Ingezonden

komo ku tur e drama aki tokante di skarsedat na webu ta bai solamente
pa haña un akuerdo di “economische zaken” pa hisa e preis di webu.
Ata e prueba aki, despues ku a haña e permisio pa hisa e preis tur
galiña, jong, malu i bieu a haña un brio atrobe di pone webu komo
ku nan a tende ku e preis a subi! Asina e problema tokante di webu
a wòrdu solushoná. Riba mi remarke na “economische zaken” ku
sigur e preis lo baha atrobe, mi no haña kontesta, manera ku bo por
a rei. Esaki ta toka e asuntu di webu pero buskando ta di kon tin e
skarsedat di lechi tambe e storia aki otra ves ta kuadra i tur ta keda
ketu ora ku mi a sita ku no tin skarsedat di lechi at all, al kontrario.
Di e manera aki anto nan ta forsa pa hisa e preis di lechi i produktonan
di lechi. Loke ta bini fo’i Europa ku e euro karu ey , ainda ta
mas barata ku nos mes produktonan lokal di lechi! Ta straño tòg òf
t’ami ta kiboká? Kiko nos “economische zaken” i nos polítikonan
responsabel ta hasi pa solushoná e problema ey? Nan no ta kontrolá
nada? Rapòrtnan di nos komershantenan tokante e asuntunan aki ta
wòrdu akseptá komo tal? Dor di keda ketu i no intervení kier men
ku nan ta di akuerdo ku e oumentonan di preis ridíkulo al momento
sabiendo ku nunka mas nan no lo bai back na e preis bieu.
Ta nan mester protehá nos di e aktonan kriminal aki. Pero atrobe ta nan
ta laga nos komo siudadanonan na kaya. Keshi, webu, produktonan
di lechi, awa, lus, gasolin y remedinan, ku tur esakinan nan ta gana
bon sèn y ningun hende ta hasi algu, ningun hende ta protehá nos.
Awor ta kua kompania ta na turno y ta bin ku un mes un storia, esta
un skarsedat di nan produkto y di e manera ey haña un chèns di hisa
nan preis?
Ay Shonnan ta unda nos ta bai?