You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ŞÖHRƏT AZARINA TUTULAN MİLLƏT<br />
Dərdi bir yandadır,nəfsi bir yanda,<br />
sərvət azarına tutulan millət.<br />
Korşalmış qılıncı paslanır qında,<br />
söhbət azarına tutulan millət.<br />
Tamam əks qütblərdir əməli, sözü,<br />
eli talamaqdan doymayır gözü.<br />
Pula hərislikdən bozarıb üzü,<br />
rüşvət azarına tutulan millət.<br />
Həm tədbir tökəndir, həm uzaqgörən,<br />
tərifdən məst olan, mədh üçün ölən.<br />
Oğrunu, qulduru rəhbər eyləyən,<br />
dövlət azarına tutulan millət.<br />
Xudpəsəndliyindən uyanda hərdən,<br />
başına ulduzlar tökülür göydən.<br />
İndi də dahilik keçir könlündən,<br />
şöhrət azarına tutulan millət.<br />
Vaxtı yox, qızıldır güya hər anı,<br />
Paris, London, Dubay tez-tez ünvanı.<br />
Gəzir eyş-işrətlə bütün dünyanı,<br />
şəhvət azarına tutulan millət.<br />
Danışar arxayın, dindirsən haçan,<br />
Deyir ki, bəs, ona işləyir zaman.<br />
Vaxt gələr, dünyanı qoyacaq heyran,<br />
Heyrət azarına tutulan millət.<br />
Qaçqını, köçkünü tacir, sahibkar,<br />
ay-hay, bu minvalla erməni qaçar.<br />
Bilmir “atəşkəsi” bitəcək haçan,<br />
möhlət azarına tutulan millət.<br />
Son illər yüz yerə yazırlar “milli”,<br />
banklar, institutlar, bazarlar “milli”,<br />
qulp qoyub çox işi yozurlar “milli”,<br />
millət azarına tutulan millət.<br />
43
Change language