Unikum 2 – 2002 (mai)

More documents

Recommendations

Info

Solidariteten sigrar Torsdag 26. april vart det avgjort at tiarordninga skal innførast ved HiA. Helst frå hausten av. Tekst: Aina K. Øvstetun • Foto: Svein Frøysnes Mai 2002 Det var ein historisk dag for HiA-studentar som ynskjer å støtte SAIH sitt solidaritetsprosjekt tiarordninga. Då vedtok Studentparlamentet einstemmig å innføre tiarordninga på ny, aller helst frå hausten 2002. Nøgd lokallagsleiar I førre nummer av Unikum kunne ein lese at tiarordninga endå ikkje var eit faktum ved HiA. Sidan den gong har det skjedd enorme endringar på solidaritetsfronten. Fleire års arbeid frå SAIH (Studentane og Akademikarane sitt Internasjonale Hjelpefond) gav til slutt resultat, slik at også studentar ved HiA kan bidra til å støtte utdannings- og helseprosjekt i Afrika og Sør-Amerika ved å betale 20 kroner ekstra i semesteravgift. Linda Bjoland, leiar i SAIH sitt lokallag i Kristiansand, er veldig godt nøgd med utviklinga i saka. – Me har som kjent jobba lenge for å få innført ordninga, men systemet har jo ikkje akkurat jobba med oss. Difor var det ekstra gøy at det endeleg gjekk i orden, seier ei glad Bjoland. Ordninga i praksis Vedtaket i Studentparlamentet seier at ordninga helst skal innførast hausten 2002. Alle studentane betaler 20 kroner ekstra i semesteravgift, og dei som ikkje ynskjer å støtte prosjektet får pengane refundert. Dette skjer ved Lokallagsleiar i SAIH, Linda Bjoland, er godt nøgd med at tiarordninga no skal innførast ved HiA. at ein fyller ut eit skjema som ein sender til SAIH sentralt. Då vil ein få refundert totalt kroner 27,50. (Av desse er 2 kroner for konvolutt, 5,50 for porto og i tillegg dei 20 kronene.) For dei som let SAIH behalda pengane, legg NORAD til 80 kroner for kvar tjuekronar, altså 100 kroner i alt. Tiarordning fram til 1997 Det kjem fram at tiarordninga eksisterte på HiA fram til 1997. Då med eit system som var meir tidkrevjande for administrasjonen ved skulen. På denne tida var det studieseksjonen som organiserte refunderinga, og kontorsjef Ragnhild Lager innrømmer at dei tilsette ikkje har sakna alt ekstraarbeidet som ordninga førte med seg. – I og med at me veit at nær ein tredel av studentane ynskjer pengane refundert, har me nok ikkje jobba særleg hardt for å få ordninga innført på ny. Men det er jo ei skam at HiA i fleire år ikkje har bidrege til eit så bra prosjekt, seier Lager. Endå er det ikkje sikkert at det blir tiarordning alt frå hausten av. Det er opp til Studieseksjonen å avgjera om dei kan få ordninga med alt på semesteravgifta frå hausten av. Då står det berre att å sjå om studentane ved HiA har vorte meir solidariske enn dei var på 90-talet... 4 Unikum
Ein stad å vera... Studentersamfunn på Gimlemoen er på veg til å bli verkeleg. I sommar skal ei styringsgruppe arbeida vidare med planane, og ein vonar å opna dørene like over nyttår. Studentarsamfunn-saka har utvikla seg til å bli mykje meir enn berre ei sak om ein pub i kjellaren, ho er vorte eit bilete på sjølve studentmiljøet på HiA. Korleis det har vore og korleis me kan gjere det betre. Fleire instansar signaliserar no ei vilje til å gjere ein innsats for studentmiljøet, og denne vilja ser i desse dagar ut til å verte omsett i handling. Studentarsamfunn I fyrste rekkje kjem det tenkte studentarsamfunnet, som etter alt å dømme vil verte etablert, i kjellaren til HiA sine bygg på Gimlemoen. Det avgjort at Heming Bentsen i eit år vert teken ut av jobben som kantinestyrar, og tilsett som prosjektleiar i arbeidet med å få dette studentarsamfunnet på beina. I tillegg vil ein setje ned ei styringsgruppe, satt samen av to representantar frå HiA, to studentar og ein representant frå SiA. Det er enno ikkje klart korleis ein skal organisera arbeidet under denne styringsgruppa. – Det er særs viktig at studentane er sterkt representerte både i planlegginga og utføringa av dette prosjektet, understrekar Bentsen. Han vil ikkje foreta seg noko som ikkje er i samsvar med det studentane ynskjer. Med andre ord fordrar dette prosjektet ei aktiv og engasjert studentmasse, og leiinga av prosjektet ser fram til eit godt samarbeid med studentane. INFORMASJONSMØTE Tysdag 21. mai skal det vere eit informasjonsmøte om det nye studentarsamfunnet. Møtet skal konstituere ei styringsgruppe. Dei som vil sitje i styret, må vere i Kristiansand i sommar, sidan mykje av planleggjinga skal gjerast da. Møtet er i kantina tysdag 21. mai klokka 1300. Det er berre å møte opp for alle som er interesserte, ikkje berre for dei som vil engasjere seg! I og innanfor desse tre garasjane i enden av hovedbygget, står nær 400 kvadratmeter store lokale som i dag ikkje er i bruk. Her kjem kanskje studentersamfunn. – Det vert heile vegen lagt vekt på at dette skal vere eit studentarsamfunn for, av og med studentane, seier Bentsen. Dei to studentane som skal sitje i styringsgruppa vil verte valde av Studentparlamentet, dette for å få ei slik gruppe raskast mogleg på beina. Ein oppfordrar alle studentar til å engasjere seg i den vidare prosessen. Korleis, vil vere klart til hausten. Når det gjeld det reint praktiske, vil ein søkja om byggjekonsesjon snarast råd, slik at ombyggjinga kan ta til allereie i august. Bentsen understrekar òg at det er mykje som enno ikkje er klart. Det er mellom anna ikkje endeleg vedteke at eit slikt samfunn vil flytte inn i kjellarlokala på Gimlemoen, sjølv om dette er svært sannsynleg. Planen er vidare at lokala skal vere ferdige i desember, slik at ein kan opne dørene på nyåret. Andre studentaktivitetar Tanken er at Studentarsamfunnet ikkje berre skal vere ein stad der ein kan gå for å sløkkje tørsten og treffa kjente, men også ein stad for dei ulike studentaktivitetane som eksisterer. Dette skal vera på same måten som KRIK og KSI er bundne opp mot Spicheren. Ein tek sikte på å stimulera til auka engasjement i dei ulike organisasjonane, og det er tilsett ein såkalla «Goodwill-ambassadør». Jon Ruud, (tidlegare dagleg leiar på Vaskeriet) vert frå 15. mai (evt. 1. juni) tilsett i denne stillinga. Dette er ledd i eit prøveprosjekt som skal vara i 12 månader. Tanken er at Ruud skal fungera som eit bindeledd mellom studentane og dei ulike instansane og organisasjonane på skulen. – Eg ynskjer at studentane ved HiA skal oppdaga kor mykje dei som studentar faktisk kan få til av aktivitetar og hendingar. Mi rolle skal vere å leggje alt til rette på beste måte, seier Ruud engasjert. Han har eit stor kontaktnett på skulen og utanfor, og veit soleis kven ein skal kontakta for å oppnå det ein ynskjer. Alle dei tre studiebyane, Kristiansand, Arendal og Grimstad, er med på prosjektet. Frå alle hald kjem det signal om at ein er villige til å bruka tid og pengar på å betra studentmiljøa, og Ruud ynskjer å gjere studentane merksame på deira potensielle påvirkingskraft i arbeidet med å gjere studenttilhøva på Sørlandet betre. Opp til studentane Signal Unikum har motteke, tyder på at alt ligg godt til rette for eit breitt samarbeid mellom studentane og dei ulike instansane på skulen i framtida. Til dømes med SiA, som er involverte i denne prosessen. Me som studentar kan velje å sjå på dette som ein invitasjon. Ein invitasjon til å ta fatt på arbeidet med å betre eit noko haltande studentmiljø. No er det opp til oss å takka ja til invitasjonen, og syna vilje og engasjement som er ein institusjon som HiA verdig. Tekst: Eva-Kristin Pedersen • Foto: Svein Frøysnes Mai 2002 Unikum 5
Page 1 and 2: nummer 2 • årgang 2 • mai 2002
Page 3: Leder Det lysner mot vår... Der St
Page 7 and 8: Utvidar og strammar inn Hittil har
Page 9 and 10: Fra høgskole til universitet: Hva
Page 11 and 12: i Kristiansand Trommer, treblås og
Page 13 and 14: grid Ingrid jobber med skulpturer t
Page 15 and 16: finn Lyngbø ...og slik drikker han
Page 17 and 18: Betraktninger fra singelverdenen Et
Page 19 and 20: PETIT Procrastination Norsk er eit
Page 21: MENINGER HiA-studenter, leseromskul

Unikum 2 – 2002 (mai)

Create successful ePaper yourself

Delete template?

Save as template?