agrobiznesi 69 - KASH | Keshilli Agrobiznesit shqiptar

8 - 21 Gusht 2008
FOKUS FOKUS NGA NGA RRETHET
RRETHET
Kukes: Në dy vjet,
184 fermerë
përfitues të projektit
“2KR”
Të paktën 184 fermerë të
qarkut të Kukësit kanë përfituar
një fond prej 47, 1 milionë lekësh
gjithsej, gjatë dy viteve të
fundit përmes projektit të
qeverisë shqiptare “2KR” .
“Në këto dy vite sipërfaqja
e mbjellë me pemëtore është shtuar
në 113 ha, ndërsa ajo me
vreshta në 18 ha vreshta”, tha
drejtori rajonal i bujqësisë,
Shefqet Elezi.
Pozitivë është fakti se projekti
është shtrirë pothuajse në
të gjitha zonat e qarkut të
Kukësit. Fermerët e interesuar
paraqesin projektin, dhe në
bazë të sleksionimit ata përfitojnë
subvencionin nga qeveria.
Me miratimin e projektit, çdo
fermer financohet me një fond
prej 30 mijë lekë për dynym,
ndërsa në pemëtari me 50 mijë
lekë për dynym. Gjatë kësaj periudhe
shtimi i sipërfaqes së
mbjellë me pemëtari kryesisht
është përqëndruar në mbjellen
e kumbullave , mollës, qershisë,
pjeshkës e dardhës.
Subvencioni i fermerëve
përmes këtij projekti, konsiderohet
nga vetë ata një ndihmë
e madhe për ringritjen e blloqeve
me pemë e vreshta. Njëri
prej tyre, Astrit Cena, tha se
përmes këtij projekti ka ngritur
një bllok me vreshta prej 12
dynymësh. “Tregu në këtë
zonë është i garantuar për prodhimin”,
tha Cena.
Nisur nga suksesi i këtij projekti,
po shihet mundësia e shtrirjes
së tij edhe në subvencionimin
për ngritjen e linjave të
përpunimit të prodhimit, linja që
aktualisht mungojnë në këtë
zonë.
Kukes: Gushti,
muaji me i preferuar
per pushime nga
kosovaret
Gushti duket se është muaji
më i preferuar për kosovarët për
t’iu drejtuar plazheve të shumta
shqiptare. Këtë e tregon edhe
fakti se gjatë 4 ditëve të para të
gushtit kanë hyrë në Shqipëri
nga Kosova mbi 9.700 shtetas
kosovarë me 2160 mjete, prej të
cilave 128 autobuzë. Duke e
bërë të ditur kete fakt burime
zyrtare të drejtorisë së policisë
kufitare të qarkut të Kukësit
saktësojnë se “gjatë këtyre
ditëve të gushtit fluksi ka qenë
aq i madh sa në ndonjë rast eshte
rritur edhe numri i sporteleve
të kontrollit, kur zakonisht gjatë
korrikut kanë qenë 6 të tilla”.
Gjatë 15 ditëve të para të korrikut
kishin hyrë në Shqipëri
rreth 23 mijë kosovarë me një
mesatare rreth 3 mijë persona
në 24 orë.
Ndërkohë, bëhet e ditur se
gjatë këtyre ditëve të gushtit
numri i kosovarëve që kanë
hyrë në Shqipëri ka qenë nga
2080 - 2760 përsona në 24 orë.
“Është një fluks shumë më i
madh se në të njëjtën periudhë
Agrobiznesi
Informacione të ndryshme nga rrethi i Kukësit
të vitit të kaluar, kur hynin gjatë
24 orëve deri në 1440 persona”,
pohojnë burimet e policisë kufitare.
Fluksi në rritje i hyrjes së
kosovarëve në Shqipëri ka bërë
që të rritet edhe kontrolli në akset
kryesore rrugore që lidhin
Kosovën me Shqipërinë. “Pozitive
është fakti së megjithë këtë
fluks të madh, deri tani në të
gjitha akset rrugore që lidhin
qarkun e Kukësit me Kosovën
nuk ka ndodhur asnjë aksident,
apo ngjarje tjetër e rëndë”, thotë
drejtori i policisë kufitare të
qarkut, Ylber Zyberi.
Nisur edhe nga fluksi i madh
i lëvizjes në drejtim të Shqipërisë
i kosovarëve, në doganën e
Morinit (Kukës) funksionojnë
gjatë 24 orëve 6 - 7 sportele
kontrolli, ndërsa në Qafë Morinë
(Tropojë) 2 - 3 sportele.
Kukes: Vete
komuniteti eshte
vene ne ruajtje te
pasurise pyjore
Kalimi i pasurisë pyjore në
pronësi e përdorim të komunitetit
pas një projekti të zbatuar
me fonde të BB-së, në qarkun e
Kukësit menjëherë ka dhënë
efektet pozitive. “Edhe pse temperaturat
janë të larta, në qarkun
e Kukësit nuk ka raste
emergjente në masivet e pyjeve,
ndërsa e gjithë situata është
nën kontroll të plotë, me synimin
që ndryshe nga një vit më
parë, dëmet të eleminohen
plotësisht”, tha përgjegjësi i
zyrës së emergjencave civile në
prefekturën e Kukësit, Azem
Tema. Sipas tij, “edhe pse nuk
ka raste zjarresh, funksionon pa
ndërprerje shtabi i emergjencës
civile, që në cdo rast të shfaqjes
të mundësohet eleminimi i pasojave”.
Ndryshe nga një vit më parë,
kur në më pak se dy muaj në
qarkun e Kukësit u shkrumbuan
nga zjarri 1002 ha pyje dhe u
përshkuan nga flakët e zjarrit
mbi 5200 ha pyje, këtë vit situata
është është plotësisht nën
kontroll dhe monitorohet në
shumicën e rasteve gjatë 24
orëve nga vetë komuniteti”,
thotë drejtori i ndërmarrjes së
shfrytëzimit pyjor, Fatmir Gjana.
Sipas tij, shkaku i ndryshimit të
menjëhershëm të situatës është
fakti se mbi 65 për qind e
sipërfaqes pyjore të rrethit të
Kukësit ka kaluar në pronësi e
përdorim të komunitetit, i cili
është vetë i interesuar edhe për
mbrojtjen dhe shfrytëzimin me
kriter të kësaj pasurie. “Kalimi i
pjesës më të madhe të pyjeve
në shërbim të komunitetit, është
shkaku i ndryshimit të situatës
në krahasim me një vit më
parë”, thotë Gjana.
Megjithë temperaturat e larta
të kësaj vere, në qarkun e
Kukësit janë përshkuar nga zjarri
vetem rreth 1,5 ha pyje. Eshtë
konstatuar se rastet e
shfaqjes së zjarrit në masivet
pyjore janë rrjedhojë kryesisht
e pakujdesisë së barinjve që në
këtë periudhë janë banorë të
pyjeve në lartësitë e mbi 1000
metrave.
Kukes: Gjate 24
oreve te fundit kane
hyre ne pikat
kufitare 2.073
shtetas kosovare
Dita e parë e gushtit nuk ka
shënuar ndonjë fluks të madh
të hyrjes së kosovarëve në
drejtim të plazheve shqiptare.
“Ka një fluks mesatar, në krahassim
me hyrjen e kosovarëve
gjatë ditëve të fundit të korrikut,
ndonëse është për t’u theksuar
fakti se në krahasim me të
njëjtën periudhë të vitit të kaluar
fluksi është shumë më i
madh”, tha drejtori i policisë
kufitare të qarkut të Kukësit, Ylber
Zyberi.
“Gjatë 24 orëve te fundit
numri i shtetasve kosovarë që
kanë hyrë në Shqipëri është
2.073 persona me 660 mjete, prej
të cilave 30 janë autobuzë, ndërsa
pjesa tjetër janë furgonë e
mjete të vogla”, saktësoi Zyberi.
Ndërkohë, gjatë 24 orëve të
fundit është vërejtur një rënie e
ndjeshme e shtetasve shqiptarë
që hyjnë në Kosovë. Këtë e tregon
fakti se gjatë 24 orëve të
fundit kanë hyrë në Kosovë
përmes 5 pikave të kalimit kufitar
rreth 500 shtetas shqiptarë,
kryesisht tregtarë, gjë që në
këtë periudhë është një tregues
normal në kushtet kur pjesa më
e madhe e banorëve edhe të
zonës verilindore u drejtohen
plazheve.
Bëhet e ditur se gjatë këtij viti
fluksi i hyrjes së shtetasve kosovarë
në drejtim të plazheve
shpiptare ka një rritje të
ndjeshme, bile ka arritur deri në
rreth 3.000 persona në 24 orë,
gjë që nuk është parë asnjëherë
gjatë këtyre viteve të pas konfliktit
në Kosovë në pranverën e
vitit ’99. “Pozitive është fakti se
edhe pse fluksi është i madh,
deri tani nuk ka ndodhur asnjë
rast aksidenti me pasojë humbjen
e jetës, apo ngjarje të tjera të
jashtëzakonshme”, pohojnë
burime zyrtare të policisë së
qarkut të Kukësit
Pavarësisht nga fluksi i lartë,
puna pa ndërprerje gjatë 24
orëve në doganën e Morinit, ku
punohet me 6 sportele, ka bërë
të mundur eleminimin e rradhës
e të kohës së qëndrimit të
udhëtarëve që hyjnë e dalin nga
Shqipëria në Kosovë e anasjelltas.
Forcat e policisë lokale vazhdojnë
kontrollin me postoblloqe
të lëvizshme të gjithë aksit
rrugor Morinë - Kukës - Qafë
Shllak, ndërsa kanë rritur bashkëpunimin
me forcat e policisë
së qarkut të Shkodrës, edhe pse
në të gjitha rastet kur ka lëvizje
me autokolonë të kosovarëve
ato shoqërohen me mjete të policisë
nga njëri rreth në tjetrin.
Kukës: Buxheti i
shtetit dhe banka
botërore, investime
për infrastrukturën
rrugore
Doganat dytësore të kalimit
kufitar mes Shqipërisë e Kosovës
si, Pika e kalimit Doganor
Qafë Prush, Dogana e Shishtavecit
dhe Dogana e Orgjostit,
vazhdojnë të jenë aktive, por me
probleme në infrastrukturën
rrugore. “Nisur nga këto kushte,
buxheti i shtetit ka akorduar
500 milionë lekë për rikonstruksionin
tërësor të aksit rrugor
Qafë Prush - Krumë”, thotë nënprefekti
i Hasit Elez Maci.
“Aktualisht, punimet e rikonstruksionit
të këtij aksi rrugor me
gjatësi prej 17 kilometrash që po
kryhen nga firma ndërtuese
“Geci”, janë përshpejtuar edhe
për faktin se janë zgjidhur të
gjitha problemet e pronësisë
mbi tokën”, thotë kryetari i komunës
së Golajt, Adem Lala.
Ndërsa një projekt tjetër financohet
nga Banka Botërore
për ndërtimin e infrastrukturës
rrugore, e cila do të mundësojë
lidhjen e zonave rurale të qarkut
të Kukësit me fshatrat kufitare
të Kosovës. “Zbatimi i këtij projekti
qe sapo ka nisur, mundëson
ndryshimin e gjithë situatës
së infrastrukturës rrugore
të zonës verilindore”, thotë
përgjegjësi i zyrës së shërbimeve
në këshillin e qarkut, Albert
Zeneli.
Sipas tij, “u është kërkuar
strukturave të pushtetit vendor
përgatitja e projekteve për rikonstruksionin
e rrugëve rurale,
mes të cilave edhe ato që lidhin
fshatrat kufitare të Shqipërisë
dhe Kosovës, projekt që financohet
nga Banka Botërore”
Kukes: Po
zbatohen 11
projekte me fonde te
PNUD-it
11 projekte po zbatohen në
qarkun e Kukësit me fonde të
PNUD-it, ku pjesëmarrës në investim
për cdo projekt është
edhe komuniteti. “Një gjë e tillë
është mjaft e rëndësishme, pasi
angazhon komunitetin në
mirëmbajtjen e investimit të kryer,
ndonëse kontributi i komunitetit
është simbolik”, thotë
oficeri i zhvillimit rural në zyrën
rajonale të PNUD-it, Bukurosh
Agjencia e Legalizimit, Urbanizimit
dhe Integrimit të Zonave/
Ndërtimeve Informale (ALUIZNI)
në qarkun e Elbasanit organizoi
një trajnim një ditor me specialistët
e terrenit, topografë, teknikë ndërtimi,
operatorë dhe gjithë stafin e
institucionit, me qëllim zbatimin
praktik të ligjit për legalizimet, i cili
së fundi ka pësuar disa ndryshime
me miratim të Kuvendit të Shqipërisë.
Drejtori i kësaj agjencie
në Elbasan, Ditor Musai, informoi
të gjithë pjesëmarrësit për zhvillimet
e reja në strukturën e ALUIZ-
NI-it dhe për punën që ata do të
bëjnë me zonat kadastrale. “Për
këtë qëllim do të ngrihen 8 grupe
me nga 3 pjesëtarë, një topograf,
një teknik ndërtimi dhe një operator,
që do të merret me përpunimin
e të dhënave në kompjuter, në
mënyrë që matjet e ndërtimeve informale
të qytetarëve mbështetur
tek vetëdeklarimet e tyre të jenë sa
më të sakta dhe konform kërkesave
të procesverbalit të konstatimit”,
theksoi Musai. Ai u
Onuzi. “Përgjithësisht, të gjitha
investimet kanë nisur dhe bashkëpunimi
me pushtetin vendor
është i kënaqshëm, gjë që ka
përshpejtuar ritmet e punimeve
si, në rikonstruksionin e një
rruge rurale në komunën e Fierzës,
sistemim trotuari e ndricim
të saj në bashkinë e Bajram Currit,
investime këto që kanë
ndikuar në zbutjen e nivelit të
papunësisë në rrethin e
Tropojës, ku vetëm gjatë këtij
viti nga PNUD-i po zbatohen 7
projekte”, thotë përgjegjësi i
zyrës së arsim-kulturës në
qarkun e Kukësit, Petrit Palushi.
Sipas tij, këto investime kanë
mundësuar jo vetëm përmirësimin
e infrastrukturës së godinave
të arsimit e shëndëtësisë,
por edhe kanë mundësuar punësimin
e mbi 170 personave, kryesisht
nga zonat rurale të rrethit.
Në këtë rreth është drejt përfundimit
rikonstruksioni i dy
shkollave të mesme në komunën
e Pacit, në Pac e Zogaj me një
fond të përgjithshëm prej 15 milion
lekësh. Po ashtu, përmes
fondeve të PNUD-it po zbatohen
edhe 3 investime në rrethin
e Kukësit dhe një tjëtër në
rrethin e Hasit. Përmes tyre përfitojnë
mbi 7000 banorë, ndërsa
parashikohet që të gjitha investimet
në të 11 projektet të përfundojnë
brenda vitit.
Kukes: Dy firma
italiane tregojne
interes per
prodhimin e
energjise nga era
Mundësitë e shfrytëzimit të
alternativave për përmirësimin e
situatës së furnizimit të konsumatorëve
me energjinë elektrike
në qarkun e Kukësit janë
të mëdha, jo vetëm përmes
hidrocentraleve të vegjël për
shkak të pasurisë ujore, por edhe
të shfrytëzimit të erës.
Është kjo arsyeja që përfaqësues
të prefekturës së Kukësit
kanë marrë kontakt me 2 firma të
5
mëdha italiane të kësaj fushe, te
cilat, pas një monitorimi kanë
shprehur interesin e tyre për
mundësinë e prodhimit të energjisë
elektrike nga era.
“Sapo jemi kthyer nga Italia,
pas një kontakti në Kukës me
përfaqësues të firmave italiane
“Bonkom” dhe “Asja”. Të dy
firmat janë mjaft të interesuara
për të investuar në drejtim të
prodhimit të energjisë elektrike
nga era”, tha përfaqësuesi i
prefektures, Ilmi Lisha. Sipas tij,
të dy firmat kanë shprehur interesin
për të investuar, ndërsa
kanë nisur punën për plotësimin
e gjithë dokumentacionit të duhur
sipas ligjeve të shqiptare.
“Një gjë është e sigurt, ata kanë
një interes të madh për të investuar
në këtë sektor pas një studimi
që i kanë kryer”, thote
Lisha. Qarku i Kukësit ka edhe
nje pasuri të madhe ujore për
ndërtim të hidrocentraleve
lokale. Kete e tregon edhe investimi
prej rreth 12 milion euro
për ndërtimin e hidrocentralit në
vendin e quajtur Ura e Lapajve
në këtë rreth, që konsiderohet
nga specialistët vetëm fillimi i
punës për ndryshimin e gjendjes.
Punimet që po kryhen nga firma
private e ndërtimit “Gjoka”, konsiderohen
për këtë vit si një nga
investimet kryesore të ndërmarra
nga biznesi privat në këtë zonë”,
thotë drejtori teknik i ndërtimit të
këtij hidrodcentrali, Bajram Cika.
Sipas tij, “nëse ndërhyhet edhe
nga firmat e huaja në drejtim të
shfrytëzimit të erës, mund të zgjidhet
përfundimisht problemi i furnizimit
me energji elektrike të konsumatorëve”.
Sipas specialistëve,
vetëm në rrethin e Kukësit mund
të ndërtohen mbi 10 hidrocentrale
të vegjël. Aktualisht, në kete qark
janë 10 hidrocentrale lokale, prej
të cilave 7 në rrethin e Tropojës, 2
në rrethin e Kukësit dhe një në
rrethin e Hasit, që janë ndërtuar
në fillim të viteve ’70, por që aktualisht
funksionojnë vetëm 3 prej
tyre.
Elbasan: ALUIZNI trajnon
specialistët e agjencisë së legalizimit
tërhoqi vëmendjen të gjithë
specialistëve, veçanërisht atyre
të terrenit për një punë korrekte,
cilësore dhe të saktë, në mënyrë që
qytetarët të ndërgjegjësohen për
zbatimin real të ligjit të legalizimeve,
si një nga detyrat bazë të legalizimeve
në Shqipëri. Në këtë trajnim
u vendos që në çdo muaj materialet
e të dhënave të marra në terren
të përpunohen saktësisht, duke i
hapur kështu rrugë dhe kompensimit
të ish-pronarëve, të cilëve u
janë zënë trojet nga ndërtimet informale.
Ndërkohë specialistët
kërkuan shpjegime juridike dhe inxhinierike
lidhur me qartësimin e situatave,
që do t’u paraqiten grupeve
treshe në terren. Nga grupet u
kërkua seriozitet dhe përfaqësim
dinjitoz përpara qytetarëve për një
punë efektive fillimisht në zonën
8523 që përfshin lagjet “Skënderbej”,
“Dyli Haxhire”, “28 Nëntori”
dhe “Syrja Dylgjeri”. Në qarkun e
Elbasanit numërohen rreth 18700
ndërtime informale, të cilat presin
legalizimin.
Banka botërore 800
mijë USD për
ndertim
800 mijë dollarë është fondi
që Banka Botërore do t’i japë
Bashkisë së Elbasanit për suvatimin
dhe lyerjen e fasadave
të pallateve në lagjen “Vullnetari”
të qytetit. Kryetari i Bashkisë,
Qazim Sejdini tha se “është
përcaktuar lagja “Vullnetari”
si projekti “pilot” që do të zbatojë
kjo bankë, qe konsiston në
suvatimin e mureve të jashtme
dhe lyerjen me bojë të më
shumë se 15 pallateve në këtë
lagje. Investimi pritet që të çelet
në fillimin e vjeshtës dhe
do të përfundojë në fillim të
dimrit”. Sipas Sejdinit, Bashkia
do të subvecionojmë 20 %
të këtij investimi me të ardhurat
vendore dhe është
përzgjedhur ky bllok banesash,
pasi banorët e tyre rezultojnë
më të varfërit e qytetit.