Create successful ePaper yourself
Turn your PDF publications into a flip-book with our unique Google optimized e-Paper software.
SARI GÖZƏL<br />
Yarı samanı sarı,<br />
yarı qızılı saçlı sarı gözəl.<br />
Gözəllərin göyçəyi.<br />
Saçların qarğıdalı saçağı kimi<br />
tökülüb boynuna, çiyninə.<br />
Günəş şəfəqləritək sayrışır ucları.<br />
Sifətin zərif günəbaxan çiçəyi.<br />
Ləçəklərinin sarısı yayılıb üzünə.<br />
Ağzın, qabığı azca aralanmış püstə.<br />
Dodaqların elə bil nəqqaş əliylə hazırlanıb,<br />
ehmalca qoyulub üst-üstə.<br />
Dilin badam içi.<br />
Nə ecazkar çöhrən var,<br />
sənə baxan şişir.<br />
Gözlərin gah təlatümlü,<br />
gah sakit, mavi dəniz,<br />
bülluru saf, duru,<br />
dərinliyi məstedici, heyrətamiz.<br />
Qaşlarının hilalı mənalı, düşündürücü.<br />
Baxışın bəzən sərt, kəsici,<br />
bəzən dalğın.<br />
Hərdən baxsana əsirinə oğrun – oğrun.<br />
Sənə təbəssüm daha çox yaraşır.<br />
Nə olar, arabir gülümsə,<br />
ətrafına danışmağa çalış nəsə.<br />
Bunu ki, sənə qadağa qoymayıb bir kimsə<br />
Axı, dünya daha da gözəlləşər,<br />
gözəl şirin-şirin dinsə və ya gülsə.<br />
Mavi gözlü sarı gözəl,<br />
sənə təbəssüm daha çox yaraşır,<br />
gülümsə, gülümsə.<br />
Avqust, 2004<br />
165
Change language