NUUS_K3-Aug 2018

More documents

Recommendations

Info

HOËRSKOOL GEBEURE Met die derde kwartaal sterk op dreef, is ons besig om hard aan ons mikpunte te werk. U mag uself die vraag afvra: “Hoe het ons die mikpunte bepaal?” Die eerste dag van die kwartaal het die personeel in graadverband, die hele skool se vakke per vak, bestudeer. Die proses het tot 21:00 geduur. Ons het gekyk na leerders wat met een of twee vakke sukkel en die betrokke ouers is na die oueraand uitgenooi. Die leerders wat probleme met meer as twee vakke ondervind, is na ŉ paneelbespreking in die daaropvolgende weke genooi. Die besprekings is deur al die vakpersoneel bygewoon, buiten die personeel wat weens sportwedstryde ongelukkig nie die vergadering kon bywoon nie. Die paneelbespreking moet geensins gesien word as ondervraging om die skuldige uit te wys of om vingers te wys nie. Dit moet eerder gesien word as ŉ manier om ŉ oplossing te vind en nuwe mikpunte daar te stel. Al die inligting ingewin tydens die oueraand en die paneelbesprekings, is gebruik om ŉ spesifieke ingrypingsplan deur elke personeellid saam te stel. Dit word onmiddellik in werking gestel. Die kern van ons besigheid, bly steeds akademie. Daarom doen ons ŉ beroep op u om ons te ondersteun. Die aantal leerders wat deur die loop van die skooldag deur ouers uitgeteken word, is ŉ groot bekommernis. Neem asseblief kennis dat indien ŉ leerder voor 09:00 soggens uitgeteken word, die leerder as afwesig gesien word. Die intensie is noemenswaardig, maar om slegs een en ŉ halwe periode by te woon, kan nie as aanwesig gesien word nie. Die wêreld daar buite is nie so vergewensgesind nie. Kwartaal 3 se punte bestaan uit toetse en opdragte en kan daarom gesien word as ‘n kwartaal waarin maklik punte behaal kan word. Ons vind egter dat leerders, weens swak tydsbeplanning, hulself in ŉ hoek vaskeer en dan van die verskoning gebruik maak dat twee opdragte in een week ingehandig moet word. Ons het spesifiek vir die doel assesseringprogramme reeds in die vorige kwartaal uitgestuur. Groot opdragte is reeds vroegtydig aan AUGUSTUS <strong>2018</strong> MET TROTS AANGEBIED DEUR SALES-SQUAD.COM 6
leerders gekommunikeer en kleiner opdragte word ŉ week voor die tyd aan leerders gegee. Ek wil nie veralgemeen nie, maar sommige leerders dink dat om afwesig te wees die dag wanneer ‘n opdrag ingehandig moet word, die oplossing is. Die 10% wat afgetrek word per dag, vir elke dag wat die opdrag laat is, kan daarom gesien word as ‘n verspilde geleentheid. Ons is geseën met ons vertoning tydens die Oppie Tong Af Redenaarsfees. Ek kan duidelik die positiewe invloed van die redenaarskompetisies, asook die ATKV en die Toastmasters, op ons leerders sien in die wyse wat ons voornemende prefekte hulle voorleggings gedoen het. Om ‘n suksesvolle spreker te wees, baan die pad na sukses. Dis met groot afwagting wat ons uitsien na die openingsaand van ons pantomime – die plakkate is reeds op. Verder neem ons koor en ons dramagroep, met Breyten en Blake, deel aan die Tshwane Jeugkunstefees. Ons het ook ŉ baie suksesvolle dwelm bewusmaking week agter die blad met verskeie gas sprekers wat ons leerlinge gewys het op die gevare. Verlede Saterdag het ons o/16- hokkiedogters ons ongelooflik trots gemaak as die eerste span in Curro Roodeplaat-geskiedenis wat deurgedring het tot die finaal van die Noordvaalkompetisie. Alhoewel Curro met die louere weggestap het, het ons dogters as naaswenners uit die stryd getree. Ons dogters het 0-1 teen Curro Heuwelkruin verloor. Daar moet egter genoem word dat ons verlede jaar 9-0 teen hulle verloor het. BAIE GELUK MEISIES. Beide ons o/15- sowel as ons 0/17-rugbyseuns het ongelukkig verloor in die ronde van 16. Marselle Cronje is verkies tot die Noord- Gauteng Aksiekrieket se o/23-span. Ons wens hom alle sterkte toe. Landloop, krieket, gholf en sokker is nou aan die orde van die dag en na ‘n suksesvolle sokkerkamp, word daar groot dinge van ons seuns verwag. Ons wens al die graad 12-leerders en ouers alle sterkte toe met die voorbereiding vir die rekordeksamen. Mag God u en u familie ryklik seën. Hou aan vra HOEKOM? 02 Pieter van Wyk Hoof: Hoërskool AUGUSTUS <strong>2018</strong> MET TROTS AANGEBIED DEUR SALES-SQUAD.COM 7
Page 1: KWARTAAL 3 NUUSBRIEF 08/18
Page 4 and 5: BOODSKAP UIT DIE KANTOOR Skok, onge
Page 8 and 9: HOËRSKOOL SPORT 03 AUGUSTUS 2018 M
Page 10 and 11: OPPIE TONG AF REDENAARS: Op 24, 26
Page 12 and 13: HOËRSKOOL AKADEMIE 05 AUGUSTUS 201
Page 14 and 15: HOËRSKOOL BELANGRIKE DATUMS AUGUST
Page 16 and 17: LAERSKOOL TONEEL Ons staan amper aa
Page 18 and 19: LAERSKOOL SPORT KRIEKET Ons liga he
Page 20 and 21: AUGUSTUS 2018 MET TROTS AANGEBIED D
Page 22 and 23: LAERSKOOL AKADEMIE Baie geluk aan o
Page 24 and 25: BELANGRIKE DATUMS AUGUSTUS 18 Augus
Page 26 and 27: “A bedroom without a teddy is lik
Page 28 and 29: BELANGRIKE DATUMS 17 Augustus: Poli
Page 30 and 31: AUGUSTUS 2018 MET TROTS AANGEBIED D

NUUS_K3-Aug 2018

You also want an ePaper? Increase the reach of your titles

Delete template?

Save as template?