3. Rammeanalyser
3. Rammeanalyser
3. Rammeanalyser
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Essay i vitskapsteori<br />
Vestnorsk Nettverk – forskarutdanninga<br />
Studiepoeng: 10<br />
Rammeanalyse i norsk skulekontekst<br />
Sentrale omgrep hjå Goffman i eit empirisk<br />
forskingsarbeid<br />
ASTRID ØYDVIN 2008<br />
1
1. Innleiing ................................................................................................................................. 3<br />
2. Kvalitetsarbeid i norsk utdanningssektor ............................................................................... 5<br />
2.1 Utvikling av nytt nasjonalt system for kvalitetsarbeid i skulen ....................................... 5<br />
2.2 Kvalitetsarbeid i norsk skule: ei fokusert hending........................................................... 6<br />
2.3 Det rituelle i kvalitetsarbeid ............................................................................................ 7<br />
<strong>3.</strong> <strong>Rammeanalyser</strong> ...................................................................................................................... 9<br />
<strong>3.</strong>1 Fokusert hending.............................................................................................................. 9<br />
<strong>3.</strong>2 Frames - rammer ............................................................................................................ 10<br />
Layers............................................................................................................................... 10<br />
Primære rammeverk ......................................................................................................... 11<br />
Markeringar av kontekst................................................................................................... 13<br />
<strong>3.</strong>3 Meining, symbol og rolle ............................................................................................... 14<br />
4. Goffman i analyse av kvalitetsarbeid................................................................................... 15<br />
LITTERATUR ......................................................................................................................... 17<br />
2
1. Innleiing<br />
Essayet er del av eit doktorgradsarbeid som skal studere kvalitetsarbeid i norsk skule.<br />
Internasjonalt, nasjonalt og lokalt kvalitetsarbeid er sett saman av ei breidde av aktivitetar, og<br />
med mange ulike aktørar involvert. Kjernen i evalueringsarbeid er å forbetre læringa til<br />
elevane. I dette ligg det også at aktivitetane skal føre til at skulane samla skal lære, og at<br />
kvalitetsarbeid skal føre til kollektiv læring. Skular i Norge nytter mange ulike typar<br />
datagrunnlag i vurderingsarbeidet sitt, data utvikla både lokalt, nasjonalt og internasjonalt.<br />
Data spenner også breitt metodisk frå internasjonale kvalitative undersøkingar som PISA og<br />
TIMMS, til informasjon om elevane sine læringsprosessar gjennom elevsamtalar.<br />
Vurderingsarbeid skjer altså heile tida i skulekonteksten, gjerne også i uformelle samtalar<br />
mellom kollegar. Undersøkinga mi omfattar ikkje desse uformelle<br />
kommunikasjonsprosessane, men er avgrensa til dei formelle og strukturerte aktivitetane.<br />
Dette omfattar møte i lærarkollegiet der dei diskuterer kvalitet og data i ulike undersøkingar.<br />
Like viktige er diskusjonane som skjer i mindre einingar, gjerne i team. Av dei andre<br />
strukturerte aktivitetane er personalsamtaler, elev og lærar- samtaler, foreldresamtaler og<br />
foreldremøte viktige.<br />
I doktorgradsarbeidet undersøkjer eg korleis eit utval av skular nyttar eksisterande data i<br />
vurderingsarbeid i forbetring av elevane si læring og som grunnlag for kollektiv læring. Dette<br />
omfattar spørsmål om korleis alle involverte aktørar (elevar, lærarar, skuleleiing, skuleeigar,<br />
foreldre) kjem fram til ei felles forståing av elevane sine læringsprosessar. Dei ulike aktørane<br />
skal ha ei rolle i læringsarbeidet, men rollene er ulike. Ein føresetnad for felles læring er at<br />
alle har ein legitim rett til å vere involvert. Alle si stemme skal høyrast, også eleven bør vere<br />
aktivt involvert i vurderingsprosessane. Dette stiller krav til gode klargjeringar mellom<br />
aktørane både i starten og undervegs i læringsprosessane (Roald og Øydvin 2008,<br />
SYNEVA.net).<br />
Etableringa av eit nytt nasjonalt vurderingssystem skal og må byggje på vurderingsarbeid på<br />
skulane (Roald og Øydvin 2006). I mange europeiske fagmiljø er det utvikla ei felles forståing<br />
om at skular treng både interne og eksterne evalueringsaktivitetar for at vurderingsarbeidet<br />
skal kunne fremje læring både for aktørane og for skulane som heilskap (Øydvin 2005). Det<br />
er læraren, eleven og læringsaktivitetane som skal vere i fokus. Behov for klargjering av roller<br />
og ulike forståingar av kva som skal gå føre seg i kvalitetsarbeidet, er for meg ein god grunn<br />
til at eg vil sjå nærare på Erving Goffman sin rammeteori. Teorien byggjer opp systematikk i<br />
meiningsdanning mellom menneske, nærare bestemt i gitte kontekstar.<br />
Eg ønskjer også å sjå nærare på teori som omfattar modellar for forståing av roller i samspel<br />
mellom menneske, og forståing av korleis involverte aktørar avklarar kva som skal gå føre seg<br />
i samspelet. Samspelet her omfattar forståing av roller i kvalitetsarbeid i skulen og avklaring<br />
av oppgåvene i dei ulike delane av kvalitetsarbeidet.<br />
Eg vel nokre sentrale omgrep som Goffman skriv om i boka Frame Analysis (1986). Gjennom<br />
omgrepa ’frames, keys and keying’ byggjer han opp eit analyseverktøy for ulike sider ved<br />
meiningsdanning i sosiale prosessar. I tidlegare arbeid som Vårt rollespill til daglig. En studie<br />
i hverdagslivets dramatikk (1992) skriv han om korleis menneske har ulike roller i sosial<br />
interaksjon. Goffman er ein sentral teoretikar innan symbolsk interaksjonisme, som har fokus<br />
på samhandling, roller og rammer for samhandlinga. Teorien omhandlar også korleis individ<br />
3
nyttar symbol og metaforar for å forstå ulike kontekstar.<br />
Goffman sitt fokus i rammeanalyse er formulert gjennom spørsmålet om korleis menneske<br />
heile tida søkjer svar på kva som føregår i samhandling med andre. Han utvikla teori som<br />
kunne forklare korleis personar finn svar på spørsmåla ”What’s going on here?” og ”Under<br />
what circumstances do we think things are real?” (Goffman 1986:8).<br />
Goffman hentar tankegods frå George H. Mead (1976) i utviklinga av teori rundt<br />
meiningsutvikling, og tenking om korleis ein skaper meining i samspel med andre ved å<br />
fokusere på det relasjonelle, det som skjer i samspel mellom to eller fleire. Goffman<br />
vidarefører Mead si tenking, og legg vekt på å få eit grep på prosessane der dei involverte<br />
både er tolkande og sjølvtolkande. Goffman byggjer også på Gregory Bateson (1972) sine<br />
omgrep både i forhold til meiningsdanning og kontekstmerker.<br />
For å forstå korleis dei involverte tenkjer om kvalitet i læringsprosessar, må ein ha analyser<br />
som systematiserer samspelet i dagleg kvalitetsarbeid. Alle aktørane har rett til å bli høyrt<br />
(SYNEVA.net 2007), og det er også ein føresetnad for at kvalitetsarbeid skal kunne utvikle<br />
kunnskap om elevane sine læringsprosessar. Analyser av den organiserte elevsamtalen på<br />
skulen kan gje innsyn på mikronivå. Dei utvalde skulane i datamaterialet mitt har årlege møte<br />
der dei tilsette diskuterer data som fortel om kvalitet. Diskusjonane fell saman med arbeid<br />
med planar for skulen sitt utviklingsarbeid, og korleis dei skal betre eigen praksis.<br />
Ei hypotese vil vere at innsyn i meiningsdanning mellom aktørane i dei ulike aktivitetane i<br />
skulane sitt kvalitetsarbeid (mikronivå), også vil gje innsyn i høve spørsmålet ”What’s going<br />
on?” i det heilskaplege kvalitetsarbeidet (overordna nivå). Det som skjer av kvalitetsarbeid på<br />
skular er i stor grad påverka av både nasjonale og internasjonale strøymingar, men mi meining<br />
er at det som skjer på mikronivå har konsekvensar for utvikling av det nasjonale<br />
kvalitetssystemet. I eit forskingsarbeid vil dette også vere eit spørsmål om å få eit analytisk<br />
grep om læring i organisasjonen.<br />
Problemstillinga mi er:<br />
Kan Goffman sin teori om rammeanalyse gje grunnlag for forståing av<br />
samhandlingsprosessar i vurderingsarbeid i skulen?<br />
I presentasjon og konkretisering av omgrepa til Goffman nyttar eg eit konkret utgangspunkt i<br />
frå eigen empiri. Utgangspunktet beskriv korleis ein skuleleiar og ein skule tenkjer når dei har<br />
jamlege møte med der dei diskuterer kvalitet. Eit intervjusitat frå rektoren fortel om korleis<br />
dei meiner dei skal lære gjennom kvalitetsarbeid. Eg ønskjer å sjå på dette utgangspunktet<br />
som ei ’fokusert hending’, eit omgrep som er henta frå Goffman.<br />
Konkret vil bruk av Goffman sin teori og omgrepa hans vere analyse av kva som er dei<br />
kontekstuelle rammene (frames) for eit utval aktørar (lærarar, elvar og leiing ved skular).<br />
Kjernen vil vere innramming av samhandlings-situasjonar (framing) der ein arbeider med<br />
kvalitetsspørsmål.<br />
Eg nyttar også eit nyare norsk forskingsarbeid som brukar Goffman sitt omgrepsapparat<br />
(Thomassen 2005). Arbeidet analyserer institusjonaliserte samtalar i helserelatert arbeid, og<br />
4
yggjer på teori frå boka Frame analysis (Goffman 1986). 1 Forskingsprosjektet byggjer<br />
analysane av eigen empiri opp rundt Goffman sitt omgrepsapparat, og nyttar Goffman sine<br />
omgrep aktivt og konkret. Arbeidet representerer døme på korleis Goffman sine teoriar kan<br />
operasjonaliserast og brukast i empirisk analyse. Eg kjem også inn på parallelle omgrep hos<br />
Gregory Bateson (1972), og måten Øyvind Glosvik (2000) konkretiserer teorien i avhandlinga<br />
si.<br />
Målet mitt i dette essayet er å:<br />
a) Klargjere ulike teoretiske føresetnadar for analyse av samhandling i kvalitetsarbeid i skule.<br />
b) Sjå omrisset av ei konkretisering og konsekvensar av det dersom eg skal nytte Goffman<br />
som delar av teorigrunnlaget i undersøkinga mi.<br />
Struktur<br />
Eg presenterer først det som etter mi vurdering er nokre sentrale trekk ved utvikling av<br />
kvalitetsarbeid i norsk skule, deretter hentar eg fram eit empirisk utgangspunkt. Dette skal<br />
følgje teksten som konkretisering av det som er aktuell teori i mitt arbeid. Eg legg vekt på å<br />
drøfte rituelle trekk i deler av kvalitetsarbeid. Deretter presenterer eg sentrale omgrep knytt til<br />
rammeanalyse.<br />
2. Kvalitetsarbeid i norsk utdanningssektor<br />
I det følgjande presenterer eg kort nokre trekk ved det nasjonale og lokale vurderingsarbeidet<br />
i utdanningsfeltet i Noreg, for deretter å konkretisere ved hjelp ein skule si tilnærming til<br />
arbeidet.<br />
2.1 Utvikling av nytt nasjonalt system for kvalitetsarbeid i skulen<br />
I Norge har skulebasert vurdering vore pålagt i lang tid, men er likevel til dels dårleg utvikla<br />
(Kunnskapsdepartementet 2006), (Lillejord, Tobiassen et al. 1999; Overland, Bjørnsrud et al.<br />
2006). Nytt nasjonalt kvalitetssystem er sannsynlegvis eit vendepunkt for mange skular, enten<br />
dei hadde utvikla velfungerande system før endringane dei siste åra, eller om det hadde skjedd<br />
lite med kvalitetsarbeid hos dei tidlegare.<br />
I denne samanhengen er konteksten utdanningssektoren, og det er her eg finn dei fokuserte<br />
situasjonane i undersøkinga mi. Utdanningssektoren er også del av ein større samanheng.<br />
Kvalitetsarbeid i skulen er del av ei samfunnsmessig utvikling i heile den vestlege verda som<br />
er kjenneteikna av New Pulic Management-tenking og ei stor tru på målstyring 2 . Denne<br />
samfunnsutviklinga har påverka måten utdanningssektoren i Norge har utvikla og praktisert<br />
kvalitetsarbeid.<br />
Skulane er pålagt ei rekke aktivitetar som del av kvalitetssystemet. Alle elevar har krav på<br />
1 Arbeida legg til grunn at vi kjenner verda gjennom symbol eller språk i vid forstand, og vi alltid forhandlar om<br />
forståing av desse i ein gitt kontekst. Undersøkinga til Gøril Thomassen ser på prosessane som finn stad i<br />
student-pasient-interaksjon når partane er i ferd med å etablere ei ramme for samhandling, og er eit<br />
doktorgradsarbeid i anvendt språkvitskap. Cato Bjørndal sitt forskingsarbeid beskriv kva som kjenneteiknar<br />
elevar sine formelle roller i vanleg undervising samanlikna med rollene dei har i prosjektarbeid.<br />
2 Eg går ikkje vidare inn på New Public Management og kvalitetsarbeid i skulen som del av dette. For vidare<br />
lesing Christensen 2002, Møller 2004 og Hargreaves 2004.<br />
5
elevsamtale minst to gonger i året, likeeins skal ein gjennomføre foreldresamtalar. Leiinga<br />
ved skular som deltek i undersøkinga mi legg også føringar på korleis lærarar skal bruke tid<br />
på kvalitetsarbeid i direkte samspel med elevar og foreldre. Som leiar signaliserer rektorar ei<br />
sterk forventing om at lærarar skal ha samtale med elevar og foreldre om resultat i dei ulike<br />
undersøkingane. Aktivitetane er pålagde og repeterande, og har ei form som dei ulike<br />
deltakarane kjenner igjen. Likevel vil det i all samhandling gå føre seg ei forhandling om kva<br />
dei skal gjennomføre, og kva slags roller dei har i forhold til kvarandre (Goffman: What’s<br />
going on?).<br />
Det nye nasjonale kvalitetssystemet gjev retningsliner for nokre obligatoriske aktivitetar som<br />
inngår i kvalitetsarbeid på kvar skule. Dette vil vere ei ramme som legg føringar på korleis<br />
aktørane forstår dei fokuserte hendingane, men i lag på lag innanfor dette vil vi finne ulike<br />
forståingar av føringane. Det vil handle om korleis ein forstår elev, foreldre og lærar-rolla.<br />
Nokre av rammene vil handle om korleis ein forstår sjølve omgrepa knytt til læring: Kva er<br />
effektiv læring? Kva er viktig å lære? Retningslinene for kvalitetsarbeid peikar på aktørar<br />
som skal delta (både elevar, lærarar, skuleleiing og –eigar og foreldre ), og ulike planverk<br />
styrer kva innhaldet i læringa skal vere. I vid forstand er også lokalsamfunn som heilskap<br />
definert inn som ein aktør, i og med at eit viktig statleg mål for vurderingsarbeid er at<br />
samfunnet skal ha innsyn i læringsaktivitetar på skular.<br />
2.2 Kvalitetsarbeid i norsk skule: ei fokusert hending<br />
Ein skule si tilnærming til kvalitetsarbeid<br />
Utgangspunktet er henta frå ein skule som har arbeidd systematisk med kvalitet, og som<br />
gjennom mange år har etablert eit system for dette. Eg tar utganspunkt i data frå<br />
intervjumaterialet mitt som er del av forundersøkinga til doktorgradsarbeidet, der<br />
informantane er rektorar ved dei utvalde skulane. I intervjuet er informantane bedne om å<br />
fortelje om korleis kvalitetsarbeidet deira fungerer, og kva som er viktigaste verdiane for dei i<br />
kvalitetstenking. Rektoren som deltek legg vekt på å beskrive korleis dei prøver å skape ein<br />
kultur for læring.<br />
”Vi har ei metode for evaluering som læring, både i kollegiet og i andre samanhengar. Vi driv vurdering<br />
som ein læringsprosess i kollegiet. Det første ein må spørje seg er kva ein lærer av. Lærer ein av å leite<br />
etter suksess eller å leite etter problem? Det er ein grunnleggande idé i alt vi gjer at ingen får lov til å<br />
melde eit problem før dei har funne ein suksess. Medvite rundt det skapar kultur for læring, det blir kjekt å<br />
holde på med det. Vi veit at vi ikkje blir tromma saman for at vi skal leite etter eit jækla problem som vi<br />
sikkert må gjere noko med. Kvar gong vi møtest skal vi lære noko, og vi skal stadfeste at det er ting vi får<br />
til.” Rektor, grunnskule 2004<br />
Sitatet viser mange sider eg meiner er sentrale i kvalitetsarbeid. Først og fremst er dette ein<br />
organisasjon som er oppteken av at aktivitetane skal føre til kollektiv læring, og forbetring<br />
som ei følgje av det.<br />
Dette inkluderer avklaring av spørsmål som<br />
• Kva er oppgåvene i akkurat denne konteksten (dette møtet/diskusjonen)?<br />
• Kva er forventingane deira?<br />
• Korleis skape gjensidig tillit?<br />
6
Det fortel om at skulen som organisasjon er aktiv når personalet skal legge rammene for møta<br />
sine, og sitatet viser ei forståing av at situasjonen må avklarast. Rektor beskriv ei rutine for å<br />
samle fokus på kva dei får til. Dei ønskjer å verbalisere suksessane sine og ta det med seg i<br />
diskusjonane om kva dei må bli betre på. Dette er tufta i tenkinga deira om at dei må vere<br />
bevisst på eiga meistring.<br />
Leiinga opplever at kulturen på skulen avgjer kor vidt dei får til kollektiv læring. Den<br />
parallelle måten å tenkje på, å både sjå på kva dei lukkast med og kva dei må endre på, knyter<br />
dei til utvikling av ein lærande kultur.<br />
Slik eg tolkar det fortel sitatet at systematisk kvalitetsarbeid har innebygd element av rituelle<br />
aktivitetar. Dei blir ”tromma saman” , og det er grunn til å tru at medlemmene i denne<br />
organisasjonen ofte kjenner at det blir mange møte, og mange møte der diskusjonane er<br />
kjende og repeterande. Men dei har ei tillit til kvarandre om at dei er i stand til å utvikle felles<br />
kunnskap. Det er ikkje alltid ein lykkast, men dei er einige om at dette er målet og at dei har ei<br />
metode for å få til læring i organisasjonen.<br />
I det følgjande går eg vidare på dei rituelle sidene ved kvalitetsarbeid, og Goffman sin teori<br />
knytt til dette. Med utgangspunktet som er reiskap for konkretiseringa.<br />
2.3 Det rituelle i kvalitetsarbeid<br />
I oppbygginga av eit nasjonalt system for kvalitetssikring av skulen, ser vi at mange<br />
vurderingsaktivitetar får karakter av å vere rituelle. Den siterte rektoren legg stor vekt på å<br />
skape ein kultur for læring. Fokus for metodeutviklinga i kvalitetsarbeidet på skulen er<br />
balansen mellom kjensla av å meistre oppgåvene og at dei skal utvikle seg gjennom å løyse<br />
problem. Eg tolkar det også slik at dei har ei historie med mange møte som har skapt<br />
frustrasjon.<br />
Ein viktig del av Goffman (1992) si tenking er at vi alle har roller i samspel med kvarandre. I<br />
utøvinga av roller ser han rollespel som ritual. Mykje sosial interaksjon har i følgje Goffman<br />
trekk som liknar eit religiøst liv, der dei trivielle rituala i kvardagen tenar liknande funksjonar<br />
som religiøse. Dei opprettheld sosiale relasjonar og definisjon av kva som er verkeleg Ein kan<br />
ikkje vere utan dei trivielle rituala i kvardagslivet, ein treng dei i kommunikasjon- og<br />
sosialiseringsprosessane. Når rektor beskriv møte der dei skal løyse problem, er det nettopp<br />
gjentakinga som skapar gjenkjenning. I det ligg det også ein tryggleik, dei veit kva som skal<br />
skje. Skulen som organisasjon prøver å endre handlingsmønsteret, og skape ein kultur der dei<br />
også fokuserer på kva dei får til.<br />
Øyvind Glosvik (2000:56) viser til Probst og Büchel si forståing av prosesslæring: læring som<br />
omfattar refleksjon, analyse og skaping av eit rammeverk for meining. Når ein har nådd dette<br />
nivået, kan ei lærande eining forstå si eiga rolle og til dømes forstå at ein sjølv utgjer andre<br />
aktørar sine sosiale strukturar.<br />
Rituala fungerer som kollektive symbolske kodar, og er med å oppretthalde sosiale system og<br />
individet si deltaking i dei. Rutiner er fundamentale for at mennesket skal kunne skape ein<br />
sosial identitet og eit sosialt sjølv. Fokus på rituelt rollespel gjev eit anna bilde av individet<br />
enn det inntrykks-manipulerande eller den tvungne rollespelaren. Ritual-omgrepet gjev rom<br />
for tillit mellom aktørar. Menneske samarbeider gjennom rituala.<br />
7
”Adgang til disse områdene (der ”opptreden framførast”, min merknad) er kontrollert for å hindre at<br />
utenforstående slipper inn til en opptreden som ikke er myntet på den. Blant medlemmene av laget vil vi<br />
se at det råder familiaritet, solidaritet vil sannsynligvis vokse frem…” (Goffman 1992:197).<br />
Her fokuserer Goffman på at dei som deltek i samhandlinga er ”innanfor”, og har tillit til<br />
kvarandre. Personalet har brukt lang tid på og brukar mykje tid på å etablere ei felles forståing<br />
av korleis dei skal nærme seg kvalitetsarbeidet. Dei har eit fellesskap der dei fokuserer på kva<br />
dei er flinke til når oppgåva er forbetring. Dette er ein felles kultur som er avhengig av<br />
gjensidig tillit.<br />
Glosvik skriv om Bateson sitt omgrep om læring på nullnivå: ”Læring på dette nivået dreier<br />
seg om observasjonar og meir eller mindre automatiske handlingar på grunnlag av desse<br />
observasjonane” (Glosvik 2000:43). Dei ulike formene for læring på dette nivået omhandlar<br />
individ og organisasjonar sine handlingar som skjer i stabile og faste mønster og prosedyrar<br />
som ikkje blir korrigerte frå ein situasjon til ein annan. For meg er dette ei form for læring og<br />
aktivitet som har nært slektskap med dei rituelle aktivitetane Goffman skildrar. Skulane<br />
gjennomfører mange møte der ein ikkje gjer anna enn å informere, utan at det skal skape<br />
endring. Eg meiner at møte med foreldre der lærar går gjennom resultat få nasjonale<br />
kvalitetsundersøkingar ofte er døme på dette. Målet ser ut til å vere å vise fram at ein tenkjer<br />
og driv med kvalitetsarbeid. Foreldra er viktige som tilhøyrarar. Men sjølve resultata i<br />
vurderingsdata ser ut til å vere vanskelege å for lærarar å presentere, og for foreldra forstå på<br />
ein slik måte at dei blir relevante for det som skjer i samspelet på skulen.<br />
Ritual-perspektivet opnar nettopp for å studere tillit mellom deltakarane i eit samspel. Peter<br />
Dahler-Larsen (1998) understrekar at det rituelle ikkje betyr at aktivitetane er meiningslause<br />
eller utan konsekvensar, men han leitar etter grunnlaget for og funksjonen evaluering vil ha<br />
når den målretta funksjonen ikkje er til stades. Grunntanken vi finn hos symbolske<br />
interaksjonistar om at samfunnsstrukturen er oppretthalden gjennom rituelle handlingar, er<br />
interessant i forhold til dette spørsmålet. Goffman si forståing av rituelle rollespel er ei retning<br />
som gjev meining for meg. Kvalitetsarbeid kan forståast som a) ein måte å oppretthalde<br />
skulesamfunnet på, og b) det er ei alternativ til å forstå det som målretta tiltak åleine.<br />
Dahler-Larsen slår fast at eit moderne samfunnet har behov for å gjennomføre evaluering.<br />
Evaluering er forstått som ei systematisk retrospektiv vurdering av gjennomføring, prestasjon<br />
og resultat av offentleg politikk, og som kan tenkast å spele ei rolle i praktiske<br />
handlingssituasjonar (Vedung 1998). Konsekvensane er at evaluering er meint å skulle<br />
brukast til å forbetre gjennomført politikk. Dahler-Larsen problematiserer dette på ein<br />
interessant måte ved å vise korleis evalueringsaktivitetar av i dag ikkje avgrensar seg til å<br />
gjelde tradisjonell vurdering av offentleg politikk. Evalueringsbølgja i Europa har å gjere med<br />
mentalitet og kultur på mange livsområde. Ein veit ofte kva ein skal evaluere, men ikkje<br />
kvifor og kva evalueringa skal nyttast til. Dette er eit tankekors når utviklinga er rotfesta i<br />
New Public Management-tenking, og evaluering vert sett på som eit styringsverktøy. Det vert<br />
følgjeleg eit spørsmål om kvifor ein set i gang evalueringar.<br />
Institusjonalisering av kvalitetsarbeid og utvikling av eit nasjonalt system for<br />
vurderingsarbeid i skulen medfører mange rituelle aktivitetar. Goffman peikar på at rutinar og<br />
ritual er fundamentale for at menneske skal kunne skape ein sosial identitet og eit sosialt<br />
sjølv. For meg er dette ein annan måte å sjå sider ved kvalitetsarbeid i skulen på. Det flyttar<br />
fokus over frå å sjå delar av kvalitetsarbeid som rituelt og følgjeleg unyttig, til eit perspektiv<br />
der dei rituelle aktivitetane har ein funksjon for å oppretthalde eit samfunn (skulen), og der<br />
8
aktørane får stadfesta eller avkrefta eigen funksjon eller rolle.<br />
<strong>3.</strong> <strong>Rammeanalyser</strong><br />
Studiar av læringsprosessar har tradisjonelt vore individorienterte. Læring i organisasjonar er<br />
kollektivt orientert. Undersøkingar av vurderingsarbeid må omfatte begge perspektiva. I<br />
utgangspunktet er Goffman individretta. Men teorien rettar også blikket mot det kollektive, og<br />
ser på korleis konteksten er ein del av individet si forståing og samspel med andre. Fokus er<br />
på mikronivå. Dette er eit viktig sprang for meg, og overgangane frå det individuelle til det<br />
kollektive, prosessane frå individuell til kollektiv meiningsdanning kan sjåast som ulike<br />
abstraksjonsnivå.<br />
Goffman sine omgrep i rammeanalyse er både på eit abstrakt nivå samstundes som han<br />
konkretiserer med detaljerte og kvardagslege hendingar. Det er problematisk å følgje han<br />
gjennom dei ulike abstraksjonsnivåa. Det er vanskeleg å gå frå det overordna i analysane til å<br />
kunne nytte analyseapparatet fullt ut i den fokuserte situasjonen. På eit overordna nivå har eg<br />
mykje teori om at aktørane forhandlar om meining i gitte situasjonar. Når eg skal analysere<br />
samtalen mellom elev og lærar, eller utsegn i personalmøte på skulen, nærmar eg meg fort<br />
anvendt språkvitskap og analyser av samtaler, t.d. Linell (1998) sine modellar for analyser av<br />
samtalar.<br />
Eg leitar etter omgrep som kan gje eit heilskapleg perspektiv på meininga dei ulike aktørane<br />
legg i utsegnene sine om kvalitet. Til grunn ligg tanken om at utsegnene er fylt med meining i<br />
eit samspel med andre, og har fokus på samspelet og meiningsinnhaldet i det.<br />
I det følgjande går eg vidare inn i nokre av Goffman sine nøkkelomgrep i rammeanalyse.<br />
Eg legg vekt på omgrepa<br />
• Fokusert hending (’strip of activity’)<br />
• Rammer, innramming og lag (nivå) (’frame’ og ’framing’, og ’layers’)<br />
Sentralt i omgrepsapparatet til Goffman er sjølve konteksten.<br />
<strong>3.</strong>1 Fokusert hending<br />
Goffman sine analyser prøver å systematisere perspektiva til dei som deltek i ei fokusert<br />
hending, det vil seie ein handlingssekvens, ein aktivitet der fleire aktørar er involvert i<br />
samhandling. Utgangspunktet frå datamaterialet mitt kan sjåast på som døme på fokuserte<br />
hendingar. Goffman opererer med det han kallar ’strips of activity’, og i ei rammeanalyse er<br />
det denne handlingssekvensen som har fokus.<br />
”The term ”strip” will be used to refer to any ongoing arbitrary slice or cut from the stream of ongoing<br />
activity, including here sequences of happening, real of fictive, as seen from the perspective of those<br />
subjectively involved in sustaining an interest in them. … will be used only to refer to any raw batch of<br />
occurrences that one wants to draw attention to as a starting point of analysis.” (Goffman 1986:10)<br />
Analyse av rammene skal systematisere korleis dei forstår det som skjer. Det er altså ikkje<br />
utdanning som eit politisk system eller kvalitetssystem som kontroll som skal studerast. Bruk<br />
av Goffman skal i første rekke systematisere perspektivet til lærarar og elevar når dei arbeider<br />
med kvalitet i læringsprosessar. Rammeanalyse av lærarane i arbeid på skulen det er referert<br />
9
til vil handle om korleis dei forstår møta dei er ”tromla saman” på, korleis dei tolkar<br />
samhandlinga i den gitte situasjonen.<br />
Fokuserte hendingane i forskingsarbeidet mitt vil vere alle aktivitetar der aktørane samhandlar<br />
om kvalitet. Døme på dette er delar av elevsamtalar, personalmøte, planleggingsmøte,<br />
foreldremøte. I desse situasjonane har aktørane ein ståstad innafor eit utdanningssystem, men<br />
alle med ulik førforståing av situasjonen dei er i, og er sett saman av ulike opplevingar og<br />
inntrykk i ein person sitt liv. Rammene refererer til kva som påverkar aktørane si førforståing.<br />
<strong>3.</strong>2 Frames - rammer<br />
Goffman lanserte omgrepet samhandlingsramme (frames) for å beskrive og analysere sosiale<br />
situasjonar. Kjernen er at personar alltid søkjer å forstå kva som eigentleg skjer i ein sosial<br />
situasjon, og at eigne handlingar er tufta både på eiga og andre si forståing av situasjonen. Når<br />
menneske søkjer forståing av kva som skjer i ein situasjon, er det ikkje berre ein individuell<br />
aktivitet. I følgje Goffman forhandlar vi alltid fram meining i gjevne sosiale situasjonar i<br />
samspel med dei vi har rundt oss. Omgrepet forhandling er nytta for å skildre slike sosiale<br />
prosessar, og det fokuserer på meiningsdanninga vår. Slik sett er ikkje omgrepet forhandling<br />
brukt synonymt med den konvensjonelle tydinga, som til dømes forhandling om politiske<br />
avgjersler.<br />
”We personally negotiate aspects of all the arrangements under which we live, but often once these are<br />
negotiated, we continue on mechanically as though the matter had always been settled” (ibid:2).<br />
Utsegna viser det atomfattande i det sosiale samspelet. Vi samhandlar med andre for å forstå<br />
kva som skjer, og samhandlinga er ei form for forhandling om kva det som omgjev oss betyr<br />
for oss. Forhandlingane har ikkje eit punkt der vi seier oss einige og avgjer kva som er reelt.<br />
Prosessane og samspelet fortset kontinuerleg.<br />
Layers<br />
Individet tolkar og forhandlar fram forståing av omgjevnadane, og er i ein bestemt sosial<br />
situasjon. Det er omgjevnadane i vid forstand som kallast rammer. Konteksten kan<br />
framstillast som eit sett med rammer som er leira inn i kvarandre, i ulike lag (layers). Kvar<br />
einskild ramme byggjer på den eller dei innafor – den er sosialt skapt. Eg tolkar det slik at<br />
rammene kan vere sett saman av alt frå konkrete forhold som tid og rom i skulen, til meir<br />
abstrakte storleikar som kulturell bakgrunn og sosiale forhold. For deltakarane i den<br />
fokuserte hendinga vil berre eit avgrensa utval av ’lag’ vere relevante for korleis ein oppfattar<br />
situasjonen, sjølv om heile settet med rammer ligg der som ressursar ein kan nytte for å forstå<br />
og tolke den fokuserte hendinga.<br />
Aktørane i skulen rører seg mellom dei ulike nivåa(/laga), og brukar rammeverk for tolkinga<br />
av situasjonen. I Goffman si forståing er alt av tidlegare erfaring relevant, men at dei primære<br />
rammeverka er viktigaste der og då. Så når deltakarane på personalmøtet blir einige om kva<br />
som skal skje i samhandlinga, vil rammene og forståinga deira vere på svært ulike<br />
abstraksjonsnivå. Sjølve situasjonen er heilt konkret: dei sit ei eit rom med ei tidsramme, og<br />
dei er aktørar med ulike roller i den settinga. Men i samspelet skjer det noko, dei tolkar og<br />
løfter aktivitetane opp til nye abstraksjonsnivå. Frå å snakke om det konkrete problemet som<br />
skal løysast i den konkrete klassa, går dei over til å diskutere meir generelt om kva dei gjere<br />
10
når dei til dømes får til læring i tilsvarande grupper av elevar. Individa legg eit nytt lag med<br />
forståing på situasjonen, og nærmar seg eit anna metanivå.<br />
Når Bateson omtalar læring på nivå ein, viser han at det alltid skjer i ”an assumption about the<br />
”context” (Bateson 1972:288-289). Dette byggjer også på ein føresetnad om at konteksten blir<br />
repetert, og at deltakarane kjenner igjen kva som skjer (Glosvik 2000). Deltakarane blir gitt<br />
signal, enten interne eller eksterne, og gjennom desse kjenner organismen igjen konteksten.<br />
Konteksten til stimulus som blir gitt omtalar Bateson som ei ’meta-message’, og denne<br />
’meldinga’ klassifiserer signala. Han seier vidare at konteksten til konteksten er ei’meta-metamelding’,<br />
som igjen klassifiserer meta-meldinga. Denne oppbygginga har slik eg forstår<br />
Goffman vidareført i rammeanalysene sine, også når han introduserer omgrepet ’layers’.’<br />
Bateson opererer med omgrepet ’kontekst-merker’. Omgrepet kallar han for ei kollektiv term<br />
for alle hendingane som fortel kva for sett av alternativ individet eller organisasjonen kan<br />
gjere val. Ein reagerer på ”same” stimuli forskjellig i forskjellige kontekstar. Korleis veit<br />
aktørane at ein kontekst er ulik ein annan? Signala eller kontekst-merkene har som oppgåve å<br />
klassifisere kontekstar. Slike merker kan også vere på neste nivå, og har som oppgåve å vere<br />
markørar for konteksten i konteksten (ibid:190). Det er situasjonen som gjev meining til den<br />
straumen av informasjon dei tilsette i organisasjonen skal forholde seg til (Glosvik 2000:51).<br />
Spørsmålet er altså om korleis skulen kjenner igjen møte der dei får til målet om kollektiv<br />
læring. På meta-meta nivå kjenner lærarane igjen signala for at dei har tenkt i lag og gitt<br />
kvarande signal på ny forståing. Dei har både funne løysing på konkrete problem, og dei har<br />
plassert løysingane i ei pedagogisk tenking. I tillegg vil dei gi signal til kvarandre om at dei er<br />
einige om at den felles læringa er del av kulturen deira.<br />
I språkvitskap blir innramming (”framing”) blir brukt som eit analytisk grep for å beskrive og<br />
tolke korleis aktørane forhandlar om kva som skjer i den fokuserte hendinga. Thomassen<br />
nyttar dette omgrepet for å analysere kva type verksemd (virksomhetstype) og<br />
relasjonsstruktur det er tale om (Thomassen 2005). Ho studerer innramming av situasjonar;<br />
”frames” forstått som situasjonsdefinerande innrammingsmarkørar, med fokus på innleiings-<br />
og avslutningssekvensar i det ho kallar institusjonelle samtalar (pasient- helse-personalesamtalar).<br />
Avhandlinga er i feltet for anvendt språkvitskap. Fokus er på prosessane som finn<br />
stad når aktørane skal avklare kva for kommunikativ verksemd dei er i.<br />
Samhandlingsrammene skal brukast i analysar forskaren gjer av korleis aktørane opptrer i<br />
forhold til reglar, normer og forventningar ved situasjonar.<br />
Metodisk arbeider Goffman med eit fokus på mikrostrukturane i meiningsdanning.<br />
Meiningsdanninga er utløyst av små rutineaktivitetar som dei fleste av oss ikkje er merksame<br />
på det meste av tida. Konteksten kan systematiserast og analyserast i rammeverk.<br />
Primære rammeverk<br />
Når eit individ kjenner igjen ei bestemt hending, tenderer individet i responsen sin til å bruke<br />
eit eller fleire rammeverk eller skjema for tolking. Desse rammeverka kallar Goffman for<br />
primære. Det er ikkje fordi dette rammeverket eller perspektivet er avhengig av og viser til ei<br />
tidlegare eller ”original” tolking, men snarare fordi det primære rammeverket er det som<br />
viser kva som elles ville vore eit meiningslaust aspekt av scena. Det primære rammeverket er<br />
det som gjev hendinga meining for individet. Det som ligg ”fremst”, det som ein først og<br />
fremst brukar i tolkinga av situasjonen. I utgangspunktet mitt gjenkjenner lærarane møte som<br />
11
omhandlar kvalitet som ein kontekst der dei ”skal vi beskrive eit problem vi må løyse…”. Når<br />
dei byggjer kultur for læring, tolkar eg det som at dei prøver å skape eit nytt primært<br />
rammeverk. Dei arbeider for å kvar gong finne ”tonen” for suksess eller meistring, og la det<br />
vere grunnlaget for endringar.<br />
Rammeverka varierer i grad av organisering. Nokre er system som let seg greitt presentere<br />
med einingar og struktur, føresetningar og reglar. Dei fleste andre rammeverka har inga<br />
synleg form, og gjev i følgje Goffman berre kunnskap om forståing, ei tilnærming, eit<br />
perspektiv.<br />
Uavhengig av grad av organisering tillet kvart einskild rammeverk brukaren å plassere,<br />
oppfatte, identifisere og merke/plassere (to label) kva som ser ut til å vere eit tallaust sett av<br />
tilfelle. Individet er som regel ikkje medviten om eit slikt organisert rammeverk, og kan heller<br />
ikkje gje ei utfyllande beskriving om du ber om det. Slike manglar er likevel ikkje noko<br />
hindring for at rammeverket enkelt vert nytta i si fulle breidde.<br />
I forskingsarbeid vil det vere ei utfordring å få tak i alle relevante rammeverk. Korleis kan ein<br />
fange eit rammeverk som ikkje er medvite og verbalisert? Er det mogeleg å sjå føre seg eit<br />
samspel mellom forskar og informant der ein i fellesskap greier å identifisere kva for<br />
rammeverk som ligg til grunn for den forståinga aktøren handlar ut frå? Kva er å ikkje vere<br />
medviten eit rammeverk? Slik eg ser det er det ein parallell til omgrepet taus kunnskap. Ein<br />
har kunnskapen og den kan delvis setjast ord på, men ein gjer det ikkje nødvendigvis.<br />
Rammeverka gjer det mogeleg for oss å forstå vilje, mål og målretta aktivitet. Goffman<br />
beskriv funksjonen til eit sosialt rammeverk som ein ”guide” for aktivitet.<br />
”These doings subject the doer to ”standards”, to social appraisal of his action based on its honesty,<br />
efficiency, economy, safety, elegance, tactfulness, good taste, and so forth” (Goffman 1986:22).<br />
Individa vel mellom kva for nokre av dei sosiale rammeverka ein nyttar for å forstå ein<br />
situasjon. Og her er motiv og intensjon involvert. Lærarane vil leite etter merka dei har for<br />
samarbeid der dei både er problemløysande og annerkjennande i forhold til kvarandre. Etter<br />
mi meining seier Goffman også at når dei leitar etter neste nivå i forståinga si, vil bruken av<br />
rammeverk for tolking korkje vere sjølvsagt eller umogeleg:<br />
”…acts of daily living are understandable because of some primary framework (or frameworks) that<br />
informs them and that getting at this schema will not be a trivial task, or, hopefully, an impossible one.”<br />
(Goffman 1986:26)<br />
Vidare er det eit viktig poeng at det skal vere mogeleg å skape meining i det ein gjer saman.<br />
Vi kan tolerere at samhandlinga ikkje fullt ut er forklart, men vi kan ikkje leve med at sider<br />
ved samhandlinga ikkje er mogeleg å forstå for dei som deltek. Det er altså kulturelt nedfelt ei<br />
tenking om at alt kan forståast og forklarast, sjølv om vi ikkje alltid gjere det.<br />
Fokus er altså på den relasjonelle dimensjonen om meining, om korleis elev og lærar møtest i<br />
situasjonar og skapar skulekvardagen saman. Kvar situasjon har ei sosial innramming. Det er<br />
ikkje mogeleg å tenkje meiningsdanning utan kontekst og utan relasjonar. Ved hjelp av<br />
tidlegare røynsler veit vi korleis vi skal oppføre oss, vi kjenner dei forventingane og den<br />
innramminga som kjenneteiknar situasjonen. Ei ramme, i denne forståinga, er ein metafor for<br />
det sosiologar brukar ord på som ’bakgrunn’, ’setting’ eller ’kontekst’. Det som føregår i<br />
interaksjon er styrt av vanlegvis ikkje-uttala reglar eller prinsipp som er meir eller mindre<br />
implisitt. Rammene er tolkingsskjema for kva som skjer og retningsliner for kva som sømer<br />
12
seg. Frå dette følgjer ei form for styring på åtferda vår. Dette omfattar ei rekkje av<br />
føresetnadane for dei meir komplekse sidene ved samhandling: takt, humor, kva som er<br />
pinleg, lojalitetsvanskar og rolledilemma (Goffman 1992):8).<br />
Omgrepet kontekst vert nytta på mange ulike måtar, og ofte så generelt at innhaldet vert<br />
uklart. Ordrett kan det omsetjast med ’det som omgjev’. I forordet til Frame Analysis<br />
(Goffman 1986):xii) presiserer Bennet M. Berger at Goffman si forståing av rammer ikkje er<br />
synonymt med det andre sosiologar har brukt omgrep på som ’bakgrunn’, ’setting’ eller<br />
’kontekst’. Dette grunngjev han med Goffman si fokusering på det relasjonelle i<br />
meiningsdanning. Deltakarane i ein sosial situasjon samhandlar for å skape meining for seg<br />
sjølve. Eg tolkar det slik at Goffman nyttar omgrepet rammer for å få fram korleis konteksten<br />
er organisert og fungerer for aktørane i samhandlingsprosessane. Det er forholdet mellom den<br />
fokuserte hendinga og rammene som fungerer slik at dei gjensidig kastar lys over kvarandre.<br />
Ved å påstå at handlingar til menneske vert ’påverka av konteksten’, kan ein forklare kva som<br />
helst. Forklaringskrafta i omgrepet blir låg eller forsvinn (Säljö 2000). Dessutan inneheld eit<br />
slikt perspektiv ofte tru på at menneske ’vert påverka’ på same måten av konteksten. Dette er i<br />
følgje Säljö ikkje særleg realistisk. Vi tolkar og reagerer ulikt i liknande situasjonar og i<br />
liknande typar av utfordringar. Vi skapar konteksten der og då. Goffman studerer verknadane<br />
samfunnssystemet har på den einskilde, ikkje som passiv mottakar, men som aktiv (om<br />
hjelpelaus) medskuldig i den livsforma vi tvingar på kvarandre (Goffman 1992). Säljö åtvarar<br />
mot bruk av omgrepet kontekst, der ein som vitskapleg forklaring ser på kontekst som noko<br />
som påverkar individet. Vi vert ikkje påverka av konteksten, ettersom alle handlingane våre<br />
og forståinga vår er ein del av konteksten. Det er ikkje slik at ein fyrst finn ein kontekst og<br />
sidan ei handling. Det er heller slik at alle handlingane våre går inn i ein kontekst, skapar og<br />
skapar den igjen. Deler og heilskapen definerer kvarandre. All kommunikasjon føreset ein<br />
kontekst for å bli begripeleg (Bateson 1972). Å få innsikt i koplinga mellom kontekst og<br />
korleis ei ytring skal forståast er ein subtil læreprosess, spesielt i eit komplekst og<br />
kunnskapsintensivt samfunn.<br />
Grupper som skuleleiing og skuleeigar tek aktivt del i skulen sitt vurderingsarbeid. Foreldre er<br />
involvert, målsetjinga er at dei skal vere sentrale i borna sine læringsprosessar. I<br />
vurderingsarbeid er dei ein aktiv part både på foreldresamtaler og på foreldremøte. Aktørane<br />
her vil vere kjenneteikna av at dei til dels har svært ulike roller, og går sannsynlegvis inn i<br />
situasjonane med ulike mål.<br />
Markeringar av kontekst<br />
Bateson byggjer opp eit resonnement om at situasjonar gjev meining til handlingar gjennom<br />
markeringar (Glosvik 2000:59). Slike markeringar kan vere kodar, språk, bestemte handlingar<br />
og uttrykksformer. Det er berre medlemmene i organisasjonen som fullt ut er i stand til å tolke<br />
markeringane. Goffman sjølv viser til Bateson, og innfører omgrepa ’keys’ and ’keying’ for å<br />
systematisere korleis kontekstmerka eller rammeverka blir bearbeidd og tolka.<br />
I forlenginga av dette kan ein forstå korleis markeringane blir brukt til å skape læring på<br />
høgare nivå. Glosvik presenter Bateson sine ulike nivå for læring slik:<br />
13
”Dersom ein informasjonsbit blir forstått, definert, signalisert og klassifisert i kommunen som kjent i høve<br />
til tidlegare hendingar og situasjonar, vil andre ordens læring vere ei endring i handlingsmodellane som<br />
skal nyttast i slike kjende situasjonar. Om situasjonar er kjende eller ikkje, vert avgjort både av<br />
organisasjonsstrukturar og defineringsprosessar. … Læring av andre orden handlar om å endre haldningar<br />
innanfor kjende situasjonar og attkjennelege sakstypar.<br />
(Glosvik 2000:51)<br />
Kjenner vi att kontekstmerker frå tidlegare, veit vi korleis vi skal handle: Likt (første ordens<br />
læring) eller (om erfaringane ikkje var heilt heldige) på ein annan måte (andre ordens læring).<br />
Tredje ordens læring (eller læring på nivå II) definerer Bateson som endring i<br />
læringsprosessar på nivå I. Det handlar om endring i måten ein ser verda på. Endringane<br />
omfattar måten ein ser straumen av hendingar vert redigert på og tolka inn i samanhengar og<br />
om oppfatningar om korleis ting heng saman (ibid).<br />
Dette på som eit nyttig analyseverktøy for å sjå kva som går føre seg når skulen i<br />
utgangspunktet mitt møtest for å skape læring.<br />
<strong>3.</strong>3 Meining, symbol og rolle<br />
Så langt har eg argumentert for at deltakarane ei ein sosial situasjon nytter rammer og<br />
kontekstmerker for å forstå kva som skjer. Dei forhandlar om meining. Men kva er meining?<br />
Goffman byggjer på Mead si forståing av meiningsdanning. I det følgjande sitatet frå Mead<br />
vert omgrepet definert:<br />
”Mening uppstår och ligger i förhållandet mellan gesten hos en given mänsklig organism och det<br />
efterfölgjande beteendet hos denna organism som dette antyds för en annan mänsklig organism genom den<br />
gesten. Om gesten på så sätt för en annan organism viser hän mot det efterfölgjande (eller resulterande)<br />
beteende hos en given organism, då har den mening” (Mead 1976:72).<br />
Mead fornekta behaviourismen si overføring av stimulus-responsmodellen på menneskeleg<br />
åtferd, og dette vart viktig for Goffman. Vi tolkar situasjonar gjennom å tillegge personar og<br />
objekt meining. Eit symbol definerer objektet eller hendinga, og viser ein måte å respondere<br />
på. Symbolet står med andre ord ikkje berre for eit objekt eller ei hending. Ein ”lærar” er ikkje<br />
berre ein kategori menneske. Det indikerer også visse handlingsmønster vis a vis ”elevar”,<br />
”foreldre” eller ”skuleleiing”. Ein ser også ei kopling til det fysiske miljøet; til ”skulen”. Utan<br />
slike symbol ville samhandling vore umogeleg, og det ville ikkje eksistere noko samfunn.<br />
Språket utgjer viktigaste symbolsystemet.<br />
Lars Qvortrup viser til Luhman når han drøftar ”meining” i eit samfunn (2001:54). Meining<br />
kan sjåast ut i frå tre dimensjonar:<br />
”ein saksdimensjon (”meining” som å skilje mellom ulike oppfatningar av verkelegheit), ein<br />
tidsdimensjon (”meining” som å skilje mellom fortid og notid) og ein sosialdimensjon (”meining” som å<br />
skilje mellom oss og andre).<br />
Dette er i følgje Qvortrup eit samfunn sitt ”grunnsemantikk”.<br />
Eit viktig punkt for meg er at kvalitetsarbeid kan ofte fungere som rituelle aktivitetar, utan<br />
ein nyskapande eller lærande funksjon. Symbola er viktige i meiningsdanninga, og rituelle<br />
aktivitetar er ein del av meiningsdanninga. Planar for utvikling ved skular er viktige element i<br />
kvalitetsarbeidet. Utviklingsplanen ved ein skule er ein reiskap, med føringar på kva som er<br />
14
målsetjing og tiltak, og kven som er aktørane. Men planen kan også ha ein annan funksjon,<br />
nemleg eit dokument som inneheld orda for kva som skal vere kvalitetskjenneteikn for skulen.<br />
Den kan tolkast som ein indikasjon for god kvalitet, og signaliserer at organisasjonen har<br />
strukturerte og målretta aktivitetar. Planen kan fungere som symbol for ein skule som arbeider<br />
planmessig, ein skule som både internt og ekstern ønskjer å stå fram som moderne og<br />
velfungerande. I dette ligg det også eit kritisk perspektiv på at omgrepa i planen er tomme, at<br />
dei ikkje treng å vere meiningsfulle for aktørane i kvardagen.<br />
4. Goffman i analyse av kvalitetsarbeid<br />
Det overordna spørsmålet mitt er korleis kan Goffman si rammeanalyse vere eit teorigrunnlag<br />
for forståing av samhandlingsprosessane eg skal studere. I essayet har eg gjort greie for ulike<br />
teoretiske føresetnadar for Goffman sin rammeanalyse, omgrep som han nyttar, samtidig som<br />
eg ser etter konkretisering gjennom kvalitetsarbeid i norsk skule.<br />
Interaksjonen og forhandlingane om ulike måtar å forstå kva som er verkeleg skjer i<br />
situasjonar der aktørane har ulike roller, enten det er som elevar, lærarar eller skuleleiing eller<br />
som skuleeigar. I vurderingsarbeid kan vi identifisere nokre situasjonar som kan vere<br />
vendepunkt i utviklinga av felles forståing. Elevsamtalar, foreldresamtalar og møte i<br />
lærarkollegiet med utviklingsarbeid som tema, er alle aktivitetar som kan samanliknast med<br />
Thomassen sine institusjonaliserte samtalar. Det er døme på situasjonar der forståing av<br />
kvalitet blir forhandla om. I desse situasjonane forhandlar aktørane om korleis dei skal forstå<br />
kommunikasjonen seg i mellom, kva for kommunikativ verksemd dei er i. Når situasjonane er<br />
nytta til tolking av data i vurderingsarbeid, er det rimeleg å tru at det finn det stad ei lang<br />
rekke avklaringar mellom aktørane både i start- og avslutningsfasen i dei fokuserte<br />
hendingane. Kva er tema, kva skal vi samtale om, kva ord nyttar vi for ulike sider ved læring<br />
og kvalitet.<br />
Legg eg Goffman sin teori til grunn i arbeidet mitt vil nivåforskjellane mellom det heilt<br />
konkrete til det overordna og abstrakte vere ei utfordring. Eg skal fokusere på aktivitet her og<br />
no – det som ein kan observere. Men målet er å få tak i alle rammene aktørane nyttar for<br />
forståing. Desse er på ulike nivå: meta og meta-meta-nivå, og har ulike kjennemerker. Skulen<br />
som ønskjer å skape kultur for læring i kvalitetsarbeidet, må ha aktivitet der dei dekker alle<br />
nivåa. Spørsmålet er korleis ein gjennomforsking kan forstå det.<br />
Eg kan ikkje gjennomføre analyser på alle relevante aktivitetane på ein skule. I studien vel eg<br />
ut organiserte og strukturerte møte, som årlege møte med gjennomgang av data frå<br />
Elevundersøkinga eller dei strukturert elevsamtalane skulen er pålagt å gjennomføre.<br />
Eit viktig perspektiv for meg er korleis Goffman kan nyttast til å sjå det kollektive i det<br />
rituelle. Eg meiner det er nyttig å sjå vurderingsaktivitetar som rituell aktivitet, også som ei<br />
motvekt mot einsidig å analysere kvalitetsarbeid som målretta tiltak. Evalueringar vert ofte<br />
framstilt som ein måte organisasjonar skal få tilbakemeldingar frå omgjevnadane (til dømes<br />
brukarar, klientar, pasientar) på, og at dei skal vere responsive i forhold til signala dei får. Eit<br />
anna stort spørsmål er kvifor denne førestillinga lever når ein veit både frå organisasjonsteori<br />
og frå praktiske røynsler at offentlege organisasjonar som regel svært langsamt og berre svært<br />
gradvis let seg endre. Sentrale evalueringsforskarar i Europa og USA finn sjeldan<br />
evalueringar med instrumentell bruk av resultata, evalueringane vert sjeldan nytta i samsvar<br />
15
med det offisielle programmet for evalueringa. I overordna styringsdokument for<br />
vurderingsarbeid i norsk skule finn vi målsetjingar om vurderingsarbeid for å fremje ei meir<br />
effektiv læring, men samanhengen mellom måla og vurderingane er ikkje klare.<br />
Utgangspunktet mitt frå skulen er ei konkretisering av overgangen mellom dei ulike nivåa.<br />
Goffman viser ei annan side ved dette dilemmaet, mellom det rituelle og det nyskapande.<br />
Perspektivet hans er at det rituelle rollespelet gjev eit anna bilde av individet enn personen<br />
som er inntrykksmanipulerande eller at det er i ein tvangssituasjon i rolla si. Ein kan sjå<br />
utøving av roller som rituelle aktivitetar som kommunikasjons- og sosialiseringsaktivitetar ein<br />
ikkje kan vere utan. Rituala fungerer som kollektive symbolske kodar, og er med på å<br />
oppretthalde sosiale system og individet si deltaking i dei. Det sjølvet ein presenterer i det<br />
rituelle forventast av andre å vere konsistent, slik at andre menneske veit kva dei kan forvente<br />
av vedkomande si åtferd. Ritual-omgrepet gjev rom for tillit mellom aktørane. Denne tilliten<br />
treng skulen når den arbeider med kvalitet, dei ”må kunne stole på” at dei ikkje skal grave seg<br />
ned i eigne elende.<br />
Vurderingsarbeid i norsk skule utgjer store ressursar, og det kan vere vanskeleg å sjå direkte<br />
nytte av innsatsen. Retorikken som vi finn om kvifor skular skal drive med kvalitetsarbeid er<br />
kjenneteikna av det målretta. Skulane skal ved ein bestemt innsats skal ein oppnå ulike mål i<br />
læringsprosessane. Dette gjeld både den kollektive og den individuelle læringa. Mange av<br />
aktørane i skulen gjev uttrykk for at det er arbeid som er nyttig for dei, sjølv om det er<br />
vanskeleg å sjå at resultat i vurderingsresultat blir brukt målretta i organisasjonar.<br />
Rektorane i det empiriske materialet mitt gjev uttrykk for at kvalitetsarbeid er meiningsfullt<br />
og nyttig for dei, knyter det til at dei ønskjer å oppnå ulike mål for organisasjonen (Øydvin<br />
2005). Dei stiller krav til at vurderingsaktivitetane skal gje dei ny innsikt og utvikle ny<br />
praksis, og at dei skal kunne arbeide målretta over tid. Her er det grunn til å tenkje over<br />
kritikken av at Goffman som teorigrunnlag fokuserer lite på dei målretta aktivitetane.<br />
a) Fokusert hending kan bety at ein mister fokus på dei langsiktig prosessane, ein<br />
studerer det som skjer her og no, og korleis dei involverte aktørane forstår det.<br />
b) Fokus vil ikkje ligge på målretta aktivitet – men dette betyr ikkje at Goffman seier at<br />
der ikkje er målretta aktivitetar.<br />
Men eg meiner at det målretta i kvalitetsarbeid er overfokusert. For meg kan då Goffman sin<br />
teori vere eit grunnlag for å sjå dei andre sidene/funksjonane kvalitetsarbeid har i<br />
organisasjonar som skulen.<br />
Eg har tidlegare vore inn på korleis Säljö åtvarar mot upresis bruk av kontekstomgrepet. Faren<br />
er at forklaringskrafta i omgrepet blir låg eller forsvinn. Men dersom ein legg til grunn eit<br />
sosiokulturelt perspektiv på læring, må ein relatere handling og kunnskap til samanheng og<br />
aktivitetar. Ein definerer kva ein skal gjere ut frå kva situasjon ein er i. Tenking,<br />
kommunikasjon og fysiske handlingar er situert i kontekstar. Å forstå koplinga mellom<br />
samanheng og individuelle handlingar er noko av kjernen i eit sosiokulturelt perspektiv på<br />
læring. Individa skaffar seg ei komplisert innsikt i kvar og kor tid ulike ’reglar for handling’<br />
er passande å bruke.<br />
Dette handlar om å identifisere aktørane sine nøkkeltankar og utsegn i dei ulike<br />
vurderingsaktivitetane.<br />
16
LITTERATUR<br />
Bateson, G. (1972). Steps to an ecology of mind. New York, Ballantine Books.<br />
Bjørndal, B. and S. Lieberg (1978). Nye veier i didaktikken? en innføring i didaktiske<br />
emner og begreper. Oslo, Aschehoug.<br />
Bjørndal, C. R. P. (1997). Nærhet og distanse til elevroller : om elevatferd i vanlig<br />
undervisning og prosjektarbeid. Tromsø, [C.R.P. Bjørndal].<br />
Dahler-Larsen, P. (1998). Den rituelle reflektion : om evaluering i organisationer.<br />
Odense, Odense universitetforlag.<br />
Drew, P. and A. Wootton (1988). Erving Goffman: exploring the interaction order.<br />
Cambridge, Polity Press.<br />
Glosvik, Ø. (2000). I grenselandet - læring mellom stat og kommune. Institutt for<br />
administrasjon og organisasjonsvitenskap. Universitetet i Bergen. Rapport nr 75 (2000)<br />
Goffman, E. (1986). Frame analysis: an essay on the organization of experience. Boston,<br />
Northeastern University Press.<br />
Goffman, E. (1992). Vårt rollespill til daglig: en studie i hverdagslivets dramatikk. Oslo,<br />
Pax.<br />
Guneriussen, W. (1996). Aktør, handling og struktur: grunnlagsproblemer i<br />
samfunnsvitenskapene. [Oslo], TANO.<br />
Kunnskapsdepartementet (2006). -og ingen sto igjen: tidlig innsats for livslang læring.<br />
[Oslo], Departementet.<br />
Lillejord, S., J. Tobiassen, et al. (1999). Reformperspektiv på skole- og elevvurdering.<br />
Bergen, Fagbokforl.<br />
Linell, P. (1998). Approaching Dialogue. Talk, interaction and contexts in dialogical<br />
perspectives. Amsterdam: John Bejamins Publishing Company.<br />
Mead, G. H. and C. W. Morris (1934). Mind, self, and society from the standpoint of a<br />
social behaviorist. Chicago, University of Chicago Press.<br />
Overland, B., H. Bjørnsrud, et al. (2006). Utdanning for utvikling av skolen. Oslo,<br />
Gyldendal akademisk.<br />
Perdue, W. D. (1986). Sociological theory: explanation, paradigm, and ideology. Palo<br />
Alto, Calif., Mayfield Publishing Company.<br />
Popitz, H. (1968). Der Begriff der sozialen Rolle als Element der soziologishen Theorie.<br />
Tübingen, J.C.B Mohr.<br />
17
Qvortrup. L. (2001). Det lærende samfund - hyperkompleksitet og viden. København,<br />
Gyldendal<br />
SYNEVA.net (2007): http://syneva.net Education and Culture. Socrates 114426 CP-1-<br />
2004 1-IT- COMENIUS-C3PP<br />
Säljö, R. (2000). Lärande i praktiken ett sociokulturellt perspektiv. Stockholm, Prisma.<br />
Thomassen, G. (2005). Den flerbunnete treningssamtalen : en studie av samtaler mellom<br />
pasient og student fra sykepleier- og medisinerutdanning. Trondheim, Norges teknisknaturvitenskapelige<br />
universitet, Det historisk-filosofiske fakultet, Institutt for språk- og<br />
kommunikasjonsstudier.<br />
Vedung, E. (1998). Utvärdering i politik och förvaltning. Lund, Studentlitteratur.<br />
Øyvin, A. & Heggheim, S. (2005): Evaluation of Quality – System and Reality – Norway.<br />
Notat i Newsletter from The SYNEVA Network februar 2005.<br />
http:\\network.syneva.net\<br />
18