Kitabı yüklə - Kitabxana

AĞLAYIR
Aclıq və səfalət içində yaşayan insanlara.
İçimdə tonqal qalanıb,
odum külümçün ağlayır.
Yaşı üzümdə iz salan
gözüm dilimçün ağlayır.
Sönmüş arzu, itmiş inam,
yox bir həmdərd, yox bir həyan.
Nə bağbanam, bağım viran,
bülbül gülümçün ağlayır.
Gəlmədi cənnət gətirən,
yetmədi Allah yetirən.
Hər saatı qəm ötürən
günüm ilimçün ağlayır.
Gün görmədim mən də, anam,
bezdim tamam, doydum cana.
Tənha qalmış qərib sonam
ölü gölümçün ağlayır.
Hər iş çətin, hər şey baha,
ümid hanı xoş sabaha
Yaşamaqdan bezdim daha,
qəlbim ölümçün ağlayır.
Aprel, 1999
142