You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Intervistë me gjuhëtarin Isa Bajçinca<br />
Rrëfime nga jeta dhe profesioni<br />
M3: Si ka qenë jeta juaj fëmijërore? Nëse<br />
ju kujtohet ndonjë ngjarje mund të na<br />
tregoni?<br />
Isa Bajçinca: Nga fëmijëria, një ngjarje<br />
të cilën do ta veçoja është fillimi i shkollës.<br />
Shkoja në shkollë me vëllain tim 4 vjet e<br />
gjysmë më të madh, ndërsa unë isha<br />
vetëm 5 vjet e 8 muaj. Mësuesi më tha se<br />
duhej të shkoja në shkollë, pasi që thoshte<br />
se isha një nxënës i mrekullueshëm. Pra,<br />
unë fillova shkollën pa i mbushur 6 vjet,<br />
ndërsa të gjithë shokët e mi të klasës ishin<br />
3-4 vjet më të mëdhenj se unë.<br />
M3: Pse zgjodhët të bëheshit gjuhëtar?<br />
Isa Bajçinca: Për profesionin tim të<br />
tanishëm ka ndikuar në radhë të parë<br />
letërsia që kam lexuar. Gjuha e pasur,<br />
gjuha e ngritur, fjalë me kuptime të tjera<br />
që nuk i dija unë, trajta fjalësh të cilat më<br />
zgjonin kërshërinë nga kanë ardhur si janë<br />
ndërtuar e të tjera. Kur isha nxënës në<br />
shkollën normale, gramatika më tërhoqi<br />
mjaft. Ndonëse kisha filluar ta studioja<br />
gjuhën gjermane 1 vit në Shkup, për ca<br />
shkaqe u detyrova të kthehesha dhe të<br />
studioja gjuhën shqipe. Por, për këtë nuk<br />
jam zhgënjyer dhe penduar fare.<br />
M3: Cilat kanë qenë rrethanat në të cilat<br />
keni studiuar dhe punuar?<br />
Isa Bajçinca: Në shkollën normale<br />
rrethanat ishin mjaft të mira, sepse të<br />
gjithë gëzonim bursë. Kushte kishim, por<br />
libra nuk kishim aso kohe sepse ishin të<br />
botuar në Shqipëri dhe vinin shumë rrallë<br />
nga atje. Nuk kemi pasur bibliotekë të<br />
pasur, megjithatë ne shfrytëzonim gjithçka<br />
që kishim. Kam pasur nderin e rrallë ta<br />
kem në duar fjalorin e gjuhës shqipe, për<br />
të cilin ka qenë koha që duhej të shkoja në<br />
burg sepse gjuha shqipe nga regjimi i<br />
atëhershëm nuk ka qenë shumë e<br />
dëgjueshme.<br />
M3: Sa jeni të kënaqur me përkushtimin<br />
që kanë nxënësit ndaj gjuhës shqipe?<br />
Isa Bajçinca: Të paktën në shkollën<br />
fillore, gjuha shqipe është lëndë<br />
strumbullare, pra lëndë kryesore të cilës i<br />
kushtohet shumë rëndësi, por së cilës<br />
duhet kushtuar edhe më shumë rëndësi.<br />
Mësuesit jo gjithmonë, janë modeli i cili<br />
duhet të ndiqet nga nxënësit.<br />
M3: Po të tjerët, politikanët, mediat,<br />
njerëzit sa punojnë qe ta ruajnë pastërtinë<br />
e gjuhës?<br />
Isa Bajçinca: Njerëzit duhet të kujdesen<br />
shumë për gjuhën. Nuk mund të themi se<br />
të gjithë njerëzit, të gjithë politikanët të<br />
gjithë mësuesit i kushtojnë të njëjtin<br />
kujdes gjuhës dhe komunikimit dhe të<br />
shprehurit. Ka prej tyre që flasin gjuhën<br />
bukur, dhe ka të tillë që nuk kujdesen<br />
shumë për këtë. Çështja e kulturës së<br />
gjuhës dhe ruajtjes së pastërtisë së saj<br />
varet nga individi dhe përgjegjësia që ka<br />
për këtë vlerë kombëtare.<br />
7
Change language