan die
woord. Hy spreek die vergadering toe oor die
tema, Geroep vir ‘n tyd soos hierdie.
Na ‘n insiggewende aanbieding bedank die
voorsitter dr Burger en reël dat sy voordrag by
die Handelinge van die sinode ingesluit word.
Die sinode keur die reëling goed
Die vergadering verdaag vir tee.
DINSDAG 21 OKTOBER 2003
TWEEDE OGGENDSITTING
20. BESINNING IN GROEPE :
GOD EN DIE IDENTITEIT VAN
DIE KERK
Dr JD Prinsloo stel dr Frederick Marais van
Buvton aan die woord. Hy lei die vergadering in
die bespreking van dr Burger se voordrag in
klein groepe.
21. PATMOS-GEMEENTE
‘n Skrywe van die afgevaardigdes van die NGK
Patmos is om 10:36 ontvang waarin hulle hul
geloofsbrief onttrek van die vergadering. Die
voorsitter het dadelik na ontvangs hiervan met
hulle geskakel en na onderhandeling ‘n geskikte
tyd gevind om hulle te ontmoet. Hierdie
gesprek sal om 18:10 op 21 Oktober te Patmos
plaasvind.
22. A2 VERSLAG VAN DIE
SINODALE KOMMISSIE
(VERVOLG) P22
2.7 AFVAARDIGING NA DIE KONVENT
G HANDELINGE VAN DIE SINODE
196
54. KONVENT VIR EENHEID:
BESKRYWINGSPUNT NA ALGEMENE SINODE
2002
94. STREEKSKONVENT
‘n Voorstel oor Kerkeenheid en Konvent wat
bogenoemde pte uit A2 Verslag van die Sinodale
Kommissie raak, word bespreek.
VOORSTEL 3
KERKEENHEID EN KONVENT
Die Sinode van die NG Kerk in Oos-Kaapland:
1. Bevestig die NG Kerk se verbintenis aan die
kerkherenigingsproses met die VGK en al die
ander kerke van die NG Familie asook sy
dringende wens dat hierdie hereniging so
spoedig as moontlik sal plaasvind.
2. Laat hom in sy besluite oor die
kerkherenigingsproses lei deur die volgende
oortuigings:
2.1 Ons glo dat die hereniging van die familie
van die NG Kerk noodsaaklik is omdat die Woord
van die Here baie duidelik praat oor die
belangrikheid van die eenheid van sy kerk. Ons
glo dat die liefde wat ons as gelowiges in
Christus vir mekaar koester, ons dring tot
kerkhereniging.
2.2 Ons glo van harte dat kerkhereniging ons
ook gaan help om die roeping wat ons as kerke
in Suider-Afrika het, beter te verstaan en uit te
leef. Kerkeenheid is nodig ter wille van 'n
gesamentlike kyk op die probleme van die land,
vir gesamentlike aksie, vir gesamentlike
getuienis en uiteindelik vir die geloofwaardigheid
van ons werk en getuienis.
2.3 Ons glo dat die proses van kerkhereniging
ons ook die geleentheid bied om 'n getuienis te
lewer oor die vergewende en vernuwende krag
van die evangelie van Christus. Nadat daar vir
meer as 200 jaar net een NG Kerk in SA was, het
daar in 1881 'n breuk binne die kerk gekom. As
die breuk herstel kan word, sal dit 'n wonderlike
getuienis oor die vernuwende en helende krag
van die evangelie wees.
2.4 Ons is bewus van die feit dat kerkherenigingsprosesse
gewoonlik komplekse en
delikate prosesse is. Feitlik alle kerke wat deur
sulke prosesse gegaan het, getuig daarvan.
Dit mag ons egter nie ontmoedig nie, maar moet
ons motiveer om die proses met groot liefde,
verantwoordelikheid en baie gebed aan te pak.
2.5 Ons is oortuig dat die besluit hieroor nie
maar 'n gewone roetinebesluit is nie, maar na
ons kom as 'n toets vir ons geloof in die een
lewende God - die een Vader wie se kinders ons
almal is, die gekruisigde en opgestane Christus
wat ons in sy een liggaam ingelyf het en die een
lewend-makende Gees wat ons saam in sy diens
wil gebruik, tot seën in Afrika.