Rondom bestand van 2001 18-3 dd 17-11-09 - Atlantis

mien va tegen mien moe: "Diene, geaf mi-j is
een laken, dan za'k din teuverlanteern is veur
de dag halen. De kinder markten d'r niks van
dat d'r een laken op de deure vaste estökken
weur. Ze hadden pas in de gaten dat d'r wat zol
gebeurn toen het lichie in din teuverlanteern an
estökken en de grote petrolielaampe heel lege
edreid weur. Alle kinder, een stuk of vieve
keken op en vreugen verwonderd wat d'r gunk
gebeurn. "Goat mar is zitten en kiek mar is o'j
't mooi vindt".
Now en of ze 't mooi vunden: Sneeuwwitje,
Roodkapje, Doornroosje, Klein Duimpje, roofridders
op steigerende peerde en prachtige kastelen
en nog volle meer moois was t'r bi-j. Het
"oooh" en "kiek is" en "ooh, kiek now is" ko'j
an ien stuk deur heuren. Now dat was een groot
succes.
Alle platies waren nog niet bekekken of doar
weur op de blinden eklopt en doar kwamp Jan,
een older breurtie van Trui, vroagen woar of
Trui bleef. "Gropmoe hef 't etten al op toafel
stoan" Toen reup mien va terugge: "Kom t'r
effen in Jan, wi-j bint zo kloar". Jan kwamp
noar binnen en wus niet wat e zag! Mien moe
wees um nen stoel en zeg: "Kiek i-j ok mar is
noar 'n teuverlanteern". Hie mos metiene
Uit: Kinder Courant 1859
weten wat dat was, en was ok stomverbaasd.
"Now, dat hiet dan teuverlanteern mar het liekt
ok wel teuvern". En hie vund het zo mooi, hie
vergat helemoale dat e eigenlijk Trui op mos
haaln. Het duurden zo een posie, tot Jan, de
ome van Trui en Jan op de blinden kwamp
trommeln en reup: "Drekt in huus kommen,
gropmoe hef 't etten al zo lange op toafel
stoan". Mien va gunk gaauwe noar de butendeure
en zeg: "Jan, kom t'r effen in, dan goat de
kinder zo mee, mar kiekt is um de deure". Jan
leut zich meetronen en vreug metiene: "Wat
bi'j hier an 't doen in 't halve duuster, bi'j an 't
spoek spöllen?" Al de kinder gaven tegelieke
antwoord en of e doar wel iets van verstoan hef
weet ik niet, want mien va drukten um op nen
stoel en begunn'n weer de platies deur te
schoeven.
Al was Jan dan zovölle older as de kinder, hie
was ok totaal oaverrompeld deur zoiets moois
en bleef zitten. "Hoe is 't in de weerld meuglijk,
kearl kearl, Henduk (mien va) hoe bestiet
't".
Toen kwamp grovva, din stapten metiene noa
binnen, mar buten ko'j um al heuren: "Wat
mekeert owluu now, nen ien'n noa n' aandern
wordt estuurd, en gieniene kump noar huus, en
now ok mar is rap....wat gebeurt hier!" De kinder
stunden al op want gropmoe zol wel flink
heilig wèèn.
"Goat d'r ok is effen bi-j zitten, dan ku'j
zölf zien woarumme of d'r gieniene an
toafel kump", zee mien va. En i-j kunt 't
geleuven of niet mar grovva gunk ok niet
noar huus. Hie vergat de boerenkool met
worst en ok de bosschop drekt weerum-me
te kommen, 't Gunk allemoale best, totdat
gropmoe kwamp kleppern op de muuln. En
zoas gropmoe van leer kon trekken! Zie
sleug met de voesten op de blinden en
schreewden : "Kom i-j nog, aanders giet de
deure op slot, dan ku'j hier wel blieven. Ik
goa niet vot veurda'j allemoale met goat.
Kump t'r nog wat van?"
Mien moe gunk noa buten um te vroagen of
gropmoe niet binnen wol kommen dan kon
ze zien woarumme of ze allemoale hier
waren eblèven. En joa, dat
17