Bibelen ein trygg vegvisar

2
Lukkelege er dei
som tek vare på Guds lovbod
Sæle er dei som tek vare på hans lovbod * ,
som søkjer han av heile sitt hjarte.
– Salme 119,2 –
Det andre verset startar òg med å prisa folk lukkelege. Desse to versa
er dei einaste i denne lange salmen som bruker dette hebraiske
ordet «esher», som tyder lukkeleg eller velsigna. I dette andre verset er
gleda og velsigninga knytt til det å ta vare på Guds lovbod og søkja han
av heile sitt hjarte.
Salme 119 startar altså med ei dobbel velsigning til dei som har eit rett
forhold til Guds lovbod. Dette treng vi å gje akt på i våre dagar når så
mange trur dei veit betre enn Guds ord. Mange bortforklarer og somme
fornektar det Gud har sagt i Bibelen for å leva slik dei sjølve vil. Dersom
vi som kristne ønskjer å leva i velsigning, må vi ta vare på Guds ord som
vårt dyraste arvegods. Det viktigaste vi kan gje vidare til dei som kjem
etter oss er tillit til Bibelen.
Å ta vare på Guds lovbod er å halda dei og leva i samsvar med Ordet
slik Jesus baud oss: Gjer alle folkeslag til læresveinar ved å døypa dei og
læra dei å halda alt det eg har bode dykk! Bibelen skal ikkje stå til pynt i
ei bokhylle, men levast ut i kvardagen. Lukka i livet er ikkje å få mange
«likes» i sosiale media, men å lyda Guds Ord trass i kva andre meiner.
Lovbod er det andre uttrykket for Guds ord vi finn i denne salmen.
I tidlegare omsetjingar vart det hebraiske ordet, EDUT omsett med vitnesbyrd
(slik Bibelen, Den heilage skrifta, framleis gjer). Ordet har sitt
* EDUT, Strong 5713
10