Bibelen ein trygg vegvisar

More documents

Recommendations

Info

9 Korleis kan vi leva reint? Korleis held den unge stigen * sin rein? Ved å akta på dine ord ** . –Salme 119,9 – Dette verset har følgt meg sidan eg var ein ny og ung kristen. Eg er takksam for det bedehusmiljøet eg vaks opp i, for der lærte vi å setja Guds ord høgt og la det styra livet vårt. Salmisten stiller her eit svært viktig spørsmål og gjev sjølv det rette svaret: Korleis kan eit ungt menneske leva reint? Berre ved å leva i Guds ord og vandra i sanningane i Ordet. Sjølvsagt gjeld denne sanninga ikkje berre unge menneske. Men unge menneske møter i sin ungdom for første gong alle desse driftene og lystene som kan gjera livet ureint. I vår barndom var vi ukjende med mykje av dette ureine, men i ungdomstida møter vi dette med full styrke. Barndommen er ei uskuldstid, men i ungdommen møter vi alle dei freistingane som høyrer det vaksne menneskelivet til. Den første sanninga vi må ta inn over oss i dette verset er at det finst både ein rein og ein urein måte å leva på. Noko er rett og noko er gale. Noko er godt og noko er vondt. Noko er heilagt og noko er vanheilagt. Det finst noko som er fint og flott, men dessverre og noko som er stygt. I vår postmoderne tid er det mange røyster som vil bortforklara dette og seia at alt er like bra. Det som er sant for deg, treng ikkje vera sant for meg, seier dei, for alt er relativt. Denne postmoderne løgna må vi ta skikkeleg avstand frå. Bibelen gjer det klart at det finst absolutte sanningar og urikkande lover for kva som er rett og gale. Dei ti boda saman med Jesu bergpreike gjev oss trygg og god rettleiing i å leva reine liv. Dine ord er det åttande uttrykket salmisten bruker for Guds ord. Her * ORAH – Strongs 734 ** DABAR – Strong 1697 26
uker han det hebraiske ordet «dabar» som ofte er brukt i GT og blir omsett på svært mange ulike måtar, alt etter samanhengen. Når det blir omsett med ord, er den grunnleggjande og enkle tydinga det Gud har sagt eller seier. Dei ti boda blir òg kalla dei ti orda (2 Mos 34,28; 5 Mos 4,13; 10,4), dei ti utsegnene. Dei ti orda er det Gud sa, dei er ti bod på grunn av måten dei vart sagde på. Dei er Guds befalingar. Profetane bruker ofte uttrykket: Herrens ord kom til meg. Her er òg «dabar» brukt. Ordet frå Gud er eit openberringsord som gjev oss kunnskap om Gud og hans vilje. Herrens ord er reint (Sal 33,4) og viser oss korleis vi kan leva reint. Når vi les i Bibelen med bedande hjarte, vil vi stadig få oppleva at Herrens ord kjem til oss, det blir levande for oss og rører ved oss. Når vi lever i denne friske openberringa av Ordet ved Den heilage ande, finn vi stor glede i å halda stigen vår rein. Å akta på Ordet er å tru det og lyda det, slik at vi lever det ut i kvardagen. Bønn Herre, hjelp meg å leva reint, når eg møter dei freistingane som høyrer menneskelivet til. Lær meg å lesa Ordets kart og å leva etter ditt Ord. Mine eigne refleksjonar: ..................................................................................................................................................................... ..................................................................................................................................................................... ..................................................................................................................................................................... ..................................................................................................................................................................... ..................................................................................................................................................................... ..................................................................................................................................................................... ..................................................................................................................................................................... 27
Page 2 and 3: 2
Page 4 and 5: Bibelen - ein trygg vegvisar Copyri
Page 6 and 7: 6
Page 8 and 9: 1 Velsigna er dei som lever etter H
Page 10 and 11: 2 Lukkelege er dei som tek vare på
Page 12 and 13: 3 Å gå på Guds vegar er å leva
Page 14 and 15: 4 Dei som elskar Gud er nøye med
Page 16 and 17: 5 Eit ærleg ønske om å leva i sa
Page 18 and 19: 6 Ingen som lever etter Guds ord bl
Page 20 and 21: 7 Det lukkelege livet er livslang l
Page 22 and 23: 8 Eit godt forsett og ei realistisk
Page 24 and 25: 24
Page 28 and 29: 10 Lidenskapleg lengt etter Gud Eg
Page 30 and 31: 11 Gøym Guds ord i hjartet Eg gøy
Page 32: Salme 119 er alfabetet til den gudd

Bibelen ein trygg vegvisar

You also want an ePaper? Increase the reach of your titles

Delete template?

Save as template?