Gjuha shqipe 3 - Media Print

28
• Të respektohet parimi i integrimit përmes fushave që përbejnë programin e
kësaj lende: të folurit, të lexuarit, të shkruarit, si dhe disa njohuri bazë nga sistemi
gjuhësor, të paraqitura në mënyrë të natyrshme për fëmijët e kësaj moshe.
• Teksti të ndërtohet me njësi mësimore dhe me linja të caktuara që
realizojnë objektiva dhe qëllime të larmishme mësimore.
• Mësimet të kenë përmbajtje të kuptueshme për moshën, të jenë të lexueshme
dhe të shkruara tërësisht në gjuhën shqipe.
• Tekstit të respektojë parimin tematik, i cili lehtëson dhe mundëson
integrimin brenda disiplinës lëndore dhe integrimin ndërlëndor.
• Teksti, i mbështetur në ndërthurjen e linjave që e përbëjnë atë, kërkon
vendosjen e të temave për njohuritë rreth gjuhës (sistemit gjuhësor) në
mënyrën si janë paraqitur në program, pra respektimin linear. Për rastet e
tjera, autorët e tekstit mund t’i vendosin temat atje ku mendojnë se
qëndrojnë dhe shërbejnë më mirë.
• Aparati pedagogjik i çdo mësimi të shoqërohet me rubrika, të cilat
pasqyrojnë integrimin, duke shmangur modelin që ka pamjen e një grupi
pyetjesh të renditura njëra pas tjetrës dhe të ndara prej njëra‐tjetrës.
• Ushtrimet të jenë të larmishme, kryesisht me karakter nxitës dhe zbatues,
me synime dhe objektiva mësimorë të përcaktuar, që respektojnë rritjen e
përshkallëzuar të vështirësive.
• Rimarrja, si një parim didaktik, të jetë pjesë e mësimeve që do të përbëjnë këtë
tekst, me qëllim lidhjen dhe përforcimin e shprehive letrare dhe gjuhësore.
• Teksti të jetë një mjet, i cili zhvendos veprimtarinë e mësuesit nga një mësim‐
dhënie me mësuesin në qendër, në një mësimdhënie me nxënësin në qendër.
• Përmes ushtrimeve që do të përbëjnë këtë tekst, synohet që nxënësi të
punojë, kërkojë, gjejë, zbulojë, zgjidhë, analizojë, të arrijë në përfundime të
përshtatshme për moshën etj.
• Veprimtari të tilla mësimore, si: të lexuari, të foluri e të shkruari, të jenë
pjesë përbërëse e këtij teksti dhe e çdo ore mësimi.
• Punët me shkrim të tipit: përshkrime, këshilla, udhëzime të thjeshta, të
parashikuara në programin e kësaj lëndë, të paraprihen nga modele të qarta,
të thjeshta dhe të sakta dhe të ushtrohen nga nxënësit përmes formave të
larmishme të punës me to.
• Në aparatin pedagogjik të çdo teme mësimore apo të çdo njësie tematike
të përfshihen ushtrime me kërkesa për punë të drejtpërdrejtë e të
pavarur, me gojë e me shkrim, si dhe teknika që i mundësojnë ato.
Libri i mësuesit: GJUHA SHQIPE 3