economía - Galiciaé

20 deportes
VEN.04.12.2009 < ADN/LV
FÓRMULA UN
BMW Sauber estará
na grella de 2010
BMW Sauber AG quedou inscrita
no Mundial de Fórmula
Un de 2010 en lugar da retirada
Toyota, segundo informou
a FIA. Deste xeito Sauber,
que comprou a estrutura da
escudería a BMW coa condición
de obter unha praza na
grella, será o décimo terceiro
equipo no próximo campionato.
A inscrición definitiva
está a expensas de que asine
o Acordo da Concordia.
CICLISMO
Armstrong carga de
novo contra Contador
Lance Armstrong volveu falar
da súa mala relación co seu
ex compañeiro de equipo
Alberto Contador e afirmou
que “non era inventada”. “Era
todo real; aí están as probas”
di agora, aínda que outras
veces si asegurara que inventaran
algún conflito. E seguiu:
“Non é ningún segredo que
non somos amigos. É a típica
historia: un mozo novo, con
toneladas de éxito...”.
FÚTBOL
Actívase a campaña
‘Celeste Solidario’
A Fundación Celta de Vigo
presentou a campaña Celeste
Solidario, coa que se queren
incentivar as doazóns de
comida ou xoguetes no Nadal,
a cambio de entradas para o
Celta-Elche de Liga. A responsable
da Fundación, Carmela
Cuevas, amosouse confiada
en poder superar a recadación
do pasado ano, que tivo
unha resposta “exemplar”.
O Barça humilla o
Fenerbahce turco
e é o único equipo
invicto na Euroliga
ADN-LV
O Barça pasou onte por riba
do Fenerbahce turco (89-55) e
sumou a súa sexta vitoria consecutiva
na Euroliga, sendo o
único equipo invicto na máxima
competición continental.
Desde o primeiro minuto
non houbo partido, porque o
equipo de Xavi Pascual soubo
impor rápido a súa maior calidade
tanto en ataque como en
defensa. De feito, os visitantes
só foron quen de anotar seis
puntos en dez minutos.
LAGÚN ARO 84-BILBAO 78
E na ACB, onte xogouse o partido
adiado no seu día pola gripe
A, o derbi vasco entre Lagun
Aro e Bilbao Básket, que rematou
84-78 para os locais.
odíaennúmeros
30
ANOS É A IDADE COA
QUE A TENISTA GALA
AMÉLIE MAURESMO
DECIDIU RETIRARSE
A mellor raqueta francesa
dos últimos anos gañara
o Open de Australia e
Wimbledon no ano 2006
¿sabíasque...?
A UCI empezou
a programar
a retirada do
‘pinganillo’ que
usan directores de
equipo e ciclistas
A desaparición será progresiva
ata 2012, cando tentarán que
non se use en ningunha proba
O XXIII Trofeo Alejandro Febrero, este domingo en Vigo
Este domingo celébrase no Club Náutico de Vigo o XXIII Trofeo de
Nadal de Natación Alejandro Febrero, o que foi o primeiro nadador
olímpico do club. Máis de 350 nadadores de 17 clubs de toda
Galicia enfrontaranse na cidade olívica na que será a participación
máis numerosa da historia deste trofeo. A proba é a antesala dos
campionatos galegos absolutos, que se celebran este mesmo mes
en Santiago de Compostela. > LV
Stanic ve “importantísmo”
para o Obradoiro gañarlle
este domingo ao Lagun Aro
EFE
O xogador do Xacobeo Blu:sens
Obradoiro Maximiliano Stanic asegurou
que xa miran “a San Sebastián”
porque “é importantísimo
tratar de gañar alí” o domingo.
O base, que cumpriu 31 anos
o mércores, ten claro que deben
centrarse no Lagun Aro, un rival
canso, porque virá de xogar o partido
aprazado no seu día pola gripe
A ante o Bizkaia Bilbao Basket.
“Temos que tratar de corrixir os
erros cometidos ante o Valencia e
pensar xa no próximo partido; xa
miramos a San Sebastián; é importantísimo
tratar de gañar alí”, dixo.
Stanic comentou como se
atopou ao longo dos máis de 32
minutos que xogou ante o Power
Electronics Valencia: “Paguei
un pouco o cansazo fallando ao
final dous tiros claves que podería
meter, o último tamén, pero
intentando dar o máximo”.
Ademais, fixo un balance do
que vai de tempada. Tras 10 xornadas
nas que se consolidou
como director de xogo, deixando
un gran sabor de boca, cre que
o seu xogo foi “mellorando” en
paralelo ao do equipo.
Para rematar, dedicoulle unhas
palabras á situación do equipo: tres
vitorias e sete derrotas e é décimo
sexto na táboa, no último posto dos
que conservan a categoría: “Temos
que pensar sempre en ter dous
equipos por detrás; agora témolos
e debemos continuar así, sempre
sabendo que o noso obxectivo principal
é estar un ano máis na ACB”.
Asalto á
Ensaladeira
> Rafa Nadal abre a final da Copa Davis
contra Tomas Berdych e despois David
Ferrer enfrontarase a Radek Stepanek
ADN-LV / Axencias
Rafa Nadal abrirá hoxe ás 16.00
horas a final da Copa Davis contra
o checo Tomas Berdych no Palau
Sant Jordi de Barcelona. Despois,
será a quenda de David Ferrer contra
Radek Stepanek, segundo deparou
o sorteo.
Mañá sábado, a partir das 16.00
horas, xogarase o partido de dobres
con Feliciano López e Fernando Verdasco,
que se medirán a Jan Hajek e
Lukas Dlouhy, que finalmente saltarán
á pista, aínda que todo apuntaba
a que serían Berdych e Stepanek
os que tamén xogarían ese punto.
O domingo, a partir das 12.00
horas, enfrontaranse os números
un, Nadal e Stepanek, e pecharán
a eliminatoria os números dous,
Ferrer e Berdych. Os capitáns pode-
“¿PROBLEMAS?
VERÉMOLO A
PARTIR DE MAÑÁ
[POR HOXE]. O
ÚNICO QUE ME
IMPORTA É GAÑAR
A COPA DAVIS”
Rafa Nadal
rían introducir modificacións ata
unha hora antes dos partidos.
O número un do equipo español
de Copa Davis, Rafa Nadal –segundo
no ránking ATP–, en-frontarase no
primeiro partido co número dous
do equipo checo, Tomas Berdych
–número 20 mundial–, no que será
o seu noveno enfrontamento, cun
balance favorable ao de Manacor
con cinco vitorias sobre tres do checo.
No último, saíu vencedor Rafa
Nadal.
David Ferrer, que ocupa o posto
18 do ránking, foi o escollido
por Albert Costa para ser o número
dous da armada e medirase ao
número un do equipo checo, Radek
Stepanek. Os seis enfrontamentos
entre Ferrer e Stepanek repártense
en tres vitorias cada un.
Vitorias de Marc Gasol e
Sergio Rodríguez na NBA
e derrota dun bo Calderón
ADN-LV / Axencias
Non houbo protagonismo dos
españois na NBA, aínda que Marc
Gasol e Sergio Rodríguez gozaron
da vitoria, o contrario do que lle
sucedeu a José Manuel Calderón,
que fixo o seu traballo, pero non
puido evitar a derrota.
Os Grizzlies de Marc Gasol
gañaron 95-97 ante os Minnesota
Timberwolves, no duelo de perdedores
do Oeste. Marc estivo
mellor no apartado defensivo.
No outro partido con vitoria
española, Sergio Rodríguez
xogou 15 minutos cos Kings ante
os Pacers de Indiana (110-105).
Calderón viviu unha das
peores derrotas desde que chegou
aos Raptors, que perderon
por malleira (146-115) ante os
“IMPORTA POUCO
QUEN XOGUE.
TODO O EQUIPO
ESPAÑOL ESTÁ A
UN GRANDÍSIMO
NIVEL. TEREMOS QUE
RENDER AO MÁXIMO”
Radek Stepanek
Un lance do partido dos Raptors. > EFE
Atlanta Hawks. O base estremeño
loitou e fixo o seu traballo,
pero unha vez máis a defensa
dos Raptors, a segunda peor da
Liga, non estivo acertada.