Kitabı yüklə - Kitabxana

AŞİQ GƏRƏK SEVİNƏ ...
Aşiq gərək sevinə eşqində qovğaya görə,
cəfa çəkmək nə xoşdur düşdüyün sevdaya görə.
Kim ki, eşq dəryasından bir damla dadmaq istəsə,
etsin, qoy ömrü fəda bir gülü-rənaya görə.
Hər qəlbin öz istəyi, öz bütü, öz Tanrısı var,
güldən gözəl heç nə yox bülbülü-şeydaya görə.
Qadına istək bizim, çünki nütvəmizdən gəlir,
çıxdı Adəm babamız cənnətdən Həvvaya görə.
Zaman-zaman çoxumuz vəsf etdik Leylanı,o da,
etdi bir nəsli rüsva, Məcnun binəvaya görə.
Qəm yemə hicran üçün, ey bu yolun Mürşidi, döz,
azmı qurban demişik cani bivəfaya görə
Fəxrəddin, payımal etmə sözünün qayəsini,
min cəfanı çəkirlər, sonunda səfaya görə.
27.06.04
192