Bilag: Polarforskning - Nysgjerrigper

Samarbeid for betre ver
Storm og uver er vanlegare i nordområda enn andre stader.
Derfor er gode vervarsel spesielt viktig her.
TeKsT: BÅRD amUnDsen
Veldige stormar kan herje hav og land
rundt Nordpolen. Andre gonger kan
tåka liggje tjukk, eller det kan snø i
dagevis.
Veit for lite i dag
Dei siste tiåra har meteorologane
vorte veldig flinke til å varsle veret for
dei nærmaste dagane. Men i Arktis
er vervarsla framleis for dårlege. Det
kjem av at meteorologane her har få
observasjonspostar som forklarer
korleis veret utviklar seg. Det kjem
også av at dei som skal varsle veret,
rett og slett veit for lite om ver og vind
i nordområda.
50 forskarar, dei fleste av dei frå Noreg,
samarbeider no for å lage betre vervarsel
i Arktis. Det viktigaste er å bli
flinkare til å varsle storm og uver.
Behov for vervarsling
Stadig fleire menneske oppheld seg i
Arktis, mange som turistar. Samtidig
har både Noreg og andre land begynt å
hente opp olje og gass frå havet i nordområda.
Meir skipsfart er det også
blitt. Alle desse treng å vite korleis
veret blir, og om det er uver i sikte.
Ballongar i atmosfæren
For å finne ut meir om veret rundt
Nordpolen skal forskarane sleppe
ballongar med meteorologiske
bilag om polarforskning
instrument opp i atmosfæren. Dei skal
også sleppe ut bøyar i havet – bøyar
som kan måle temperatur og vind. Frå
eit tysk forskingsfly skal forskarane
neste vinter bruke eit avansert laserinstrument
som måler vind og fukt.
Blir rekna ut av superdatamaskinar
Moderne vervarsling er i stor grad
basert på reknestykke med millionar
av tal. Superdatamaskinar må til for å
utføre desse reknestykka. Men svaret
som reknestykka gir, er sjølvsagt
avhengig av kva for tal du puttar inn.
Desse tala må vere så riktige som råd.
Det skal verforskarane no prøve å gjere
noko med.
Vervarsla skal bli betre i nordområda.
Det vil mellom anna komme turistar
og eventyrarar til gode.
FOTO: GV-PRess
nysgjerrigper – 3-2007, 14. årgang