Bibelgaven 1/2023

More documents

Recommendations

Info

BIBELGAVEN I EGYPT TEKST: BJØRN HÅKON HOVDE I FOTO: DET EGYPTISKE BIBELSELSKAP / DAG KJÆR SMEMO Fader Samaan For nesten 40 år sidan var det ein mann som brydde seg om zabbaleenarane, eller søppelfolket. Han heitte Samaan. – Gud bad meg kysse hendene deira og sette sko på føtene deira, seier han. Gud kom til søppelbyen Gud høyrde ropa frå eit samfunn av forakta og avviste menneske, dei som står nedst på rangstigen i det egyptiske samfunnet. Zabbaleenarane, eller «søppelfolket» bur i bydelen Mokkatam, 20 minutt med bil frå sentrum av den egyptiske hovudstaden Kairo. Kvar morgon ved soloppgang forlèt over 7000 søppelsamlarar Mokkatam med hestevogner eller i små lastebilar. Dei dreg inn til Kairo, der dei samlar saman over 13 000 tonn avfall frå nesten 17 millionar innbyggarar. Avfallet tek dei med seg heim, - der kvinner og barn sorterer søppelet i haugar med organisk og uorganisk avfall. Organisk søppel blir brukt til å mate husdyra som streifar rundt i gatene. Det var ei tid då det verka som om livet stod stille for søppelfolket. Ingen brydde seg om dei, dei var utstøytte og rekna som ureine, fordi dei handterte avfall og levde mellom grisar. Fader Samaan Men så, for nesten førti år sidan, var det ein mann som brydde seg – fader Samaan. – Då eg først kom til søppelbyen, og stod ved inngangen til den første gata, såg eg at alle heimane var laga av teltduk. Folka hadde ikkje stolar å sitte på. Dei sat på papp på bakken. Det var ikkje opparbeidde vegar, ikkje straum eller vatn. Stanken frå dei daude dyra var frykteleg. Området var ikkje eigna for menneske. Likevel blei eg eigentleg ikkje så påverka av alt dette. Det som verkeleg gjorde inntrykk på meg, var vissa om at alle desse menneska trong Kristi nåde. Det andre spelte mindre rolle, seier han. 10 Bibelgaven I nummer 1 I 2023
Denne erkjenninga brende seg inn i fader Samaans hjarte. Der og då bestemde han seg for å bli Guds reiskap for endring. Han skulle vasse gjennom grisebingar og bokstaveleg talt trekke folk opp av gjørma, og presentere dei for Guds kjærleik. – Når eg gjekk ut for å invitere folket til å kome og høyre om Gud, gøymde dei seg i grisebingane. Eg pleidde å gå med sandalar, og til tider klarte eg ikkje få føtene opp av gjørma. Då sa Gud at eg skulle bruke støvlar. Den andre tingen han fortalde meg, var å ta med ei lommelykt - for det var så veldig mørkt over alt. – Så stakk eg buksene ned i støvlane og tok med lommelykta for å spore opp menneska som budde her. Dei var engstelege, og det var ikkje lett for dei å gi seg til kjenne. Men Gud bad meg kysse hendene deira og deretter hovudet. Dersom dei framleis ikkje ville kome, bad Gud meg om å ta med sko og sette på føtene deira: «Då vil dei verkeleg bli skaka, og så skal dei følgje deg.» – Alt dette lærte eg av Den heilage ande. Han fortalte meg korleis eg skulle gå fram for å vinne tillit mellom menneska her, fortel Samaan. Ei kyrkje for 20 000 Etter kvart som talet på truande i Mokkatam vaks, blei det tydeleg at zabbaleenarane trong eit gudshus. I 1986 kom ein arbeidar til å sleppe ein stein på bakken. Steinen fall ned i ei naturleg hole, og då visste dei at Gud hadde svara på bønene deira. I hola låg det tusen år gamal stein- og fyllmasse. Faraoane hadde i gamal tid henta stein herifrå for å bygge pyramidane. Ein del håna fader Samaan for dei store visjonane hans, og spurte han om steinane betydde meir for han enn sjeler. Men det han gjorde, var å førebu ein stad som ein dag skulle gi plass til over 20 000 menneske. Han hadde fått ei oppgåve av Gud, og kvar avgjerd skjedde i lydnad mot oppdraget han var gitt. I dag er grottekyrkja med 20 000 sitteplassar berre ei av fleire store kyrkjer i søppelbyen. – I denne bydelen har vi Midtaustens største kyrkje. Svært mange som kjem hit «Her lærte eg at eg ikkje berre er ein søppelsamlar. Gjennom Jesus har eg forstått at arbeidet mitt har stor verdi. No er eg evangelist. Når folk kjem til meg, kan eg fortelje dei om korleis Jesus forandra livet mitt, seier Adel Gad El Karim som tener i kyrkja i Mokkatam.» nummer 1 I 2023I Bibelgaven 11
Page 1 and 2: 1 23 BIBELSELSKAPETS INTERNASJONALE
Page 3 and 4: FOTO: BJØRN HÅKON HOVDE 8 Om lag
Page 5 and 6: Utsikten fra klosteranlegget i Miny
Page 7 and 8: Bibelselskapet er avhengig av støt
Page 9: Den store vennlige løven Kingo læ
Page 13 and 14: 16 500 egyptiske barn fekk i fjor e
Page 15 and 16: og begrenset forståelse for teksth
Page 17 and 18: På Bibeldagen 2023 får vi blant a
Page 19 and 20: Østover JOSTEIN ØRUM Samholdet er
Page 21 and 22: Johannes' openberring EIN SAMTIDSVI
Page 23 and 24: Karl Ludvig Reichelt MISJONÆR MELL

Bibelgaven 1/2023

Create successful ePaper yourself

Delete template?

Save as template?