flutura dhe lulja - Save The Children : Albania

Fushat e të mësuarit
68
• Të përdorë pyetjet e hapura për të mbështetur vëzhgimin dhe eksperimentimin
e fëmijëve (p.sh. duke pyetur “Çfarë do të përdorje për ta bërë më të lartë
kullën e vrojtimit?”ose “A ka ndonjë mënyrë tjetër për ta bërë urën më të
qëndrueshme?”
• T’u japë mundësi fëmijëve që të punojnë së bashku (p.sh. në çifte ose në grup
të vogël)
• Të organizojë skedën ditore në mënyrë që fëmijët të kenë kohë të mjaftueshme
për vazhdimin e vëzhgimit dhe përfundimin e projektit
• Të lexojë me zë të ulët histori të ndryshme duke i pyetur fëmijët për përgjigjet
e tyre në situata të ndryshme
• Të zhvillojë mbledhjet e klasës dhe të nxisë diskutimet për të arritur në zgjidhjen
e çështjeve që u përkasin fëmijëve.
KRIJIMI I NJË MJEDISI QË MBËSHTET
ZHVILLIMIN SOCIAL DHE EMOCIONAL TË FËMIJËVE
Mjedisi i kopshtit është një komponent i rëndësishëm në përshpejtimin e zhvillimit
social dhe emocional të fëmijëve. Si është mobiluar kopshti, si janë hartuar skeda ditore
dhe rutinat, si veprojnë rregullat që janë vendosur – të gjithë këto elementë kontribuojnë
në ndërtimin e një komuniteti të mësuari të fortë ku fëmijët ndihen të mirëseardhur, të
sigurt dhe të etur për të mësuar.
Mobilimi i mjedisit në kopsht duhet të ketë një hapësirë të gjerë për mbledhjet e
grupit, por gjithashtu duhet të përfshijë hapësira ku grupet e vogla të fëmijëve të mund
të punojnë së bashku në një vend më të qetë (si këndet e ndryshme që duhet të
shkojnë deri në tre). Duke pasur një variete materialesh që fëmijët mund t’i përdorin
në qendrat ku janë të interesuar të punojnë (p.sh. lojë e pretenduar ose kuzhina e
gatimit; qendra për lojërat e matematikës, për blloqet e ndërtimit) një qendër arti etj.
krijohen mundësi të shumta për ndërveprimin e fëmijëve.
Lejimi i fëmijëve për të zgjedhur këto veprimtari jo vetëm mbështet të mësuarit e
tyre, por gjithashtu ndihmon të reduktohen konfliktet. Hartimi i një skede që u jep
fëmijëve kohë të mjaftueshme për të vazhduar interesat e tyre dhe pajisja e kopshtit
me mjedise të ndryshme ndihmon një menaxhimin të lehtë të nevojave individuale.
Rutinat që përfshijnë fëmijët në mbajtjen e hapësirave për një farë kohe u japin fëmijëve
ndjenjën e pronësisë dhe të investimit në klasën e tyre. Sikurse të rriturit, edhe fëmijët
kërkojnë një mjedis të përshtatshëm për plotësimin e nevojave të tyre- nevoja për të
qenë vetëm ose në shoqëri, angazhim dhe pushim- dhe ku ata ndihen të sigurt dhe të
vlerësuar si anëtar kontribuues i një komuniteti
BASHKËPUNIMI ME PRINDËRIT DHE FAMILJEN
Prindërit janë, natyrisht, partnerët tanë më të rëndësishëm në mbështetjen e
zhvillimit social dhe emocional të fëmijëve që kemi në kujdes. Të hapur, me besim dhe
komunikim të përshkruar nga respekti për familjet është linja që rregullon transicionin
e butë midis shtëpisë dhe kopshtit. Shkëmbimi i informacionit rreth rregullave dhe