Create successful ePaper yourself
Turn your PDF publications into a flip-book with our unique Google optimized e-Paper software.
Pedro Barrié de la Maza “regala” a Carmen<br />
Polo a Casa Cornide<br />
A Casa Cornide –residencia de José Cornide,<br />
investigador, humanista, historiador<br />
e patriota galego, que morreu en 1803–<br />
tamén forma parte dese espolio. Este pazo<br />
urbano do século XVIII acollera a casa<br />
consistorial e dependencias municipais<br />
e foi mercado en 1957 polo Ministerio de<br />
Educación, que o cedeu ao concello mediante<br />
permuta por outros terreos.<br />
Carmen Polo, esposa de Franco, quería<br />
unha residencia no centro da Coruña para<br />
non ter que desprazarse a Meirás cando<br />
visitaba Galiza, así que organizaron todo<br />
para apropiarse da Casa Cornide mediante<br />
poxa pública, celebrada o 2 de agosto de<br />
1962 ao mellor ofertante, e nunha actuación<br />
amañada coa intervención do concello,<br />
ministerio de Educación, Facenda<br />
e significados franquistas e empresarios.<br />
Adxudicada a Pedro Barrié de la Maza<br />
por 305.000 pesetas (presentouse tamén<br />
na poxa-farsa o falanxista José Luis Amor<br />
Fernández, subxefe do “Movimiento Nacional”<br />
na Coruña). Foi cedida a Carmen<br />
Polo, como figura na escritura.<br />
O Pleno do concello da Coruña de 8 de<br />
xaneiro de <strong>2018</strong> aprobaba unha moción<br />
do BNG, apoiada por Marea Atlántica e<br />
PSOE e abstención do PP, esixindo a recuperación<br />
da Casa Cornide para o patrimonio<br />
da Coruña, instando a Xunta e Goberno<br />
do Estado á eliminación dos dereitos<br />
hereditarios a efectos tributarios.<br />
A Solana e Hotel Finisterre como botín de<br />
guerra dos vencedores<br />
Despois da sublevación fascista de 1936,<br />
os vencedores asasinaron máis de 600 persoas<br />
na comarca da Coruña, entre elas as<br />
primeiras autoridades civís e militares e<br />
destacadas dirixentes sindicais e sociais, e<br />
miles de persoas foron represaliadas. Ademais,<br />
e como botín de guerra, ocuparon<br />
espazos públicos para facer as súas casas<br />
ou promover diversos negocios, co visto bo<br />
e colaboración das autoridades fascistas,<br />
que deron todo tipo de facilidades para<br />
executar este roubo.<br />
En 1944 o empresario Emilio Rey Romero<br />
consegue autorización para ocupar unha<br />
parcela de 1.482 metros cadrados onde estaba<br />
a Aduana, terreo situado na avenida<br />
da Mariña, entre o edificio de Correos e<br />
o paseo do Recheo. Asociado con Pedro<br />
Barrié de la Maza, do Banco Pastor, crean<br />
a sociedade SAINGA. Neses terreos o arquitecto<br />
Jacobo Rodríguez Losada redacta<br />
en 1945 o proxecto para a construción dun<br />
edificio que sería destinado a Hotel (Embajador)<br />
e teatro (Colón), que se inaugura<br />
o 15 de novembro de 1948.<br />
Os promotores da Solana e do Hotel Finisterre<br />
foron importantes empresarios<br />
coa colaboración de significados fascistas,<br />
como o nadador Armando Casteleiro<br />
Varela (o seu irmán José era concelleiro).<br />
Conseguiron en concesión terreos públicos<br />
no Parrote para construír unha piscina<br />
e sala de festas. As obras inícianse en 1941<br />
e o complexo é inaugurado o 17 de xullo<br />
de 1942, véspera da celebración o 18 de<br />
xullo do “Glorioso Alzamiento Nacional”.<br />
Despois construíron o hotel Finisterre en<br />
1948 e a ampliación da Solana en 1970 cun<br />
novo recheo. Ocuparon un total de 25.000<br />
metros cadrados de terreos públicos, gañados<br />
ao mar, como auténtico botín dos<br />
golpistas. Así foi como a empresa Finisterre<br />
S.A., na que participan SAINGA e<br />
Armando Casteleiro, explotaría o Hotel<br />
Embajador, a Solana e o Hotel Finisterre.<br />
Oitenta anos despois, a Autoridade Portuaria<br />
da Coruña, é dicir o PP, pretende ingresar<br />
cartos para pagar a débeda da construción<br />
do porto exterior, a través da poxa<br />
do Hotel Finisterre, mentres a Comisión<br />
Aberta en Defensa do Común e a Asociación<br />
de Veciños da Cidade Vella reivindi-