Bibelen ein trygg vegvisar

11
Gøym Guds ord i hjartet
Eg gøymer ditt ord * i hjartet så eg ikkje skal synda mot deg.
– Salme 119,11 –
Dette er og eit ord som har følgt meg heilt frå ungdommen. Eg har
opplevd det salmisten skriv om. Difor har eg skrive inn denne sanninga
framme i Bibelen: Denne boka vil halda deg borte frå synd, eller så
vil synd halda deg borte frå denne boka. Det er ei djup sanning i dette.
Når vi gøymer Guds ord i hjartet, vil vi bli leidde og motiverte av
Ordet til å gjera det som er rett og godt og å unngå det som er synd. Med
Guds ord i hjartet vil vi vera medvitne om kva Gud ønskjer å gjera for
oss og gjennom oss. Når Guds ord bur i hjartet, vil vi kjenna Guds vilje
og kunne velja rett veg når vi blir stilte på val.
Å gøyma Guds ord i hjartet er å memorera Ordet, læra det utanåt. Det
handlar òg om å meditera og grunda på Guds ord. Dette er ein kraftfull
kombinasjon: Memorera og meditera på Ordet. Det er noko eg har
prøvd å gjera heile livet og det har vore til rik velsigning for meg. I min
ungdom tok eg eit kurs i å memorera Guds ord frå Navigatørane. Eg er
veldig takksam for det eg då lærte. Eg vil rå alle til å ta dette kurset frå
Navigatørane om bibelmemorering. Det er ei god investering.
Med uttrykket «ditt ord» bruker salmisten det niande hebraiske uttrykket
for Guds ord: «imra». Det betyr ord, tale, utsegn og kjem av
«amar» som er å snakka, tala, seia noko til seg sjølv (tenkja), byda, befala
eller lova. «Imra» er brukt nitten gonger i Salme 119 og blir mest brukt
i dei poetiske skriftene. Elles er det ikkje stor forskjell i tyding frå ordet
«dabar», som vart brukt i det førre verset, og kan brukast som synonym.
Når vi gøymer Guds ord i hjartet, handlar det om å høyra kva Gud
* IMRAH – Strongs 565
30