flutura dhe lulja - Save The Children : Albania

Të dashur mësues dhe prindër,
Fletorja që po merrni në duar është pjesë përbërëse e materialit të
udhëzuesit për mësuesit e klasave të arsimit parashkollor.
Ky është një material ndihmës për vlerësimin e procesit mësimor edukativ
të fëmijëve 4-5 vjeçarë. Ajo është rezultat i punës së mjaft ekspertëve dhe
mësuesve që dëshirojnë ndryshimin në mësimdhënie dhe nxënie, ecurinë
më të mirë të fëmijëve dhe grupit me të cilin ndërveprojnë, nxitjen për
zhvillime dhe përmirësime të punës me fëmijët parashkollorë të grupmoshës
4-5 vjeç.
Fletorja e vlerësimit duhet të shërbejë jo aq për evidentimin, nga ana e
mësuesve dhe prindërve, të cilësisë së të nxënit në fusha të ndryshme te
fëmijët parashkollorë, sesa për gjetjen e strategjive dhe teknikave të reja që
çojnë në përmirësimin e gjendjes aktuale të grupeve të fëmijëve dhe fëmijëve
si individë.
Grupi i autorëve dëshiron që, gjatë përvojës që do të keni gjatë vitit shkollor,
të mbani shënime dhe të jepni vërejtjet dhe sugjerimet tuaja konkrete për
gjithçka që mendoni se mund të përmirësohet në këtë botim. Duke ju
falënderuar paraprakisht, ju urojmë punë të mbarë dhe zhvillime të
mëtejshme cilësore në arsimin parashkollor në vendin tonë.
Autorët
PJESA IV
245