CVO SKOOL VIVO SKOOLBELEID - Welkom by CVO Vivo

1. INLEIDING:
1.1 DOEL VAN ‘N SKOOLBELEID:
CVO SKOOL VIVO
SKOOLBELEID
‘n Skoolbeleid het ten doel om aan te dui wie, wat, hoe en wanneer dinge gedoen
moet word. ‘n Skoolbeleid is derhalwe ‘n gids vir die daarstelling van
gekoördineerde personeeloptrede.
1.2 HISTORIESE OORSIG:
Gedurende 1911 het ene Japie Marais van Bothaville hom op die plaas Amesfort
189 aan die westelike punt van die Soutpansbergreeks gevestig.
Die eerste skoolklaskamer word in 1917 deur hom gebou waarin die eerste
Amesfort 189 Goewermentskool in die begin van 1918 met 16 leerlinge en mnr
Gillfillen as leerkrag geopen word. Aangesien die kindergetalle toegeneem het,
moes daar in 1919 nog ‘n klaskamer gebou word. Mnr J J van Rensburg is as hoof
aangestel en me. M van Niekerk as onderwyseres.
Die boere het nou vinnig in die omgewing begin intrek en verskillende
eenmanskooltjies is toe in die omgewing gevestig naamlik Strafford, Dalmany,
Nimmersault en Sedopo (later Waterpoort genoem). Met die sentralisasiebeleid van
die Transvaalse Onderwysdepartement is twee eenmanskooltjies, naamlik
Nimmersault en Strafford in 1933 gesluit, en is die hoofde met leerlinge en alle
boeke gesentraliseer na die Amesfort-skool. Mnr G P Bezuidenhout was hoof van
die skool.
Omdat daar baie verwarring plaasgevind het tussen die naam van die skool en
Amersfoort in Oos-Transvaal, is die naam in 1939 verander na Vivo Sentrale Skool.
Aan die einde van 1992 het Vivo Skool met Dendron Skool saamgesmelt en is die
skool na 74 jaar gesluit.
Op 13 Januarie 1997 open ‘n nuwe skool, die Christelik- Nasionale Onafhanklike
Skool Vivo, met 15 leerkragte en ‘n leerlingtal van 166. Ons huidige hoof is mnr J G
Groenewald met 20 leerkragte en 218 leerlinge. Op 1 Februarie 1999 sluit ons by
die beweging vir Christelike Volkseie Onderwys (BCVO) aan.

C.V.O. SKOOL VIVO - SKOOLBELEID
1.3 ONS SKOOLLIED:
CVO SKOOL VIVO
Aan die voet van Soutpansberg
Staan Vivo CVO.
‘n Skool gebou op die fondament
van dit waarin ons glo:
Die Bybel as die Woord van God
Die hart van al’s wat ons leer;
Ons taal is suiwer Afrikaans,
Ons hoogste doel – God te eer!
God’s hand hou ons in Sy gena’
Ons groei van krag tot krag.
“Ons lewe in U lig”
Ons leuse elke dag!
Gedragskode – Voordrag deur leerlinge:
Ek dank God elke dag dat Hy my lewe en gesondheid gee.
Teks en toonsetting: Ans Becker
Ek sal my ouers en my onderwysers onder wie se beskerming ek verkeer, nie teleurstel nie.
Ek sal sorgdra dat my gedrag, selfs al is ek alleen, oral en altyd onberispelik is.
Ek sal my werk elke dag na die beste van my vermoë doen.
Ek sal my deurgaans weerhou van onwelvoeglike taalgebruik en uitlatings.
Ek sal my ouers, die personeel, medeleerlinge, meerderes en minderes respekteer en met die nodige
agting behandel.
Ek sal altyd optree as ‘n ambassadeur van my ouerhuis, kerk, skool en die gemeenskap waarin ek
my bevind en grootword.
Ek sal die skool- en koshuisreëls nakom en getrou bly aan my skool se leuse:
“Ek lewe in U lig”.
Ek sal, wanneer ek een van die bogenoemde gedragskodes nie nakom nie, my onderwerp aan die
gesag en tug van die Opvoedingsraad en Skoolbestuur.
2

C.V.O. SKOOL VIVO - SKOOLBELEID
1.4 DIE SKOOLWAPEN:
Die wapen vertoon ‘n opkomende son in die agtergrond, met ‘n hand wat jong
groeiende plant in die voorgrond koester.
Die opkomende son simboliseer die nuwe begin wat met die stigting van die CVO
Skool Vivo gemaak is; terwyl die son se warmte en lig ook nodig is vir groei.
Die hand dui op ons afhanklikheid van God wat ons asof met Sy eie hand rig en lei.
Dit dui ook op die hand van die opvoeder wat die jong kind in sy opvoedingsproses
koester.
Die jong plant simboliseer enersyds die kinders wat gelei en opgevoed word by
hierdie skool; en andersyds die onblusbare lewensdrif en energie waarmee ons ‘n
eie toekoms vir die Christen-Afrikanerkind hier wil skep.
1.5
Die leuse, “Ek lewe in U lig” sluit nou aan by hierdie simboliek: Ons lewe, kragtig en
dinamies groeiend in God se koesterende lig; en onder Sy beskermende hand.
MISSIE:
Om ons verbondskinders op te voed en professioneel te onderrig:
i) Binne die Protestants Gereformeerde Leer;
ii) Binne ons Afrikaner kultuurverband;
iii) In ons moedertaal, Afrikaans;
iv) Akademies op ‘n hoë standaard;
v) Streng gedissiplineerde;
vi) Leiding in relevante lewensvaardighede met ‘n gebalanseerde
positiewe uitkyk.
3

C.V.O. SKOOL VIVO - SKOOLBELEID
HOOFSTUK 2
2. ENKELE OPVOEDKUNDIGE RIGLYNE:
2.1 KENMERKE VAN DOELTREFFENDE ONDERRIG:
“Wat behels goeie onderwys?”, is ‘n baie wye vraag. U sal seker alreeds letterlik
honderde dinge kan opnoem van wat u alles van ‘n goeie onderwyser(es) verwag.
Aangesien leerlinge, onderwysers en selfs skole verskil, is dit uiters moeilik om
algemeen geldende reëls vir doeltreffende onderwys neer te lê. Die Universiteit van
Stellenbosch het ‘n didaktiese denksisteem ontwerp waarin voorsiening gemaak
word vir ‘n aantal kriteria waaraan ‘n goeie onderwyser, goeie leerstof en ‘n goeie
les moet beantwoord. Dit word naamlik saamgevat in die volgende tien basies
didaktiese beginsels:
(a) Doelgerigtheid:
Die mate waarin onderwys in die breë, of ‘n enkele les in die besonder, as
geslaagd beskou kan word, word bepaal deur hoe daar geslaag is in die doel
wat oorspronklik daarmee gestel is. As ‘n onderwyser nie sy doel met ‘n
bepaalde les bereik het nie, het hy immers in daardie les misluk. Die doel vorm
derhalwe die kern waaromheen die les opgebou word en is die vertrekpunt
vanwaar die onderwyser sy aanbieding beplan en die teiken waarop hy sy
leerstof, metodes, leermiddels en selfs sy dissiplinêre maatreëls rig. Dit is
duidelik dat onderrig slegs doeltreffend sal geskied as dit doelbewus, doelgerig
en doelnastrewend aangebied word. Daarom moet die doelstellings van ‘n les
kristalhelder wees.
(b) Planmatigheid:
Nadat sy doel met ‘n bepaalde werkstuk vir die onderwyser kristalhelder geword
het, moet hy ten opsigte van die bereiking daarvan beplan. Gebrekkige
beplanning lei tot die gebruik van ondoeltreffende leermiddels, klasprosedures,
differensiërings-tegnieke, leerlingakti-witeite, tydverkwisting en onbeduidende
vrae.
(c) Leerlingaktiwiteite:
Die onderwyser moet vooraf beplan wat hy sy leerlinge gaan laat doen, hoe hy
hulle dit gaan laat doen en wanneer hy hulle dit gaan laat doen. Dit sluit dus in
voorafbesinning oor differensiasie, verrykingsopdragte vir skrander leerlinge of
moontlike remediërende opdragte vir swakker leerlinge.
(d) Integrering:
Hierdie beginsels impliseer dat goeie onderrig gekenmerk moet wees deur ‘n
daadwerklike strewe van die onderwyser om die leerlinge verwantskappe te laat
insien. Daarom moet hy deeglik beplan ten opsigte van die volgorde waarin hy
leerstof aanbied, die progressiewe moeilikheidsgraad wat hy daarmee beoog,
die verband tussen die bekende en die onbekende, die konkrete en die
abstrakte, sowel as die nodige geheelsiening of samevatting van die los
stukkies en brokkies leerstof.
(e) Belewing:
1. Die onderwyser moet sy leerstof konkreet, aanskoulik en aktueel
aanbied sodat die leerlinge hulle daarin kan indink en inleef – dit
derhalwe kan beleef.
2. ‘n Beroep op ouers wat boer om te help om die leerlinge meer bloot te
stel aan belewing, bv. Landbou Wetenskap; Beesboerdery – kinders
moet leer spuit, KI, dipmetodes ens. op ‘n gereelde basis sien.
(f) Motivering:
Leerdoeltreffendheid word in ‘n groot mate bepaal deur die mate waarin die
leerlinge tot selfinspanning, samewerking, belangstelling en entoesiasme
gemotiveer word. Die goeie onderwyser stel daarom motivering as ‘n vername
doelwit in sy daaglikse onderwys.
4

C.V.O. SKOOL VIVO - SKOOLBELEID
(g) Sosialisering:
• Handhawing van hierdie beginsels impliseer dat die leerkrag doelbewus
maatreëls sal tref om deur groepwerk, kompetisies en die uitskakeling van
onderlinge wanverhoudinge, ‘n sosiale klimaat te skep waarin leerlinge
ten volle kan gedy.
• Indien probleme nie deur die onderwyser/es, skoolbestuur of hoof opgelos
kan word nie, doen aanbevelings by die ouers om gespesialiseerde hulp
te kry.
(h) Individualisering:
Hierdie beginsels impliseer dat die leerkrag rekening sal hou met die individuele
verskille en dat hy sy onderwys sodanig sal aanpas dat elke leerlinge in
ooreenstemming met sy besondere talente tot die maksimale ontplooiing van sy
besondere potensiaal sal ontwikkel.
(i) Evaluering:
Sonder evaluering sal die onderwyser nie kan vasstel waar hy met sy onderrig
moet begin en waar om te eindig nie. Daarom word evaluering as ‘n basiese
vereiste vir goeie onderwys beskou.
(j) Bemeestering:
Die bemeesteringsbeginsel veronderstel dat die onderwyser, nadat hy alreeds
die werk aan sy leerlinge verduidelik het, verdere maatreëls sal tref om seker te
maak dat hulle dit volkome baasgeraak het. Dit sluit in aspekte soos drilwerk,
oefening, herhaling, hersiening, opsommings, huiswerk, ens.
2.2 KENMERKE VAN DIE IDEALE ONDERWYSER:
“What the best and wisest parent
wants for his child,
that is what the community
must want for all their children.”
[Het die groot Amerikaanse Opvoedkundige, John Deway, by geleentheid gesê]. Hy
voeg daaraan toe:
“Any other ideal for our school
Is narrow and unlovely.”
In ‘n snelveranderende wêreld het ons ‘n onderwyserspan nodig wat opvoedkundig
en skoolvakkundig deeglik gevorm is. Goed toegeruste leerkragte sal nie alleen
nuwe situasies kan antisipeer, hulle deeglik na waarde kan beoordeel en doelmatig
daarin optree nie, maar hulle sal ook oor die nodige aanpasbaarheid en openheid
van gemoed beskik om met die snelle veranderinge saam te groei en hul opvoeding
en onderwys dienooreenkomstig daarby aan te pas.
‘n Onderwyser het onteenseglik ‘n heerlike bevoorregte taak, maar dit is beslis ook
‘n moeilike en uitdagende beroep. Om byvoorbeeld dertig of meer gesonde,
lewenslustige kinders vir ‘n derde van hulle wakkerbly-ure te hanteer en boonop aan
al die vereistes van die leerplan te voldoen, verg takt, Jobsgeduld, energie en veral
begrip. Miskien sal dit goed wees om gedagtes te wissel oor die ideale onderwyser
– let wel, nie die volmaakte onderwyser nie, want geen leerkrag kan ooit volmaak
wees nie – terwyl daar tog wel ideale onderwysers kan wees:
- Hy moet ‘n Christenmens wees. Die aard van sy werk is
sodanig dat hy daaglikse wonderlike geleenthede het om sy
oortuigings in die verband prakties uit te leef.
5

C.V.O. SKOOL VIVO - SKOOLBELEID
- Hy moet idealisties wees. Die onderwyser wat nie meer die
hoë kruine soek om te bestyg nie, beweeg nie eens meer op
gelyke grond nie. Hy is klaar op die afdraandepad van
frustrasie en onvergenoedheid en voor die klas is hy ‘n
mislukking.
- Hy moet ‘n ontvanklike, oop gemoed hê. Hy moet vatbaar
wees vir nuwe insigte en hy moet gewillig wees om nuwe idees
te beproef, want andersins stomp hy af en beland hy in ‘n groef.
- Hy moet meester van sy vak wees, want alleen dan kan hy die
inhoud vir sy leerlinge laat leef.
- Hy moet sy leerlinge as individue goed ken. Hoe kan jy ‘n
kind werklik bereik, hom begryp, die beste in hom na vore bring,
as jy hoogstens sy naam ken?
- Hy moet bykans oor ‘n grenslose sin vir lojaliteit teenoor sy
hoof, sy kollegas en sy skool beskik. ‘n Kollega wat nie lojaal is
nie, is soos ‘n kankeragtige orgaan wat uiteindelik die hele
liggaam ondermyn en ook die goeie werk van die ander
gesonde organe belemmer.
- Hy moet konsekwent, billik en opreg in sy verhouding met
elke leerling wees. Die ideale onderwyser/opvoeder is in die
mooiste sin van die woord steeds bereid om aan die kind se
kant te staan.
- Die ideale onderwyser kan hom nooit distansiëer van sy rol as
identifiseringsfiguur na wie die kind opsien nie en daarom weet
hy dat die voorbeeld wat hyself stel, oral en te alle tye, een van
die doeltreffendste en blywende “leermiddels” is.
Hierdie “voorbeeldstelsel” geld beslis nie slegs vir ‘n bepaalde
roosterperiode nie. As onderwyser is u veel meer vir die
leerling as bloot ‘n Wiskundige, Taalkundige of Sportafrigter. U
moet ook die voorbeeld stel met betrekking tot regverdigheid,
wat korrek en onpartydig evalueer; regverdig straf en beloon.
- Die ideale onderwyser moet sy afstand behou – liefde vir
kinders beteken nie dat hy noodwendig familiêr moet wees nie.
‘n Leerkrag wat gewildheid nastreef, is waarskynlik self nog
onvolwasse.
- Die ideale onderwyser moet goeie orde in sy klas kan
handhaaf. Waar daar goeie orde is, kan selfs ‘n gemiddelde
onderwyser berge versit. Die teendeel is ook egter waar. Die
oorspronklikste metodiek, die grootste moeite met
lesvoorbereiding en hulpmiddels is net tyd – en
energieverspilling in ‘n ordelose en ongedissiplineerde klas.
- Die ideale onderwyser moet ‘n positiewe bydrae lewer tot die
so noodsaaklike spangees en kameraderie wat ‘n effektiewe en
gelukkige personeel kenmerk.
- Hy beskou die hele skool se belange as sy eie belange en
nie net as die skoolhoof s’n nie. Daarom is hy ook medeverantwoordelik
vir die netheid van die gebou, die gedrag van
die leerlinge, die verfraaiing van die skoolterrein en hy doen
moeite om alle redelike opdragte van meerderes met die
grootste mate van doeltreffendheid en stiptheid uit te voer.
6

C.V.O. SKOOL VIVO - SKOOLBELEID
- Die ideale onderwyser is nie lui nie. Sy leerlinge sien dit raak.
Dieselfde geld wat stiptelikheid, netheid en persoonlike
voorkoms betref.
- ‘n Goeie onderwyser aanvaar teenslae en mislukkings en
ook opbouende kritiek met grootmoedigheid.
Ter afsluiting, net die volgende:
“Selfs die ideale onderwyser
is geen volmaakte mens nie.”
Wanneer alles oor die ideale onderwyser gesê is, mag ons nooit vergeet dat
geen leerkrag opvoedende werk kan doen sonder LIEFDE nie. ‘n
Onderwyser se werk sal voortbestaan in die harte en lewens van diegene
wat aan sy voete gesit het lank nadat hy van die toneel verdwyn het.
2.3 Gedragskode - Personeel:
“A teacher affects eternity;
he can never tell where
his influence stops!”
2.3.1 Werknemer se lewens- en wêreldbeskouing is gegrondves op die Christelikevolkseie
beginsels soos verduidelik word in die BCVO se toelatingsbeleid;
2.3.2 Werknemer se optrede getuig deurgaans van bogenoemde lewens- en
wêreldbeskouing;
2.3.3 Werknemer is trots op Afrikaans as sy/haar enigste moedertaal en daarom
praat en skryf hy/sy dit suiwer en korrek;
2.3.4 Werknemer maak hom/haar nie skuldig aan verskillende onaanvaarbare sosiale
gebruike wat in stryd met die Christelike lewens- en wêreldbeskouing en etiek is
nie;
2.3.5 Werknemer betoon te alle tye sy/haar lojaliteit teenoor die skool en BCVO en
almal daarby betrokke.
2.3.6 Werknemer tree deurgaans positief op en doen alles om goeie verhoudinge in
die skool te handhaaf en om negatiewe gesindhede, agterdog, twis en tweedrag
aktief te bekamp en teen te werk.
2.3.7 Werknemer dissiplineer hom/haar in die handhawing van vertroulikheid – mag
nie Vertroulike inligting versprei sonder goedkeuring van die Opvoedingsraad of
Skoolhoof nie. Oortreding hiervan sal in ‘n baie ernstige lig beskou word en sal
volgens die dissiplinêre kode hanteer word en mag lei tot uiteindelike
diensbeëindiging.
2.3.8 Senior personeel bespreek nie werksprobleme of ander probleme wat hulle met
kollegas het, met ander kollegas nie. Een-tot-een gesprekke met die betrokke
kollegas moet eers gebruik word om die probleme op te los. Daarna moet die
geskilbeslegtingsprosedures gebruik word. Onder geen omstandighede moet
die probleme met ander kollegas bespreek word nie.
2.3.9 Die onus is op personeel om vertroud te wees met die CVO Vivo-beleid en
geskilbeslegtingsprosedures.
7

C.V.O. SKOOL VIVO - SKOOLBELEID
2.3.10 CVO Vivo-werknemers bevorder nie partyskappe as hy/sy ongelukkig is oor
enige saak nie, maar volg die regte beleidsdokumente en –riglyne om die regte
antwoorde op vrae te kry.
2.3.11 Werknemers voer nougeset pligte en verantwoordelikhede uit soos deur
pligstaat uiteengesit.
2.3.12 Hanteer werksprobleme afsonderlik en individueel met die hoof of relevante
persoon.
2.3.13 CVO Vivo-werknemer bevorder deur hom/haar optrede die beeld van die skool
en die BCVO.
8

C.V.O. SKOOL VIVO - SKOOLBELEID
HOOFSTUK 3
3. SKOOLBESTUURSAANGELEENTHEDE:
3.1 JAAR- EN KWARTAALPROGRAM:
Elke onderwyser sal op die eerste skooldag van die jaar van 'n jaarprogram van
werksaamhede voorsien word. Hierdie program moet gereeld geraadpleeg word.
Op die eerste dag van elke skoolkwartaal sal elke onderwyser ook van 'n
kwartaalprogram voorsien word. Datums van vakvergaderings,
personeelvergaderings, werkverslae, evalueringdatums, sport-byeenkomste,
toetsdatums en dies meer verskyn op die kwartaalprogram.
By wyse van 'n omsendbrief word ouers en leerlinge ook voorsien van 'n
kwartaalprogram wat die belangrikste datums van gebeure beklemtoon.
3.2 SKOOLBESTUUR:
Die bestuur van die skool bestaan uit:
* Die Hoof
• Adjunk-hoof: Hoërskool
• Adjunk-hoof: Laerskool
• Departementshoof: Tale en Kulturele Leerareas
• Departementshoof – Wiskunde en Natuurwetenskappe
• Departementshoof – Ekonomiese Wetenskappe
(Soos persone beskikbaar is).
• Departementshoof (Ekonomiese wetenskappe)
Die handleiding oor pligstate gee 'n duidelike uiteensetting van elkeen van
bogenoemde personeel se onderskeie pligte en verantwoordelikhede.
Indien die hoof afwesig is vanaf die skoolterrein, wys hy vroegtydig 'n persoon aan om
waar te neem.
3.3 OPVOEDINGSRAAD:
Die Opvoedingsraad van ons skool bestaan uit die hoof en nege lede as
verteenwoordigers van ons ouers van wie minstens twee-derdes ouers is. Ons
huidige Opvoedingsraad is soos volg saamgestel:
Voorsitter: Mnr Koos Kemp
Vise-Voorsitter Mnr Pieter Hoogenboezem
Sekretaris Charmiane Pelser
Ander Mnr Stephen Fick
Mnr Gert du Preez
Mnr Duppie Du Plessis
Mnr Freek Kloppers
Mnr. Theuns van der Merwe
Ex officio: Skoolhoof
Met die eerste vergadering van elke kwartaal gee die hoof 'n skriftelike verslag aan die
Opvoedingsraad i.v.m. die skool- en personeelaangeleenthede.
3.4 TAAKVERDELING EN PLIGSTATE:
Raadpleeg die afsonderlike inligtingstuk, “Pligstate" vir 'n volledige uiteensetting van die
pligte en verantwoordelikhede.
Aan die einde van die jaar voltooi elke opvoeder 'n vorm waarop hy/sy die volgende
aandui:
9

C.V.O. SKOOL VIVO - SKOOLBELEID
kwalifikasies;
aantal jare diens;
die vakke wat hy graag sal wil onderrig;
welke buitemuurse aktiwiteite hy behulpsaam wil wees;
Nuwe en beginner onderwysers/esse voltooi dit sodra met hulle kontak gemaak word op
die eerste skooldag.
Taakverdeling vind plaas op die eerste skooldag.
3.4.1 Algemeen:
Die hoof stel aan die begin van die jaar hierdie pligstate op en probeer ook om
die gedagte van 'n "gelukkige werker gemeenskap" te bevorder en om die
persone menswaardig te laat voel.
3.4.2 Pligstate vir die Personeel:
Dit word deur die hoof in samewerking met die opvoedingsraads-voorsitter
opgestel. Die personeellid het 'n inspraak. Daar word teen oorbelading gewaak.
Indien die hoof en personeellid tevrede is, word die pligstate deur beide
onderteken. 'n afskrif word in die opvoeder se persoonlike lêer geplaas en die
hoof plaas een in die kantoorlêer in die kluis.
3.5 ROOSTERS:
Pligstate moet gedurig deurgelees word of die pligte nougeset deurgevoer word.
3.5.1 Die volgende roosters word onderskei:
Elke personeellid word aan die begin van die jaar, op die eerste dag van
aanmelding vir diens, voorsien van ‘n algemene skoolrooster waarop die
weeklikse en daagliks verloop van Klas- en vakperiode vir grade 5 tot 12 aangedui
word.
Die Junior Primêre Fase (Gr I tot Gr 4) stel hulle eie klasrooster onder leiding van
die hoof op.
3.5.2 Saalrooster:
Onder voorsitterskap van die hoof in samewerking met die kultuurkomitee en
musiekleerkragte finaliseer hierdie leerkragte die benutting en toewysing van
periodes in die skoolsaal. Hierdie rooster word ter insae van alle personeellede
in die personeelkamer aangebring.
3.5.3 Huiswerkrooster: (Sien BCVO handleiding i.v.m. huiswerk)
Die hoof sal op die tiende skooldag van elke jaar personeellede voorsien van 'n
huiswerkrooster vir elke standerd waarop aangedui is die voorgeskrewe
huiswerk-tydstoewysing per standerd en die billike verdeling daaroor per vak per
week.
3.6 VERGADERINGS:
3.6.1 Die volgende vergaderings kan binne die raamwerk van ons skoolbestuurorganisasie
onderskei word:
Personeelvergaderings: (1 x per kwartaal)
Vakvergaderings: (minstens 1 x per kwartaal);
3.6.2 Die bywoning van hierdie vergaderings is verpligtend ten opsigte van die personeel
betrokke.
3.6.3 Die hoof, OR-voorsitter en skoolbestuur vergader minstens een maal per kwartaal.
3.6.4 Addisionele vergaderings kan gereël word in sekere omstandighede.
10

C.V.O. SKOOL VIVO - SKOOLBELEID
3.6.5 Vergaderings op aanvraag:
Personeel word versoek om gedurig te vra indien hy voel hy leiding op 'n
bepaalde gebied nodig het.
Vergaderings moet 'n duidelike doelwit hê en nie slegs gehou word omdat dit
moet nie.
3.6.6 Bestuur- en administratiewe Personeel:
Ten minste een vergadering per kwartaal tesame met die hoof, OR-voorsitter en
skoolbestuur. Administratiewe personeel lewer 'n inset met die opstel van 'n
sakelys.
3.7 PERSONEELONTWIKKELINGSPROGRAM:
Die sukses wat ons wil behaal in die bereiking van ons doelstelling, hang grootliks af van
die professionele bekwaamheid van ons personeel. Daarom is dit van aktuele belang dat
ons skool sal streef na die optimale benutting van elke personeellid se vaardighede en
bekwaamheid sodat ons onderwyspersoneel die beste moontlike opvoeding bied en ons
leerlinge optimum kan leer. As onderwyspersoneel moet ons mikpunt altyd wees:
Onderwysvernuwing omdat die kind voorberei moet word vir die toekoms.
Dit sal derhalwe die taak van die Bestuur van ons skool wees om 'n gebalanseerde
personeel-ontwikkelingsprogram in samewerking met ons personeel daar te stel wat sal
bestaan uit gestruktureerde aktiwiteite waardeur persoonlike en professionele groei van
onderwysers bevorder kan word sodat optimum onderrig-leer kan plaasvind.
3.8 PERSONEELBERAAD
3.8.1 Die Opvoedingsraad verwag dat elke akademiese personeellid die BCVO
personeelberaad sal bywoon. Persone wat dit nie bywoon nie, neem verlof.
3.8.2 Daar word vooraf seker gemaak of daar ‘n vakadviseur gaan wees of nie en die
program word verkry om te bepaal wat die inhoud gaan wees. Die program word
met die vakadviseur vooraf bespreek.
3.8.3 Die beraadgelde word deur die opvoedingsraad betaal. Indien ‘n personeellid
aandui dat hy/sy die beraad gaan bywoon en dit dan nie bywoon nie, word die
beraadgeld van die personeellid verhaal.
3.8.4 Die opvoedingsraad betaal die verblyf van ons personeel.
3.8.5 Reisgeld word betaal, maar daar moet 3 na 4 persone saamry indien moontlik.
11

C.V.O. SKOOL VIVO - SKOOLBELEID
HOOFSTUK 4
4. ADMINISTRATIEF-ORGANISATORIESE AANGELEENTHEDE:
4.1 SKOOLKALENDER:
Die BCVO voorsien alle C.V.O. skole reeds in die voorafgaande jaar van 'n
skoolkalender wat die datums van die begin en einde van die vier skoolkwartale van
die daaropvolgende jaar verstrek. As onafhanklike skool bestuur ons die skool
volgens ons eie behoeftes.
4.2 SKOOLTYE:
4.2.1 Die skooltye is dwarsdeur die jaar dieselfde, naamlik:
Gr 8 – Gr 12 – 7h25 tot 13h30
Gr 4 – Gr 7 - 07h25 tot 13h00
Gr 1 – Gr 3 - 07h25 tot 12h30
Die eerste agt skooldae aan die begin van in jaar kom die Gr 1 leerlinge
egter reeds om 12:00 uit.
Personeel meld reeds om 7h20 by die skool aan.
Pouses is soos volg:
Eerste pouse om 10:00 tot 10:15
Tweede pouse om 11:45 tot 12:00
Graad i en ii leerlinge kan egter volgens onderlinge reëlings deur leerkragte
die kleintjies op 'n tyd vroeër as eerste pouse van hulle toebroodjies laat
nuttig indien hulle sou bevind dat die skof tot om 10:00 'n bietjie lank vir die
kleintjies sou wees.
4.3 VERLOOP VAN DAAGLIKSE SKOOLDAG:
Elke Maandag en Dinsdag is daar ‘n saalbyeenkoms tydens die eerste periode vir die
Laerskool en die Hoërskool onderskeidelik. Alle betrokke personeel woon hierdie
byeenkoms by.
Elke ander skooldag begin met Bybelperiode vir Gr 1 – 4 en Gr. 5 tot 7 open met
skriflesing en gebed.
Vir die Hoërskool word dan tydens die eerste periode met skriflesing en gebed
geopen.
Elke skooldag word afgesluit met ‘n gebed deur die leerkrag of leerling(e). Die laaste
drie minute van die laaste periode word hiervoor aangewend.
Periodes verloop soos op die algemene skoolrooster aangedui.
4.4 AMPTELIKE HANDLEIDINGS:
Die Staat plaas die onderwys op 'n vaste juridiese grondslag aan die hand van die
volgende wetgewings: Wet op Nasionale Onderwysbeleid, 1967 (Wet 39 van 1967) Wet op
die Nasionale Beleid van Algemene Onderwyssake, 1984 (Wet 76 van 1984)
Onderwysordonnansie no 29 van 1953)
4.5 OMSENDBRIEWE VANAF BCVO:
Periodiek ontvang die skool belangrike omsendbriewe vanaf die BCVO.
Hierdie inligtingstukke word soos volg hanteer:
- Die kerninhoud van elke inligtingstuk sal kortliks deur die hoof aan die personeel
meegedeel word.
12

C.V.O. SKOOL VIVO - SKOOLBELEID
- Vervolgens sal die inligtingstuk by elke onderwyser sirkuleer vir paraaf teenoor
sy/haar betrokke pos.
- Die inligtingstuk sal daarna in 'n lêer in die kluis geliasseer word waar dit ter insae
van elke personeellid sal wees.
4.6 ADMINISTRATIEWE PERSONEEL:
Die administratiewe werk van die skool word deur die dames in die kantoor behartig.
Wanneer 'n personeellid tikwerk deur die kantoor wil laat doen, moet dit persoonlik
ingelewer word by die hoof 3 dae voor dit benodig word.
Die verantwoordelikheid vir die oorlees of proeflees van alle tikwerk ten opsigte van
korrektheid berus by die verantwoordelike onderwyser (bv. toetse/ eksmenvraestelle) ens.
As die onderwyser klaar die betrokke gedeelte deurgelees het, en die nodige veranderings
aangebring het, (indien nodig), parafeer hy/sy die betrokke tikwerk en dan eers sal die
tiksters die kopiëerwerk doen.
Onderwysers liasseer self alle tikwerk. Werk wat reeds getik is, sal onder geen
omstandighede weer getik word nie.
Geen pligte anders as deur die hoof en/of die OR opgedra, word aan die administratiewe
personeel opgedra nie.
Algemeen:
Die administratiewe kantoor is die werkplek van die administratiewe personeel. Hulle vorm
'n skakel tussen die hoof aan die eenkant en die professionele personeel, ouers en
leerlinge en die publiek aan die anderkant. Dit sou chaoties wees as opvoeders toegang tot
hierdie kantoor belet sou word, maar daar word 'n beroep gedoen om aandag aan die
volgende te gee:
NB: Dit is lastig as kinders kort-kort iets in die kantoor kom vra. Probeer hierdie
praktyk tot die minimum beperk.
4.7 SKOOLVOERTUIE: (Plaasbakkie)
Die skoolvoertuie word alleenlik met die toestemming van die OR gebruik.
‘n Logboek word in die voertuig gehou. Vul dit altyd in sodat die voertuig elke 10 000 km
gediens kan word.
Geen tarief word gehef wanneer leerlinge i.v.m. skoolaktiwiteite vervoer word nie.
Die voertuig moet altyd netjies gelaat word.
Rapporteer onmiddellik enige ongeluk; die bestuurder is self verantwoordelik vir boetes
a.g.v. spoed of parkering.
Met passasiers word nie vinniger as 120 km per uur gery nie.
Hanteer die voertuig soos wat u u eie voertuig sou hanteer.
4.8 KENNISGEWINGS:
Kennisgewings aan ouers word Vrydae uitgestuur en inligting moet die sekretaresse bereik
voor 10h00 van die Donderdag.
4.9 BEWARING EN VERNIETIGING VAN DOKUMENTE:
Dokumente wat lêers vol maak en opberging bemoeilik, wat slegs administratief van aard is
en ouer is as 2 jaar kan periodiek vernietig word. Die hoof, OR en skoolbestuur besluit
saam wat vernieting kan word.
Dokumente met onvoltooide sake kan nie vernietig word nie.
13

C.V.O. SKOOL VIVO - SKOOLBELEID
Dokumente van geskiedkundige waarde, byv. Ou skooljoernale, OR –notuleboeke ens. word
nie vernietig nie en onder regstreekse beheer van die hoof bewaar.
4.10 DUPLISERING:
- Duplisering van werk moet so ekonomies moontlik gedoen word. Fotostate moet op
albei kante van 'n papier gedoen word.
- Duplisering moet netjies en leesbaar wees.
- Fotostate wat gemaak word, moet aangeteken word.
- Begroot vir dupliseerwerk - ook vir vraestelle en toetse.
- Fotostate wat vir die publiek gemaak word vra ons R1,00 per vel.
- Wees versigtig. Op sekere werkskaarte is kopièreg voorbehou.
4.11 KANTOORURE:
Administratiewe personeel sal beskikbaar wees op weeksdae vanaf 7:25 tot 13:30.
4.12 EKSAMENROOSTER:
Elke eksamen (Junie en November) vind volgens ‘n rooster plaas.
Junie-eksamen:
Alle leerlinge (Hoër- en Laerskool) moet elke dag tot die laaste dag by die skool
wees.
November-eksamen:
Laerskool:
Alle leerlinge moet elke skooldag by die skool wees tot en met die laaste skooldag.
Eksamen word tot en met die laaste skooldag geskryf.
Hoërskool:
Graad 8 tot 10-leerlinge moet elke dag by die skool wees tot en met die laaste
skooldag. Dit geld nie vir leerlinge wat promoveer nie. Graad 11 en 12 leerlinge is
slegs by die skool die dae wat die leerling ‘n vak skryf. Leerlinge moet dan die volle
dag by die skool wees. Die ander dae studeer leerlinge tuis.
Promovering: (Sien 7.7)
14

C.V.O. SKOOL VIVO - SKOOLBELEID
5. VOORRAAD EN TOERUSTING:
5.1 BEHEER:
Die hoof is in direkte beheer.
HOOFSTUK 5
'n Voorraad- en uitrustingsbeampte word deur die hoof aangestel en hy is, tesame
met 'n paneel onderwysers aan wie die verskillende afdelings van die voorraad
toegewys is, verantwoordelik vir die behoorlike beheer van die voorraad en
toerusting.
Die onderwysers in beheer van voorraad hou 'n uitleenstaat by waarop voorraad wat
uitgeleen word, aangeteken word. Dan is die voorraad die verantwoordelikheid van
die onderwyser wat dit uitgeneem het.
Voorraad en toerusting word aan die einde van die jaar terugbesorg en ook wanneer
'n onderwyser gedurende die jaar sy pos ontruim.
Die hoof stel elke jaar persone in beheer van voorraadopnames aan.
5.2 INVENTARISSE:
'n Registerblad word vir die verskillende items in die betrokke voorraadlêer geliasseer
en bygehou deur die verantwoordelike onderwyser. Duplikaatstelle word in 'n aparte
lêer deur die administratiewe personeel bygehou.
5.3 VOORRAADOPNAME:
Gedurende September elke jaar word voorraadopname gedoen deur die
verantwoordelike onderwyser en die uitrustingsbeampte. Na afhandeling daarvan
word die vorm deur die verantwoordelike persoon voltooi.
- Elke personeellid verantwoordelik vir 'n bepaalde voorraadgroep is
verantwoordelik om die voorraad uit te stal. Twee ander persone deur die
hoof aangewys, vorm dan saam met bogenoemde persoon 'n raad van
voorraadopname. Tel die voorraad en voltooi die voorgeskrewe vorms.
(Vorms geinkorporeer).
Die hoof kontroleer en onderteken die vorms.
'n Vorm wat aantoon dat 'n behoorlike voorraad vir elke afdeling gedoen is, met wat
ontbreek en die redes daarvoor aangedui, word na OR gestuur.
Hierdie voorraadopname geskied elke jaar Septembermaand.
As u met verlof gaan en 'n ander persoon los af in u plek, vra vir 'n voorraadopname
voordat u vertrek en weer wanneer u terugkeer. Dit kan latere berou en ontsteltenis
voorkom.
Wanneer enige voorraad aan wie ookal (firma wat herstel) oorhandig word, laat die
persoon eers die vorm teken.
5.4 VERLIESE EN TEKORTE:
(OEFEN GEDURIG KONTROLE UIT OM DIT TE VERMY)
Wanneer verliese gely word, moet die verantwoordelike onderwyser dit onmiddellik
aan die hoof rapporteer.
Alle voorraad waarvan daar nie rekenskap gegee kan word nie, moet deur die
betrokke onderwyser vervang word.
15

C.V.O. SKOOL VIVO - SKOOLBELEID
Indien leerlinge boeke wat aan hulle uitgereik is, nie terugbesorg nie, moet hulle sodanige
boeke vervang of die vervangingswaarde in kontant betaal. 'n Kwitansie word aan die
leerling deur die kantoor uitgereik. Teken die kwitansienommer op die boeklys aan.
5.5 INBRAKE EN DIEFSTAL:
Verliese wat gely word as gevolg van inbrake en diefstal, moet sonder versuim deur die
verantwoordelike onderwyser by die hoof gerapporteer word en die nodige vorm voltooi
word.
5.6 AFSKRYF VAN VOORRAAD:
Voorraad en uitrusting kan slegs afgeskryf word wanneer dit nie ekonomies herstel kan
word nie en ongeskik is vir verdere gebruik.
5.7 BESTEL EN AANKOOP VAN NUWE VOORRAAD:
5.7.1 Buitengewone voorraad:
klaskamermeubels
musiekinstrumente
oudiovisuele apparaat
sommige sport apparate
Daar word begroot vir hierdie voorraad voor 31 Augustus van elke jaar. Word
dit goedgekeur, kan dit bestel word.
Die nodige goedkeuring moet van die Opvoedingsraad verkry word.
5.8 MERK VAN VOORRAAD:
Alle voorraad moet duidelik gemerk word.
Die merk van voorraad is die verantwoordelikheid van die persoon in beheer daarvan.
5.9 VERBRUIKBARE VOORRAAD:
Items wat nie vir herverbruik bedoel is nie, word nie as voorraad opgeskryf nie en
voorraadtelling hoef nie gedoen te word nie.
Hierdie voorraad moet egter baie spaarsaam gebruik word en dit moet ook by leerlinge
tuisgebring word.
5.10 KLASKAMERMEUBELS:
(TOERUSTING)
5.10.1 ‘n Voorraadstaat VI moet in elke lokaal wees en dit moet ooreenstem met die
voorraadstaat van die persoon in beheer daarvan. Veranderings moet op
albei state aangebring word.
Dit is die verantwoordelikheid van elke onderwyser om toe te sien dat die
meubels in sy klaskamer deeglik versorg word. Stukkende meubels moet
onder die aandag gebring word van die onderwyser in beheer.
Meubelinventaris: V2 word aan die begin van die jaar voltooi vir alle meubels
wat aan u uitgereik word. Hierdie staat moet gedurende die jaar bygehou word.
Toesig oor eiendom:
(Verantwoordelikheid)
Elke personeellid is direk verantwoordelik vir toerusting/voorraad wat aan
hom/haar uitgereik word. Die OR is streng hieromtrent en toerusting (dit sluit
ook handboeke in) wat as nie-verbruikbaar geklassifiseer word waarvoor 'n
personeellid nie verantwoording kan doen nie, moet van die betrokke
personeellid verhaal word. Hou dus streng toesig hieroor.
16

C.V.O. SKOOL VIVO - SKOOLBELEID
Elke persoon teken elke jaar waar hy verantwoordelik is vir 'n bepaalde
voorraadgroep.
Hierdie vorm word in die Voorraadlêer in die kluis bewaar.
5.11 REKENAARS:
Die rekenaars word op register in die rekenaarsentrum gehou. Die goeie versorging van
sodanige rekenaars is die verantwoordelikheid van die rekenaartik-onderwyser. Alle
rekenaars is onder beheer van die rekenaartik-personeellid. Alle rekenaars vir
administratiewe gebruik is ook op register en in die administratiewe kantore.
5.12 SLEUTELS:
Elke onderwyser ontvang by posaanvaarding 'n volledige stel sleutels vir sy/haar klas. 'n
Duplikaatsleutel word in die kluis gehou. Wanneer sleutels verloor, moet onderwysers dit
op eie koste vervang.
Elke onderwyser/es teken in die sleutelregister vir die sleutel wat hy/sy ontvang.
Vir arbeiders geld dieselfde reël.
Sleutels wat in die kombuis hang word deur arbeiders gebruik om oop te sluit wanneer
hulle die lokale skoonmaak. Die sleutels moet, nadat skoongemaak is, teruggeplaas word
en 4uur moet die kombuis gesluit word deur die verantwoordelike arbeider en die sleutel
van die kombuis in die personeelkamer geplaas word.
5.13 RUITE:
Die ruite van elke klaskamer is die verantwoordelikheid van die betrokke personeellid en die
persoon verantwoordelik vir ‘n stukkende ruit moet dit vervang.
17

C.V.O. SKOOL VIVO - SKOOLBELEID
6. ONDERRIGAANGELEENTHEDE:
HOOFSTUK 6
6.1 VAKDIDAKTIESE AANGELEENTHEDE:
6.1.1 Vakbeleide:
'n Vakbeleid, waar van toepassing, is rigtinggewend ten opsigte van die
onderrig en die organisasie van elke vak in die skool.
Die vakbeleid is ter insae in die vaklêer van elke betrokke vak en moet
deeglik bestudeer word.
Aspekte van die vakbeleid sal tydens vakvergaderings behandel word, maar
veral deeglik tydens die eerste vakvergadering aan die begin van die jaar.
Die vakbeleid is in die eerste plek die verantwoordelikheid van die
vakonderwyser - dit word opgestel en met die hoof bespreek waarna hy dit
sal goedkeur.
U moet besef dat 'n vakbeleid 'n werksdokument is. Daar word gedurig
wysigings aan Sillabusse aangebring en moet die vakbeleid dan ook
aangepas of hernu word.
Vakbeleide van 'n ander skool is nie noodwendig implementeerbaar in ons
skool nie en gevolglik niks werd nie.
Maak gedurig 'n studie van u vakbeleid en kontroleer of u daarvolgens werk.
Die hoof kontroleer ook die gebruik daarvan gedurende klasbesoeke.
'n Vakbeleid kan beknop wees maar moet al die komponente bevat.
6.1.2 Studiegidse, kursuslesings, inligtingstukke ens.:
Studiegidse word in die studiegidslêer geplaas wat in die naslaankas gehou
word.
Die hoof reël dat 'n opsomming van al die studiegidse gemaak word en dit
voor in die vaklêer geplaas word. Indien daar 'n nuwe studiegids bykom,
bring die aangewese persoon die opsomming op datum.
Die opsomming word ook in die vaklêer geplaas sodat die vakonderwyser
bewus is van alles in die studiegids om dit te gebruik met voorbereiding.
Wanneer 'n studiegids getrek word, geskied dit volgens die
mediavoorwaardes sodat 'n tweede personeellid weet waar om dit te vind.
Wanneer ‘n studiegids deur die skool ontvang word, reël die betrokke
adjunkhoof in samewerking met die departementshoof vakvergaderings,
benoem ‘n persoon of bespreek dit self.
Dieselfde prosedure word gevolg met inligtingstukke.
Studiegidse moet periodiek tydens vakvergaderings aandag geniet.
6.1.3 Vakvergaderings:
Geskied ten minste een keer per kwartaal per vak.
Datums van vakvergaderings word op die skoolkwartaal aangedui.
18

C.V.O. SKOOL VIVO - SKOOLBELEID
6.1.4 Vaklêer:
Die adjunkhoof in samewerking met die departementshoof stel elke jaar 'n
lys van besprekings-onderwerpe saam en lê dit aan die hoof voor.
‘n Sakelys moet 'n week voor die datum van vergadering aan elke
vakonderwyser voorsien word.
Rig uitnodigings aan die hoof en ander betrokke personeel.
Die inhoud van die vergaderings moet sover moontlik vakdidakties en
vakinhoudelik van aard wees.
Gee ook aandag aan:
• Studiegidse
• Artikels uit tydskrifte
• Wenke tydens professionele besoek
• Opvolg van werksverslae
• Organisatoriese sake (egter minimaal)
• Vernuwing is baie belangrik, ‘n Notule van elke vakvergadering moet
gehou word. Let veral op die volgende:
• Volledige opskrif met datum
• Meld voorsitter
• Presensielys met poste beklee
• Goedkeuring van vorige notule
• Sake uit vorige notule
• Besluite wat tydens vorige vergadering geneem is word
gekontroleer
• Omskryf besluite volledig
• Waak teen telegramstyl
• Notule moet geteken word deur voorsitter, sekretaris en die
hoof
• Die verloop van die vergadering moet dus duidelik vergestalt
word in die notule, m.a.w. daar moet aandag gegee word aan
korrekte vergadering-prosedures.
Tydens die eerste vergadering van die jaar moet die volgende aspekte
aandag geniet:
• Uitstalling van apparaat
• Boeke in mediasentrum
• Transparante, prente, Skyfies, video’s ens.
• Volledige vakbeleide
Let wel: Alle besluite is onderhewig aan goedkeuring deur die hoof.
Bywoning is verpligtend ten opsigte van elke onderwyser wat die betrokke vak
onderrig.
Elke onderwyser moet geleentheid kry tot deelname. Vakvergaderings is
beslis nie 'n eenrigting-gesprek nie. Volg moderne tegnieke.
Elke vakonderwyser MOET oor die betrokke vaklêer/s beskik wat altyd by die
skool moet wees en op aanvraag beskikbaar is.
19

C.V.O. SKOOL VIVO - SKOOLBELEID
Vermy 'n onnodige dik lêer. Die ideaal is so dun moontlik. Haal ou dokumente
uit.
Die vaklêer moet duidelik ge-etiketeer wees.
Lesbeplanning word ook afsonderlik gedoen.
(Vergelyk Paragraaf 6.1.7)
In elke vaklêer moet wees:
• Inhoudsopgawe
• Kontrolevorm deur die hoof en Adjunkhoofde. Voltooi die vorm t.o.v.
u persoonlike besonderhede, vak, standerd ens. Hierdie vorm mag
nie uit die leer verwyder word nie.
• Die betrokke vaksillabus
• Vakbeleid
• Jaarplan, verslag en werkskema (vorm ‘n eenheid) - vergelyk
paragraaf 6.1.6
• Notules van vakvergaderings
‘n lys met aanduidinge van:
- Studiegidse: Slegs die titels en inhouds-opgawe is nodig,
maar dui aan waar studiegidse beskikbaar is. (Vergelyk
par 6.1.2)
- Relevante kursuslesings
- Verwysings- of naslaanboeke in mediasentrum
- Boeke in die biblioteek
- Apparaat en hoeveelheid
- Transparante, films, Prente, videos, Skyfies ensovoorts.
Alles wat met media te doen het, kan dus op een lys kom.
6.1.5 Sillabus:
- In die hoof se kantoor is 'n volledige stel sillabusse.
- Sillabusse word deur die skool aangekoop. Indien onvoldoende - u moet
asseblief daarvoor teken en dit bly die eiendom van die skool.
- Elke vaklêer moet van 'n sillabus voorsien wees asook die meesterlêer.
- U moet kennis dra van die sillabus voor die graad vir wie u onderrig gee
asook vir die graad daarna.
- Onthou asseblief dat die sillabus 'n werksdokument is en hanteer dit so,
byvoorbeeld aantekeninge ens.
- Sorg altyd dat u in besit is van die nuutste sillabus - Sodra nuwes
beskikbaar gestel word, sal die hoof u in kennis stel.
6.1.6 Meesterlêer:
Elke Departementshoof moet toesien dat 'n meesterlêer ten opsigte van die vak(ke)
waarvoor hy/sy verantwoordelik is, bygehou word.
Hierdie lêer moet VOLLEDIG wees ten opsigte van ALLE dokumentasie.
Hierdie meesterlêer moet te alle tye IN BESIT VAN DIE BETROKKE
Adjunkhoof/departementshoof wees, en MAG NIE uit die betrokke klaskamer
verwyder word nie.
Boekkontrole- en klasbesoek-verslae kom egter ook nie in hierdie lêer nie.
6.1.7 Jaarplan, verslag en werkskema:
Hierdie dokument moet as 'n eenheid gesien word, en moet bymekaar gehou of
geliasseer word.
Ten opsigte van die jaarplan en verslag word die beplande voltooiing in potlood aan
die BEGIN van die jaar vir die hele jaar voltooi. Gebruik VRYDAG as gerieflike
datum. Laaste datum moet wees plus-minus einde Oktober of begin November.
20

C.V.O. SKOOL VIVO - SKOOLBELEID
Daar moet genoeg tyd vir hersiening wees. Hierdie beplande datum word uitgevee
aan die einde van die jaar en die volgende jaar word van vooraf beplan.
Die werklike voltooiingsdatum is die DAG waarop die eenheid WERKLIK voltooi is.
Vergelyk dus u tempo van vordering voortdurend met u voorlopige beplande
voltooiing.
Verslag:
a) Hierdie verskil ook van vak tot vak – die hoofsaak is dat dit op datum moet
wees.
b) Sodanig wees dat 'n plaasvervanger bv. dadelik sal weet wat u doen, waar
u is, watter werk afgehandel is.
c) Sien die verskillende verslagvorms. Dit word gedurende die eerste
vakvergadering bespreek.
Werk wat in die klaskamer gedoen word, moet OOREENSTEM MET DIE SKEMA
en NIE met die handboek nie.
Dit is nodig om ook kennis te dra van die vorige en daaropvolgende standerds se
sillabus ten einde u vertrekpunt te bepaal, maar ook om u leerlinge GEREED te
maak vir die EISE van die daaropvolgende standerd.
6.1.8 Werkskema:
a) Die werkskema is 'n uitbreiding van die sillabus.
b) Die volgorde soos in die Sillabus moet behoue bly behalwe in vakke soos
byvoorbeeld biologie - beskikbaarheid van plante of soorte insekte ens.
c) Die werkskema kan voorsiening maak vir verslag om verslaghouding te
vergemaklik bv. Opvoedkundige Leiding.
d) Die vorm van die werkskema kan wissel - Sien hier die verskillende
vakbeleide bv. Wiskunde t.o.v. Afrikaans ens.
6.1.9 Lesbeplanning:
- Vergelyk die betrokke vakbeleide
- Lesbeplanning is nie 'n verslag nie
- Dit moet funksioneel wees
- Daar moet 'n duidelike ooreenkoms wees tussen die lesbeplanning en die
lesverloop
- Voorbereiding: (bv. die gereedkry van apparaat, e.d.m.) is nog altyd
noodsaaklik. BEPLAN om te kan voorberei.
- Beplanning dui op 'n plan (roete) deur elke les.
- Elke onderwyser moet goed voorbereid klastoe kom. Dit sal baie spanning
en frustrasie verwyder en arbeidsvreugde verskaf. Wanneer u voorbereiding
doen, ontwerp 'n onderrigbeplan-ningsvorm en gee aandag aan die
volgende:
- met elke les moet u 'n lesdoelwit hê
- Hoe gaan u die doelwit bereik? Wat gaan u doen, sê ens?
- Wat gaan die leerlinge doen? (Leerlingaktiwiteite)
- Watter onderwyshulpmiddels gaan u gebruik om u doelwit makliker
te bereik
- Hoe gaan u aansluit by die vorige les? (Voorkennis)
- Hoe gaan u evalueer of u u doelwit bereik het?
- Hoe gaan u die swakker leerlinge help? (R.O.)
- Hoe gaan u differensiëer? (Verryking)
- Maak voorsiening vir klas- en huiswerk. Sien tydsduur vir huiswerk).
Die onderrigbeplanningsvorm verskil van vak tot vak.
21

C.V.O. SKOOL VIVO - SKOOLBELEID
6.1.10 Persoonlike lêer:
Elke onderwyser moet beskik oor 'n persoonlike lêer wat onder andere die volgende
bevat:
- klasbesoekverslae
- werksverslae
- ander persoonlike dokumentasie, ens.
6.2 DIFFERENSIASIE EN INDIVIDUALISERING:
6.2.1 Die beginsel van individualisering:
Elke leerling is 'n unieke individu met sy eie agtergrond, belangstelling, vermoëns
en besperkings en vra om erkenning en aanvaarding van en begeleiding in sy
andersheid. Dit stel die eis van differensiasie en individualisering aan elke
onderwyser ten einde elke leerling se eie en unieke leervermoë optimaal te
verwesenlik. Die klem in ons onderrig moet dus val op doelgerigte bemoeienis
met die kind. Ken die kind, ken sy vermoëns, besin en beplan dienooreenkomstig.
Optimum differensiasie is om by elke leerling as individu uit te kom.
6.2.2 Differensiasie en verryking tydens lesaanbieding en toepassing:
Dit is belangrik dat elke onderwyser die volgende in gedagte sal hou:
- Die drie belangrikste komponente van differensiasie is:
Versnelling;
Verryking;
Hulpverlening.
Vergelyk die wiskunde vakbeleid:
- Eerste vlak verryking is verrykte werk wat verband hou met die
lesonderwerp.
- Tweede vlak verryking is verrykte werk wat nie noodwendig verband hou
met die lesonderwerp nie.
- Groepwerk kan 'n onderdeel van differensiasie uitmaak, maar is op
sigself nie differensiasie nie.
- Ware verryking is kwalitatief van aard, stimuleer kritiese denke en
verbreed die ontmoetingsfront van die leerling met die omringende
wêreld.
Die volgende moontlikhede kan doeltreffende differensiasie bevorder:
- Die aanpassing van onderrigtegnieke en metodes vir bepaalde
bekwaamheidsgroepe.
- Verskillende leereise aan die bo-gemiddelde, gemiddelde en ondergemiddelde
leerlinge.
- 'n Stelsel van gedifferensiëerde werkprogramme, leseenhede of
werkopdragte wat vir beide die stadige en vinnige leerling voorsiening
maak.
- Gedifferensiëerde tuiswerkopdragte om in elke bekwaamheidsgroep se
leerbehoeftes te voorsien.
- Gedifferensiëerde eise ten opsigte van die omvang en gehalte van leertake.
6.2.3 Remediëring en ander vorms van korrektiewe onderwys:
Vergelyk Skoolbeleid hoofstuk 2 paragraaf 2.1(j).
- Sinvolle opvolging moet geskied van alle nagesiene werk, veral
toetsvraestelle.
- Skrif, lettervorming, syfervorming en netheid moet deurlopend aandag
geniet in die laerskool.
- Leerlingskrifte moet getuig van vordering t.o.v. bogenoemde aspekte.
- Swakker leerlinge moet meer nasorg en remediëring doen as gemiddelde
en bogemiddelde leerlinge in die laerskool.
22

C.V.O. SKOOL VIVO - SKOOLBELEID
6.3 HULPMIDDELS EN HULPGELEENTHEDE TOT BESKIKKING VAN DIE
ONDERWYSER:
6.3.1 Lys van apparatuur en programmatuur:
Raadpleeg afsonderlike vaklêers vir 'n volledige lys van apparatuur.
6.3.2 Benutting van die mediasentrum:
Raadpleeg vakbeleide en mediasentrum-beleidstuk.
6.3.3 Benutting van die Media Sentrum:
Raadpleeg Me. Cathleen Breytenbach, media-onderwyseres, vir alle
besonderhede oor die benutting van die Biblioteek..
Die biblioteek verleen hulp ten opsigte van:
- video-opnames
- dupliseer van kasette
- laminering (bv. Plakkate)
6.3.4 Opvoedkundige toere en uitstappies:
Alle aansoeke om uitstappies geskied via die hoof na die Opvoedings-raad.
‘n Verslag word gelewer na elke toer deur die personeellid wat betrokke was.
Geen kinders mag hulle hare kleur tydens/voor uitstappies en dieselfde
dissipline as by die skool geld vir leerlinge tydens uitstappies.
6.3.5 Indiensopleidingskursusse: Bywoning en terugrapportering:
6.4 EVALUERING
Die hoof sal aandui welke personeellid/lede 'n betrokke indiensopleidingskursus
moet bywoon.
Alle kursuslesings bly die eiendom van die skool. Die betrokke
Adjunkhoof/Departementshoof moet onverwyld toesien dat sodanige lesings in
die MEESTERLêER geliasseer word. Kopieë kan met toestemming van die hoof
gemaak word.
6.4.1 Deurlopende evaluering
'n Deurlopende evalueringsrekord, wat die basis vorm van in leerling se
vordering in elke vak asook na die volgende standerd, moet bygehou word. Dit
geld vir grade 1 tot 12.
Sodanige evalueringsrekord word saamgestel uit:
- die evaluering van gereelde selfstandige skriftelike oefeninge en
werkopdragte wat ingeskakel word as toepassing van verworwe kennis
en vaardighede.
- Die evaluering van die kind se deelname aan die lesverloop soos dit
blyk uit vrae wat hy stel, antwoorde wat hy verskaf, belangstelling wat
hy toon, sy pligsgetrouheid, gereelde werk, noukeurigheid, ensovoorts.
- formele toetse
23

C.V.O. SKOOL VIVO - SKOOLBELEID
- Toetsroosters word deur die hoof opgestel aan die begin van elke
kwartaal en aan elke onderwyser en leerling gegee.
- Die vraestel en memorandum word een week voor die vak geskryf word
aan die betrokke Adjunkhoof oorhandig, wat dit kontroleer en aan die
hoof oorhandig.
- Die hoof gee dit aan die tikster. Sodra sy klaar is daarmee herlees die
opsteller die vraestel en as alles korrek is, oorhandig hy dit aan die
tikster terug.
- Nadat die antwoordstelle nagesien is kontroleer die Adjunkhoof in
samewerking met die departementshoof dit, skryf 'n verslag en
oorhandig dit aan die hoof.
- Die antwoordstelle en memorandums word bewaar vir twee jaar.
- Junie/Julie en aan die einde van die jaar word, behalwe formele toetse, 'n
volwaardige eksamen geskryf.
- Die finale evalueringspunt wat deur die jaar opgebou word, behoort 'n
betroubare aanduiding te wees van die leerling se vlak van gereedheid vir
die verhoogde leereise van die volgende standerd.
- Die onderwyser moet dus toesien dat die evalueringsrekord:
x netjies is
x duidelik verstaanbaar is
x maklik hanteerbaar is
x en dat elke kwartaal se punte met 'n persentasiepunt afgesluit word.
x en dat alle noodsaaklike komponente geëvalueer word
x en dat kontinue (deurlopende) evaluering plaasvind.
- Raadpleeg ook elke vak se vakbeleid vir alle besonderhede ten opsigte
van die betrokke vak se evaluering.
6.4.2 Eksamen/Toetse:
Indien formele eksamen afgeneem word, maak die persentasie daarin nie meer
as 20% vir Gr4; 30% vir Gr 5; 40% vir Gr 6 en 50% vir Gr 7 van die finale
bevorderingspunt uit nie.
Die hoof voorsien elke leerkrag aan die begin van die kwartaal van 'n rooster
wat die datums van formele toetse vir elke vak en standerd aandui.
Die volgende moet bo-aan elke vraestel verskyn:
- naam van die skool
- naam van vak
- datum
- naam van opsteller - persoon wat dit modereer
- groottotaal punte
- aantal bladsye wat vraestel beslaan
- tydsduur
Verder moet:
- alle instruksies/opdragte duidelik wees
- al die werk van die sillabus tot op datum behandel gedek word
- daar progressie in die vraestel wees, m.a.w. van maklik na moeilik
- vir die laerskool moet alle vrae beantwoord aan dit wat u wil TOETS.
70% van die vraestel bestaan uit basiese werk, 20% toepassingsvrae
en 10% insigvrae
- vir die Hoërskool 60% kennis en 40% insig getoets.
24

C.V.O. SKOOL VIVO - SKOOLBELEID
- puntetoekenning (gewig) in ooreenstemming met die tyd bestee aan die
betrokke werk, en die moeilikheidsgraad van die werk
- 'n verskeidenheid van begrippe getoets word
- daar SINVOLLE OPVOLGING van alle toetsvraestelle geskied.
- moderering van antwoordstelle is 'n baie belangrike taak van die
adjunkhoof. Daar moet toegesien word dat nasienwerk duidelik
ooreenstem met punte uiteensetting op die memorandum, en ook dat
die punteverspreiding realisties is. Neem 3 tot 5 antwoordstelle en
kontroleer hulle deeglik.
6.4.3 Bevorderingsvereistes:
(Raadpleeg afsonderlike inligtingstuk oor bevorderingsvereistes)
6.4.4 Puntestate en bevorderingstate:
'n Rekord van alle punte deur 'n leerling behaal word gehou. 'n individuele
puntestaat ten opsigte van elke leerling word ook bygehou in die puntestaatlêer.
Die bevorderingstate word voltooi volgens die voorskrifte vervat in die
eindeksamen-handleiding wat aan die einde van die jaar aan elke personeellid
voorsien word.
6.4.5 Vorderingsverslae (rapporte):
Vorderingsverslae (rapporte) word vier keer per jaar aan ouers oorhandig.
Ouers word vroegtydig deur die jaar ingelig oor die moontlike
grensgevalle/druipelinge. Aan die einde van die tweede kwartaal word ouers
skriftelik verwittig van leerlinge wat aan die einde van die jaar moontlik nie aan
die bevorderingsvereistes sal voldoen nie. Die hoof moet hierdie aspek
kontroleer.
Die ouers moet die skrywes onderteken en aan die skool terugstuur of verkieslik
terugbring wanneer hulle met die hoof 'n onderhoud voer. Daar word 'n afskrif
van hierdie skrywe in die leerling se vooglêer geplaas aangesien sommige
ouers nie reageer nie.
Ons maak gebruik van rekenaars-evalueringsverslae:
a) Simbole en punte - amptelike beleid slegs simbole - skool - voorsien
die ouers ook van punte uitgedruk as 'n persentasie.
b) Hierdie is al amptelike dokument aan die ouers en 'n spieëlbeeld van
u werk. Kontroleer asseblief.
c) Die hoof vra dit aan vir ondertekening.
d) Voltooi die datum vir die aanvang van die skool kwartale.
e) Voltooi die kolom aantal dae afwesig vanaf die register.
f) Opmerkings:
Wees positief en wees versigtig om uself nie te komprommiteer nie.
Moenie as die kind net 2's en 1's het sê die kind vorder goed nie. So
'n kind vorder redelik of gemiddeld. Die term "goed" geld meer vir 3's
en "baie goed" of "uitstekend" vir 4's en 'n hele aantal 5's.
g) Die stellings soos voorafgaande geld ook vir die Senior Primêre Fase
en Graad 7.
i) Indien 'n leerling so swak doen dat hy/sy gevaar loop om te druip,
gebruik asseblief die opmerkingskolom om die ouers se aandag
daarop vestig.
25

C.V.O. SKOOL VIVO - SKOOLBELEID
6.5 KONTROLE, VOORLIGTING EN LEIDINGGEWING:
6.5.1 Doel:
a) om leiding en wenke te gee sodat die onderwysstandaard bevorder kan word.
b) Om 'n onderwyser/es te ondersteun en te motiveer.
c) Om in samewerking tekortkominge te probeer uitskakel. (Personeelontwikkeling).
d) Om te kontroleer of werk volgens die skoolbeleid en vakbeleide gedoen word.
e) Daar sal tydens klasbesoek veral gelet word op die volgende:
* Dissipline en klasbeheer:
Ferm maar billik
Goeie kontrole oor al die leerlinge
Wedersydse agting
Ontspanne atmosfeer en goeie kommunikasie
* Vakatmosfeer:
Funksioneel, sinvol, smaakvol
Regte stemming vir vak geskep sodat onderrig en gesindheid bevorder kan
word.
* Inskerping van belangrikste/noodsaaklike feite en beginsels en
vaardighede:
Sinvolle drilwerk, verskillende wyses van verduideliking
Voldoende oefening ter toepassing van dit wat vasgelê
moet word.
* Evaluering en remediëring:
Kry leerlinge wat probleme ondervind
* Lesbeplanning en lesgereedheid:
Vergelyk Skoolbeleid hoofstuk 6 paragraaf 6.17
Lesbeplanning moet op tafel byderhand wees.
* Aanbieding van les:
Inleiding en aansluiting by vorige leesstof
Stem- en taalgebruik;
Interessante/opbouende aanbieding
Logiese lesverloop
Beheersing van leerstof
Effektiewe aanwending van hulpmiddels
* Leerlingbetrokkenheid:
Word leerlinge effektief en sinvol betrek
Word aandag aan individuele leerlinge gegee
Word passiewe leerlinge raakgesien en effektief betrek
* Differensiasie:
Is dit waarneembaar gedurende lesverloop
Maak dit voorsiening vir hulpverlening sowel as verryking
Is daar effektiewe gedifferensiderde opdragkaarte leeskaarte ens.
Word swakker leerlinge met empatie beheer?
• Simpatieke en effektiewe hulp
• Is deurlopende-evaluering ingebou in die lespatroon
26

C.V.O. SKOOL VIVO - SKOOLBELEID
Toepassing:
Is dit sinvol bv. gedifferensiëerde opdragkaarte
Is dit in ooreenstemming met die vakbeleid
Word daar kwalitatief gedifferensiëer
Klaskamerorganisasie:
Is meubelrangskikking funksioneel en effektief
Vertoon klaslokaal netjies en gesellig
Standaard van Onderrig:
Geheel-indruk
6.5.2 Werkverslae deur Adjunkhoofde - hoof:
Werkverslae moet gereeld, maar ten minste een keer per kwartaal deur die
adjunkhoofde en/of die hoof gedoen word.
Prosedure:
Aan die begin van elke kwartaal stel die Hoof en Adjunkhoofde 'n rooster op wat
aandui op watter datums die vaklêers en skrifte ingeneem gaan word. Elke
betrokkene kry 'n afskrif.
Stel 'n frekwensietabel op om met een oogopslag te sien in watter vakke en grade
daar reeds kontrole plaasgevind het en waar meer kontrole nodig is.
Die hele stel word gekontroleer of 'n gedeelte daarvan. Maak van 'n klaslys
gebruik en dui daarop aan watter leerlinge se skrifte ingeneem is en neem die
volgende keer die ander skrifte in.
Die adjunkhoofde dui in die skrifte aan dat dit gekontroleer is en skryf die
werkverslag en stuur die gekontroleerde lêers en skrifte na die betrokke
departementshoofde, wie dit deurgaan en verdere aanbevelings en bevindings
kan byvoeg.
Plaas dit in die vaklêer.
Die adjunkhoof en hoof teken ook die kontrole vorm V3 voor in die vaklêer.
Daar moet deurgaans aandag gegee word aan vernuwing.
Ten opsigte van skrifte word daar in besonder na die volgende gekyk:
* Uiterlike voorkoms
* Algemene indruk van boeke se inhoud
* Netheid en syfer- en lettervorming in die besonder (Laerskool)
* Uiteensetting en ruimtebenutting
* Dekking van die sillabus en volgorde van die werk volgens jaarskema
* Hoeveelheid skriftelike werk volgens tydsbesteding (jaarplan) standaard
van werk in die algemeen is sketse, kaarte korrek en word daar aandag
gegee aan byskrifte ens.
* Standaard van die skrander leerling se werk teenoor die van die
gemiddelde en ondergemiddelde leerlinge
* Verrykingswerk by skrander leerlinge:
Gehalte (moeilikheidsgraad)
Hoeveelheid
* Word die werk gereeld nagesien en gekontroleer
* Is alle werk gemerk (hetsy deur leerling of Onderwyser)
* Word daar hulp verleen aan die swakker leerlinge in hulle boeke
* Word sinvolle opmerkings geskryf na kontrole
* Kry netheid en skrif sodanige aandag sodat vordering waarneembaar is
(Laerskool)
* Kan daar afgelei word dat die onderwyser gereeld in die teenwoordigheid
van die leerling nagesien het
27

C.V.O. SKOOL VIVO - SKOOLBELEID
Onderskei die leerkrag duidelik tussen kontrole en intensiewe nasien
Werkverslae moet o.a. voorsiening maak vir:
Bevindinge wat waarderend, maar ook opbouend
krities kan wees ten opsigte van swakhede en
tekortkominge
Aanbevelings en wenke met die oog op verbetering van die onderrig
asook leerlingprestasies
6.5.3 Kontrolevorm voor in die vaklêer V3:
Hierdie vorm word ook gebruik wanneer werkverslae opgestel word.
Die doel met hierdie kontrole is om te kyk of die volgende stukke aangebring is:
a) Inhoudsopgawe
b) Sillabus
c) Vakbeleid
d) Jaar- en termynprogram
e) Werkskema
f) Onderrigbeplanning
g) Verslagvorm of ander
Om te bepaal of die werkskemas, vakbeleide, onderrigbeplanningvorms,
sillabusse gedurig aangepas word en as werksdokumente gebruik word.
Of die vak ooreenkomstig die departementele voorskrifte en vakbeleid aangebied
word
Om te bepaal of die verslag op datum is en sodanig is dat 'n plaasvervanger
dadelik sal weet waarom te begin in byvoorbeeld die geval van siekte ens.
Vir bogenoemde doel moet 'n kontrolevorm voor in elke lêer aangebring word:
a) Die hoof teken en voltooi hierdie vorm gedurende klasbesoek.
b) Wanneer hy die skrifte inneem of die lêers aanvra vir kontrole.
c) Met 'n volgende opvraging word verwag dat daar aandag gegee sal wees
aan die wenke en aanbevelings en dat foutiewe aspekte reggestel sal wees.
d) Gedurende die begin van die jaar word onderwysers/esse drie weke gegee
om hierdie lêer op standaard te kry.
e) Hierdie lêers sal in die toekoms die eiendom van die skool bly en 'n
vertrekkende persooneellid mag fotostate op eie koste daarvan maak vir
homself.
f) Genoemde lêers word aan die einde van die jaar ingeneem deur die
betrokke Adjunkhoof en gekontroleer vir volledigheid.
Genoemde vorm word geinkorporeer. Hierdie verslag mag nie verwyder word
deur 'n volgende onderwyser nie. Die nuwe persoon kan verbeter op die lêer en
dit sal deur die hoof aangeteken word op 'n nuwe vorm met die nuwe persoon
se gegewens.
6.6 ALGEMENE DIDAKTIESE AANGELEENTHEDE:
Die volgende aspekte verdien deeglike aandag:
a) Slegs werk wat reeds deeglik in die klaskamer onderrig en geleer is, word vir
verdere inoefening en vaslegging as huiswerk gegee.
b) Verrykingsopdragte moet sover moontlik vir begaafde leerlinge gegee word.
c) Huiswerk moet gereeld nagesien en/of gekontroleer word.
d) Huiswerkopdragte word NOOIT as 'n strafmaatreël gegee nie.
Verdere toeligting: Aard van huiswerk en straf vir versuim om opdrag uit te voer:
a) Huiswerk moet nie te moeilik wees nie. Werk wat nog nie in die klas bekend gestel
is nie, moet nie as huiswerk gegee word nie. Huiswerk is 'n verlengstuk van wat
28

C.V.O. SKOOL VIVO - SKOOLBELEID
reeds in die klas gedoen is. Dit is voortspruitend uit klaswerk en dien as 'n
inoefening of inskerping van die vaardighede wat reeds in die klas bemeester is.
b) As die aard van huiswerk (skriftelik of mondeling) ooreenstem met soos hierbo
geskryf, sal weinig probleme ondervind word met leerlinge wat versuim om die
huiswerkopdrag uit te voer.
6.6.1 Kontrole en nasien van leerlinge se skrifte:
a) Inleiding:
Dit is noodsaaklik dat die skriftelike werk van die leerling nagesien en
gekontroleer word. Dit het ten doel om die leerlinge te verseker dat hulle
ken en kan. Dit hou die onderwyser ook op hoogte van die gebreke en
probleme wat die leerlinge mag ondervind.
b) Merk van skriftelike werk:
Die merk van skriftelike werk behels die aanduiding dat die antwoord reg
of verkeerd is. Hierdie taak kan ewe goed deur die leerlinge self gedoen
word, veral as dit onder toesig van die onderwyser geskied. Die leerling
kan, waar dit moontlik en nodig is, die korrekte antwoord in potlood
byskryf met die oog op latere hersiening. Die onderwyser wat bloot
regmerkies en kruisies maak word niks wyser nie en die leerlinge baat nie
veel nie. Die merk van skriftelike werk kan daarom ook deur die leerlinge
gedoen word.
c) Kontrole van werk:
Wanneer 'n onderwyser 'n leerling se skriftelike werk kontroleer, word
hoofsaaklik op vier aspekte gekonsentreer:
* is die werkopdrag bevredigend uitgevoer
* is die werk netjies gedoen
* hoeveel sukses het die leerling met die opdrag gehad
* is daar opsigtelike foute
Indien die onderwyser sinvol nagesien het (kyk paragraaf.6.6.2(d), dra hy
reeds kennis van die eerste twee aspekte. As die werk reeds gemerk is
(deur die leerling), is dit vir die onderwyser met een oogopslag duidelik
hoeveel sukses die leerling gehad het. Indien die mate van sukses
bevredigend is, kan 'n gepaste opmerking saam met die paraaf en die
datum, net verder aanspoor. Indien die sukses nie bevredigend is nie, kan
'n toepaslike opmerking verseker dat die leerling hulp van die onderwyser
gaan kry.
Om te kontroleer deur een fout na die ander reg te maak, het geen sin
nie. Die leerling is nie teenwoordig nie en vind gevolglik geen baat by
sulke verbeteringe nie. Verder demoraliseer 'n boek vol rooi merke en
strepe die kind en mors die onderwyser sy tyd. Om werk in die leerling se
teenwoordigheid te korrigeer is ook nie sinvol nie, omdat die tyd vir nasien
beperk is.
d) Nasien van skriftelike werk:
Wanneer skriftelike werk nagesien word, moet dit diagnoserend wees,
sodat probleme (as daar is) geidentifiseer kan word. Hierdie probleme
moet dan so spoedig moontlik uitgeskakel word, d.w.s. voordat die
leerling die verkeerde begrippe of metodes vasgelê het.
Nasien van skriftelike werk kan daarom net sinvol wees as dit in die
leerling se teenwoordigheid plaasvind. Dan kan die onderwyser by die
leerling vasstel wat of waar sy probleem is en dadelik hulp verleen. Dit
gaan van elke onderwyser deeglike beplanning verg en die onderwyser
sal aandag moet gee aan sinvolle klaskamerprosedure.
29

C.V.O. SKOOL VIVO - SKOOLBELEID
ONTHOU: Wees tevrede met werk wat by die kind se vermoë pas en nie
bloot net met skriftelike werk nie.
e) Nasien van antwoordstelle:
Dit mag nie in klastyd geskied nie. Toetse vir evalueringsdoeleindes mag
onder geen omstandighede omgeruil en deur leerlinge nagesien word nie.
Wie hierdie praktyk bedryf, maak hom/haar skuldig aan 'n growwe
pligsversuim sowel as ongerymdheid. Kort klastoetsies met die doel om
vas te stel of leerlinge 'n bepaalde stuk werk ken of berekenings kan
doen, of spelwoorde ken, is 'n ander saak. Dan is die nasien daarvan
deur leerlinge self wenslik en ook deel van die onderrig. Merk foute of
foutiewe antwoorde op antwoordstelle sowel as die korrekte antwoorde.
Die vraestel is dan meer verstaanbaar vir die leerling wat verbeteringe
van die foute moet doen en vir die ouer wat die vraestel moet onderteken
met die doel van kennisname van hoe sy kind vorder. 'n Vraestel word nie
huistoe gestuur met die doel om 'n ouer of kind te straf of te verneder nie.
Dan het dit geen positiewe waarde nie.
f) Beplanning van nasien en kontrole:
Onderwysers moet lesbeplanning en klaskamer-prosedures so hanteer
dat daar tyd in die klas geskep word om skriftelike werk na te sien.
Gedifferensiëerde onderrig dra by om geleenthede vir nasien te skep.
'n Voorbeeld van 'n goed ge-organiseerde klas kan soos volg wees:
a) Die onderwyser verduidelik die werk en stel vas wie ken en kan.
b) Hierdie leerlinge begin dadelik met vasleggings- oefeninge terwyl
die onderwyser weer vir die res verduidelik.
c) Hierna stel die onderwyser weer vas of hierdie leerlinge nou ken en
kan. Terwyl hulle besig is sien die onderwyser soveel van die eerste
groep se werk as wat moontlik is, na. Dit is nie nodig dat die
onderwyser alle werk nasien nie, omdat 'n fout wat opgespoor word
dadelik reggestel word.
d) Sodra die leerlinge wat moes bewys dat hulle nou verstaan, klaar
maak, hou die onderwyser op met nasien en gee sy aandag aan
hierdie leerlinge. Die wat wel sukses behaal gaan aan met hulle
klaswerk terwyl die onderwyser weer aan die res verduidelik.
e) Hierdie prosedure word herhaal totdat die leerlinge almal besig is
met klaswerk. Sodra dit gebeur is die onderwyser voltyds besig met
die nasien van skriftelike werk. Dit geskied meer by die swakker
leerlinge omdat hulle meer hulp nodig het, maar die ander word nie
afgeskeep nie.'
f) Hierdie prosedure kan oor een, twee of selfs meer periodes strek,
afhangende van die leerstof en die onderwyser se lesbeplanning.
g) Die onderwyser sien soveel as moontlik in die klaskamer na.
h) Op 'n bepaalde tydstip laat die onderwyser die leerlinge toe om die
werk wat nie deur hom nagesien is nie, te merk.
i) Indien die onderwyser dit nodig ag, kan die skrifte ingeneem word
om te kontroleer.
6.6.2 Nasorg:
Daar moet 'n duidelike onderskeid gemaak word tussen nasorg en verbeteringe.
Terwyl verbeteringe bloot die regmaak van foute behels, is nasorg die werk wat
die leerling doen om te probeer bewys dat hy nou verstaan nadat die onderwyser
weer aan hom verduidelik het.
Nasorg kan volg nadat gekontroleer is, maar hoofsaaklik nadat nagesien is.
Nasorg kan 'n soortgelyke voorbeeld uit dieselfde oefening wees of 'n ander
voorbeeld wat deur die onderwyser met die rooi pen in die boek geskryf word.
Nasorg moet deur die onderwyser nagesien word, anders het dit nie veel waarde
nie.
30

C.V.O. SKOOL VIVO - SKOOLBELEID
Let op na skrif, syfer- en lettervorming. (Laerskool).
Nasorg word met 'n skerp potlood gedoen reg bokant die foutiewe woord of sin.
Waar 'n stelling of 'n hele sin foutief is, moet dit egter onderaan die werk
oorgeskryf word onder die woord "nasorg". By die Junior Primêre Fase is dit
raadsaam om die woorde wat u wil hê die leerlinge moet verbeter, onderaan die
werk te skryf sodat hulle dit korrek kan oorskryf n.a.v. die voorbeeld.
Merk foute deur 'n rooi streep onder die fout te trek. Die leerlinge moet self die
korrekte naslaan in 'n woordeboek of handboek. moet liefs nie die verbeteringe (in
die senior afdeling) vir leerlinge in rooi doen nie.
6.6.3 Klaskamerbestuur:-
Die neerlê van klaskamerreëls en prosedures hang nou saam met die skoolbeleid
en vakbeleide maar ook met elke onderwyser se klasbeleid.
Dit is beslis die moeite werd om aan die begin van 'n nuwe skooljaar heelwat tyd
te gebruik om klasreëls, prosedures en die algemene werkspatroon met u
leerlinge te bespreek.
Sien toe dat u klaskamerbeleid en reëls konsekwent toegepas word, en dat die
leerlinge hulle daarby hou.
'n Klaskamerbeleid kan slegs werk as dit u EIE beleid is. Niemand kan 'n ander se
werkspatroon net so toepas nie. Ons kan egter kennis neem van wenke en leer uit
ander se ervaring.
6.6.4 Klasatmosfeer:
Klasatmosfeer speel net so 'n belangrike rol as die aanbieding van die vak self.
Die leerling moet weet na aanleiding van dit wat hy in die klas sien, by watter vak
hy hom bevind.
Dit beteken egter nie die doellose ophang van prente of uitstalling van take wat
niks met die tema of die vak te doen het nie.
ONTHOU: 'n Aangename, met ander woorde, "lus om in die klas te wees" -
atmosfeer is essensiëel omdat dit bydra tot 'n beter prestasie by die leerling
aangesien hy kan "inleef" in die vak.
Prente teen die mure, of uitstallings, moet te doen hê met die spesifieke tema wat
op daardie tydstip behandel word. Dit moet ook verander word na gelang van die
tema.
Leerlinge moet na aanleiding van dit wat hy in die klas sien, WEET WATTER
TEMA behandel word. Op hierdie manier kom die leerlinge later self agter watter
tema volgende behandel word en sien hy later daarna uit om die "verandering"
teen die mure te sien. Leerlinge moet egter kennis dra van elke prent of item wat
in die klas is anders dien dit geen doel nie.
Leerlinge kan ook eie werk wat oor die tema handel in die klas uitstal en aan die
klas verduidelik wat die doel daarvan is. Sodoende raak leerlinge meer betrokke
by die "skepping" van klasatmosfeer.
Leerlinge moet aangemoedig word om die klasatmosfeer te beleef as hulle eie en
saam met hul vak/klasonderwyser daarop trots wees.
6.6.5 Dissipline in die klaskamer:
a) Indien die onderwyser self goed voorbereid is en die leerlinge werk,
(leerlingaktiwiteite) is daar min probleme.
31

C.V.O. SKOOL VIVO - SKOOLBELEID
`b) Dissipline moet nie militaristies wees nie maar voortvloei uit goeie
klasatmosfeer waar leerlinge graag wil saamwerk en gemaklik wees.
c) Goeie klaskamer-organisasie bevorder dissipline.
d) Die onderwyser moet nie sy klaskamer verlaat en die leerlinge aan hulle self
oorlaat of met 'n ander leerkrag staan en gesels nie. Eie voorbeeld van
hardwerkendheid is belangrik.
6.6.6 Klaskamer-organisasie:
a) Hierdie afdeling verg ook die nodige aandag en beplanning.
b) Berging van hulpmiddels moet sorgvuldig wees.
c) Reël bv. wie skrifte, handboeke ens. moet inneem en uitdeel.
d) Reël vroegtydig wat die leerlinge moet doen wanneer u byvoorbeeld na die
kantoor geroep word.
32

7. SKOOLBYWONING:
7.1 BYWONINGSREGISTER:
Registers word daagliks bygehou.
7.2 AFWESIGE LEERLINGE:
HOOFSTUK 7
Leerlinge wat afwesig is word as sulks met die letter "A” aangedui in die
bywoningsregister.
Leerlinge wat periodiek, of vir langer as drie dae afwesig is, en u het geen kennis
hiervan gekry nie, moet onverwyld by die hoof aangemeld word.
Dring aan op 'n skrywe van ouers/voog as 'n leerling afwesig is en bêre die skrywe in die
register.
Wanneer ouers reël met die hoof dat 'n leerling na 'n tandarts of dokter ens. moet gaan,
sal die voogonderwyser skriftelik in kennis gestel word. As 'n leerling een uur in die skool
was word hy/sy teenwoordig gemerk.
In sekere omstandighede mag 'n leerling teenwoordig gemerk word al is hy afwesig
byvoorbeeld wanneer hy/sy die provinsie verteenwoordig. Die hoof sal in sulke gevalle
die personeel in die saak ken.
7.3 TOELATING VAN NUWE LEERLINGE:
‘n Nuwe leerling word toegelaat deur die Opvoedingsraad in samewerking met die hoof.
'n Nuwe leerling moet op die register geplaas word op die EERSTE DAG wat hy/sy tot
ons skool toegelaat word.
Personeel sal sy/haar besonderhede vanaf die sekretaresse kry.
Die sekretaresse sal die Ed. Labkaarte en ander dokumente vanaf die vorige skool
aanvra. Personeel moet ongeveer twee weke nadat 'n nuwe leerling op die register
geplaas het, by die kantoor navraag doen of die Ed Lab ontvang is, en daarvoor teken
voordat dit in ontvangs geneem word. Die ontvangs en liassering van die Ed Lab-kaarte
bly die verantwoordelikheid van die betrokke onderwyser.
Lê 'n voogkaart aan en reël vroegtydig dat punte aangevra word.
7.4 VERTREKKENDE LEERLING:
'n Leerling wat ons skool verlaat word van die bywoningsregister afgehaal op die
LAASTE DAG wat hy ons skool besoek het.
Registerklas-onderwysers moet hulle vergewis van vertrekkende leerlinge.
Belangrik:
Registerklas-onderwysers moet SLEGS IN OORLEG met die skoolsekretaresse 'n
leerling van die register afhaal, want die sekretaresse moet ook in die toelatingsregister
sodanige vertrek aandui.
Leerlinge wat ons skool verlaat, neem saam met hulle alle leerlingskrifte.
Registerklas-onderwysers moet sorg dra dat alle vakonderwysers ingelig word oor
vertrekkelinge sodat alle HANDBOEKE asook mediaboeke betyds ingeneem kan word.

SKOOLBELEID: C.V.O. SKOOL VIVO 34
7.5 SERTIFIKATE VIR GETROUE SKOOLBYWONING:
Sertifikate word op die laaste skooldag aan die einde van elke skooljaar uitgereik aan
leerlinge wat gedurende die betrokke jaar nooit afwesig was nie. Noukeurigheid met die
aanteken van teenwoordigdhede/afwesighede is dus van uiters belang.
‘n Naamlys vir elke leerling wat 'n 100% skoolbesoeksertifikaat ontvang word getik en
ook die bepaalde sertifikaat. dit word vooraf deur die hoof onderteken.
7.6 VERLATING VAN SKOOLTERREIN DEUR LEERLINGE TYDENS SKOOLURE:
GEEN leerling verlaat ooit die skoolterrein tydens skoolure sonder die hoof se
toestemming nie. Geen onderwyser mag sodanige toestemming gee nie.
7.7 PROMOVERING:
Promovering beteken dat ‘n gr 8, 9 of 10 leerling wat ‘n gemiddelde jaarpunt van 80% of
hoër in ‘n vak het tot en met die November-eksamen, dan nie in die bepaalde vak
eksamen hoef te skryf nie (Wiskunde uitgesluit). Die dae wanneer die vak geskryf word
waarin die bepaalde leerling promoveer, mag diè leerling tuis studeer. Leerlinge wat in
drie of meer vakke promoveer, kom slegs die dae skool toe wanneer hy/sy ‘n vraestel
skryf.
Wanneer ‘n leerling ‘n vak promofeer kan hy/sy die vraestel kom skryf om sodoende ‘n
hoër punte te verkry. Indien sy eksamenpunt laer is as die promoferingspunt dan behou
hy/sy die promoferingspunt, d.w.s. die leerling sal die hoogste punt behou tussen die
eksamenpunt en die promoferingspunt.
In vakke waar eksterne vraestelle geskryf word, is promofering nie van toepassing nie.
Dit geld slegs vir grade 8, 9 en 10. Die graad 11-leerlinge is in proses van
voorbereiding vir die graad 12 eksamen en skryf eksamen in alle vakke.
7.8 EREKLEURE EN BALKIES (AKADEMIES:
Sien hoofstuk 20.
7.9 VOORKOMS/SKOOLDRAGKODE: (Sien hoofstuk 17)

SKOOLBELEID: C.V.O. SKOOL VIVO 35
8. BUITEMURSE AKTIWITEITE:
HOOFSTUK 8
8.1 SKOOLFUNKSIES EN ANDER FUNKSIES:
8.1.1 Skoolfunksies en ander: (Skoolbeleid):
a) Plaas 'n funksie vroegtydig op die kwartaalprogram
b) Indien ander skole uitgenooi word, moet die uitnodigings skriftelik
en vroegtydig gedoen word.
c) 'n Program wat alle fasette insluit word opgestel en deur die hoof
goedgekeur. Belanghebbendes word vroegtydig voorsien van 'n
program. Daar kan slegs in uiters dringende gevalle afgewyk word
van die program.
d) Persone soos bv. predikante ens. wat moet open, moet vroegtydig
gekontak word - 1 week.
e) Die Opvoedingsraad word vroegtydig in kennis gestel en gekontak
vir hulp ens. as hulle nie self direk betrokke is nie.
8.2 KLEREDRAG MET SKOOLFUNKSIES EN BYWONING DAARVAN:
Dit word verwag van elke personeellid om betrokke te wees by skoolfunksies en dit by
te woon al is dit net om belangstelling te toon.
Leerlinge trek skooldrag na alle skoolfunksies toe aan.
8.3 VEILIGHEID MET SKOOLFUNKSIES:
Die hoof reël vroegtydig met sekuriteit indien daar enige funksie is waar daar
addisionele beskerming verwag word.
8.4 FUNKSIES ANDERS AS SKOOLFUNKSIES DEUR DIE GEMEENSKAP
AANGEBIED:
Hierdie funksie is nie verpligtend nie maar dit sal waardeer word as dit op uitnodiging
bygewoon word.
8.5 VERVOER NA FUNKSIES:
Wanneer leerlinge per bus of soos gereël vervoer word, is dit noodsaaklik dat die
verantwoordelike personeellid die nodige toestemmingsbrief aan die ouers stuur of
kontroleer dat ons in besit daarvan is. Geen leerling word vervoer anders as deur sy
eie ouer sonder die nodige vrywaringsbriewe nie.
Toestemmingsbrief:
(Hierop is aangebring):
Leerlinge se naam, adres en telefoonnommer;
Soort aktiwiteit
Tyd wat verwag word om terug te wees (dit moet skriftelik aan die ouer weergee
word).
Geen leerling word vervoer anders as deur sy EIE ouers sonder die nodige
toestemmingsbrief nie.
8.6 SPORTAKTIWITEITE:
8.6.1 Doel:
a) Om gesonde kompetisie te verseker.
b) Om sluimerende talente te help ontdek en uit te bou.
c) Om groepgees daar te-stel en te ontwikkel.
d) Om aan elke leerling geleentheid te bied om op sy eie gebied te kan
presteer.
e) Om die leerling liggaamlik te vorm en te ontwikkel.

SKOOLBELEID: C.V.O. SKOOL VIVO 36
8.6.2 Amptelike beleid:
a) Skoolsport word as 'n noodsaaklike afdeling van die skoolwerksaamhede
beskou maar is nie verpligtend vir die leerlinge nie.
b) ‘n Leerling kan in sy privaat hoedanigheid by ‘n sportklub aansluit. Indien
klubsport in CVO skole sport op dieselfde dag plaasvind moet die leerling
die CVO aktiwiteite ondersteun.
8.6.3 Sportorganiseerders:
a) Elke aktiwiteit het 'n organiseerder wat in oorleg met die hoof en OR die
program uitwerk.
b) Die organiseerder reël oefentye, pligte ens.
c) Sportorganiseerders is verantwoordelik om sportlêers op datum te hou.
Die voorraadlêer moet alle sporttoerusting aandui.
d) Elke sportafrigter dra verantwoordelikheid vir, sport-toerusting.
e) Wanneer 'n sportbyeenkoms aangebied word, moet voorsiening
gemaak word vir noodhulp en noodhulpuitrusting.
f) Veiligheidsmaatreëls moet getref word deur die sportorganiseerder
t.o.v. die plek van deelname, die apparate en veiligheid van toeskouers.
g) Leerlinge word aangemoedig om aan al ons sportaktiwiteite deel te
neem. (Rugby/Netbal/Atletiek).
i) Leerlinge neem in die korrekte drag deel.
8.7 KULTUURAKTIWITEITE:
8.7.1 Deelname soos sportaktiwiteite.
8.7.2 Kultuur word deur ‘n Kultuurkomitee gereël.
8.7.3 Probeer sover as moontlik inskakel by kultuuraktiwiteite van die BCVO.
8.7.4 Betrek die gemeenskap en poog om die skool die kultuursentrum vir die
gemeenskap te maak bv. Republiekfeesvieringe, operettes, kunswedstryde,
volkspele ens.
8.7.5 Konsertwerk en operettes - Daar word gepoog om elke jaar iets in hierdie
verband te doen. Dit behels groot groepe leerlinge, kostuums, dekor en
samewerking van die hele personeel onder leiding van die verantwoordelike
persone. Operettestukke is verkrygbaar van DALRO. Daar moet vir sodanige
stukke by hulle toestemming verkry word, asook opvoerregte betaal word.
8.7.6 Die doel van kultuuraktiwiteite is om leerlinge kultureel te vorm.
8.8 KULTUURTOEKENNINGS: (Sien hoofstuk 21 Prestasietoekennings)
8.9 ATLETIEK:
Dit word die eerste kwartaal afgehandel.
8.9.1 Huissport:
a) Al die leerlinge asook die personeel word in twee spanne verdeel,
naamlik Rooibokke en Blesbokke. Die hele personeel is behulpsaam
met die afrigting.
b) Huissport word op Saterdae gehou.
c) Kleredrag – soos per brief aan ouers meegedeel.
d) Kleure: Rooibokke – Rooi Koedoes - Blou
e) 'n Atleet se ouderdomsgroep word bepaal volgens sy ouderdom op 1
Januarie elke jaar.
f) Items:
Seuns en dogters:
Naellope: 0/6 en 0/9 60m
0/6 - 0/11 80m

SKOOLBELEID: C.V.O. SKOOL VIVO 37
0/10 – 0/18 100m
0/12 – 0/18 150m
0/13 – 0/18 200m
0/13 – 0/18 400m
600m: 0/7, 0/8, 0/9
1200m: 0/10, 0/11, 0/12,
800m 0/13 – 0/18
1500m 0/13 – 0/18
3000m
Balgooi – 0/6 tot 0/9
Hoogspring, Verspring en Gewigstoot 0/10 tot 0/19
Spiesgooi – 0/13 tot 0/18
Items kan verander hangende sportliggame se besluite.
8.9.2 Wyks- en ander byeenkomste:
a) Atlete neem in atletiekdrag deel
b) Interskole byeenkomste word gereël.
c) By tuisbyeenkomste is alle personeel aan diens tot totdat daar opgeruim
is.
8.9.3 Buite-skoolaktiwiteite: Tennis/Stoei/Karate/Ballet/Perdry:
a) 'n Professionele afrigter rig leerlinge af teen 'n bepaalde fooi.
b) Die skool aanvaar nie verantwoordelikheid oor hierdie aktiwiteite nie.
c) Skoolaktiwiteite word as eerste prioriteit beskou..
8.9.4 Netbal:
a) Dit word tydens die tweede kwartaal aangebied.
b) Skoolspanne 0/7, 0/8, 0/9, 0/10, 0/11, 0/12 , 0/13, 0/14, 0/15
tweedespan, eerstepan.
c) Plaaslike spanne kompeteer en vorm ‘n Noord-Transvaalspan. Die
span ding mee teen ander provinsies tydens die winterspele.
d) Elke afrigter is verantwoordelik vir die balle en beffies wat aan haar
uitgereik is.
e) Vriendskaplike wedstryde word deur die seisoen teen ander CVO skole
gereël.
f) Die organiseerders reël dat die nette na die seisoen afgehaal word en
alle apparate veilig gestoor is vir die volgende seisoen.
8.9.5 Rugby:
a) Wedstryde word gereël.. Plaaslike spanne kompeteer en ‘n Noord-
Transvaal span word saamgestel wat tydens die winterspele teen ander
provinsies meeding.
b) Vriendskaplike wedstryde word teen skole gereël.
c) Spanne wissel soms, afhangende die aantal seuns in ‘n ouderdomsgroep.
Spanne kan die volgende wees: 0/10; 0/11; 0/13; 0/15; 0/17; 0/19.
8.9.6 Prestasietoekennings: (Sien hoofstuk 21 – Prestasietoeken-nings)

SKOOLBELEID: C.V.O. SKOOL VIVO 38
9. ONDERSTEUNENDE DIENSTE:
9.1 DIE MEDIASENTRUM:
HOOFSTUK 9
9.1.1 Dit is die verantwoordelikheid en taak van elke onderwyser om die
mediasentrum doelgerig met sy vakke te integreer. Die mediasentrum is dus 'n
onontbeerlike bondgenoot en MOET benut word
9.1.2 Die mediakomitee word aan die begin van die jaar aangewys.
9.1.3 Personeel moet die BOEKEVOORRAAD wat op hulle vak betrekking het,
KEN.
9.2 VELDSKOLE:
9.2.1 Die Gr 6-leerlinge woon veldskool by.
9.2.2 Onderwysers moet leerlinge aanmoedig om hierdie veldskoolgeleenthede by
te woon.
9.3 LEIERSKURSUSSE:
9.3.1 Daar word jaarliks deur die BCVO 'n leiersidentifiseringskursus gereël.
9.3.2 Die Hoof tref reëlings en stel 'n lys van benodigdhede op soos benodig vir 'n
gewone veldskoolbesoek en stuur dit saam met die vrywaringsbrief aan die
ouers.
9.3.3 Leerlinge wie se toestemmingsbriewe nie betyds terug is nie, mag glad nie die
kursus meemaak nie.
9.4 MAJUBA TOER:
Die Graad 7’s gaan op ‘n opvoedkundige en geskiedkundige toer aan die begin van die
laaste kwartaal. Hulle word vergesel van hulle voogonderwyser en gade en ‘n ouerpaar.
Dieselfde dissipline geld hier soos vir die skool. Optrede moet so wees dat dit nooit die
skool se naam sal skaad nie. Geld word ingesamel en elke kind moet ‘n vrywaringsbrief
indien vanaf die ouers alvorens hy/sy op die toer kan gaan. Hare word gekleur alleenlik
met die toestemming van die hoof.
9.5 ANDER OPVOEDKUNGE UITSTAPPIES:
Indien fondse beskikbaar gaan ons op die volgende opvoedkundige uitstappies:
a) Landbou - Melkery, tonnelverbouing, voerkrale, Irene, en
grondbewerking
b) Geografie - Soutpanne, Venetia myn
c) Kuns - Pietersburg kunsgallery, Boesmantekeninge
d) Geskiedenis -Schoemansdal, Louis Trichardt, Geloftekerk
e) Biologie - Modjadji Broodboomwoud

SKOOLBELEID: C.V.O. SKOOL VIVO 39
10. 'n GELUKKIGE SKOOLGEMEENSKAP
HOOFSTUK 10
10.1 ORIëNTERING VAN NUUT AANGESTELDE PERSONEEL:
10.1.1 Vir nuut aangestelde personeel word 'n voogonderwyser/es aangestel.
10.1.2 Van die voogonderwyser word verwag:
a) Die nuwe persoon leiding te gee wat betref voorrade wat hy moet
ontvang en die soort skrifte wat hy moet gebruik.
b) Hom/haar behulpsaam te wees met alle administratiewe stukke en
dokumente.
c) Die hoof en vakonderwysers gee aan hom/haar leiding in verband met
werkskema, voorbereiding, verslag, evaluering ens.
d) Daar word eers by hom/haar 'n welwillendheidsbesoek gebring - geen
verslae ens nie. Dit volg eers later.
e) Die nuutaangestelde personeel word in die omsendbriewe aan ouers
bekend gestel en verwelkom.
10.2 ORIëNTERING VAN NUWE LEERLINGE:
10.2.1 Laat nuwe leerlinge in u klas tuis voel deur hom te verwelkom, dadelik die
kleedkamers te gaan wys en hom aan vriende voor te stel.
10.2.2 Onthou maar dat 'n nuwe kind so gespanne is in die nuwe situasie dat hy
waarskynlik min sal onthou van wat hy geleer het.
10.2.3 Dit is nuttig om hulle maar vir 'n paar dae nie direkte vrae te vra nie.
10.2.4 Opmerkings soos "alweer 'n nuwe kind" of "wat het jy dan in jou skool geleer"
is beslis nie professioneel nie.
10.2.5 Leerlinge wat geruime tyd siek of in hospitale was, moet asseblief besondere
aandag kry.
10.2.6 Ten opsigte van grade ens, word die volgende gedoen:
a) Tydens ‘n graad 1 opedag word die nuwe graad l's en hulle ouers van die
daaropvolgende skooljaar by wyse van 'n geselligheid deur die graad 1
onderwyseresse by die skool verwelkom. Die aspirantbeginnertjies maak
kennis met hulle klaskamers, en geniet die dag in die skool. Hierdie
geselligheid duur van 09h00 tot 12h00.
10.2.7 Op die tweede Donderdagaand na die aanvang van die skole aan die begin
van elke skooljaar word alle graad 1-ouers by wyse van 'n oueraand ingelig
oor die skoolgereedheidsprogram wat met die graad I's gevolg gaan word
gedurende die eerste plus-minus ses weke, en ook hoe die ouers
behulpsaam kan wees. Die graad een standerdvoog neem die nodige leiding
in die verband.

SKOOLBELEID: C.V.O. SKOOL VIVO 40
11 OUERAANGELEENTHEDE:
HOOFSTUK 11
11.1 OUER- EN ONDERWYSERVENNOOTSKAP:
11.2 OUERAANDE:
11.1.1 Die ouer is die primêre opvoeder van die kind en daarom moet die
ouer kragtens sy verantwoordelike verbondsouerskap en doopbelofte
intens betrokke wees by die skoolonderwys van die kind. Om
gevorderde verbondsopvoedende onderwys te verskaf, is die werk van
professionele Christen onderwyser. Omdat die skool se taak uit die
ouer se opvoedingsopdrag voortvloei, beteken dit dat die skool se
opvoeding by die gees en rigting van die ouerhuis moet aansluit en
vandaar die belangrikheid van ouer-onderwyservennootskap. Die twee
belang-hebbende partye se bydraes is eiesoortig, maar aanvullend en
moet so deur albei partye aanvaar word.
11.1.2 As skool moet ons die inisiatief aan die dag lê om:
a) Kommunikasie tussen skool en ouerhuis te bewerkstellig;
b) Meer geleenthede vir gesprek tussen onderwysers en ouers in
groeps-, maar veral individuele verband te skep.
c) Meer gedifferensiëerde byeenkomste vir bepaalde groepe
ouers, byvoorbeeld ouers van graad 1, 2, 3 en 4-leerlinge,
graad 7 leerlinge en graad 12 leerlinge te hou.
d) Ouers uit te nooi om tydens skoolpouses saam met ons
personeel tee te drink.
e) Ouers na uitstallings te nooi. (Kuns en Bybelprojekte)
f) Ouers na die openings- en sluitingsgeleenthede van die
skoolkwartale te nooi en self daaraan te laat deelneem.
g) Ouers te nooi na die prysuitdelingsfunksie.
11.2.1 Daar word voorsiening gemaak vir ten minste DRIE oueraande per jaar soos op
die program aangedui. Elke ouer ontvang so 'n program tesame met ‘n uitnodiging.
11.2.2 ‘n Addisionele oueraand kan na oorweging deur die Skoolbestuur gereël word vir
daardie ouers wie se kinders teen die einde van die derde kwartaal nog probleme
ervaar. Slegs daardie ouers word dan genooi om ‘n bepaalde onderwyser/es te
sien.
11.2.3 Die oueraande word so geplaas dat dit net na 'n vakansie sodat ouers probleme
kan bespreek en rapporte kan afhaal.
11.2.4 Prosedure:
Die ouers kom in die saal bymekaar nadat personeel besoek is, waar geopen
word met skriflesing en gebed. Daarna bespreek die Opvoedingsraad voorsitter
en/of die hoof sake met die ouers.
11.2.5 By wyse van afwisseling kan items soos sang, voordrag ens. gelewer word.
11.2.6 Die ouers en personeel geniet daarna saam tee.
11.2.7 Onderhoude met ouers moet die volgende dag op die voogkaarte aangebring
word. Alle relevante inligting, ook ouers se houding ens word aangebring.
11.2.8 Met oueraande besoek die ouers ook die voogonderwyser/es. Die doel is om
'n vertrouensverhouding tussen die ouer en die voogonderwyser daar te stel
en kommunikasie te bevorder.

SKOOLBELEID: C.V.O. SKOOL VIVO 41
11.2.9 Die voogonderwyser moet nou baie goed voorbereid wees en kommentaar kan
lewer oor die leerling in sy totaliteit, byvoorbeeld akademie; sport; kultuur;
gedrag; houding teenoor personeel en medeleerlinge ens.
11.2.10 Die ouer moet mededelings aan die onderwyser maak wat belangrik is vir die
leering se opvoeding en onderrig.
11.2.11 Besin saam oor die leerling - Sy studiegewoontes, vordering, tekortkominge,
positiewe en negatiewe aspekte, belangstelling, prestasies ens.
11.2.12 Ouers word skriftelik van oueraande in kennis gestel en herinner en
meegedeel welke tipe oueraande gehou gaan word.
11.3 ONDERHOUDE MET OUERS:
11.3.1 Indien 'n personeellid van voorneme is om 'n onderhoud met 'n ouer te voer
aangaande sy/haar kind, moet die hoof hiervan verwittig word.
11.3.2 Na afloop van die onderhoud met die betrokke personeellid 'n kort verslag
opstel en aan die hoof voorlê.
11.3.3 Onder geen omstandighede word 'n onderhoud voor leerlinge in 'n klaskamer
gevoer nie. In skooltyd het 'n ouer slegs toegang tot 'n onderwyser via die hoof.
11.3.4 In ernstige gevalle, waar skoolwerk nie na wense is nie, kan die onderwyser/es
versoek dat sy/haar vakhoof tydens ‘n onderhoud met ‘n ouer insit.

SKOOLBELEID: C.V.O. SKOOL VIVO 42
12. LEERLINGAANGELEENTHEDE:
12.1 Leerlingraad:
HOOFSTUK 12
a) Die Leerlingraad is ‘n opvoedkundige aangeleentheid binne die skoolopset, en is
dus die verantwoordelikheid van die hoof en personeel.
b) Geen ouer het dus inspraak oor wie op die Leerlingraad moet wees en wie nie.
Indien ‘n personeellid ook ‘n ouer van ‘n kandidaat is, het hy/sy nie inspraak in die
bestuurspan se besluite nie.
c) Leerlingraadverkiesing word gehou onder leiding van die hoof en die personeellid
daarvoor verantwoordelik.
d) Taakverdeling en doelwitte word voor die einde van die jaar gedoen, sodat die nuut
verkose leerlingraad dadelik kan begin met die aanvang van die nuwe jaar.
e) ‘n Skriftelike verslag oor take en doelwitte moet aan die einde van elke kwartaal by
die hoof ingehandig word.
f) Leerlingraadslede en hulle ouers onderteken ‘n onderneming waarin
leerlingraadslede hulself verbind tot goeie gedrag en uitvoering van hul pligte. ‘n
Leerlingraadslid se balkie kan van hom/haar weggeneem word indien die hoof en
bestuurspan ‘n oortredings van so ‘n leerlingraadslid ondersoek het, en bevind dat
hy/sy die ooreenkoms oortree het en nie verder met vrug in die leerlingraad kan
dien nie.
g) Getalle:
g.1 Die riglyn is een leerlingraadslid vir elke 25 leerlinge
g.2 Daar is geen voorskrifte oor hoeveel seuns of dogters in die Leerlingraad
moet wees nie.
g.3 Die hoof en bestuurspan sal volgens hul eie diskresie die hoeveelheid
leerlingraadslede jaarliks bepaal.
h) Nominasies:
h.1 Alle graad 11 leerlinge word by geleentheid blootgestel aan ‘n “Kies jou
toekomstige leerlingraad”. By die geleentheid kry die Gr. 7 – 12 leerlinge en
personeel geleentheid om vrae aan die Gr. 11 leerlinge in die saal te vra,
waarop daar geantwoord moet word.
h.2 Die hele Gr. 11 klas word op die nominasielys geplaas, tensy daar ‘n
skriftelike betoog van ‘n ouer, personeel of leerling by die hoof ingehandig
word, waarin daar bewys kan word waarom ‘n leerling nie op die
Leerlingraad mag dien nie.
h.3 Die hoof en bestuurspan sal die skriftelike versoek hanteer en sou daar
grondige redes en bewyse wees, sal so ‘n leerling verwyder word van die
nominasielys.
i. Stemming:
Stemming vind plaas per geslote stembrief.
Alle leerlinge vanaf Gr. 7 – 12 het stemreg, asook alle personeel. Stemme sal die
volgende waarde dra:
Leerlinge Gr. 7 – 12 x 2
Akademiese Personeel x 3

SKOOLBELEID: C.V.O. SKOOL VIVO 43
Indien daar ‘n staking van stemme is, sal een van die volgende stappe geneem
word:
i) Volgens die oordeel van die hoof of bestuurspan van die skool kan beide
leerlinge in die Leerlingraad opgeneem word, of
ii) Die leerlinge wat minder as 10% van die stemme op hulle verenig het, word
weggelaat van die lys en die nuwe stemming vind plaas.
Alle stembriewe moet deur die hoof vir ses weke bewaar word.
Die aantal stemgeregtiges word vooraf deur die hoof bepaal en slegs dié aantal
stembriewe word voorberei. Stembriewe word vooraf voorberei vir elkeen en kry
minstens ‘n skoolstempel.
j. Hoofleiers:
j.1 Dit is die prerogatief van die hoof om te besluit na aanleiding van getalle,
eienskappe, kwaliteite ens. van die groep Gr. 11 leerlinge of daar ‘n
hoofseun/onderhoofseun en hoofdogter/onderhoofdogter of slegs een hetsy
hoofdogter/onderhoofdogter of hoofseun/onderhoofseun aangewys sal
word.
j.2 ‘n Tweede stembrief met alle kandidate soos die eerste stembrief word ook
uitgegee waarop al die stemgeregtigdes die aantal stemme uitbring as wat
daar hoofleiers sal wees. Die stembrief bepaal die hoofleiers.
j.3 Die hoofleiers moet ‘n volstrekte meerderheid in die stemming behaal het.
j.4 Indien ‘n volstrekte meerderheid nie in die eerste rondte behaal word nie,
sal die kandidate met minder as 50% stemme weggelaat word en sal ‘n
tweede stemming gehou word.
j.5 Indien daar dan ‘n staking van stemme is, sal die bestuurspan die hoofleier
aanwys.
k. Tel van stemme:
Die hoof wys minstens twee kiesbeamptes aan. Alle stemme word deur die hoof en
die kiesbeamptes getel en die uitslag word deur die hoof bekend gemaak.
l. Finale uitslag:
Die finale uitslag word deur die Opvoedingsraad bekragtig. Let wel: Die verkiesing
vind in geheel onder toesig en beskerming van die hoof plaas.
12.2 KLASLEIERS:
Dit is 'n goeie gebruik om klasleiers vir elke registerklas te kies.
12.2.1 Die doel:
a) Dit gee elke leerling die geleentheid om na vore te tree vir 'n sekere
tydperk.
b) Dit help met leier-identifisering vir:
- Voltooiing van voog verslae
- Verkiesing van skool leiers in die toekoms
c) Kan sommige administratiewe pligte verlig.
d) Bevorder leerling se selfbeeld
e) Bevorder leerling se oordeelsvermoë
f) Bevorder leerling se vermoë om besluite te neem en
verantwoordelikhede te dra.
g) Bevorder leerling se vermoë om te delegeer.
h) Bevorder klas se samehorigheid.

SKOOLBELEID: C.V.O. SKOOL VIVO 44
12.2.2 Tydperk:
Dit is wenslik om die periode van leier-wees nie te lank te maak nie, juis om te
poog dat elke leerling 'n beurt kry deur die jaar. 'n tydperk van plus-minus 2
weke kan oorweeg word.
12.2.3 Watter leerlinge:
Probeer elke leerling 'n geleentheid te bied. Stel dus 'n seun en dogter
gelyktydig aan.
12.2.4 Pligte:
Dit sal raadsaam wees om die klasleiers se pligte op skrif te stel sodat dit vir
hulle en die res van die klas duidelik is wat van hulle en die ander leerlinge
verwag word.
Die volgende pligte kan gegee word:
- orde en dissipline
- klasskoonmaak
- apparaat versorg
- boeke versorg
- probleme onder u aandag bring
- wenke aan die hand doen ter verbetering van
klaskamerroetine en -prosedure.
- Elke dag weet wie afwesig is en hoeveel
leerlinge daar in die klas is.
12.2.5 Verkiesing:
Dit werk gewoonlik goed as die leerlinge self die klasleiers aanwys. Hier moet
u net leiding gee dat ‘n herverkiesing nie plaasvind indien almal nog nie 'n
beurt gehad het nie.
12.2.6 Aantekening:
Die registeronderwyser/es teken op die voogkaart aan dat die leerling 'n goeie
klasleier/ster was en hoe sy haar van haar taak gekwyt het bv. pligsgetrouheid,
samewerking met medeleerlinge ens.
12.3 SKOOLREëLS:
12.3.1 Skoolreëls word gegee ter beskerming van die leerlinge self, vir self-dissipline,
vir ordelike samewerking, ter beskerming van eiendom en om
verantwoordelike en gedissiplineerde gebalanseerde leerlinge na die
Universiteite te stuur.
12.3.2 Die skoolreëls word gedurende die eerste week van die eerste kwartaal aan
die leerlinge verduidelik deur die voog-onderwyser.
12.3.3 Optrede as skoolklok lui met skoolaanvang en aan die einde van pouse:
Leerlinge bly onmiddellik stil.
Leeringe beweeg flink tot by klas.
12.3.4 Betree en uitstap van klaskamer tydens aanvang en einde van periode
onderskeidelik:
a) Leerlinge stap op bevel van leerkrag klaskamer binne - dogters eerste.
b) Leerlinge staan by tafel en gaan sit op bevel van leerkrag.
c) As die klok lui aan die einde van die periode, lui dit vir die
ONDERWYSER en nie vir die leerlinge nie. Leerlinge reageer eers
wanneer die onderwyser die nodige opdrag gee. Hieroor moet daar ten
volle eendragtige optrede wees.
d) Dogters verlaat die klas eerste op bevel van die onderwyser. Seuns volg
in een ry agter die dogters.

SKOOLBELEID: C.V.O. SKOOL VIVO 45
e) Onderwyser staan buite klas en ontvang die nuwe klas en sien vorige
klas af.
12.3.5 Tasse:
a) Geen tasse word op lessenaartafel of bank toegelaat nie.
b) Leerlinge plaas tas voor die klas en teen die muur van klas wat hulle na
pouse sal bywoon.
12.3.6 Sang en Opvoedkundige Leiding:
Tydens kultuurperiodes word leerlinge volksliedere geleer soos “Die Lied van
Jong Suid-Afrika, Afrikaners is plesierig, Die Vlaglied” ensovoorts.
12.3.7 Reëls tydens saalbyeenkomste:
12.3.8 Pouses:
a) Leerlinge tree voor die saal aan;
b) Leerlinge kom op aandag;
c) Die hoofseun/dogter hys die volksvlag
d) Daarna word Die Stem in ‘n praatkoor opgesê terwyl leerlinge op
aandag staan;
e) Minstens twee Volksliedjies word gesing tydens saalopening;
f) Leerlinge stap graadsgewys saal binne. Leerlingraad vergesel
klasgroepe.
g) Geen geswaai van voete, rondvroetel, gesels word toegelaat nie.
h) Leerlinge verlaat saal ook graadsgewys. Die bevele "draai” en "stap" sal
gegee word. Wees streng teenoor praat op hierdie stadium. Hoër grade
verlaat die saal eerste.
i) Die hoof reël die orde van die saalopening.
a) Die hoërskoolkinders meng nie met die laerskoolkinders nie.
b) Geen kinders gaan koshuis toe nie.
12.3.9 Gooi van klippe of ander voorwerpe:
Die gooi van enige voorwerp of klip op die skoolterrein is STRENG VERBODE.
12.3.10 Kleedkamers:
Wanneer die klok lui om die einde van pouse aan te dui, gaan NIEMAND meer
kleedkamers toe nie. Diegene wat daarin is, kom dadelik uit.
12.3.11 Tuin:
a) Betoon waardering en respek teenoor skooltuin
b) Klim in bome of swaai aan boomtakke is verbode
c) Moet nie in beddings trap nie.
d) Pluk van blomme - slegs met toestemming van die hoof.
12.3.12 Omsendbriewe:
Omsendbriewe se skeurstrokie moet deur ouers onderteken word en die volgende
skooldag by die registeronderwyser/es ingelewer word. Omsendbriewe word elke
Vrydag uitgestuur.
12.3.13 Ander reëls:
a) Kou van kougom is nie toelaatbaar nie.
b) Geen ringe of oorkrabbertjies wat nie aan die toelaatbare vereistes
voldoen nie, word toegelaat nie. Slegs seëlringe of oorringetjies of
"oorknoppies" word toegelaat.
c) Alle huiswerk word in die huiswerkgids aangeteken.
d) Papiere word alleenlik in die vuilgoedhouers gegooi.
e) Elke opdrag van 'n onderwyser word onmiddellik uitgevoer en
gehoorsaam.

SKOOLBELEID: C.V.O. SKOOL VIVO 46
f) Alle skooleiendom word met respek behandel asof dit jou eie is.
12.4 SKOOLDRAG: (Nuwe Leerlinge)
Nuwe leerlinge word toegelaat om voorlopig die skooldrag van hul vorige skool te dra.
12.5 VEILIGHEID:
12.5.1 Veiligheidsmaatreëls:
Die hoof mag geen inligting in verband met sy skool aan ongemagtigde persone
verskaf nie. Inligting soos onder andere die getal manspersoneel verbonde aan
die skool, getal leerlinge, tye van pouses, name van kinders van leierpersone,
ens. is vir 'n insurgent baie waardevol. Daarom moet hoofde enige
ongeidentifiseerde persone wat inligting omtrent die skool en leerlinge kom vra, as
verdag beskou.
By die personeel sowel as die leerlinge moet dit ingeskerp word om noukeurig te
let op alle vreemde pakkies, tasse of voorwerpe. Sulke artikels moet onmiddellik
aan die hoof of sy verteenwoordiger gerapporteer word, ook gedurende
saalopeninge.
Leerlinge moet geleer word hoe om 'n bus vinnig te ontruim tydens 'n krisissituasie.
Swart werkers wat toesig hou oor die skoolterrein en wie verantwoordelik is om
die lokale oop en toe te sluit, moet aan 'n volledige sekerheidsklaring onderwerp
word.
Leerlinge moet ingelig word om geen inligting aan vreemde persone in verband
met die skool en die aktiwiteite te verskaf nie.
12.5.2 Veiligheid van leerlinge:
Siektes en beserings:
Personeel moet toesien dat indien 'n leerling afwesig was, 'n doktersertifikaat of
skriftelike brief van die ouers ontvang is. Hierdie sertifikaat of brief moet in die
register bewaar word. Indien 'n leerling langer as twee dae afwesig is moet die
hoof en indien nie beskikbaar nie, die personeel onmiddellik in kennis gestel word.
Enige beserings of ongelukke wat leerlinge opdoen moet dadelik onder die
aandag van die hoof gebring word. Ernstige beserings en ongelukke moet
aangemeld word. n Skriftelike verslag moet ook deur alle ooggetuies ingedien
word.
Personeel moet nie pille vir hoofpyn aan leerlinge gee nie. Stuur die leerlinge na
die sekretaresse se kantoor en indien nodig, sal sy hoofpynpille vir die leerling
gee en dit dan aanteken.
Indien 'n leerling baie siek is, kontak die Hoof die ouers. Ouers kan dan die
leerling kom haal anders bly die leerling in die siekekamer.
Indien 'n leerling herhaaldelik pilletjies kom haal moet die hoof in kennis gestel
word.
By die junior primêre klasse (gr 1 – 3 en gr 4) hanteer die personeel self alle
beserings en siekte situasies.
12.5.3 Vervoer van leerlinge:
(Tydens sport- en kulturelebyeenkomste)

SKOOLBELEID: C.V.O. SKOOL VIVO 47
Waar leerlinge oor lang afstande vervoer moet word, word van busvervoer gebruik
gemaak. Elke leerling moet 'n kontant bydrae maak om die koste van die bus te
dek. Indien leerlinge oor kortafstande vervoer word, word daar van ouerhulp
gebruik gemaak.
12.6 Selfone:
Leerlinge mag selfone skooltoe bring, maar geen selfoon mag gedurende periodes aan
wees nie.

SKOOLBELEID: C.V.O. SKOOL VIVO 48
13. PERSONEELAANGELEENTHEDE:
HOOFSTUK 13
Neem asseblief kennis van die volgende gedragskode vir onderwysers:
13.1 GEDRAGSKODE:
a) Meet gedurig u eie lewensverhouding ten opsigte van God Drie-enig; kerk; medekollegas;
ouer en leerlinge.
b) Ons eie lewens moet so wees dat die leerlinge met ons optrede, handeling en voorlewe
kan sien dat die Christelike norm rigtinggewend vir die mens hier op aarde is.
c) Ons gedrag en optrede moet so wees dat daar ‘n vertrouensverhouding by die ouers
asook by die leerlinge, ontstaan.
d) Moet nie streef na POPULARITEIT nie, dan verloor ‘n mens dit gewoonlik.
e) Tree te alle tye professioneel op binne en buite die skoolverband.
f) Moet nooit negatiewe opmerkings oor die onderwys, u kollegas en leerlinge in die
openbaar maak nie.
13.2 LOJALITEIT EN INTER-PERSOONLIKE VERHOUDINGE:
Die kwaliteit van ‘n onderwyser word hoofsaaklik bepaal deur sy opregtheid, eerlikheid,
betroubaarheid en die nougesetheid waarmee hy elke faset van die onderrig- en
opvoedingstaak uitvoer. Integriteit is ‘n persoonlikheids-eienskap wat sterk in aanvraag is
wanneer ‘n onderwyser vir ‘n pos oorweeg word. Pligsversuim is ‘n ernstige misdryf wat sy
wan-funksie vind in die onreg wat aan die kind gedoen word. Hierdie skade kring uit en raak
die hele skool en later ook die gemeenskap.
As professionele leiers wat graag status en aansien in die gemeenskap wil geniet, moet
onderwysers onthou dat pligsversuim, want ons professionaliteit en status ernstig knou, deur
almal – die kind, kollegas en ouers – raakgesien word.
Bowendien is dit vir die hoof en die onderwyser self, erg vernederend om laasgenoemde oor
pligsversuim aan te spreek. Dit hoort nie tuis by mense van hoë integriteit wat professionele
leiers in die gemeenskap is nie.
Elke individu streef na arbeidsgenot. Of u gelukkig of ongelukkig in die onderwysprofessie
is, hang af van u gesindheid teenoor u professie, die leerlinge en ouers, u kollegas, die hoof
en die skool opset in die algemeen.
ONTHOU:
U is ook deel van die BCVO. Daarom sal u u nooit in die openbaar skuldig maak aan
negatiewe uitlatings teenoor die BCVO, die skool, leerlinge en ouers, kollegas ens. nie.
Wees positief in u hele lewenswandel en u hele lewe en die uitleef van u beginsels sal
positief wees.
13.3 VERSKAFFING VAN INLIGTING AAN BUITE INSTANSIES ASOOK DIE PERS:
13.3.1 Geen inligting in verband met afwykende leerlinge nie, behalwe op grond van ‘n
dagvaarding.
a) IK’s van leerlinge mag bekend gemaak word in ‘n hofsaak waar dit tot die
voordeel van die leerling en/of sy ouers mag wees. ‘n Toestemmingsbrief van
die ouer moet deur die gemagtigde prokureur voorgelê word.
13.3.2 Wanneer die Departement van Gesondheid en Welsyn skriftelik en amptelike
inligting aanvra, word dit konfidensiëel verstrek en NIE TELEFONIES NIE.
13.3.3 Getuienis deur Departementele amptenare in hofsake waarby leerlinge betrokke is.

SKOOLBELEID: C.V.O. SKOOL VIVO 49
13.3.4 Bekendmaking van adresse van ouers: Geen verpligtinge om dit te verskaf nie.
Indien die staat die skuldeiser is, wel.
13.3.5 Inligting aan pers: Geen onderwyser as politieke beriggewers nie. Nuusberigte van
nie-politieke aard wel.
13.3.6 Onderwysers lewer nie in die openbaar of in die pers kommentaar oor die
administrasie of beleid van die skool of die BCVO nie.
13.4 PLIGTE VAN PERSONEEL TYDENS TERREINDIENS:
13.4.1 Met die aanvang van die kwartaal word u terrein-diensrooster beskikbaar gestel.
13.4.2 Elke personeellid op terreindiens is verantwoordelik vir die veiligheid van leerlinge
en moet daarom noodsituasies kan opsom en tot handeling kan oorgaan. Om dit
te kan doen, moet u:
a) Gedurig op die terrein beweeg en dophou;
b) Liefs nie by u mede-kollegas staan en gesels nie.
13.4.3 Enige beserings wat deur leerlinge opgedoen word, moet by die hoof aangemeld
word.
13.4.4 Gedurende pouse gaan die personeel aan diens na die terrein.
13.4.5 Al die leerlinge is verantwoordelik vir die netheid van die terrein. Hulle word, soos
versoek deur die personeellid aan dien, om papiere ens. op te tel en ander takies te
verrig.
13.4.6 Voor die aanvang van die skooldag is daar geen spesifieke terreindiens nie, maar
elke onderwyser is verantwoordelik dat alle skoolreëls toegepas word.
13.4.7 As die klok lui vir die aanvang van die skooldag moet personeel so gou moontlik
na hulle klasse beweeg. U moet inderdaad u leerlinge inwag, en nie die leerlinge
vir u nie.
13.4.8 Toesig wanneer leerlinge eksamen skryf:
Beweeg tussen die leerlinge deur. U mag nie sit en brei of nasien nie.
13.4.9 Toesig wanneer leerlinge met uitstappies gaan:
Wees gedurig by die leerlinge. Sorg dat u die nodige noodhulptoerusting
saamneem.
13.5 PERSONEELFONDS/GESKENKEFONDS:
13.5.1 Die personeelfonds is R8,00 per maand. Hierdie fonds word aangewend om
ruikers te koop vir persone in die hospital asook vir vertrekkende personeel aan
die einde van die jaar. Die waarde van die geskenk wissel na gelang van die
tydperk verbonde aan die skool.
13.5.2 Geen ekstra bydrae of donasie word van personeel gevra nie. Die
personeelfonds word gebruik en is gestig met die doel dat daar nie gedurig
donasies gevra sal word nie.
13.5.3 Na een jaar of binne die eerste jaar: 80% van die totale bedrag bygedra deur die
persoon tot die geskenkefonds;
13.5.4 Na twee jaar of binne die tweede jaar: 70% van die totale bedrag bygedra deur
die persoon tot die geskenke fonds;

SKOOLBELEID: C.V.O. SKOOL VIVO 50
13.5.5 Na drie jaar of binne die derde jaar: 60% van die totale bedrag bygedra deur die
persoon tot die geskenkefonds;
13.5.6 Na vier jaar of langer of binne die vierde jaar: 50% van die totale bedrag bygedra
deur die persoon tot die geskenkefonds.
13.5.7 Baba’s:
Met die geboorte van ‘n baba ontvang ‘n mamma ‘n geskenk van ongeveer
R150,00. die bedrag sal mettertyd ooreenkomstig die inflasiekoers aangepas
word.
13.5.8 Hospitalisasie:
‘n Ruiker/geskenk van R100,00. Aanpassings sal ook ooreenkomstig die
inflasiekoers gemaak word.
13.6 PERSONEELFUNKSIES:
13.6.1 ‘n Personeellid sal aangewys word vir reëlings van die jaareindfunksie.
13.6.2 Personeel betaal ook ‘n bedrag per maand vir tee/koffie/suiker/melk wat pouses
geniet word. ‘n Personeellid word aangewys om hierdie fonds te administreer.
13.7 KLEREDRAG VAN PERSONEEL:
As opvoedingsinstelling moet die skool basies konserwatief bly en durf nie die toon aangee
in die parade van modes en haarstyle nie, maar dit is tog nodig om periodiek geringe
toegewings te maak.
Die personeel se voorbeeld met betrekking tot haarstyle, grimering en smaakvolle kleredrag
is van onskatbare waarde.
13.8 VERLAAT VAN SKOOLTERREIN EN/OF KLASLOKALE:
13.8.1 Leerkragte moet dit vermy om mekaar gedurende lesperiodes te besoek, tensy
daar ‘n ernstige probleem ontstaan.
13.8.2 Geen leerkrag mag die skoolterrein gedurende skoolure sonder die toestemming
van die hoof verlaat nie.
13.9 AFWESIGHEID VAN PERSONEEL:
Verwittig asseblief dadelik die hoof as u ‘n betrokke dag of tydperk afwesig moet wees van
die skool. Tref persoonlik reëlings met die hoof.

SKOOLBELEID: C.V.O. SKOOL VIVO 51
HOOFSTUK 14
14. FINANSIËLE BELEID
Alle fondse deur die ouers en personeel van hierdie skool gegenereer, is gemik op die
daarstel van die bes moontlike onderrig van die leerlinge van hierdie skool.
Vir enige organisasie met die omvang van CVO Vivo, is 'n baie duidelik omskrewe finansiële
beleid noodsaaklik. Aangesien daar met die publiek (ouers) se geld gewerk word, is
kontrolemaatreëls van kardinale belang, en wel om die volgende redes:
a) om aan die Opvoedingsraad duidelike riglyne te gee waarbinne fondse bestuur
moet word;
b) om die personeel wat op enige gebied met fondse werk, in hul eie belang, te
beskerm, en
c) om aan die ouers die gerustheid te gee dat daar met groot verantwoordelikheid en
omsigtigheid met die fondse wat deur hulself gegenereer is, gehandel word.
Om dan hierdie doelwitte te bereik, word van die OR verwag om:
a) die nodige fondsinsamelingsprojekte te loods
b) die nodige rekenskap te kan gee van al die fondse van die skool. Die finansiële
beampte teken alle transaksies aan en 'n eksterne boekhouer stel die nodige
finansiële state op. Bogenoemde proses word as 'n indiepte oudit beskou. Die
eksterne boekhouer doen dan verslag oor die stand van finansiële kontrole
c) die finansiële state en -verslae aan die algemene vergadering voor te lê. Sodanige
state en verslae moet ter insae aan die ouers beskikbaar wees, en wel in die
kantoor van die hoof van finansies. Geen afskrifte mag verspei word nie.
Geen persoon binne die organisasie mag buite die riglyne van hierdie beleidstuk opereer
nie.
Nadat hierdie beleidstuk deur die Algemene Vergadering goedgekeur is, mag slegs die
Algemene Vergadering dit wysig.
14.1 KONTANTKONTROLE
14.1.1 Alle kontant wat ontvang word, word gebank. Die totaal van alle kwitansies
uitgeskryf word weekliks met die kontant ontvang gerekonsiliëer voordat dit gebank
word. Die kwitansie-uitdruk word aan die depositovorm vasgekram en geliasseer vir
kontrole- en ouditdoeleindes.
14.1.2 Geen fondse wat by die skool inbetaal is, mag direk vir aankope gebruik word
nie. Alle aankope moet die prosedures volg wat in afdelings 3 en 4 uiteengesit
word.
Die enigste uitsonderings op reël 2 is vir:
14.1.2.1 die uitbetaling van lone.
Prosedures:
• Die loonjoernaal moet voltooi word.
• Die rekwisisie vir die gebruik van die kontant in die skool se besit moet
voltooi word
• Die joernaalbewys wat die transaksie moet boekstaaf, moet voltooi word

SKOOLBELEID: C.V.O. SKOOL VIVO 52
• Die loonjoernaal, die rekwisisie en die joernaalbewys moet aan die
voorsitter van die OR vir goedkeuring en ondertekening voorgelê word
14.1.2.2 Die kleinkas.
• Die kleinkas is bedoel om klein uitbetalings te doen. Aangesien
kleinkasbetalings normaalweg nie teen die begroting gerekonsiliëer word
nie, kan geen groot bedrae uit die kleinkas betaal word nie.
• Die kleinkas moet minstens elke twee weke met die kleinkas bewyse en die
kleinkas rekening gerekonsiliëer word.
• Die maksimum bedrag per kleinkasbetaling beloop R100.00.
• Betalings groter as R100.00 moet deur die normale kanale aangevra word.
• Wanneer kontant tot 'n maksimum van R1 000.00 na die kleinkas aangevra
word, moet die nodige rekwisisie en joernaalbewys die boekstawing van
die transaksie, aan die voorsitter van die OR vir goedkeuring en
ondertekening voorgelê word.
14.1.3 Geen blanko tjeks word geteken nie. Dit het tot gevolg dat daar deeglik en
vroegtydig beplan, en die nodige tjeks vroegtydig aangevra moet word sodat die
tjeks geteken kan word wanneer die persone wat daartoe gemagtig is by die skool
is.
Die enigste uitsondering op hierdie reel is die aankoop van kruideniersware vir die
koshuis. Een keer per maand reis die koshuismatrone na Pietersburg vir die
aankoop van die volgende maand se kruideniersware, in welke geval blanko tjeks
vooraf voorberei en geteken word.
14.1.4 Geen uitbetalings word gemaak sonder dat die korrekte prosedures gevolg is nie.
14.2 BEGROTINGS
Voor 30 September handig die personeel die volgende twee begrotings in:
14.2.1 Die handboekbegroting
14.2.2 Skrifte en ander verbruikbare materiaal
Laasgenoemde begrotings word dan ingewerk in die begroting van die personeellid
wat verantwoordelik is vir en beheer uitoefen oor alle verbruikbare materiaal.
• Elke begroting moet in vier kwartale opgedeel word. Dit beteken dat
wanneer iets eers in die laaste kwartaal van die volgende jaar gebruik gaan
word, daar vir dit eers aan die einde van September begroot moet word.
Dit hou die finansiële voordeel vir die skool in dat die skool se fondse nie in
voorraad opgesluit lê terwyl dit rente kon verdien het nie.
• Die feit dat daar vir iets begroot word, beteken nie vanselfsprekend dat
dit bestel en/of aangekoop gaan word nie. Die bekostigbaarheid sal eers
as deel van die totale jaar begroting in ag geneem word.
• Dit is belangrik vir personeel om daarop te let dat die inhandiging van
'n begroting nie vanselfsprekend in 'n bestelling uitvloei nie. Die
bestelling bly elke personeellid se eie verantwoordelikheid volgens die
voorgeskrewe prosedures.
• Begrotings moet voorsiening maak vir BTW.

SKOOLBELEID: C.V.O. SKOOL VIVO 53
14.3 BESTELLINGS
14.3.1 Vul 'n bestelvorm volledig in; in die geval van handboeke ook die name van
outeurs, ens. Dit vergemaklik die byhou van die skool se bateregister deur die
persoon verantwoordelik vir die taak.
14.3.2 Oorhandig die bestelvorm, tesame met kwotasies van ten minste twee leweransiers,
by die administratiewe afdeling in. Kwotasies moet, behalwe vir die pryse van
verlangde items en die naam van die kontakpersoon, ook die volgende inligting
bevat :
• Vervaldatum van kwotasie
• Afslag vir kontantbetaling
• Krediettydperk sonder rente
• Posgeld, hanteringskoste en afleweringskoste
• Afleweringstyd
• BTW: inklusief of eksklusief
14.3.3 Kwotasies wat nie die bogenoemde inligting bevat nie, sal nie verwerk word nie. As
twee kwotasies ingehandig word waarvan een nie die bostaande besonderhede
bevat nie, sal sodanige kwotasie verwerp word en dit geag word dat net een
kwotasie ingehandig is.
14.3.4 Daar word vervolgens bepaal of die bestelling ooreenstem met die begroting van die
personeellid, soos deur die OR goedgekeur.
14.3.5 Die administratiewe afdeling oorweeg die meriete van die kwotasies en besluit op 'n
leweransier.
14.3.6 Indien die bestelling aan al die vereistes voldoen, sal die bestelling deur die
administratiewe afdeling bestel word of aan die personeellid toestemming gegee
word om die bestelling te plaas.
14.3.7 Indien dit nie die geval is nie, word die bestelling na die dagbestuur van die
Opvoedingsraad verwys.
14.3.8 Die personeellid volg met die administratiewe afdeling op wat die status van sy
bestelling is.
14.3.9 Enige aankope of uitgawe waarvoor nie begroot is nie, word summier na die
Opvoedingsraad verwys wat die meriete van sodanige uitgawe oorweeg aan die
hand van sekere kriteria. Dit staan die Opvoedingsraad vry om betaling te weier
indien hulle dit nodig sou ag.
14.4 BETALING VAN BESTELDE GOEDERE
14.4.1 By ontvangs van die bestelde goed, word die inhoud met die faktuur en die
bestelling vergelyk. (Regte goedere, regte hoeveelheid, toestand van goedere,
onderhandelde prys en koste).
14.4.2 Sodra die faktuur as korrek geteken is, moet betaling geskied ooreenkomstig
ooreengekome voorwaardes. Indien kontant, betaal onmiddellik, of so na as
moontlik aan die laaste dag waarvoor betaling moet geskied.
5 PROJEKFONDSE
14.5.1 Projekfondse kan nie net sommer begin om te funksioneer nie. Wanneer 'n persoon
'n fonds wil stig om fondse vir 'n spesifieke doel in te samel, moet daar skriftelik by

SKOOLBELEID: C.V.O. SKOOL VIVO 54
die Opvoedingsraad aansoek gedoen word om sodanige fonds te stig met duidelik
vermelding van die doel waarvoor die fonds gestig moet word.
14.5.2 Elke projekfonds moet die persoon wat die fonds moet beheer, (Fondsbestuurder)
identifiseer en die naam van die persoon aan die finansiële kantoor deurgee, wat dit
op lêer sal plaas. Die Opvoedingsraad moet die geïdentifiseerde persoon bekragtig
as Fondshoof van die betrokke projekfonds.
14.5.3 Elke fonds is verantwoordelik vir sy eie kontrolestelsel. Dit behels ook die stoor van
dokumentasie vir eie rekorddoeleindes. Fakture en/of kwotasies word aan die
tjekaanvraag vasgekram. Die fondshoof is verplig om kwartaalliks sodanige fondse
te laat oudit deur die skool se finansiële beampte. Alhoewel die projekfonds die
fondse bestuur, bly die skool verantwoordelik en moet die nodige kontrolemaatreëls
ook met betrekking tot hierdie gelde nagekom word
14.5.4 Indien die betrokke fondse so sou verkies, hoef die fondse se gelde nie in die skool
se bankrekening inbetaal te word nie, maar hulle mag nie 'n eie bankrekening hê
nie. Hulle kan hul eie geldkissie aanhou. Dit kan in die skool se kluis geberg word.
Die skool aanvaar geen verantwoordelikheid vir verliese van gelde wat nie in die
skool se kluis is nie.
14.5.5 Die finansiële beampte moet ten minste 7 (sewe) dae voordat hy/sy sodanige fonds
wil oudit die fondshoof daarvan in kennis stel sodat alles op die beoogde dag
beskikbaar is.
14.5.5 Fondse met 'n korttermyn doelstelling, bv die Majuba-uitstappie of matriekafskeid,
se fondse is meestal uitgeput met die aanbieding/bywoning van die
projek/toer/uitstappie. Indien die projekfonds na afhandeling van die projek
surplusfondse het, mag dit vir geen ander doel as die doel waarvoor dit ingesamel
is, aangewend word nie. Dit kan oorgedra word na 'n soortgelyke projek die
volgende jaar. Met ander woorde die graad 6- fonds van 2003 se surplus kan
gestort word in die graad 7-fonds van 2004. Indien die graad sewes van 2004 geen
soortgelyke projek aanpak nie, word alle surplusfondse aan die skool as donasie
oorgedra.
14.5.6 Die enigste uitsondering is die Graad 11-fonds. Die doel van die projek is die
aanbieding van die matriekafskeidsfunksie aan die einde van die jaar.
Surplusfondse aan die einde van die graad 11-jaar kan oorgedra word na die Graad
12-fonds, wat dit dan bv vir die aankoop van 'n afskeidsgeskenk aan die skool kan
gebruik.
14.5.7 Dit is belangrik dat fondse deur enige projekfonds ingesamel, nie vir enige
plesieruitstappies van die insamelaars gebruik mag word nie. Die bydraers tot so 'n
fonds dra by tot die doel van die fonds en nie vir enige ander doel nie.
14.5.8 Sommige van die fondse is op die been gebring om die fasiliteite in 'n sekere
afdeling van die skool te verbeter. Hierdie fondse samel elke jaar gelde in vir 'n
spesifieke doel, en mag ook 'n eie bankrekening hê. Sodanige projekfondse is
onder andere die Aartappelfeeskomitee, die dameskomitee en die
speelgroepiefonds.
14.5.9 Elke fondshoof moet aan die einde van die jaar ‘n volledige staat van ontvangstes
en betalings inhandig.
6 SPORT- EN KULTUURFONDSE
14.6.1 Bates wat deur enige Fonds aangekoop word of as skenkings ontvang, moet dit aan
die finansiële afdeling verklaar met nodige kwitansies of skriftelike waardasies sodat
dit in die skool se bateregister opgeneem kan word en by die versekeringspakket
ingesluit kan word.

SKOOLBELEID: C.V.O. SKOOL VIVO 55
14.6.2 Die Sportfonds en Kultuurfonds vorm 'n integrale deel van die skool en word deur
die finansiële kantoor bestuur. Die Sport- en Kultuurfonds het sy ontstaan vanuit 'n
komitee. 'n Begroting word ingedien deur die Sport-/Kultuurkomitee volgens 'n
komiteevergadering en notule. Gelde sal alleen volgens dié begroting uitbetaal
word. Indien gelde buite die bepaalde begroting aangevra word, sal 'n
komiteevergadering besluit. 'n Notule van die besluit sal aan die finansiële
administrasie toestemming verleen om uitbetalings te doen. Notules word by die
Opvoedingsraad ingedien. Hierdie Komitee moet egter ook elk 'n Fondshoof
aanwys en die persoon se naam aan die finansiële kantoor deurgee. Die
Opvoedingsraad moet die geïdentifiseerde persoon bekragtig as Fondshoof van
die betrokke fonds.
14.6.3 Geen uitbetaling sal gedoen word indien die sport en kultuurkomitee nie behoorlik
saamgestel is en funksioneel is nie.
14.7 PROJEKFONDSE IN BEDRYF OP DATUM VAN HIERDIE DOKUMENT:
Graad 6-fonds, Graad 7-fonds, Graad 11-fonds, Graad 12-fonds, Junior Primêrefonds,
Personeelgeskenkefonds, Dameskomitee, Kleuterskoolfonds, Speelgroepiefonds,
Koshuissnoepiefonds, Snoepiefonds, Biblioteekfonds, Hotel- en Spysenieringsfonds,
Prestasietoekenningsfonds, Sportfonds en Kultuurfonds.
NB: Geen projekfonds waarvan 'n personeellid van die skool aan die hoof staan en waarby
leerlinge van die skool by die insameling van fondse betrek word, kan onafhanklik van die
skool funksioneer nie. Sodanige fondse staan onder die jurisdiksie van die skool en moet
periodiek deur die finansiële hoof geoudit word.
14.8 PROSEDURES VIR DIE AANVRA VAN FONDSE DEUR PROJEKFONDSE
14.8.1 Slegs die Fondshoof, in oorleg met die bepaalde komitee, vra geld wat die fonds by
die skool inbetaal het, by die finansiële kantoor aan.
14.8.2 By opvraag bepaal die finansiële kantoor of die betrokke fonds die gevraagde
bedrag beskikbaar het , en indien nie, of die bedrag binne die begroting van die
fonds val. Indien wel, en indien die fondse beskikbaar is, sal die finansiële kantoor
die tjek/betaling voorberei.
14.8.3 Indien die betrokke fonds nie die gevraagde bedrag beskikbaar het nie, sal dit na
die betrokke Fondshoof terugverwys word. Dit is dan daardie Fondshoof se plig om
by die dagbestuur van die Opvoedingsraad skriftelik aansoek te doen om 'n
terugbetaalbare voorskot aan die Fonds te doen. Indien dit goedgekeur word, teken
een van die lede van die dagbestuur die aanvraag. die finansiële afdeling sal dan
die tjek/ betaling voorberei.
14.9 DIEFSTAL
Die skool aanvaar geen verantwoordelikheid vir diefstal van privaatgoedere uit klaskamers
nie. Wanneer die fondsbestuurders die gelde van projekfondse onder hul bestuur in hul
besit hou en nie in die skool se kluis bewaar nie, is die skool definitief nie verantwoordelik vir
verliese van enige aard nie.
14.10 TELEFOON
Personeellede ontvang elkeen 'n kode wat hy/sy gebruik wanneer daar geskakel word. Aan
die einde van die tydperk word 'n opsomming van elkeen se oproepe uitgedruk en aan
hom/haar oorhandig. Daar word van die personeellid verwag om ag van privaatoproepe aan
die finansiële kantoor te verklaar welke bedrag van die personeellid se salaris verhaal word.

SKOOLBELEID: C.V.O. SKOOL VIVO 56
Personeellede teken 'n toestemmingsvorm voordat die privaat telefoonkoste van sy/haar
salaris verhaal word.
Daar word van die personeellid verwag om steeds rekord van sy/haar amptelike oproepe te
hou sodat sodanige oproepe op navraag verantwoord kan word.
14.11 PRIVAAT PERSONE/ INSTANSIES
Geen privaat persoon en/of -instansie mag sonder die toestemming van die
Opvoedingsraad, besigheid op die skoolterrein bedryf nie, hetsy binne skoolure of daarbuite.
14.12 BELEGGINGSBESTUUR
Surplus fondse kan by finansiële instansies belê word, indien die begroting wel toelaat dat
surplus fondse vir dié doel aangewend mag word. Deeglike studie moet deur die finansiële
afdeling gedoen word met betrekking tot die beleggingstydperk en rentekoerse.

SKOOLBELEID: C.V.O. SKOOL VIVO 57
HOOFSTUK 15
15. OPVOEDINGSRAAD:
CVO Vivo is ‘n ouerbeheerde skool. Die ouers verkies ‘n opvoedingsraad wat die skool
namens hulle bestuur.
15.1 Algemene Vereistes:
15.1.1 Slegs lede van die Christelike Nasionale Ouervereniging Vivo (CNOV) kan in die
Opvoedingsraad dien.
15.1.2 Die vier deelnemende kerke word gelyk verteenwoordiging in die Opvoedingsraad.
(Die voorsitter uitgesluit).
15.1.3 Die Opvoedingsraad word tydens ‘n algemene jaarvergadering verkies Wanneer
daar ‘n tussentydse vakature in die Opvoedingsraad ontstaan, kan die
Opvoedingsraad ‘n lid benoem, onderhewig aan bekragtiging deur die eersvolgende
ledevergadering.
15.1.4 Personeellede kan ook ad hoc op die OR dien, maar slegs vir onderwyssake.
15.1.5 Die helfte plus een van die Opvoedingsraad vorm ‘n kworum.
15.1.6 Die hoof dien ex officio op die OR.
15.2 Samestelling:
15.2.1 Die volgende funksies word onderskei: Voorsitter, Onder-Voorsitter, Sekretaris,
Penningmeester en Addisionele lede tot ‘n maksimum van 5 (vyf).
15.2.2 Die voorsitter word in funksie verkies. Die Opvoedingsraad reël die ander funksies
onderling.
15.2.3 Die opvoedingsraad wys ‘n dagbestuur uit eie geledere aan, waarvan die voorsitter
die sameroeper is.
15.3 Dienstermyn:
Opvoedingsraadslede word vir drie jaar verkies.
15.4 Funksies van die Opvoedingsraad:
Op enige plek waar die Skool hierna gebruik word, sal Skool die betekenis hê van die
Christelik-nasionale Ouervereniging Vivo, tensy dit uit die samehang blyk dat Skool ‘n ander
betekenis het.
15.4.1 Die Opvoedingsraad verteenwoordig die CNOV as ‘n regspersoon en bevorder die
belange van die Vereniging waar moontlik.
15.5 Magte en bevoegdhede van die Opvoedingsraad:
15.5.1 Die kapitaal van die skool vestig in die Opvoedingsraad in hulle ampshoedanigheid,
om met die kapitaal en die inkomste van die skool te handel ten behoewe van die
skool en nie tot die persoonlike voordeel van die Opvoedingsraad nie. Die
omvangrykheid van die magte wat in die Opvoedingsraad setel, moet geinterpreteer
word onderhewig daaraan dat dit altyd tot bevoordeling van die skool
moet wees;
15.5.2 Die Opvoedingsraad is geregtig om enige handeling hoegenaamd te verrig wat hulle
in hulle eie diskresie noodsaaklik en/of bevorderlik beskou vir generering van fondse

SKOOLBELEID: C.V.O. SKOOL VIVO 58
van die Christelik-nasionale Ouervereniging Vivo, soos wat ‘n ten volle
handelingsbevoegde natuurlike persoon ten opsigte van sy eie sake mag verrig;
15.5.3 Sonder inperking van die algemeenheid van die bevoegdhede van die
Opvoedingsraad, is die Opvoedingsraad gemagtig om:
a) ‘n bankrekening in naam van die Skool te open, tjeks daarop te trek, gelde
daarop te deponeer, wissel en waarborge daarteen te laat uitreik en wissel
ten gunste van die Skool vir invordering te oorhandig. Vir doeleindes van
hierdie sub-paragraaf is die handtekening van enige een van die
Opvoedingsraad Voldoende vir enige handeling met betrekking tot die
bankrekening, mits die bevoegdheid aan ‘n enkele Opvoedingsraadslid
verleen, deur ‘n behoorlike besluit van die Opvoedingsraad gerugsteun is.
“Bankrekening” sluit ook rekeninge by, of enige kredietreëlings met banke
en erkende finansiële instellings in, insluitende die Land- en Landboubank
van Suid-Afrika.
b) Goedere van enige aard, roerend of onroerend, liggaamlik of onliggaamlik
en waar ookal geleë, insluitende aandele, effekte, fondse, skuldbriewe en
sekuriteite te koop, te verkoop, of te ruil en enige kredietooreenkomste en
kontrakte van enige aard aan te gaan op sodanige voorwaardes as wat die
Opvoedingsraad bepaal;
c) Enige vaste eiendom wat deel van die skoolkapitaal uitmaak, te verkoop, te
verhuur, te verbeter, te verander en te onderhou en desnoods vaste
verbeterings te sloop en nuwe verbeterings op te rig, en/of vaste eiendom te
huur en sodanige ooreenkomste aan te gaan en te onderteken;
d) By enige verkoop van bates wat deel van die skoolkapitaal uitmaak na hulle
eie onbeperkte goeddunke sodanige verkoping per openbare veiling,
openbare tender of uit die hand te doen en na hulle eie onbeperkte
goeddunke krediet te verleen ten opsigte van die hele koopprys, of ‘n
gedeelte daarvan, met of sonder sekuriteit of rente;
e) Enige dokument of aktes met betrekking tot vervreemding, huur of
verhuring, verdeling, ruil, oordrag, verbandgewing, verhipotekering of
andersins in enige Aktekantoor, mynbriewekantoor, of ander openbare
kantoor wat handel met serwitute, vruggebruike, beperkte belange, of
andersins te verleen en in te stem tot enige wysiging, verandering, rojering,
sessie, ontheffing, vermindering, substitusie of enige iets anders wat in die
algemeen betrekking het op enige akte, verband of dokument en om vir
enige doeleindes afskrifte van aktes, verbande of dokumente te verkry en
om in die algemeen enige handeling hoegenaamd in enige sodanige
kantoor te doen of te laat doen.
i) Huurgeld in te vorder en huurkontrakte te kanselleer en die nodige
stappe te doen vir die uitsetting van ‘n huurder uit ‘n verhuurde
eiendom en dorpstigting en deeltitelontwikkeling daarop te
onderneem;
ii) gelde wat deel van die skoolkapitaal uitmaak teen rente of rentevry
te belê in sodanige sekuriteite en op sodanige wyse en
voorwaardes as wat die Opvoedingsraad bepaal;
iii) enige belegging wat deel van die skoolkapitaal uitmaak in hulle
diskresie in daardie vorm te behou, of te wysig, of te herbelê;
iv) lenings, aan die begunstigdes en ander persone, of instansies van
die Opvoedingsraad se keuse, met of sonder rente en op sodanige
voorwaardes is wat die Opvoedingsraad bepaal, te maak, met of
sonder sekuriteit;
v) lenings vir doeleindes van die skool aan te gaan, met of sonder
rente en met of sonder sekuriteit en op sodanige voorwaardes as
waarop met die persoon of instansie wat die lening aan die
Opvoedingsraad maak, ooreengekom word;

SKOOLBELEID: C.V.O. SKOOL VIVO 59
vi) enige bate van die skool onder verband te bring, dit te
verhipotekeer, of ‘n retensiereg daarop te gee;
vii) regsgedinge in te stel, te verdedig, of te skik;
viii) vergaderings van skuldeisers van ‘n privaat individu, maatskappy,
of liggaam wat ‘n skuldenaar van die skool is, by te woon, ongeag
of die vergadering met insolvensie, likwidasie of geregtelike
Opvoedingsraad verband hou, te stem oor enige sake wat aan die
vergadering voorgelê word en in die algemeen, alle regte wat aan ‘n
skuldeiser in soortgelyke omstandighede toekoms, uit te oefen;
ix) die nakoming van die kontrakte of verpligtings van enige persoon of
maatskappy teen vergoeding of gratis te waarborg as borg en
mede-hoofskuldenaar en om vir die doel bates van die skool as
sekuriteit te verband.
x) Kwitansies, ontheffings, of vrywarings te gee ten aansien van enige
bedrag of vordering wat ontvang is, of waaraan voldoen is;
xi) Van die dienste van professionele adviseurs en van ambagsmanne
vir die sake van die skool gebruik te maak vir sodanige dienste uit
die skoolfonds betaal;
xii) Skenkings uit die skoolfonds te maak;
xiii) Skenkings, of erflatings ten behoewe van die Skool an enige
iemand te aanvaar, onderhewig aan die bepalings en voorwaardes
van hierdie grondwet en onderhewig aan die bepalings en
voorwaardes waarmee sodanige skenkings en/of erflatings gepaard
mag gaan;
xiv) Alleen of in ‘n verbintenis of assosiasie met ‘n ander regspersoon of
natuurlike persoon die skool of ander aktiwiteite hierin gemagtig, te
bedryf;
xv) Maatskappy in enige deel van die wêreld op te rig met sodanige
doelstellings as wat die Opvoedingsraad mag bepaal, die stemreg
verbonde aan die aandele, in enige maatskappy, wat in die
Opvoedingsraad vestig uit te oefen en in die algemeen alles met
betrekking tot ‘n maatskappy te doen wat ‘n aandeelhouers
ingevolge die bepalings van die toepaslike maatskappyereg kan
doen;
xvi) Ingeval van ‘n maatskappy, of effektetrust waarvan die statute die
oordrag van aandele in naam van die Opvoedingsraad as sodanig
verbied, die aandele in hulle persoonlike name, of die name van
hulle benoemdes te laat oordra en te hou as genomineerdes van en
te behoewe van die skool;
xvii) Kontrakte met hulleself in hulle persoonlike hoedanighede
gesamentlik of afsonderlik te sluit, mits aan die voorskrifte van subparagraaf
15.5.3.(a) voldoen word;
xviii) By die uitoefening van enige van die voormelde bevoegdhede, alle
dokumente te teken en alle stappe te doen wat nodig mag wees om
sinvol aan ‘n besondere bevoegdheid uitvoering te gee;
xix) Om enige lewensversekeringspolisse op die lewe van ‘n persoon te
plaas of aan te gaan en/of per sessie ten gunste van die skool te
aanvaar en om die premies daarop te betaal en om die polisse in
stand te hou, of op enige wyse daarmee te handel, mits dit op enige
wyse in belang van die skool is of dit nodig is om dit te doen om ‘n
ander doel te bereik welke ander doel in belang van die skool mag
wees. Indien die versekerde gedurende die geldigheidsduur van
die skool en terwyl die lewensversekering op sy lewe nog bestaan,
te sterwe kom, vorm die opbrengs van die polis deel van die
skoolkapitaal;
xx) In die algemeen die magte en bevoegdhede van ‘n
maatskappydireksie uit te oefen en meer besonderlik, om mutatis
mutandis die bevoegdhede in Bylae 2 tot die Maatskappyewet Nr
61 van 1973 (soos gewysig) aan ‘n maatskappy verleen, uit te
oefen.

SKOOLBELEID: C.V.O. SKOOL VIVO 60
xxi) Om alle magte, regte en verpligtinge wat hulle kragtens hierdie
grondwet verkry en in enige land buite die Republiek van Suid-
Afrika uit te oefen en aan te gaan;
xxii) Op naam van die skool lidmaatskap en enige kredietfasiliteite by
enige Landbou- of ander Vereniging te verkry en te benut en om vir
die doel die skoolkapitaal of enige gedeelte daarvan by wyse van
pand, hipoteek of verband as sekuriteit te verband;
xxiii) Nieteenstaande enige voorafgaande bepaling met betrekking tot die
magte en bevoegdhede van die Opvoedingsraad is die
opvoedingsraad onbeperk bevoeg om enige regshandeling te verrig
wat nodig mag wees vir die skool om in die normale handelsverkeer
te kan deelneem en sal sodanige handeling ‘n regsgeldige
handeling wees;
xxiv) Om met enige persoon of instansie ‘n dienskontrak aan te gaan op
sodanige terme en voorwaardes as waarop ooreengekom mag
word;
xxv) Om enige handeling onbeperk te verrig wat nodig mag wees om die
belange van die skool te bevorder.
15.5.4 Die Opvoedingsraad is bevoeg om enige twee persone aan te wys, tensy hierin
ander bepaal, en volmag te gee, by wyse van besluitneming deur die
Opvoedingsraad, dat sodanige twee persone namens die Opvoedingsraad en die
skool enige regsdokument van welke aard ookal te teken, Onderhandelinge aan te
gaan ingevolge waarvan regte en verpligtinge mag ontstaan. Ondertekening van
sodanige dokument deur die twee aangewese persone sal geag word behoorlik
onderteken te wees deur die Opvoedingsraad, wat ‘n regsgeldige verbintenis tot
stand sal bring.
15.5.5 Die Opvoedingsraad stel personeel aan en kan personeel ontslaan.
15.5.6 Die Opvoedingsraad hou toesig oor en bepaal die koers en gehalte van die
onderwys van die skool
15.5.7 Die Opvoedingsraad hanteer slegs skriftelike navrae, wenke en klagtes van ouers
met betrekking tot skoolaangeleenthede, in samewerking met die hoof.
15.5.8 Die Opvoedingsraad trag te alle tye om die onderwys vir ouers bekostigbaar te
maak.
15.5.9 Die Opvoedingsraad bestuur die skool in sy geheel en sien toe dat professionaliteit
gehandhaaf word.
15.5.10 Die Opvoedingsraad keur en nooi nuwe lede uit tot die vereniging.

SKOOLBELEID: C.V.O. SKOOL VIVO 61
HOOFSTUK 16
16. KOSHUISREëLS:
Dit is belangrik dat elke leerling en ouer homself van die volgende reëls rakende die
leerlinge se verblyf in die koshuis sal vergewis
16.1 Koshuise is vir leerlinge oop, vanaf die vorige aand voor die skool begin van 'n nuwe
kwartaal. Die eerste ete sal bedien word die oggend van die dag waarop die skool begin.
op voorwaarde dat die leerling/e voor 15h00 die vorige dag die intekenboek by die matrone
voltooi. Leerlinge wat die oggend voor skool inkom, se eerste ete is om 13h35.
16.2 Leerlinge kom alle koshuisreëls na vanaf die oomblik dat hy/sy die koshuis betree.
16.3 Die koshuis sluit Vrydae om 13h30 en open Maandae-oggende om 6h30.
16.4 Sport- en kultuuraktiwiteite gedurende naweke:
Gedurende spesifieke sport- en kultuurnaweke sal toesig gereël word en geld al die
koshuisreëls en sal tye aangepas word volgens die aktiwiteite. Leerlinge is onder toesig van
die personeel deur die hoof/koshuishoof aangewys.
16.5 Leerlinge wat die Sondagaand voor die skool die Maandag begin inkom moet vooraf
reëlings met die onderwyser/es wat Maandae diens doen tref en reeds op Vrydae die
intekenboek voltooi en alle koshuisreëls is van die oomblik van betreding op hom/haar van
toepassing.
16.6 Skoolsluiting aan die einde van die kwartaal:
Koshuiskamers moet ontruim word op die laaste dag van elke kwartaal sodat die kamers
skoongemaak kan word en geen verantwoordelikheid word aanvaar vir enige besittings wat
in die kamers agtergelaat word nie.
16.7 Leerlinge wat die skoolgronde gedurende die week verlaat:
Vir elke leerling wat die skoolgronde gedurende die week verlaat, ongeag of dit slegs vir 'n
middag geld, geld die volgende reëls:
16.7.1 Die ouers/wettige voog voltooi 'n lys van name waarop hy/sy aandui wie sy
kind/ers mag uitteken. Hierdie lys met name word by die personeellid aan diens
gehou.
16.7.2 Slegs volwassenes wie se besonderhede op die lys (toestemmingsbrief) wat deur
die ouer/voog voltooi is verskyn, mag leerlinge uitteken.
16.7.3 Geen leerling mag hom/haarself uitteken nie.
16.7.4 Waar ouers 'n permanente reëling wens te doen, stel hy dit duidelik op die
toestemmingsbrief (bv. wanneer ‘n leerling elke Donderdag met die bus huistoe
moet gaan). Die personeellid aan diens teken hom/haar dan uit.
16.7.5 Volwassenes wat leerlinge uitteken doen dit, waar moontlik, reeds die oggend van
die dag wanneer die leerling uitgaan. (koste-effektief).
16.7.6 Leerlinge gaan in een groep winkel toe en beweeg as ‘n groep weer terug in oorleg
met die personeellid aan diens. Sodra ‘n snoepie beskikbaar is sal niemand die
terrein verlaat om winkel toe te gaan nie.
16.8. Toegang tot seuns/meisieskoshuise:
Geen seun of man (behalwe diensdoenende onderwyser/esse tydens studietye) word
toegelaat in die dogterskoshuise nie, en omgekeerd by die seunskoshuis.

SKOOLBELEID: C.V.O. SKOOL VIVO 62
16.9 Siek leerlinge / Medikasie:
16.9.1 Indien 'n leerling siek is, moet hy/sy by die matrone aanmeld waar die nodige
mediese hulp verleen sal word.
16.9.2 In die geval van ernstige siekte of beserings sal die ouers onmiddellik in kennis
gestel word. Indien die ouer nie opgespoor kan word nie of in dringende gevalle sal
die leerling na 'n dokter geneem word.
16.9.3 Vir bogenoemde is dit uiters belangrik dat die nodige toestemmingsvorm met alle
besonderhede, bv mediesenommer, bepaalde dokter ens. volledig voltooi word en
by die matrone beskikbaar is.
16.9.4 Medikasie: Medisyne mag nie aan leerlinge gegee word nie. Geen pynpille,
oogdruppels, oordruppels ens. nie. Indien ouers dit verkies, moet hy/sy
toestemming in die bogenoemde mediesevorm gee; dan moet die matrone die tipe
medisyne toegedien, hoeveelheid toegedien en datum in die mediese register
aanteken.
Sou bogenoemde herhaaldelik plaasvind behoort 'n leerlinge liefs na 'n dokter
geneem word.
Matrone stel die skoolhoof in kennis indien 'n leerling nie skooltoe kan gaan nie.
(Sien pligstaat- matrone).
16.10 Studietye: (Sien koshuisrooster)
(Of soos hoof na goeddunke verander).
16.10.1 Aanvang:
Leerlinge sorg dat hy/sy oor al sy/haar studiebenodigdhede beskik voor die aanvang
van die studietyd.
16.10.2 Geen selfone word gedurende studietyd toegelaat nie. Oproepe word so gereël dat
dit nie inmeng met studietye nie. Niemand sal toegelaat word om die telefoon op
die stoep te beantwoord nie.
16.10.3 Studie vind in die eetsaal plaas en is verpligtend vir alle leerlinge.
16.10.4 Die koshuishoof en opvoedingsraad besluit of die Graad 12 leerlinge in hulle kamers
mag studeer. Indien ‘n Graad 12 leerling wat toegelaat word om in sy/haar kamer te
studeer misbruik maak van die vergunning, sal die vergunning teruggetrek word en
sal hy/sy in die studiesaal saam met die ander leerlinge studeer.
16.10.5 Gedurende studietye is daar algehele stilte en geen radio's mag gespeel word nie.
Geen ander lektuur of tydskrifte sal deur geblaai of gelees word in die studiesaal nie
– daar sal net aan skoolwerk gewerk word.
16.10.6 Leerlinge wat na studietyd nog wil studeer, reël met die personeellid aan diens.
16.10.7 Leerlinge wat in sy/haar kamer studeer, hetsy gedurende of na studietye, sit by
sy/haar lessenaar en werk. Geen lêery op beddens en oor-en-weer kuiery nie.
16.10.8 Leerlinge wat tydens studietyd aan buitemuurse aktiwiteite deelneem tref reëlings
met die personeellid aan diens.
16.10.9 Indien buite-kurrikulêre aktiwiteite deur die hele skool bedryf word, bv. atletiek,
rugby, kultuur ens. kan die studierooster aangepas word deur die personeellid aan
diens in oorleg met die hoof/koshuishoof.
16.10.10 Laerskool leerlinge wat gedurende die tweede studiesessie saans bad, stilte
hou ens. doen dit so dat dit nie die seniors ontwrig nie. Die omgekeerde is ook so:

SKOOLBELEID: C.V.O. SKOOL VIVO 63
Senior leerlinge ontwrig nie die leerlinge wat reeds slaap nie. Wedersydse respek
en verantwoordelikheid is belangrik.
16.11 Etenstye: (Sien koshuisrooster)
(Of soos deur hoof na goeddunke verander).
16.11.1 Alle leerlinge moet tydens etes in die eetsaal wees.
16.11.2 Ontbyt: Leerlinge kom met hulle skooldrag eet. Die personeellid aan diens of ‘n
leerling vra die seën en die diensdoenende onderwyser/es bepaal wanneer daar
gedank word deur hom/haarself of een van die leerlinge.
16.11.3 Middagete: Leerlinge mag met sportklere aan gaan eet.
16.11.4 Aandete: Leerlinge kom eet met netjiese klere aan. Hare moet netjies gekam
wees en gesigte en hande moet gewas wees.
16.11.5 Tafelhoofde sorg dat die tafels netjies agtergelaat word. Oorskietkos word op die
afdektafel in ‘n bak gekrap. Borde word netjies opmekaar gestapel; Eetgerei in
skottel op afdektafel geplaas.
16.11.6 Aandgodsdiens word gehou. Leerlinge maak beurte om te lees, te bid en te dank.
‘n Naamlys met datums ward opgestel.
16.12 Ander reëlings ivm etes en die kombuis:
a) Leerlinge is slegs in die eetsaal tydens studie, etes en wanneer daar na ‘n video
(TV) gekyk word.
b) Geen leerlinge het toegang tot die kombuis nie en geen eetgerei word uit die
eetsaal of kombuis verwyder nie.
c) Geen persoon verwyder geen voorrade, kookgerei ens. uit die eetsaal of kombuis
as daar nie vooraf met die matrone gereël is en die voorrade uitgeteken is nie.
16.12.1 Koffietyd: Koffie word net gedurende koffiebreuk gemaak en nie voor of na studie
nie. Plaas die Koffiebekers terug in die afdekskottel nadat koffie gedrink is. Geen
bekers mag uit die eetsaal na die slaaplokale geneem word nie.
16.12.2 Algemene etiket: Soos in ‘n mens se eie huishouding geld goeie tafelmaniere
deurgaans. Daar mag gesels word maar sonder om te luidrugtig te raak.
16.13 Koshuiseiendom:
16.13.1 Koshuiseiendom mag onder geen omstandighede uit die kamers, eetsaal of geboue
verwyder word of self verskuif word nie.
16.13.2 Elke leerling bly in die lokaal wat aan hom/haar toegewys is en daar word nie
verskuiwing gemaak as dit nie deur die koshuishoof/personeellid aan diens gereël
word nie. Leerders bly en slaap in hulle eie kamers en neem daarvoor
verantwoordelikheid.
16.13.3 Wanneer ‘n kind koshuiseiendom beskadig of deur onverskilligheid of deur
kwaadwilligheid sal hy/sy of die ouer daarvoor moet betaal. Kwotasies vir
herstelwerk sal verkry word in dien die ouers dit nie self kan herstel of vervang nie.
16.14 Leerling sakgeld en/of eiendom:
16.14.1 Kontant word op eie risiko gehou. Koshuiskaste moet gesluit word en ‘n
duplikaatsleutel met ‘n duidelike etiket by die matrone ingehandig word.

SKOOLBELEID: C.V.O. SKOOL VIVO 64
16.14.2 Radio’s, rekenaars, verwarmers, koffiemasjiene ens. mag slegs met die
toestemming van die opvoedingsraad aangehou word. Apparate moet veilig wees,
aan SABS standaarde voldoen, geen brandrisiko inhou en enigsins gevaar vir enige
koshuisinwoner inhou nie.
16.14.3 Proppe moet nie oorbelaai word nie. Die OR aanvaar geen verantwoordelikheid vir
enige genoemde apparaat nie en sou dit aanleiding tot brand gee, word die
ouer/voog verantwoordelik gehou vir enige skade.
16.14.4 Klankapparaat (radio’s) kan gebruik word enige tye behalwe in studie- of stiltetye.
Musiek moet aanvaarbaar wees en die klank bedoel vir die persoon wat daarna
luister en nie die res van die koshuis nie.
16.15 Privaat voertuie:
16.15.1 Privaat voertuie van leerlinge kan met die toestemming van die OR op die terrein
gehou word en gestoor word op so ‘n plek daarvoor aangewys.
16.15.2 Geen leerlinge sonder ‘n bestuurslisensie bestuur ‘n voertuig op die skool of
koshuisterrein nie.
16.15.3 Geen koshuisleerling word as passasiers vervoer op die skoolterrein sonder sy/haar
ouer se toestemming nie. Koshuispersoneel aanvaar geen verantwoordelikheid nie
en indien bg reëlings verontagsaam word, sal parkering op die skoolterrein
opgeskort word.
16.15.4 Leerlinge mag nie in motors by die koshuis kuier nie en geen leerling ry saam met
haar/sy vriend of vriendin nie.
16.16 Betreding van die koshuis gedurende skoolure:
16.16.1 Geen koshuis of plaaslike leerling betree die koshuisgeboue gedurende skooltye of
pouses nie. Indien ‘n leerling siek word gedurende skoolure rapporteer hy/sy by die
hoof/koshuishoof wat dan verdere reëlings sal tref.
16.17 Opstaantyd / Inspeksietyd / stiltetyd:
16.17.1 Opstaantyd: Leerlinge staan op, volg die gewone bad roetine en berei voor vir
inspeksie.
16.17.2 Inspeksies: Leerlinge is gereed vir inspeksie en daar word o.a. na die volgende
gekyk:
a) Die lokaal moet netjies uitgevee wees; bed moet netjies opgemaak wees,
handdoeke moet opgehang wees, alle klerasie moet opgevou en in
hangkaste weggebêre wees;
b) Hangkaste moet netjies en georden wees. Skooltas moet gepak wees en
gereed wees om na ete geneem te word en skooltoe te gaan.
c) Persoonlike higeine: Borsel tande, kam hare en skoene moet skoon wees.
16.17.3 Stiltetyd: (Oggende):
a) Elke leerling sit op sy/haar stoel en lees uit die Bybel en bid. Eers wanneer
die klok lui beweeg die leerling na die eetsaal en tree op die stoep aan.
Verdere reëlings is soos by “etenstye”.
b) Na ete kry die leerlinge hulle tasse en beweeg na die skool Die koshuise
word nie weer betree tot na skool nie.
16.17.4 Stiltetyd: (Aand):
a) Gedurende stiltetye lees die leerlinge uit sy/haar Bybel. Die personeellid
aan diens kan ook reël dat daar stiltetyd in groepsverband gehou word.

SKOOLBELEID: C.V.O. SKOOL VIVO 65
Geen kind loop rond gedurende stiltetyd nie. Respekteer mekaar in die
verband.
16.18 Ander reëls:
a) Geen alkoholiese drank sal in die koshuis of die skoolgrond geduld word nie.
b) Geen rokery in die Koshuiskamers of die skoolgronde nie. Onthou drank en
tabakverwante produkte mag nie aan ‘n minderjarige verkoop word of in sy besit
wees nie.
c) Dissiplinêre stappe sal onmiddellik geneem word indien bogenoemde verontagsaam
word en oortredings plaasvind.
16.18 Algemeen:
Reëls is daar vir die beskerming van elke person se regte. Dissipline moet uiteindelik lei na
self-dissipline.
Ons maak staat op elke persoon se samewerking tot voordeel van elkeen en tot uitbouing
van ons skool se karakter.
Leerlinge wat hierdie koshuisreëls oortree, sal gestraf word. Met ernstige oortredings kan
hulle selfs geskors word.
Ingeval van herhaaldelike oortredings sal die ouers in kennis gestel word en die nodige
stappe sal geneem word.
16.19 Daaglikse roetine: (Sien die rooster)

SKOOLBELEID: C.V.O. SKOOL VIVO 66
ROOSTER:
06H00 Opstaantyd
06h30 Inspeksie
06h40 Stiltetyd
06h45 Ontbyt
13h35 Middagete
14h15 tot 15h15 Studietyd (Maandae en Woensdae)
15h30 tot 16h30 Studietyd (Dinsdae en Donderdae)
15h15 tot 15h45 Snoepietyd (Maandae en Woensdae)
15h00 tot 15h30 Snoepietyd (Dinsdae en Donderdae)
Na studie tot 17h00 Ontspanningstyd
17h00 tot 17h30 Gereedmaak vir aandete
17h30 Aandete
18h15 tot 19h00 Televisie / ontspanning
19h05 tot 20h05 Studietyd Grade 5 tot 12
20h05 tot 20h20 Koffietyd Almal
20h20 tot 20h30 Gereedmaak vir slaaptyd – Juniors Grade 1 – 7
20h30 tot 20h40 Stiltetyd Juniors Gr 1 – 7
20h45 Ligte uit Juniors
20h20 tot 21h20 Studietyd Grade 8 tot 12
21h20 tot 21h50 Gereedmaak vir slaaptyd Seniors
22h00 Algehele ligte uit.
Ekstra studie: Indien enige leerling nog wil studeer kan hy/sy
toestemming by die personeellid aan diens kry. Studie
word by die lessenaar gedoen. Vergunning sal
teruggetrek word indien leerling rondloop, raas en nie by
die voorgeskrewe reëls hou nie.

SKOOLBELEID: C.V.O. SKOOL VIVO 67
17. SKOOLDRAGKODE:
HOOFSTUK 17
17.1 Voorkoms (algemene voorkoms van leerlinge):
Ons glo daaraan dat die mooiste van ‘n skolier juis daarin geleë is dat jy altyd moet kan sien
dat dit ‘n skoolkind is. ‘n Leerling moet die aandag trek deur sy of haar voortreflike gedrag
en goeie prestasie en nie deur uiterlike tooisels nie.
Seuns:
• Skoene moet skoon en kouse opgetrek wees;
• Groot seuns moet gereeld skeer;
• Geen armbande, kettings, oorbelle, hangertjies en ringe mag gedra word nie. Sulke
items sal gekonfiskeer word.
• Moue van truie mag nie opgeskuif wees nie;
• Stewels is ontoelaatbaar.
Dogters:
• Grimering of juwele pas nie by skooldogters nie en is daarom ook nie toelaatbaar nie;
• ‘n Polshorlosie en EEN paar oorkrabbertjies (ringetjies 1cm deursnee of klein balletjietipe
van goud of silwer);
• Geen grimering word toegelaat nie – ook nie by sport- en ander skoolaangeleenthede,
in skooldrag nie;
• Naels moet kort geknip en skoon wees. SLEGS Hoërskooldogters mag kleurlose
naellak dra.
• Dit is verkieslik dat dogters, wanneer hulle met sportdrag op straat verskyn, ten minste
‘n sweetpakbroek sal aanhê;
• Moue van truie mag nie opgeskuif word nie;
• Roklengtes – 10 cm vanaf die grond in ‘n knielende posisie.
17.2 Haarstyl – Seuns:
• Seuns se hare moet KORT en NETJIES wees. Geen afwykende haarstyle is
aanvaarbaar nie. Die skool hou hom die reg voor om te besluit wat kort en wat netjies
is;
• Hare moet skoon en netjies gekam wees;
• Mag nie langer as ‘n vingerbreedte bokant die wenkbroue hang as dit vorentoe gekam
word nie;
• Moet agter skuins op vanaf die haarlyn gesny word; hare mag nie sodanig geknip wees
dat dit rondom die slape en agterkop dik wegstaan nie;
• Wanneer hare regaf gekam word, mag dit nie oor die ore hang nie;
• ‘n Bakkebaard mag nie laer as die middel van die oor wees nie en mag nie krul as
gevolg van die lengte daarvan nie;
• Hare mag nie gekleur word nie;
• Seuns se hare bo-op die kop mag nie te lank wees nie en moet volgens ‘n netjiese snit
gesny wees;
• Matige gebruik van haargel is toelaatbaar – egter nie die “wetlook” nie.
17.3 Haarstyl – Dogters:
• Hare moet ‘n algemene netjiese indruk skep. Dit behels dat lang hare (dws hare wat aan
die kraag raak) vasgemaak moet word met bolletjies of linte volgens die skool se kleur:
slegs vlootblou;
• Kuiwe mag nie oor die wenkbroue hang nie, anders moet dit teruggebind word;
• Geen kleurstof of bleikmiddels word toegelaat nie;
• Geen haargel is toelaatbaar nie.
17.4 Skooldrag:
Eenvormige drag gee ‘n skool ‘n netjiese voorkoms – dit is van groot dissiplinêre waarde en
doen weg met die onwelkome onderskeid tussen ryk en arm.
17.4.1 Hoërskoolseuns: Somer:

SKOOLBELEID: C.V.O. SKOOL VIVO 68
Kakiehemp en –broek, met bruin poleerbare skoene en skoolkouse.
Hoërskoolseuns: Winter:
Die seuns het ‘n keuse tussen die volgende:
Kakieklere met skooltrui
OF
Grys langbroek, wit hemp, das, trui en/of skoolbaadjies.
Vlootblou serp en handskoene is ook toelaatbaar.
Noord-Transvaal sweetpakke mag slegs op VRYDAE gedra word.
Die volgende is glad nie toelaatbaar vir die Hoërskool nie:
• Geen skoolsweetpakke;
• Geen tekkies
• Geen “windbreakers” nie
17.4.2 Laerskoolseuns: Somer:
Gewone kakieklere met bruin/swart poleerbare skoene en skoolkouse of kaalvoet.
Laerskoolseuns: Winter:
Kakieklere en skooltrui, bruin poleerbare skoene en skoolkouse
OF
Skoolsweetpakke met bruin poleerbare skoene en skoolkouse
Vlootblou serp en handskoene is ook toelaatbaar
Noord-Transvaal sweetpakke mag slegs op VRYDAE gedra word.
Die volgende is glad nie toelaatbaar vir die Laerskool nie:
• Geen tekkies
• Geen “windbreakers” nie
• Geen “drimac’s” nie
17.4.1 Hoërskooldogters: Somer:
Vlootblou skoolrompie met wit kortmou skoolbloes, kort blou kouse en swart
skoene.
Hoërskooldogters: Winter:
Vlootblou skoolromp, kniekouse of swart spankouse, wit langmouhemp, das, trui
en/of skoolkleurbaadjie.
OF
Voorgeskrewe vlootblou Woolworths langbroek met wit langmouhemp, das, trui of
skoolkleurbaadjie.
Vlootblou serp en handskoene is ook toelaatbaar.
Noord-Transvaal sweetpakke mag slegs op VRYDAE gedra word.
Die volgende is glad nie toelaatbaar vir die Hoërskool nie:
• Geen skoolsweetpakke nie
• Geen “Windbreakers nie
• Geen tekkies nie
17.4.2 Laerskooldogters: Somer:
Voorgeskrewe skoolrok met kort blou skoolkouse en swart poleerbare skoene.
Laerskooldogters: Winter:
Voorgeskrewe skoolrok met kniekouse en skooltrui.

SKOOLBELEID: C.V.O. SKOOL VIVO 69
17.5 Sportdrag;
OF
17.5.1 Atletiek:
Skoolsweetpak met blou gholfhemp en skoolkouse
Vlootblou serp en handskoene is ook toelaatbaar
Noord-Transvaal sweetpakke mag slegs op VRYDAE gedra word.
Die volgende is glad nie toelaatbaar vir die Laerskool nie:
• Geen tekkies
• Geen “Windbreakers” nie
• Geen Drimac’s nie.
Seuns:
Vlootblou sportbroek met voorgeskrewe atletiekhempie, blou skool gholfhemp,
skoolsweetpak of Noord-Transvaalsweetpak.
Dogters:
Blou broek met voorgeskrewe atletiekhempie, blou skool gholfhemp en/of
skoolsweetpak of Noord-Transvaalsweetpak.
OF
Blou spanbroek met blou skool gholfhemp wat oor die heupe hang.
17.5.2 Netbal:
Netbalrompie en/of blou spanbroek met blou skool gholfhemp, skoolsweetpak of
Noord-Transvaalsweetpak.
17.5.3 Rugby:
Blou rugbybroek met skoolrugbytrui en rugbykouse, met skoolsweetpak of Noord-
Transvaalsweetpak.
17.6 A-Drag:
17.6.1 Seuns:
Hoërskool: Grys langbroek, wit hemp, skooldas en kleurbaadjie.
Laerskool: Grys langbroek, wit langmouhemp, skooldas en skooltrui.
17.6.2 Dogters:
Hoërskool: Skoolromp, wit bloes, kniekouse, das en kleurbaadjie.
Laerskool: Skoolrok, skooltrui, kniekouse.

SKOOLBELEID: C.V.O. SKOOL VIVO 70
18. GESKILBESLEGTINGSPROSEDURE:
HOOFSTUK 18
18.1 Die konflik kan ontstaan uit ‘n geskil, dispuut, probleem of grief.
18.2 Inligtingsversamelingsfase:
Wanneer daar by enige rolspeler ongelukkigheid oor enige saak is, moet hy homself
dadelik op hoogte bring met die tersaaklike feite. CVO Vivo-beleidsdokument en –
kodes moet geraadpleeg word en die inligting en agtergrond oor ‘n besluit of
optrede moet direk van die bron bekom word.
18.3 Aanmeldingsfase:
Indien die ongelukkigheid nog steed bestaan moet die saak wat aanleiding gee tot
die ongelukkigheid by die korrekte persoon aangemeld word, sodat hy as beslegter
kan optree. Die persoon by wie die saak aangemeld word, sal dan afsonderlik die
nodige inligting van beide partye bekom en wedersyds terugvoering gee tot
bevrediging van beide partye. Aanmelding geskied by die Voorsitter van die
Opvoedingsraad of die skoolhoof op die Opvoedingsraad of die skoolbestuur.
18.4 Gesamentlike gesprek:
Sou die aanmeldingsprosedure nie help nie, moet die beslegter en die twee partye
in camera vergader. Sodra dit duidelik word dat konflik onvermydelik is, moet die
nodige meganismes vir die hantering van konflik in werking gestel word. ‘n
Beslegter tree op as sameroeper en gespreksleier in poging om die geskil op te los.
18.5 Konflikhanteringsfase (Mediasie / Skikking / Bemiddeling):
18.5.1 Waar die partye nie die konflik kan oplos deur bostaande gesprek nie word
‘n prosesraadgewer aangewys om die beslegtingsprosedure te bestuur. As
prosesraadgewer tree die Voorsitter van die Opvoedingsraad en/of die
skoolhoof op.
18.5.2 Die partye moet ooreenkom op ‘n Wedersydse aanvaarbare
prosesraadgewer.
18.5.3 Die gegriefde persoon of entiteit stel sy saak op skrif. Die oorspronklike
word aan die prosesraadgewer oorhandig en ‘n afskrif aan die
aangeklaagde.
18.5.4 Die aangeklaagde kry nou geleentheid om ook skriftelik te reageer op die
klag.
18.5.5 Dit word eweneens aan die prosesraadgewer oorhandig waarna hy dit in
dieselfde lêer plaas en ‘n afskrif aan die klaer voorsien.
18.5.6 ‘n Vergadering van die betrokkenes word belê en die prosesraadgewer
(mediator) poog om deur ‘n proses van mediasie die partye tot ‘n skikking te
bring.
18.5.7 Volledige verslag van die uitkoms van die vergadering word opgestel.
Indien daar nie tot ‘n skikking gekom kan word nie, word die saak na
arbitrasie / beslissingsliggaam verwys.
18.6 Arbitrasie / Beslissingsfase:
18.6.1 Die beslissingsliggaam word aangewys of saamgestel en die saak word
deur die voormelde verslag van die mediator daarheen verwys. Die
Voorsitter van die Opvoedingsraad sal as arbiter optree as die partye nie
self besluit om ‘n arbiter aan te stel nie.

SKOOLBELEID: C.V.O. SKOOL VIVO 71
18.6.2 Die skriftelike uiteensetting, sowel as die verslag van die mediator word
deur hierdie liggaam bestudeer.
18.6.3 Elke party word die geleentheid gebied om sy saak mondeling te stel voor
die arbitrasie / beslissingsliggaam.
18.6.4 Indien nodig kan hierdie liggaam kundige advies inwin deur die voorlegging
of getuienis van toepaslike adviseurs.
18.6.5 Nadat die betrokke partye aangehoor is en die nodige advies ontvang is,
neem die liggaam ‘n finale besluit oor die aangeleentheid. Die besluit word
skriftelik aan beide partye gegee.
18.6.6 Die besluit van die arbiter is bindend en beide partye moet skriftelik bevestig
dat hulle hul neerlê by hierdie besluit, en die saak as afgehandel beskou.
18.6.7 Partye het egter die reg tot appel. Appèl geskied tot die BCVO Direksie
deur indiening van die skriftelike kennisgewing van appel soos gesteun deur
volledige motivering en betekening daarvan op die ander party binne 14
kalenderdae na uitspraak.
18.7 Appèlprosedure:
18.7.1 Die Appèlliggaam word saamgestel of saamgegroep deur die
Opvoedingsraad, of indien die Opvoedingsraad reeds betrokke was, die
BCVO Direksie.
18.7.2 Na ontvangs van die Appellant se motivering binne 10 dae by die
appèlliggaam indien en op die appellant beteken.
Die appèlliggaam kan op die blote stukke, of indien nodig na gesprekke met die
betrokke partye, afsonderlik of gesamentlik aangehoor, uitspraak op die
appèlaansoek lewer.

SKOOLBELEID: C.V.O. SKOOL VIVO 72
19. DISSIPLINèRE KODE – PERSONEEL:
19.1.1
19.1.2
19.1.3
19.1.4
19.1.5
19.1.6
19.1.7
19.1.8
19.1.9
19.1.10
HOOFSTUK 19
19.1 Riglyne vir optrede – Ernstige oortredings:
TIPE OORTREDING
VALSE VERKLARING TEENOOR WERKGEWER
‘’n Valse verklaring deur ‘n werknemer aan die BCVO
gemaak met betrekking tot ‘n werksaangeleentheid
NALATIGE GEBRUIK OF MISBRUIK VAN BCVO
EIENDOM:
Die nalatige gebruik of opsetlike misbruik van die
werkgewer se eiendom deur die werknemer, welke
gebruik skade vir die werkgewer veroorsaak.
BEDROG:
Enige wanvoorstelling teenoor die werkgewer met die
doel om die werkgewer te benadeel
GEBRUIK VAN WERKGEWER SE EIENDOM VIR
EIE GEWIN:
Die gebruik van die werkgewer se eiendom vir die
werknemer se eie gewin en voordeel sonder dat
vooraf toestemming verkry is:
AANRANDING, POGING EN OF DREIGEMENT TOT
AANRANDING:
Die aanranding, poging en of dreigemente tot
aanranding deur ‘n werknemer tot sy werkgewer of
medewerknemers en of enige persoon op die
werkgewer se eiendom:
VIKTIMISASIE:
Enige viktimisasie van medewerknemers of enige
ander persoon
INTIMIDASIE:
Enige intimidasie van medewerknemers of enige
ander persoon:
SAAKBESKADIGING:
Die wederregtelike en opsetlike beskadiging van
eiendom van die werkgewer of enige
medewerknemer:
STAKING / ONWETTIGE NYWERHEIDSAKSIE:
Die weiering deur ‘n werknemer of werknemers om
aan te hou met werk of om hul werk te hervat,
uitgesonderd wettige nywerheidsaksie:
INSUBORDINASIE:
Die parmantige en astrante optrede van ‘n werknemer
teenoor sy werkgewer met die doel om die werkgewer
se gesag uit te daag:
1 STE
OORTREDING
Ontslag
Finale
Skriftelike
waarskuwing
Ontslag
Finale
Skriftelike
Waarskuwing
Ontslag
Ontslag
Finale
Skriftelike
Waarskuwing
Ontslag
Finale
Skriftelike
Waarskuwing
Finale
Skriftelike
Waarskuwing
2 DE
OORTREDING
Ontslag
Ontslag
Ontslag
Ontslag
Ontslag

SKOOLBELEID: C.V.O. SKOOL VIVO 73
19.1.11
19.1.12
19.1.13
19.1.14
19.1.15
19.1.16
TIPE OORTREDING 1e Oortreding 2e Oortreding
ONDER DIE INVLOED VAN ALKOHOL EN/OF
DWELMMIDDELS ASOOK DIE INBESIT WEES EN
INNEEM DAARVAN:
Die onder invloed wees van alkohol en/of
dwelmmiddels, terwyl ‘n werknemer aan diens is
asook die inneem of in besit wees van alkohol en/of
dwelmmiddels op die werkgewer se perseel:
SEKSUELE TEISTERING:
Seksuele teistering van medewerknemers of leerlinge:
OBSTRUKSIE:
Enige obstruktiewe gedrag wat die administrasie en
effektiewe bedryf van die werkgewer se besigheid
benadeel:
ONGEMAGTIGDE AFWESIGHEID:
Die afwesigheid deur ‘n werknemer sonder dat verlof
aan hom/haar toegestaan is vir een werksdag of
langer:
NIE-NAKOMING VAN VEILIGHEISREëLS EN
REKENAARBELEID:
Nie-nakoming van veiligheidsreëls en internet, e-pos
en rekenaarbeleid soos deur die werkgewer neergelê:
VERBREKING VAN VERTROULIKHEID:
Nie-handhawing van die vertroulikheid betreffende alle
inligting wat uit hoofde van werknemer se diens tot
sy/haar aandag kom
Finale
Skriftelike
Waarskuwing
Ontslag
Finale
Skriftelike
Waarskuwing
Finale
Skriftelike
Waarskuwing
Finale
Skriftelike
Waarskuwing
Finale
Skriftelike
Waarskuwing
Ontslag
Ontslag
Ontslag
Ontslag
Ontslag
19.2 Voorgestelde riglyne vir optrede – Minder ernstige oortredings:
Nota: Dit word aanbeveel dat progressiewe dissiplinêre aksie toegepas word
vir hierdie oortredings:
TIPE OORTREDING 1e Oortreding 2e Oortreding 3e Oortreding 4e Oortreding
AFWESIGHEID VAN
WERKSPLEK:
Die ongemagtigde afwesigheid
deur ‘n werknemer van sy
werksplek welke oorteding ook
insluit dat die werknemer sy
werksplek te vroeg verlaat:
WEIERING VAN ‘N WETTIGE
OPDRAG:
Die weiering van ‘n werknemer
om ‘n wettige opdrag deur sy
werkgewer aan hom opgedra, uit
te voer:
VERSUIM OM WERK TE
VERRIG:
Die versuim van ‘n werknemer
om gedurende werksure sy
aandag aan sy werk te bestee:
Mondelinge
Waarskuwing
Mondelinge
Waarskuwing
Mondelinge
Waarskuwing
Skriftelike
Waarskuwing
Skriftelike
Waarskuwing
Skriftelike
Waarskuwing
Finale
Skriftelike
Waarskuwing
Finale
Skriftelike
Waarskuwing
Finale
Skriftelike
Waarskuwing
Ontslag
Ontslag
Ontslag

SKOOLBELEID: C.V.O. SKOOL VIVO 74
Tipe Oortreding 1e Oortreding 2e Oortreding 3e Oortreding 4e Oortreding
LAAT RAPPORTERING VIR
WERK:
Die laat Rapportering van ‘n
werknemer by sy werksplek
volgens die Aanvangstyd wat
deur die werkgewer neergelê is:
SWAK WERKSPRESTASIE:
Die uitvoer van ‘n plig of taak
deur die werkgewer aan die
werknemer opgedra, welke
uitvoering nie aan die vereiste
standaard voldoen nie:
DISLOJALITEIT:
Dislojaliteit teenoor die CVO Vivo
en sy beginsels en afwyking van
die Gedragskode soos
voorgeskryf:
Mondelinge
Waarskuwing
Mondelinge
Waarskuwing
Mondelinge
Waarskuwing
Skriftelike
Waarskuwing
Skriftelike
Waarskuwing
Skriftelike
Waarskuwing
Finale
Skriftelike
Waarskuwing
Finale
Skriftelike
Waarskuwing
Finale
Skriftelike
Waarskuwing
Ontslag
Ontslag
Ontslag
Nota: In geval van nalatigheid of swak werksprestasie moet leiding/mondelinge waarskuwing
en toepaslike hulpverlening bv. opleiding eers oorweeg word, alvorens formele dissiplinêre
aksie geneem word. Skedule 8 van die Wet op Arbeidsverhoudinge se Gedragskode moet te
alle tye nagekom word.

SKOOLBELEID: C.V.O. SKOOL VIVO 75
KENNISGEWING VAN DISSIPLINêRE ONDERSOEK
(Duplikaat; een elk aan werkgewer en werknemer).
Vorm D1
NAAM VAN BEWEERDE OORTREDER: _____________________________________________
1. Neem kennis dat ‘n dissiplinêre ondersoek op (datum) __________________________
om (tyd) __________________ te (adres) ______________________________________
en te (kantoor) ___________________________________________ gehou sal word –
waartydens ‘n oortreding van: Datum van oortreding
1.1
1.2
1.3
1.4
1.5
teen u ondersoek sal word.
2. Neem kennis dat u op bogenoemde datum en tyd teenwoordig moet wees.
3. Neem verder kennis dat u geregtig is om ‘n verteenwoordiger/waarnemer na die verhoor
saam te bring asook bewysstukke en/of getuies wat getuienis in u guns kan aflê.
4. Indien u nie by bogenoemde dissiplinêre verhoor teenwoordig is nie, sal die dissiplinêre
verhoor in u afwesigheid gehou word. U kan egter aansoek doen vir uitstel van die
verhoor welke tydperk van uitstel op die werkgewer se diskresie is.
5. U word hiermee verder kennis gegee dat u tot en met datum en tyd van die dissiplinêre
verhoor van die werk geskors is / nie geskors is nie*, met volle salaris maar dat u nie* die
werkgewer se perseel mag betree tot en met datum en tyd van die dissiplinêre verhoor
nie*.
6. Indien u op bogenoemde klagte(s) skuldig bevind word, sal dit tot dissiplinêre optrede lei,
welke dissiplinêre optrede kan insluit mondelinge waarskuwing, skriftelike waarskuwing,
skorsing sonder salaris en/of summiere ontslag.
GETEKEN te ______________________ op hierdie ______________ dag van
___________________ 200____
______________________________
WERKGEWER
Afskrif hiervan ontvang op ________________________ 200 _____ om ___h____.
______________________________
WERKNEMER
*Skrap indien nie van toepassing nie.
(Indien werknemer nie ontvangserkenning wil teken nie, kan werkgewer ‘n nota op hierdie skrywe
aanbring wat aandui dat werknemer nie ontvangserkenning wou teken nie.

SKOOLBELEID: C.V.O. SKOOL VIVO 76
WAARSKUWING AAN WERKNEMER
Vorm D2
NAAM VAN WERKNEMER: ________________________________________________________
(Duplikaat: een elk vir werkgewer en werknemer) (Merk die toepaslike)
DATUM VAN UITREIKING VAN WAARSKUWING: ______________________________________
AANGETEKENDE WAARSKUWING (AW – 4MNDE VAN KRAG): ___________________________
FINALE WAARSKUWING (FW – 8 MNDE VAN KRAG): ___________________________________
SKORSING (aantal dae) ___________________________________________________________
1. Ongemagtigde afwesigheid
2. Nie-stiptelikheid
3. Afwesigheid van werksplek
4. Onbevredigende werksprestasie
5. Weiering van wettige opdrag
6. Versuim om werk te verrig
7. Slaap aan diens
8. Onder die invloed (alkohol, dwelms, ens.)
9. Nalatige gebruik van werkgewer se eiendom
10. Opsetlike misbruik van werkgewer se eiendom
11. Gebruik van werkgewer se eiendom vir eie gewin
12. Insubordinasie
13. Aanranding, poging en/of dreigemente tot aanranding
14. Bedrog
15. Diefstal en/of poging tot diefstal
16. Valse verklaring teenoor werkgewer
17. Staking/Ongrondwetlike nywerheidsaksie
18. Intimidasie
19. Nie nakoming van veiligheidsreëls
20. Ander
AW/FW
________________________________
HANDTEKENING VAN WERKGEWER
_______________________________
HANDTEKENING VAN WERKNEMER
_______________________________
HANDTEKENING WERKNEMER SE VERTEENWOORDIGER
(Indien van toepassing)
PLEK VAN OORHANDIGING: _________________________________
DATUM VAN OORHANDIGING: ________________________________

SKOOLBELEID: C.V.O. SKOOL VIVO 77
20. PRESTASIETOEKENNINGS:
20.1 ALGEMEEN:
HOOFSTUK 20
20.1.1 Erkenning:
Leerlinge wat presteer ontvang erkenning by wyse van sertifikate, balkies,
erekleure (skoolwapen met lourierkrans: Hoërskool; en geraamde
oorkonde: Laerskool) en trofeë.
20.1.2 Skoolbaadjie:
Leerlinge word aangemoedig om hul eie skoolbaadjies aan te koop. Balkies
en die skoolwapen kan slegs op ‘n skoolbaadjies aangebring word.
20.1.3 Sertifikate:
Sertifikate word uitgedeel na die seisoen van elke aktiwiteit (tydens
afsluiting by die laaste skooldag van kwartaal of waar prakties ingepas in
oorleg met die hoof).
Bv: Atletiek na afloop van die BCVO Nasionale Byeenkoms;
Rugby en netbal na afloop van die winterspele;
Akademiese sertifikate word tydens die prysuitdeling toegeken.
20.1.4 Balkies, erekleure en trofeë:
Balkies, erekleure (lourierkrans of geraamde oorkonde) en trofeë word
toegeken tydens die skool se jaarlikse prestige prysuitdelingsfunksie.
20.2 SERTIFIKATE:
Sertifikate word toegeken in die volgende gevalle:
a) Akademie:
Graad 1, 2 en 3 leerlinge ontvang sertifikate vir die wat die beste presteer
het in die volgende gevalle:
GRAAD 1:
Wiskunde; skrif; lees; engels; Afrikaans; meeste boeke gelees.
GRAAD 2:
Wiskunde; skrif; lees; engels; Afrikaans; konsensieuse werk.
GRAAD 3:
Wiskunde; handskrif; engels; Afrikaans; meeste boeke gelees; beste en
netjiese werk;
GRAAD 4 TOT 9:
Leerlinge met ‘n vakgemiddeld bo 80%.
GRAAD 10 TOT 12:
Leerlinge met ‘n vakgemiddeld bo 75%
(Indien moontlik sal klein bekertjies vir grade 1 tot 3 gegee word).
b) Sport:
Vir deelname of gekies (indien nie deelgeneem, slegs erkenning met
mediese sertifikaat) op nasionale vlak, d.w.s. deelname by SA Atletiek,
Winterspele, SA Landloop.
Lede van wenspanne op winterspele ontvang verdere erkenning op
sertifikaat.

SKOOLBELEID: C.V.O. SKOOL VIVO 78
c) Kultuur:
Landswye redenaars: Leerlinge wat aan die landswye redenaars deelneem
kry sertifikaat;
Kultuurfeessertifikate word by skool uitgedeel.
d) Musiek:
Musieksertifikate buitemuurse verwerf word tydens saalopening of
oueraand uitgedeel.
e) Media:
Sertifikate vir leerlinge wat die mediasentrum effektief gebruik en met
instandhouding help, word ook toegeken. Uitgedeel tydens saalopening of
oueraand.
NS: Klein bekertjie kan ook toegeken word waar van toepassing en
bekostigbaar.
20.3 BALKIES:
Hoërskoolleerlinge ontvang balkies; Laerskoolleerlinge ontvang sertifikate indien
hy/sy uitsonderlike presteer. Die eerste balkie (Hoërskool)/sertifikaat (Laerskool) is
brons, daarna silwer en dan ‘n goue.
a) Akademies:
Graad 4 tot 7 - Gemiddeld bo 85%
Graad 8 tot 12 - Gemiddeld bo 80%
Eerste jaar: Brons
Tweede jaar: Silwer
Derde jaar: Goud
b) Sport:
Leerlinge wat eerste plek behaal tydens die SA Atletiekbyeenkoms en SA
Landloopbyeenkoms kwalifiseer vir ‘n balkie.
Leerlinge wat NTvl span in rugby en netbal behaal kry die volgende:
Eerste jaar: Brons
Tweede jaar: Silwer
Derde jaar: Goud
c) Kultuur:
Hoërskoolleerlinge (balkies) en Laerskoolleerlinge (sertifikaat) –
Om in aanmerking te kom vir hierdie toekennings moet aan die volgende
vereiste voldoen word:
i) Daar moet aan minstens 5 kunstefees-items, waarvan net 1
leesitem ingesluit is, deelgeneem word;
ii) Daar moet ook aan die streeksredenaars deelgeneem word.
Landswye redenaars en uitnodiging en/of deelname aan gala aand
word in ag geneem.
Eerste jaar: Brons
Tweede jaar: Silwer
Derde jaar: Goud
20.4 EREKLEURE:
20.4.1 Akademie:
Die volgende jaar nadat die leerling ‘n goue balkie ontvang het, kry hy/sy
erekleure (die skoolwapen met die lourierkrans – Hoërskool) / geraamde
oorkonde – Laerskool) (soos bepaal).

SKOOLBELEID: C.V.O. SKOOL VIVO 79
Addisioneel:
Wanneer ‘n graad 4 tot 7 leerling ‘n gemiddeld van bo 92% behaal;
Wanneer ‘n graad 8 tot 9 ‘n gemiddeld van bo 90% behaal en
‘n graad 10 tot 12 leerling ‘n gemiddeld van bo 85% behaal, kry hy/sy
erekleure.
20.4.2 Sport:
Die volgende jaar nadat die leerling ‘n goue balkie ontvang het, kry hy/sy
erekleure (die Skoolwapen met die lourierkrans Hoërskool / (geraamde
oorkonde – laerskool), soos genoem.
Addisioneel:
a) Wanneer ‘n leerling gekies word vir die Nasionale Rugby- of
Netbalspan, kry hy/sy erekleure.
20.4.3 Kultuur:
Die volgende jaar nadat die leerling ‘n goue balkie ontvang het, kry hy/sy
erekleure (die skoolwapen met die lourierkrans by die Hoërskool) /
geraamde oorkonde by die Laerskool), soos voornoemd bepaal.
Addisioneel:
Wanneer ‘n leerlinge ‘n eerste plek verwerf by die nasionale
redenaarskompetisie, kry hy/sy erekleure.
20.5 TOPPRESTASIE TROFEë:
Die skool het 10 top prestasie trofeë:
Akademie (hoof):
a) Laerskool - Toppresteerder Seun
b) Laerskool - Toppresteerder Dogter
c) Hoërskool - Toppresteerder Seun
d) Hoërskool - Toppresteerder Dogter
Sport (Sportkomitee):
a) Laerskool - Sportseun van die Jaar
b) Laerskool - Sportdogter van die Jaar
c) Hoërskool - Sportseun an die Jaar
d) Hoërskool - Sportdogter van die Jaar
Kultuur (Kultuurkomitee):
a) Laerskool - Kultuurleerling van die Jaar
b) Hoërskool - Kultuurdogter van die Jaar
NS: Die kriteria met betrekking tot elke trofee en top prestasies moet uitgespel word
en wie die toekennings maak moet gespesifiseer word.
20.6 TROFEE (Addisioneel):
Toekennings word ook aan leerlinge op verdienste gemaak sodra ‘n bepaalde trofee
beskikbaar gestel word vir ‘n spesifieke prestasie.
a) Laerskool - Toppresteerder Seun
b) Laerskool - Toppresteerder Dogter
c) Hoërskool - Toppresteerder Seun
d) Hoërskool - Toppresteerder Dogter
Akademie:
i) Graad 4 tot 12 - hoogste gemiddeld in klas ontvang
wisseltrofee

SKOOLBELEID: C.V.O. SKOOL VIVO 80
ii) Wisseltrofee vir beste leerling in –
Wiskunde; Afrikaans; Engels; Aardrykskunde; Rekenaartik; Ekonomie;
Rekeningkunde; Landbouwetenskap; Hotelhouding en Spyseniering;
Bybel.
iii) Seun of dogter met uitsonderlike deursettingsvermoë op akademiese
gebied.
Sport:
i) Laerskoolseuns en –dogters - Beste veldatleet
Beste baanatleet
Beste atleet
Hoërskool seuns en –dogters - Beste veldatleet
Beste baanatleet
Beste atleet
ii) Duppie du Plessis Wisseltrofee – Seun of dogter met uitsonderlike
deursettingsvermoë op sportgebied (aangewys deur Duppie of Lizette du
Plessis)
iii) Laerskool en Hoërskool – Beste rugbyspeler van die Jaar:
Aangewys deur onderskeie afrigters. (‘n Vraelys sal na elke wedstryd
deur die afrigters ingevul word). Die paneel van afrigters finaliseer die
kandidaat.
iv) Laerskool en Hoërskool – Beste netbalspeler van die Jaar:
Aangewys deur die afrigters (‘n vraelys sal na elke wedstryd deur die
afrigters ingevul word). Die paneel van afrigters finaliseer die kandidaat.
v) Laerskool – beste Landloopatleet in die skool;
vi) Hoërskool – beste Landloopatleet in die skool.
Kultuur:
i) Hoërskool – beste redenaar;
ii) Laerskool – beste redenaar.

SKOOLBELEID: C.V.O. SKOOL VIVO 81
HOOFSTUK 21
21. REKENAAR, INTERNET EN E-POS BELEID:
21.1 Inleiding:
Die rekenaartoerusting is die CVO Vivo se bates en die ure wat administratiewe
personeel daarop deurbring is werksure. Daarom gee dit die CVO Vivo die reg om
sy bates te beheer en te monitor. Indien die bate misbruik word, het die werkgewer
die reg om stappe te neem.
21.2 Doel:
Hierdie beleid het ten doel om riglyne te verskaf vir die gebruik van rekenaars, die
internet en e-pos en die regulering daarvan. Dit het verder ten doel om die CVO
Vivo en sy admin-personeel teen regsaanspreeklikheid te beskerm.
21.3 Toepassing:
Die CVO Vivo se gedragskode en beleide geld ook vir enige gedrag op rekenaars,
die internet en oor e-pos en daar word van die personeel verwag om hulle optrede
dienooreenkomstig te rig. Kopiereg, sagteware, lisensies en eiendomsregte moet
eerbiedig word, net soos tydens enige ander optrede.
Onaanvaarbare gebruik van internet of e-pos sluit in optrede wat immoreel is en wat
kan aanleiding gee tot negatiewe publisiteit vir die skool.
21.4 Beleid:
21.4.1 CVO Vivo behou die reg om enige dokumente, transaksies of ouditspore op
enige maatskappystelsel na te gaan vir nakoming van hierdie beleid. Alle epos
boodskap, webbladbesoeke, programme en lêers wat afgelaai word (of
enige ander aktiwiteite of transaksies), sal deur bestuur gemonitor word.
Selfs data wt uitgewis is, mag herwin en nagegaan word.
21.4.2 Internet en e-pos boodskappe, webbladbesoeke, dokumente, transaksies of
enige ander aktiwiteite of ouditspore gebruik, word beskou as normale
besigheidsdokumente en personeellede sal nie enige reg tot privaatheid
van internet of e-pos gebruik hê nie, ongeag daarvan of hulle die
ontvangers of afsenders daarvan was.
21.4.3 Administratiewe personeel mag internet en e-pos fasiliteite in kantoorure
gebruik slegs vir amptelike doeleindes.
21.4.4 Die gebruik van rekenaars, die internet of e-pos fasiliteite vir die volgende,
maar nie beperk hiertoe nie, word ten sterkste verbied en sal lei tot
dissiplinêre optrede:
a) Toegang tot, aflaai, stoor, gebruik of verspreiding van enige
seksueel-eksplesiete of pronogafiese materiaal;
b) Oortreding van enige weet. Die skool sal die owerhede in sulke
gevalle voorsien van ouditspore, transkripsies en kopieë van lêers;
c) Toegang tot, aflaai, stoor of gebruik van roofprogramme of kopieë
van kommersiële programme. Enige programme of lêers wat
afgelaai word sal slegs gebruik word volgens die lisensies daarvan;
d) Skryf, verspreiding of stoor van enige vorm van rekenaarvirusse;
e) Skryf, verspreiding of stoor van enige vorm van kettingbriewe;

SKOOLBELEID: C.V.O. SKOOL VIVO 82
f) Toegang tot, aflaai, stoor of verspreiding van rekenaarspeletjies.
Die speel van rekenaarspeletjies in kantoortyd is streng verbode;
g) Ongemagtigde verkryging van toegang tot enige ander stelsel of om
enige ander stelsel te oorlaai;
h) Aflaai, stoor, gebruik of verspreiding van enige rassistiese
materiaal;
i) Kuberleeglêery is ‘n oortreding en sal lei tit dissiplinêre optrede.
j) Die internet mag onder geen omstandighede gebruik word om tot
materiaal toegang te verkry, dit te genereer, te versprei, te druk of
af te laai indien dit van lasterlike, vernederende of obsene aard is of
enigiets wat beskou kan word as teistering gebaseer op ras, kleur,
nasionaliteit, geslag, ouderdom, Seksuele oriëntering
gestremdheid, geloofs- of politieke oortuiging nie.
21.4.5 Opvoedingsraad Voorsitter is gemagtig om mediaverklarings uit te reik en
geen ander personeellid mag openbare verklarings namens CVO Vivo
uitreik op enige manier insluitende die internet of e-pos nie.
21.4.6 CVO Vivo behou kopièreg oor enige materiaal wat in enige webruimte of
e-pos boodskap geplaas word. Waar personeellede sonder spesifieke
magtiging, Vertroulike skool-inligting per e-pos uitstuur of publiseer, sal dit
lei tot dissiplinêre optrede.
21.4.7 Musiek, videos, grafika, en foto’s mag nie met maatskappystelsels
afgelaai word nie, behalwe waar daar geldige besigheidsredes en
magtiging voor bestaan.
21.4.8 Administratiewe personeellede is verantwoordelik om alle lêers wat hulle
vanaf ‘n eksterne bron na die maatskappystelsel bring, na te gaan vir
viruses alvorens dit gebruik word. Dit sluit in lêers wat vanaf die internet
afgelaai is of wat vanaf tuisrekenaars met diskette en laserskywe (CD’s)
of enige ander manier oorgedra word.
21.5 Webblad:
Persone verantwoordelik vir die opdatering van die webblad sal dit maandeliks doen
en die verandering aan die Voorsitter van die OR / skoolhoof voorlê. Die persoon
verantwoordelik vir webblad is Christine Knox
21.6 Sanksie:
21.6.1 Indien enige personeellid enige aspek van bostaande beleid oortree, behou
die skool die reg voor om die betrokke personeellid se fasiliteite van die
internet en e-pos te stop.

SKOOLBELEID: C.V.O. SKOOL VIVO 83
SLOT
Met opregte dank en waardering aan Mnr.
J.G (Boet) Groenewald vir sy reuse inset
tot die beleid.
Baie dankie aan mev. Ricky Groenewald vir
die prossesering van hierdie dokument.
4 Maart 2005 Mnr. J.J. Kemp
Voorsitter: Opvoedingsraad