flutura dhe lulja - Save The Children : Albania

Hetojnë karakteristikat e tokës dhe të hapësirës
Njohuritë e fëmijëve të vegjël për tokën dhe hapësirën janë të ndërtuara në mënyrë
konkrete, të drejtpërdrejtë nëpërmjet hetimit të atyre materialeve dhe proceseve që
ngjallin interes për ta. Tre treguesit kryesorë të vlerësimit të kësaj aftësie të fëmijës janë:
Treguesit
Fëmija
Bën pyetje rreth tokës
dhe hapësirës
Kryen eksperimente për
të fituar njohuri për
tokën dhe hapësirën
Demonstron njohuri
për ndryshimet e tokës
dhe hapësirës
Shembujt
Fëmija
• Pyet, " Si bëhet balta?";
• Pyet, " Pse ky guri shkëlqen?";
• Pyet, " Si formohet shkreptima dhe vetëtima?";
• Pyet, " Pse bie bora?";
• Pyet, " Pse hëna zhduket gjatë ditës?";
• Pyet, " Ku shkon dielli të flejë?";
• Pyet, " Pse hëna më ndjek mua ?".
• Shton ujë në enën me rërë për të bërë baltën;
• Kërkon për gurë në forma të rregullta;
• Përpiqet të ndryshojë gurët (p.sh. i thyen ato ne copëra të vogla
ose i bën ata të ndriçojnë duke i larë me ujë ose duke i fërkuar
me vaj).
• Ngjyros me bojëra uji gurët
• Komenton ndryshimet e motit, retë, temperaturat, dita - nata;
• Thotë, "Hëna ka formë tjetër sonte";
• Komenton ndryshimet e barit, prerjes e dëmtimit të drurëve,
rërës, pellgjeve me ujë të vendeve të ndryshme etj.
Strategjitë e mësuesit që ndihmojnë fëmijët për të hetuar cilësitë e tokës
dhe hapësirës
• Të angazhojë sa më shumë fëmijët në lojëra me rërë dhe ujë dhe të nxisë
biseda rreth veprimeve dhe eksperimenteve të tyre;
• Të bëjë pyetje me fund të hapur për të motivuar vëzhgimin e fëmijëve (p.sh.
pyesin, “Si mendoni, pse pellgu me ujë është zhdukur?”);
• Të sigurojë një mjedis jashtë kopshti ku fëmijët mund të gërmojnë, të luajnë
me ujë etj.;
• Të nxisë fëmijët të bëjnë vëzhgime dhe krahasime për qiellin, motin dhe stinët;
• T’u japë fëmijëve mundësi të eksplorojnë cilësitë e gurëve dhe mineraleve të
ndryshme, lloje të ndryshme dherash etj.
Fusha e shkencës dhe vëzhgimit
PJESA I
51