Marilar Aleixandre - Tempos Dixital
Marilar Aleixandre - Tempos Dixital
Marilar Aleixandre - Tempos Dixital
Create successful ePaper yourself
Turn your PDF publications into a flip-book with our unique Google optimized e-Paper software.
Ficción emancipada<br />
Audiovisual Teleseries como The Wire, liberadas da grella televisiva,<br />
posibilitan unha ollada individualizadora sobre un sistema corrupto<br />
T<br />
he Wire é a obra de ficción<br />
norteamericana máis importante<br />
deste século e a<br />
súa complexidade e ambición<br />
van alén de todo programa<br />
televisivo anteriormente realizado.<br />
Resumindo todas as súas liñas argumentais<br />
nun só concepto sólido<br />
e inapelable deberíamos dicir que a<br />
serie trata da imposibilidade de ser<br />
honrado nun sistema corrupto, isto<br />
é, no capitalismo contemporáneo.<br />
Todos os estamentos sociais son<br />
completamente incapaces de loitar<br />
cos problemas que se lles presentan,<br />
entorpecéndose uns aos outros con<br />
todo tipo de accións interesadas e<br />
burocratizadas. É máis, non hai unha<br />
soa personaxe que ao longo da trama<br />
non caia nunha conduta irresponsable,<br />
amoral e vantaxista, con independencia<br />
das súas intencións.<br />
Nun principio The Wire semella<br />
outra serie sobre a loita contra o<br />
narcotráfico, mais axiña deixa esta<br />
premisa para tratar problemas estruturais<br />
do mundo actual. Cada unha<br />
das súas cinco tempadas centráse<br />
nun tema esencial: a guerra contra a<br />
droga, o desmantelamento dos sindicatos,<br />
a corrupción política, o fracaso<br />
da educación e a farsa periodística.<br />
Cada novo estamento vai entrelazándose<br />
cos anteriores e achegando<br />
personaxes; así aparece ante nós<br />
o triunfo absoluto dun sistema capitalista<br />
capaz de aniquilar calquera<br />
iniciativa que poida facer tremer as<br />
súas bases. Deste xeito, os creadores<br />
da serie conseguen ofrecernos o retrato<br />
dunha cidade, Baltimore, exemplo<br />
do funcionamento dunha democracia<br />
occidental moderna e verdadeira<br />
protagonista da trama.<br />
As rúas de Baltimore serven de escenario para a serie The Wire // Arquivo<br />
A chegada do novo milenio<br />
trouxo á televisión norteamericana<br />
numerosas series cuxa idea central<br />
pasaba por amosarlle ao espectador<br />
a metodoloxía utilizada en<br />
certo tipo de profesións, especialmente<br />
de corte policial ou médico.<br />
Pero ao contrario que todas elas,<br />
The Wire non utiliza ese proceso<br />
como esquema prefixado para todos<br />
os episodios (formulación, nó e<br />
desenlace), senón que o vemos en<br />
“tempo real”; as accións e as súas<br />
consecuencias estíranse abarcando<br />
escenas, capítulos e incluso atravesando<br />
diferentes tempadas. Aquí os<br />
procedementos policiais e xudiciais<br />
non aparecen sintetizados, senón<br />
interconectados nunha gran rede<br />
á que se engaden posteriormente<br />
a actuación política e a cobertura<br />
xornalística dos sucesos.<br />
Xa desde o seu título The Wire aparece<br />
ante nós como unha conexión<br />
co mundo real a través da ficción.<br />
Coa escusa dunha investigación policial<br />
sobre unha banda de narcotraficantes,<br />
a serie colle o seu tempo<br />
para amosarnos tanto o traballo policial<br />
como as motivacións, intrigas<br />
e intereses que existen tras estas accións.<br />
Por outra banda, por primeira<br />
vez vemos nunha serie aos traficantes<br />
como unha organización laboral,<br />
sen ningún tipo de maniqueísmo<br />
moral, onde cada persoa exerce<br />
un traballo cunhas obrigas e remuneracións<br />
prefixadas. Así, cada personaxe<br />
desenvolve un labor no eido<br />
en que lle tocou vivir, e ten escasas<br />
posibilidades de cambiar de ámbito<br />
polos seus propios medios.<br />
Esta forma de organizar a ficción<br />
aséntanse sobre un importan-<br />
1<br />
proPostas Crítica //1<br />
//<br />
te substrato de realidade. Gran parte<br />
do equipo de guionistas ten experiencia<br />
previa nas rúas de Baltimore,<br />
nos eidos da policía, a educación, o<br />
sindicalismo ou o xornalismo. Como<br />
di o personaxe de Gus Haynes, editor<br />
na ficción do Baltimore Sun, “neste<br />
xornal Deus aínda vive nos detalles”,<br />
idea extrapolable á escritura da serie.<br />
Á utilización de escenarios naturais<br />
e actores non profesionais hai<br />
que engadirlle un exhaustivo traballo<br />
de investigación sobre as diferentes<br />
xergas que utilizan os personaxes<br />
segundo o seu status.<br />
As pontes tendidas entre The Wire<br />
e a literatura son numerosas. David<br />
Simon, principal responsable da serie,<br />
fala xa da traxedia grega como<br />
punto de partida dende a súa concepción,<br />
e en diferentes entrevistas<br />
aparecen mencións a Melville, Dickens<br />
ou a narrativa rusa como influencias.<br />
A ambición novelesca que<br />
se percibe nos creadores leva á concepción<br />
de cada escena coma un parágrafo,<br />
cada episodio coma un capítulo<br />
e cada tempada coma un libro.<br />
Isto tamén se relaciona cunha nova<br />
maneira de consumir os produtos<br />
audiovisuais; gran parte dos espectadores<br />
viron a serie ben descargando<br />
os episodios da rede, ben facéndose<br />
cos capítulos en DVD, medios<br />
que están a converterse en hexemónicos<br />
para o consumo de ficcións televisivas.<br />
Anúlanse así as restricións<br />
temporais prefixadas polas canles,<br />
permitindo unha maior liberdade<br />
de visionado.<br />
Carente por completo de escenas<br />
explicativas ou presentacións de<br />
personaxes, todas as secuencias de<br />
The Wire réxense por unha construción<br />
“in media res” con abundancia<br />
de elipses que perforan a trama, falando<br />
con total naturalidade de persoas<br />
ou sucesos que aínda non coñecemos<br />
ou directamente non chegaremos<br />
a ver. Esta situación obriga<br />
ao espectador a non perder detalle<br />
e facer un traballo extra para o seguimento<br />
dos primeiros episodios.<br />
“Que se foda o espectador medio”<br />
chegou a dicir Simon nunha entrevista;<br />
esta é unha obra que crea o<br />
seu público, constituíndo a emancipación<br />
definitiva das teleseries<br />
como formato artístico-literario.<br />
// Julio Vilariño