MELAND KOMMUNE SAKSPAPIR

More documents

Recommendations

Info

Næraste barnehage ligg like nord for areal B1. I tillegg er det barnehager på Frekhaug og Sagstad. Området ligg i skulekrinsen for Sagstad skule. Ungdomsskulen ligg på Frekhaug. Næraste lokale og regionale senter med offentlege/private kontor og tenestetilbod er lokalisert på Frekhaug. Konsekvensutgreiing: Det er nyleg vedteke ny forskrift om konsekvensutgreiingar. Kommunen er ansvarleg myndigheit for å vurdere om aktuelle reguleringsplanar må konsekvensutgreiast før dei kan gjennomførast. Den som utarbeidar framlegg til plan etter plan- og bygningslova skal sjølv vurdre om planen fell inn under forskrifta sitt saklege verkeområde. Tidlegast mogleg under førebuingane av planen, skal kommunen ta stilling til om ein reguleringsplan fell inn under visse kriteriar. For reguleringsplanar bør dette skje før kunngjering etter plan- og bygningslova § 27-1 nr. 1 andre ledd. Kommunen si vurdering skal ta utgangspunkt i opplysningar gjeve av ansvarleg for planframlegget, og på kunnskap elles som er kjend og ligg føre. Kommunen skal i naudsynt grad ta kontakt med røyrde myndigheiter for å avklare om kriteriane i § 4 vert gjeldande. Vurdering: Administrasjonen meiner at det vil vere mange fordelar med å lage ein samanhengande plan for området. Ein samla plan vil generelt gjere det lettare for kommunen å sikre ei heilskapeleg tettstadsutvikling på Frekhaug. I kommuneplanen er det eit mål at vidare utbygging av Frekhaugområdet skal skje på sørsida av riksvegen frå Fosse til Dalemarka. Byggjeområda som er utlagt i kommuneplanen vil ha mange felles behov og konsekvensar i høve til infrastruktur og omgjevnaden elles. Det er difor naturleg å sjå desse i samanheng. LNF-områda som er omkransa av utbyggingsareal treng også ei nærare vurdering av bruk og vern, då desse vil verte meir påverka av busettinga i framtida. Ein samla plan som inkluderer LNF-områda, vil gjere det lettare å lage naturlege føremålsgrenser for bruk og vern, i staden for å nytte eigedomsgrensene. I høve til forskrift om konsekvensutgreiing, har administrasjonen valt ut aktuelle kriterar som kan medføre at ein slik plan må konsekvensutgreiast: - Konflikt med særleg verdifulle landskap, naturmiljø, kulturminne eller kulturmiljø - Konflikt med friluftslivsinteresser - Inneber større omdisponering av LNF-område Ut i frå kommunen sitt grunnlagsdata, har LNF-områda i planområdet ein viss verdi som landbruksareal. I tillegg finst det verdifulle naturelement som må vurderast å takast omsyn til. Likevel vurderer administrasjonen det slik at det ikkje vert stilt krav om konsekvensutgreiing. Verdien av dei ulike areala har først og fremst lokal interesse og avveging mellom bruk og vern kan vurderast tilfredsstillande i planprosessen, dersom kommunen stiller dei rette vilkåra til utbyggjar. Utbyggjar ønskjer å nytte LNF-areala til bustadbygging, samt ny veg (i område D2). Administrasjonen meiner at det er for tidleg å ta stilling til føremålet i dei einskilde areala. Føremålsgrensene bør trekkjast opp etter at det er gjort ein grundigare analyse. Dette bør utbyggjar og kommunen gjere i samarbeid for å lage ein balansert plan, der både utbyggingsinteressene og gjeldande interesser får plass.
Konklusjon Administrasjonen rår planutvalet til å gå inn for planoppstart for området som er markert på kart dagsett 26.10.05. Ein ser ikkje at det er behov for konsekvensutgreiing, dersom følgjande føresetnader vert lagt til grunn i planarbeidet: - Viktige landskapselement, turstiar og naturelement skal ivaretakast så langt som råd. - Verdifulle landbruksareal skal ivaretakast så langt som råd. - Føremålsgrensene skal så langt som råd baserast på naturgjevne grenser i landskapet og mellom ulike areal. Andre viktige føresetnader for planarbeidet: - Utbyggingstakten for planområdet skal så nøyaktig som mogleg baserast på kapasitet i skule og barnehage. - Rekkjefølgje på utbygginga skal særleg ivareta trafikktryggleiken. - Grøntareal, friluftsområde og ferdselskorridorar skal vere mest mogleg samanhengande. - Plangrensa må ta omsyn til gjeldande planar for Mjåtveit og riksvegen. Små restareal må unngåast og eigedomar som naturleg er knyta til planområdet, må innlemmast i planen. - Retningsliner i arealdel av kommuneplanen skal så langt som råd etterkommast. ADMINISTRASJONEN - FRAMLEGG TIL TILRÅDING: ”Kommunestyret viser til spørsmål om privat reguleringsplan for gnr 22 bnr 1, 3, 6 og 22 m.fl., stempla motteke 28.10.05, og tilrår at det vert starta opp planarbeid for området. Kommunen ser ikkje at det er behov for konsekvensutgreiing, dersom føresetnader som nemnt i konklusjon i saksvurderinga vert lagt til grunn i planarbeidet. Denne tilrådinga vert gjeve i samsvar med plan- og bygningslova § 30 første ledd.” 30.11.2005 PLANUTVALET PLU-115/05 SAMRØYSTES FRAMLEGG TIL VEDTAK: ”Kommunestyret viser til spørsmål om privat reguleringsplan for gnr 22 bnr 1, 3, 6 og 22 m.fl., stempla motteke 28.10.05, og tilrår at det vert starta opp planarbeid for området. Kommunen ser ikkje at det er behov for konsekvensutgreiing, dersom føresetnader som nemnt i konklusjon i saksvurderinga vert lagt til grunn i planarbeidet.
Page 1 and 2: MELAND KOMMUNE SAKSPAPIR Styre, kom
Page 3 and 4: OVERSENDT PLANMATERIALE 26 I 30.06.
Page 5 and 6: - Byggjeområde for bustader på de
Page 7: Arealet omfattar delar av gnr 22 bn
Page 11 and 12: - Planskildring stempla motteke 04.
Page 13 and 14: Administrasjonen sin kommentar: - M
Page 15 and 16: - Det skal takast omsyn til steinga
Page 17 and 18: - Kan ikkje forstå at Meland kommu
Page 19 and 20: Planleggjar si vurdering: - Ein har
Page 21 and 22: c. § 1.3 i føresegnene bør difor
Page 23 and 24: og vegetasjonsbelte mellom busetnad
Page 25: Høyringsperioda vert sett til 1 m

MELAND KOMMUNE SAKSPAPIR

Create successful ePaper yourself

Delete template?

Save as template?