Shkarko këtu... - Mileniumi i Tretë

10
Përse u ngjajmë prindërve
tanë?
Dikush është më i gjatë, tjetri më i shkurtër, dikush ka flokë të bardhë e dikush të zinj,
dikush ka sy të gjelbër e tjetri të kaltër.
Këto tipare bëjnë që njerëzit të veçohen dhe njëkohësisht edhe të jenë të ngjashëm me të
tjerët.
Shumë më parë në literaturë u përdor emri gjen dhe më tutje vazhduan studimet dhe
kërkimet të cilat dëshmuan edhe për shumë fakte të tjera që mund t'i lexoni në vazhdim.
Në trupin tonë ka deri në njëqind trilion qeliza. Pothuajse secila prej tyre përmban një grup
udhëzimesh që i tregojnë qelizës si të rritet dhe çfarë të bëjë. Këto udhëzime quhen gjene.
Gjenet përbëhen nga një lëndë kimike e quajtur ADN (acidi dezoksiribonukleik), i cili ruhet
brenda çdo qelize, në një zonë që quhet bërthamë.
ADN – ja krijon fije të gjata dhe të holla, që shpesh përdridhen dhe formojnë një formë “X”
që quhen kromozome.
ADN – ja përmban katër lëndë kimike: adeninën (A), citozinën (C), guaninën (G) dhe
timinën (T), të cilat mund të japin në përgjithësi 64 kombinime.
Nukleotidet (njësitë e vogla të përbëra nga një molekulë e madhe) përbëhen nga dy vargje
të përdredhura që ndërmjet tyre formojnë një lloj të shtëpizës të përdredhur të kërmillit,
kjo strukturë quhet heliksi i dyfishtë, që u zbulua në vitin 1953 nga James Watson dhe
Fransis Kriku.
ADN
Kombinimet e ndryshme të lëndëve kimike, janë
ato që quhen kod gjenetik.
Informacionet gjenetike gjenden brenda në ADN
dhe që të mund të sintetizohen proteinat, ADN
formon një bazë që është përgjegjës për bartjen e
urdhrave. Bartësi është ARN-t (bartësi i acideve
ribonuklenike), ajo është makromolekulë gjatore
që bart informacion në ADN – në e kopjuar. Kur
arrin te ribozomi fiksohet në të dhe fillon të
formojë proteina.
Kjo është ajo që e bën më interesante jetën tonë
dhe mbi të gjitha nga të tjerët na dallon. Kjo është
ajo që na bën tu përngjajmë prindërve tanë.