MELAND KOMMUNE SAKSPAPIR

- Kan ikkje forstå at Meland kommune er interessert i å ekspropriere eit nytta og bebudd
området, når ein har fleire alternativ i området. Kan heller ikkje sjå at det er grunnlag
for ekspropriasjon, med omsyn til samfunnsnytta.
- Viser til forsøpling og miljøproblem i området rundt Mjåtveittjørni.
- Viser til at det kun er dei som har vegrett i området.
- Det er ikkje gunstig med industri midt i eit ev. bustadområde.
- Ønskjer å søkje om løyve til å nytte delar av deire eigedom til nye bustadføremål, jf.
kart.
Administrasjonen sin kommentar:
- Kommunen har ikkje planar om å gjennomføre ekspropriasjon.
- Kommunen ønskjer at det vert lagt ut eit framtidig område for industri/lager som ei
utviding av det eksisterande industriområdet på Mjåtveit.
- Utviding av industriområdet er grunngjeve med utgangspunkt i behov framlagt av
Frekhaug vinduet AS. Ein har vurdert andre areal som kunne stette desse behova, utan
å finne brukbare alternativ.
- I tillegg er det lagt inn ei buffersone mellom industriområda og bustadfelta, med
føringar som skal redusere konfliktnivået mellom industriverksemda og busetnaden.
Offentleg instansar
Hordaland fylkeskommune v/Kultur- og idrettsavdelinga (brev av 08.07.05 og 17.01.06):
- Viser til regional arealpolitikk slik den går fram av fylkesplan og fylkesdelplanar og
legg vekt på at planframlegg er i tråd med desse.
- Minner om at dokumentasjon av kulturminne og – miljø skal gjerast på eit tidleg
stadium i planlegginga. Dei ber om at ev. kulturminneinteresser vert omtalt, vurdert og
teke omsyn til.
- Det er ikkje kjende automatisk freda kulturminne i området.
- Viser til registrert funn frå førhistorisk tid.
Planleggjar si vurdering:
- Det registrerte funnet ligg nord for riksvegen og utanfor planområdet.
- Dokumentasjon av kulturminneinteressene skal takast omsyn til i planlegginga.
Administrasjonen sin kommentar:
- Planskildringa inneheld eit eige avsnitt der området si historie og kulturminneverdiar
er skildra.
- Det er lagt føringar i planen som skal ta omsyn til verneverdige element i området ved
utbygginga.
Fylkesmannen i Hordaland, Miljøvernavdelinga (brev av 10.06.05):
- Viser til fylkesdelplan for kystsona, innskjerping av det nasjonale strandsonevernet.
- Båthamner bør planleggjast som fellesområde slik at minst mogleg av strandarealet
vert båndlagt og privatisert.
- Den funksjonelle strandsona må vektleggjast i området.
- Behovet for eit småbåtanlegg må vurderast nærare i høve til eksisterande anlegg og
kapasitet.
Planleggjar si vurdering:
- Tiltakshavar vil ikkje gå vidare med planane om småbåthamn i Juvika. Arealet er lagt
ut som fellesareal på land og som friluftsområde i sjø.
Administrasjonen sin kommentar:
- Føresegnene i planen legg føringar for bruken av friluftsområdet i sjø og fellesområdet
på land, med omsyn til friluftslivet. Elles ingen merknader til planframlegget.