MELAND KOMMUNE SAKSPAPIR

- Byggjeområde for bustader på delar av gnr 22 bnr 6 sør for riksvegen og vest for
Mjåtveit industriområde. Det er krav om reguleringsplan før utbygging. Arealet
omfattar også ein del andre bruksnummer for eksisterande busetnad og fritidstomter.
- Eksisterande bustadområde for gnr 22 bnr 22 m.fl. sør mot Juvika. Det er krav om
reguleringsplan før utbygging. Arealet omfattar også ein del andre bruksnummer for
eksisterande busetnad.
Føresegnene til arealdelen legg føringar for utbyggingsområda, med omsyn til
parkeringsdekning, uteopphaldsareal, leikeareal, trafikk-, fare- og støyområde, mm.
Arealdelen har også ein del retningsliner for dei nye utbyggingsområda.
I aust ligg gjeldande reguleringsplan for industriområde Mjåtveit og bustadområde
Frekhaugmarka.
I nord er riksveg 564 regulert gjennom statleg plan som omfattar utbetring av veg og
opparbeiding av gang- og sykkelsti fram til vegkryss mot Dalstø.
Referansar:
Sak 05/423:
Eigar av gnr 22 bnr 6 har tidlegare varsla og kunngjort oppstart av reguleringsplanarbeid til
bustadføremål for område A1 og A2 (sjå kart vedlagt denne saka).
Område A1 er i hovudsak i tråd med arealdel av kommuneplanen, mens område A2 som
omfattar arealet langs riksvegen, er LNF-føremål i kommuneplanen.
Arealet er på omlag 130 daa, der om lag 50 daa vert nytta til bustadtomter. Området vert delt
inn i felt med ulike bustadtyper og utnytting. Einebustader, 2-manns- og 4-mannsbustader,
lågblokkar og rekkjehus.
Totalt er det anslått 255 bueiningar.
Det er også planlagt barnehage, grendahus, samt ulike leike- og grøntområde.
Sak 05/860:
Eigar av gnr 22 bnr 22 har tidlegare varsla og kunngjort oppstart av reguleringsplanarbeid til
bustadføremål for område B1 og B2 (sjå kart vedlagt denne saka).
Område B1 er i hovudsak i tråd med arealdel av kommuneplanen, mens område B2 omfattar
ein større eigedom (gnr 22 bnr 166) som er LNF-føremål i kommuneplanen.
Arealet er på omlag 75 daa og skal leggjast til rette for bustader med tilhøyrande anlegg, samt
privat småbåthamnn. Planen omfattar også felles veg fram til fylkesvegen, der den siste delen
går gjennom planområdet for gnr 22 bnr 6.
Sak 05/1448:
Eigar av gnr 22 bnr 1 og 3 ønskjer å lage reguleringsplan til bustadføremål og ervervføremål.
Erverv-området er i hovudsak i tråd med arealdel av kommuneplanen (område C). (Sjå kart
vedlagt denne saka). Med erverv er det aktuelt med føremåla forretning, kontor, lager og
industri.
Bustadområda er LNF-føremål i arealdel av kommuneplanen (område D1-D3). (Sjå kart
vedlagt denne saka).
Område D1 er ønskjeleg å regulere til bustadføremål med tilhøyrande anlegg. Det er tenkt
utbygd med rekkjehus og leilegheiter der utnyttinga er tett. Grunngjevinga for reguleringa er
at arealet ligg mellom dei andre planområda som skal regulerast til bustadføremål. Utbyggjar
meiner det vil difor vere naturleg å tru at også dette arealet vert lagt ut til bustader ein gong i
framtida. Ei samordna planlegging for områda gjev mange fordelar: