flutura dhe lulja - Save The Children : Albania

NUMRAT DHE VEPRIMET
Përdorin numrat për të treguar sasitë
Arritja i referohet aftësisë së fëmijëve për të kuptuar numrin, i cili përfaqëson një
sasi të caktuar. Tre treguesit kryesorë për të vlerësuar aftësitë e fëmijës në njohjen e
numrave dhe bërjen e veprimeve janë:
Treguesit
Fëmija
Tregon interes për
numërimin dhe sasinë.
Numëron mekanikisht
Numëron objektet në
mënyrë të kuptueshme
Shembujt
Fëmija
• Përdor gishtat për të treguar numrin (p.sh. tregon katër gishta
për të thënë moshën);
• Përsërit vjersha, këngë dhe lojëra me numërime;
• Numëron objekte familjare, jo gjithmonë në mënyrë korrekte
(p.sh. anëtarët e familjes, shokët, lodrat);
• Pyet se sa janë ose sa bëjnë.
• Numëron nga 1-shi te 6-ta ose më shumë.
• Numëron pesë artikuj (p.sh. blloqe, lapsa, makina) në mënyrë të
saktë;
• Merr aq objekte sa i kërkohen (p.sh. merr tre objekte kur i
thuhet "Era, më jep tri kokrra qershi, të lutem").
Strategjitë e mësuesit për të ndihmuar fëmijët të fitojnë aftësinë e numërimit
dhe të tregojnë sasitë
• Të nxisë fëmijët për të eksperimentuar me numërimin në mënyrë të
kuptimshme për ta;
• Të angazhojë fëmijët të këndojnë këngë me numra;
• Të lexojë libra të formatit të madh që përmbajnë renditjen e numrave;
• Të japë shembuj të numërimit të objekteve ose njerëzve në situata të
kuptueshme për fëmijët (p.sh. të përcaktojë sa fëmijë ndodhen në tryezë ose
sa fëmijë kanë ardhur në kopsht, sa mungojnë etj.);
• Të sigurojë sa më shumë mundësi për numërimin e objekteve;
• Të japë shembuj të fjalëve që përdoren për numërimin e çdo objekti;
• Të bëjë pyetjen “Sa..?”;
• Të tregojë tabelën me numra e cila duhet të jetë vendosur në nivelin e syve të
fëmijëve;
• Të organizojë lojëra me numërime.
Fusha e matematikës
PJESA I
27