economía - Galiciaé

8 galicia
VEN.04.12.2009 < ADN/LV
Vedra elixe mañá
o gañador do
concurso de fotos
sobre emigración
ADN-LV
O próximo 5 de decembro, o
Concello de Vedra (A Coruña)
entregará os premios do concurso
fotográfico Centenario
das sociedades de emigrantes
de Vedra en Bos Aires. No
mesmo acto, o alcalde, Odón
Cobas, inaugurará a exposición
das 23 fotografías finalistas
e presentará o catálogo da
devandita exposición.
O concurso, centrado no
tema emigración ou inmigración
está enmarcado nos actos
de celebración do centenario
das sociedades de emigrantes
en Bos Aires, e contou cun
alto índice de participación. E
é que en total presentáronse
130 fotografías de 54 autores
distintos, chegadas desde
Galicia e o estranxeiro.
Preacordo no
sector do comercio
en Pontevedra
Axencias
Os sindicatos e a patronal
do sector do comercio e a
alimentación de Pontevedra
chegaron a un preacordo na
negociación do convenio
colectivo na provincia. Este
tería unha vixencia de 3 anos e
unha subida lineal de 25 euros
mensuais cada ano.
O Porto de Ferrol
celebrará en 2010
o seu centenario
Axencias
A Autoridade Portuaria de
Ferrol-San Cibrao celebrará en
2010 o centenario da súa constitución
con actos orientados
a estreitar lazos cos cidadáns e
a achegar as instalacións portuarias
aos ferroláns, a través
de visitas guiadas, exposicións
e coloquios.
A Coruña remite
ás asociacións
veciñais o PXOM
Axencias
O responsable de Urbanismo
do concello herculino, Obdulia
Taboadela, entregou á presidenta
da Federación de Asociacións
de Veciños da Coruña
a documentación do PXOM
aprobado o martes. Taboadela
propuxo fixar un calendario
para explicar o plan barrio por
barrio.
O ex futbolista Donato e o concelleiro coruñés De Dios, en cadeira de rodas por un día
O ex xogador do Deportivo Donato e o concelleiro da Coruña Juan de Dios participaron onte no centro
comercial Dolce Vita nun acto especial con motivo do Día Mundial da Discapacidade para concienciar sobre
esta realidade. Tras chegar ao centro en autobús subidos a unha cadeira de rodas e acompañados de dous
discapacitados, ambos os dous cualificaron a experiencia como “unha das máis difíciles” da súa vida. Xa no
Dolce Vita, nenos de varios colexios realizaron un circuíto con obstáculos para ver como viven as persoas
con algún tipo de discapacidade e visionaron vídeos sen son, coa linguaxe dos xordos. > LV
Mato di que o borrador do
plan de acción integral
está “moi avanzado”
A conselleira de Traballo e Benestar,
Beatriz Mato, asegurou onte
que o borrador do primeiro plan
de acción integral para persoas
con discapacidade de Galicia está
“moi avanzado”. A conselleira fixo
este anuncio con motivo do Día
Internacional da Discapacidade,
no que acudiu á reunión do consello
do Real Patronato sobre Discapacidad,
que estivo presidido
pola raíña Dona Sofía. > EFE
Entrega de diplomas
en Pontevedra e maratón
solidario en Ferrol
A Deputación de Pontevedra recoñeceu
onte o labor das asociacións
que traballan con discapacitados
na provincia –na imaxe–,
mentres que en Ferrol, Concello
e entidades sociais promoveron a
primeira Marcha pola Visibilidade
no Día da Diversidade Funcional.
Unha vintena de entidades explicaron
no Cantón a súa actividade
e propuxeron á cidadanía varios
talleres interactivos. > DdeP
Superpiñeiro e Pilar
Valero, a favor dun Vigo
accesible para todos
A concelleira de Benestar Social
de Vigo defendeu a necesidade
de concienciar a cidadanía para
lograr que Vigo sexa unha cidade
máis accesible. Resaltouno nos
actos celebrados con motivo do
Día da Discapacidade, que incluíu
un percorrido en cadeira de rodas
no que participaron, entre outros,
a deportista Pilar Valero, o presentador
Superpiñeiro e a xornalista
Noelia Otero. > LV
PONTEVEDRA
Casal non rectificará
as súas declaracións
sobre Telmo Martín
A portavoz municipal socialista
de Pontevedra dixo que
non ten intención de rectificar
ante a denuncia do portavoz
do PP por calumnias
e inxurias pola que lle reclama
unha indemnización de
50.000 euros por ofensas
e menoscabos á honra, ao
relacionalo co caso Gürtel.
VIGO
A Xunta disporá en 15
meses dos terreos da
Cidade da Xustiza
O alcalde de Vigo asegurou
onte, tras reunirse co xuíz
decano, que o Concello
porá a disposición da Xunta
os terreos para construír a
Cidade da Xustiza nun prazo
de 15 meses. Caballero
informou de que as expropiacións
afectarán “25 ou
30” vivendas unifamiliares.
FERROL
Irisarri distingue cuns
premios o labor dos
novos empresarios
O Concello de Ferrol e a Asociación
de Novos Empresarios
de Ferrol, Eume e
Ortegal entregaron onte a
primeira edición dos Premios
Ferrolterra Emprende,
coa que distinguiron os
emprendedores da comarca.
Recoñeceuse o traballo
dunha empresa xa consolidada
e novos proxectos.
OURENSE
Máis do 84% dos
fogares adaptaron a
súa antena para a TDT
Máis do 84% dos fogares
da provincia de Ourense xa
adaptaron a súa antena para
a transición da televisión
analóxica á TDT, segundo
revelou onte Rafael Chavarri,
portavoz de Rede.es,
ente dependente da Secretaría
de Estado de Telecomunicaciones
para la Sociedad
de la Información.
A CORUÑA
A cidade será a última
escala da despedida
do ‘Saga Rose’
O transatlántico Saga Rose
despídese hoxe do porto da
Coruña na que será a última
escala da súa viaxe de despedida
antes de volver ao seu
porto base, Southampton,
en Inglaterra, onde se retirará
tras 24 anos de servizo.
O buque chegará a primeira
hora da mañá e abandonará
a cidade ás 19.00 horas ao
ritmo das gaitas, xa que será
despedido por un grupo.