Marilar Aleixandre - Tempos Dixital
Marilar Aleixandre - Tempos Dixital
Marilar Aleixandre - Tempos Dixital
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Crítica<br />
a sua superaçom. Levamos dous séculos de<br />
progresso e este é o repto que debemos enfrentar:<br />
sair da súa matriz envolvemente”, insisten<br />
os redactores d’A defesa da Terra.<br />
***<br />
Sen abordar as implicacións filosóficas da renuncia<br />
á idea de progreso, labor que si realiza<br />
o colectivo da Escola Popular Galega, Carlos<br />
Taibo dedícase en Decrescimento, crise, capitalismo<br />
á divulgación das teses decrecentistas.<br />
O profesor da Universidade Autónoma de<br />
Madrid bota man do seu proverbial didactismo<br />
e degraña o programa popularizado por<br />
Latouche nas páxinas de Le Monde Diplomatique.<br />
“Aquele que acredita que um crecimento<br />
exponencial pode manterse indefinidamente<br />
num mundo finito”, cita a Kenneth Boulding,<br />
“é um louco ou é um economista”. Ao cabo,<br />
a desmontaxe da ideoloxía dominante, a súa<br />
linguaxe e os seus lugares comúns, non é a<br />
menor das tarefas que se impón o decrecentismo.<br />
Que a oposición ao crecemento pase<br />
de blasfemia a palabra de orde.<br />
O libro de Taibo, por contra de A defesa da<br />
Terra e a dialéctica do progresso, deixa a un<br />
lado a cuestión política e non se ocupa do<br />
poder. Da man dunha batería de datos, porcentaxes<br />
globais e citas procedente da literatura<br />
oposta á acumulación de capital, constrúe<br />
un chan argumental para a necesidade<br />
de reducir os niveis de consumo no occidente,<br />
pero nunca atinxe as medidas concretas,<br />
máis alá dunha vaga moralidade individual.<br />
Tampouco convoca as teses ecosocialistas<br />
sintetizadas por Michael Lowy á esquerda da<br />
Europa Ecologie e os seus epígonos peninsulares.<br />
“James O’Connor define como ecosocialistas<br />
as teorías e os movementos que aspiran<br />
a subordinar o valor de cambio ao valor<br />
de uso”, resume Lowy en Escenarios do peor<br />
e alternativa ecosocialista. Máis polo miúdo,<br />
para o autor brasileiro-francés, o decrecemento<br />
constrúese a partir de tarefas concretas:<br />
a propiedade colectiva dos medios de<br />
produción e dos investimentos ou unha nova<br />
estrutura tecnolóxica das forzas produtivas.<br />
A prohibición da publicidade, tamén mencionada<br />
por Carlos Taibo, non resultaría a menos<br />
central das demandas ideolóxicas desta<br />
política anticapitalista á que lle apón, amais,<br />
esixencias inmediatas: a loita contra o sistema<br />
de débedas e axustes das institucións financeiras<br />
internacionais, o desenvolvemento<br />
subsidiado da bioagricultura, a redución da<br />
xornada laboral, a promoción do transporte<br />
público. O ecosocialismo afástase do ecoloxismo<br />
integrado porque nega estratexicamente<br />
o traballo asalariado.<br />
Ao tratar, precisamente, da necesidade do<br />
transporte colectivo, Carlos Taibo cualifica,<br />
en Decrescimento, crise, capitalismo, de patética<br />
a concentración que o BNG convocou na<br />
raia zamorá en 2008. Os nacionalistas parlamentarios<br />
esixían a aceleración das obras<br />
do tren de alta velocidade entre Galicia e Madrid.<br />
A dimensión clasista da infraestrutura,<br />
o custo ambiental e a relegación do camiño<br />
de ferro de pequena distancia –o máis operativo<br />
para a realidade social e xeográfica do<br />
país– desapareceron do centro das axendas,<br />
empuxados a un tempo polo aggiornamento<br />
e pola presión mediática. A anécdota cadra<br />
as análises de Taibo coa fundada e radical<br />
acusación d’A defesa da Terra: “Á luz das<br />
mudanças profundas havidas nas últimas décadas,<br />
está claro que o projecto do nacionalismo<br />
modernizador-autonomista tornou-se<br />
mais obsoleto que nunca. Continuar a brincar<br />
a burguesia-locomotora con mais de 80<br />
anos de retraso!”.<br />
***<br />
O decrecemento axe, así, contra a linguaxe<br />
infectada do capitalismo verde. “O concepto<br />
Transforma implica a posta en marcha de iniciativas<br />
de alcance social baseadas na sostibilidade<br />
ambiental e na difusión de conceptos<br />
de responsabilidade ambiental”, consignaba<br />
a web do festival Vigo Tranforma, “desta<br />
forma, poñeranse en funcionamento unha<br />
serie de medidas destinadas a minimizar o<br />
impacto ambiental producido polo festival<br />
[...]”. O progreso segundo o consenso do capital<br />
comeza a aceptar emendas naturalistas,<br />
matices menos agresivos, integra a crítica feble<br />
e busca continuar a acumulación de mercadoría<br />
a través das oportunidades de negocio<br />
que abre o ecoloxismo institucional. A advertencia<br />
de Walter Benjamin, un dos pensadores<br />
marxistas que antes atendeu aos límites<br />
naturais da expropiación capitalista, se-<br />
proTagonista Crítica //<br />
Manifestación de Galiza Non se Vende, fotomontaxe // Fernando de Paz<br />
gue a conformar o horizonte revolucionario:<br />
non botar máis carbón á locomotora, senón<br />
tirar do freo de emerxencia. Ao cabo, en oposición<br />
ao exceso de traballo que Carlos Taibo<br />
constata no mundo actual, trátase de instaurar<br />
o dereito á preguiza. Karl Marx e Federich<br />
Engels describírono n’A Ideoloxía Alemá: “Na<br />
sociedade comunista ninguén ten un tipo de<br />
actividade exclusiva e calquera pode perfeccionarse<br />
na rama que máis lle praza [...] isto<br />
abre a posibilidade de facer hoxe tal cousa, e<br />
mañá tal outra, podo cazar pola mañá, pescar<br />
ao mediodía, practicar o ensino pola tarde,<br />
dedicarme á crítica logo de cear, todo de<br />
acordo co meu desexo e sen a necesidade de<br />
mudar en cazador, pescador ou crítico”.<br />
A defesa da Terra<br />
e a dialéctica do progresso·<br />
Escola Popular Galega (Área<br />
Movementos Sociais) e<br />
Galizalivre.org, 2010 ·<br />
224 páx · 10 euros<br />
Decrescimento, crise,<br />
capitalismo ·<br />
Carlos Taibo ·<br />
Estaleiro Editora, 2010 ·<br />
142 páx · 6 euros