AKP NE BLLOKADE - Gazeta Express

E hënë, 15 tetor 2012
Shteti i Kosovës nuk mund të
funksionojë si duhet pa bërë
integrimin e plotë të Verit.
Asnjanësia e Kosovës
Blerim Shala
Çështje gjinie.
E tillë është çështja e Kosovës, në thelbin e saj
politik, kur shikohet nga perspektiva e Brukselit,
e Bashkimit Evropian.
E pra, çfarë gjinie politike ka Kosova? Për ne është
shtet, për Serbinë është krahinë autonome, për
Brukselin Kosova ka gjini asnjanëse.
Gjini të tillë, nuk ka në jetë, siç e dimë, dhe nuk
mund të ketë as në politikë dhe në raportet midis
BE-së dhe një vendi/shteti.
Po ja që Brukseli, edhe në Studimin e Fizibilitetit
i cili u prezantua ditë më parë, dhe me të cilin u
morëm të gjithë ne, me atë bindjen e njohur tek ne
që të gjithë merremi vesh në politikë, në sport dhe
në histori, sërish i mbeti besnik gjinisë asnjanëse
të Kosovës, me synim të qartë që disi t’i gëzojë sadopak
kosovarët dhe të mos i hidhëroj autoritetet
e Beogradit.
Befasi? Aspak. Kushdo që ka pritë më shumë
nga Brukseli në këtë çështje, ose është optimist
i përhershëm, ose nuk di gjë se si (s)funksionon
Bashkimi Evropian. Ne nuk do të duhej të ishim as
në kampin e parë, e as në këtë të dytin. Tek e fundit,
çka është BE-ja në terren, në punët konkrete, këtu
në Kosovë, këtë e dimë që prej vitit 1999, kur BE-ja
u bë njëra prej katër shtyllave të UNMIK-ut.
BE-ja e sotme e ka për synim të mbajë Kosovën
dhe Serbinë në udhën kah BE-ja, duke balansuar
disi pritjet e mëdha dhe dëshpërimin edhe më të
madh të qytetarëve të Kosovës me perspektivën
evropiane e cila do të ndodhë ‘ngadalë por sigurt’
(sipas Brukselit), dhe me kërkesat gjithsesi të drejta
që shteti i Kosovës më në fund të funksionojë si
duhet, duke harruar që diç e tillë realisht, është
vështirë e arritshme pa siguruar integrimin e
mirëfi lltë të Veriut të Kosovës.
Qasja e Brukselit ndaj Kosovës të ngjanë me atë
të infuzionit të vazhdueshëm për një pacient të
shtrirë në spital, i cili mund të shërohet mirë, me
një terapi të mirëfi lltë. Po ja që ky ‘pacient’ (Kosova),
nuk bën të vdesë, po as të këndellet e të ecë
vetë, sepse në dhomën tjetër është një tjetër ‘pacient’
(Serbia), i cili i ka dofarë problemesh psikike,
të cilat e bëjnë të mendojë që ai do të vdesë në momentin
kur ky ‘pacienti’ i parë largohet nga spitali.
Terapitë politike sa vijnë e shtohen nga ana e
BE-së, zotimi politik i Brukselit që Kosova ka perspektivë
Evropiane është ende atypari, por sa larg
na duken tash vitet para pavarësisë së Kosovës kur
Brukseli i Javier Solanës ishte më i qartë për atë
Kosovën nën Administrimin Ndërkombëtarë se sa
tani, kur Kosova së shpejti do t’i mbushë pesë vjet
jetë si shtet i pavarur?
» Autori është
Nënkryetar i Parë i Aleancës për Ardhmëninë e Kosovës.
Kjo kolumne është shkruar enkas për Gazetën Express
Në dhjetor të vitit 2005, kur sapo kishte nisë ndërmarrja
e Presidentit Ahtisaari për zgjidhjen e statusit
të Kosovës, kur nuk kishte ndodhë as një i vetmi takim
midis Delegacioneve të Kosovës dhe të Serbisë,
Kryediplomati i atëhershëm i BE-së e tha troç në
Prishtinë kur e pyetën për statusin e Kosovës: Në
Evropë, tha Solana, ka vend edhe për një shtet të ri.
Nuk na ka marrë mendja këndejpari që do të përmallohemi
për këtë qartësi të vitit 2005.
Kosova ka shumë punë për tu bërë shtet i denjë
për të qenë pjesë e familjes së BE-së, dhe këtu
Brukseli ka plotësisht të drejtë. Këtë, zaten, e thonë
shumica dërrmuese e qytetarëve të Kosovës, të cilët
duan të shohin një ndryshim thelbësor në të gjitha
fushat e funksionimit të një shoqërie.
Por në anën tjetër, edhe Brukseli duhet të heq
qafe, sa më parë që është e mundur çështjen e gjinisë
politike të Kosovës, nëse njëmend do të stabilizojë
këtë pjesë të Ballkanit. Kështu më nuk shkon. Dhe
nuk duhet pritë që të ndodhë diç e keqe në Veri të
Kosovës, ashtuqë më pas të ndërmerr nisma të reja
politike dhe diplomatike.
Dikush mund të thotë me të drejtë që megjithatë,
Brukseli ka bërë kësaj radhe, (me publikimin e dokumenteve
që përkojnë me Kosovën dhe Serbinë),
një hap në drejtimin e duhur, kur ka pohuar, sa i
përket Veriut të Kosovës, që zgjidhja e problemeve
atypari duhet të gjendet duke ruajtur tërësinë territoriale
të Kosovës dhe duke përmbushur nevojat e
popullatës lokale.
U tha më pas me të shpejtë, që ky formulim
nuk paragjykon statusin e Kosovës, apo që në këtë
mënyrë Brukseli vetëm ka rikonfi rmuar validitetin
e njërit prej Parimeve të Grupit të Kontaktit (nga
viti 2005), dhe asgjë më tepër. Mbase, kjo porosi i
është dashtë BE-së pasiqë javëve të fundit, Kryeministri
i Serbisë Ivica Daçiq sërish disa herë foli për
opsionin e ndarjes territoriale të Kosovës. E këtu të
bie ndërmend sërish një tjetër BE, ajo e dhjetorit të
vitit 2007, e cila unanimisht, në samitin e fundvitit
vendosi Kosovën si Prioritet kryesor të Brukselit, i cili
njeh si detyrë kryesore zbatimin e plotë të Propozimit
gjithëpërfshirës të Presidentit Ahtisaari. Nuk iu
tha mbi-emri i kësaj Pakoje (pavarësia, fi llimisht e
mbikëqyrur), por dihej fare mirë se për çfarë bëhet
fjalë në Propozimin e Presidentit Ahtsaari.
Ne dhe Brukseli, thënë fare hapur, kemi edhe pak
kohë për t’i dhënë fund gjendjes në Veri të Kosovës
dhe pranisë së Serbisë (e cila sërish u konstatua në
Dokumentet e Komisionit Evropian), brenda tërësisë
territoriale të Kosovës e cila duhet të ruhet, sipas
Brukselit. Kjo prani e Serbisë, nuk mund të jetë më
asnjanëse. E tillë nuk është madje as me Rezolutën
1244 të Këshillit të Sigurimit të OKB-së. Serbia duhet
ta braktisë Kosovën sa më parë që është e mundur,
me një ndërmarrje politike dhe diplomatike e cila
është në duart e Ashton dhe Brukselit, dhe e cila
gjithsesi do ta ketë mbështetjen e fuqishme të Washingtonit.
Këtu mes nuk ka.
Eja në
IPKO
dhe
merr falas!
Bleni numër të ri, për
vetëm 3€ me
3€ mbushje dhe
merrni FALAS:
1000 MIN, 1000 SMS
ose 1000 MB,
sipas zgjedhjes tuaj.
3