Bibelen ein trygg vegvisar

1
Velsigna er dei
som lever etter Herrens lov
Sæle er dei som er heile i si ferd, dei som følgjer Herrens lov * .
– Salme 119,1 –
Første verset startar med å prisa dei lukkelege som er heile i si ferd,
dei som lever eit liv i integritet. Noko som berre kan gjerast når ein
følgjer Herrens Lov. Sæle er dei, eller lukkelege er dei, eller kanskje endå
betre: Velsigna er dei som lever heile liv i lyset frå Guds ord. Velsigna er
dei som lever etter Herrens lov.
Lukka i livet finn vi ikkje ved å følgja vårt eige hjarte, for det er svikefullt,
seier Guds ord. Våre eigne tankar og lyster vil svært ofte føra oss
ut i ulukke. Men kor lukkeleg er ikkje dei som let seg leia av Herrens
lov. I ei tid der mange snakkar ned og undergrev tilliten til Bibelen, vil
eg slå eit slag for bibeltruskap. Ved Guds nåde har eg levd eit langt liv og
sett litt av kvart opp gjennom åra. Det finst ingenting som kan målast
med den velsigninga det er å leva etter Guds ord. Eg ønskjer at komande
generasjonar i landet skal få oppleva dette velsigna livet.
Herrens Lov – Adonais TORAH – er det første uttrykket for Guds
ord som vi møter i denne salmen. Det er svært viktig å forstå kva som
ligg i dette uttrykket som vi finn mange stader i Bibelen. Det er vanleg å
omsetja det hebraiske ordet TORAH med lov, men ifølgje «The Complete
Jewish Study Bible» tyder dette ordet heilt enkelt instruksjon, rettleiing
eller undervisning om vegen vi bør gå. Herrens TORAH har sitt opphav
i Den Evige Gud som gav sine bod til israelittane. I Jesus Messias,
det levande Ordet, vart Guds vilje synleggjord. Jesus døyper oss i Den
* Torah – Strong 8451
8