Report ni Philip Alston, Special Rapporteur mainaig iti pammapatay ...

panid 32
kadagiti Makatao nga Aspeto, Rehabilitasyon, ken Panagdur-as kasilpu iti Nagtulagan ti GRP
ken MILF idiay Tripoli idi 2001 para iti Panangggun-od iti Kappia). Napirmaan ti nakuna a
pagannurotan idi petsa 7 ti Mayo 2002.
4 Iti kaaduan a konteksto, suroten ti report a daytoy ti kadawyan nga aramid a
pagmaymaysaen ti pananginagan iti CPP, NPA, ken NDF (CPP/NPA/NDF). Ngem no
pormalidad ti pagsaritaan, rumbeng koma a maiduma ti tunggal maysa kadagitoy nga
organisasyon, nupay naipauneg da amin iti panangidaulo ti CPP.
Segun iti konstitusyon na, ipagpagna ti NDF “ti programa a pagkaykaysaen dagiti
demokratiko a dasig ken espesyal a sektor ti gimong para iti rebolusyonaryo a dangadang laban
iti imperyalismo a US, pyudalismo, ken burukrata kapitalismo” (artikulo IV). Iti panagkita ti
NDF, “ti rebolusyon a Pilipino ket nailian a demokratiko a rebolusyon. . . a naipauneg iti
naindasigan a panangidaulo dagiti proletaryado babaen iti Partido Komunista ti Pilipinas
(MLMZT) [partido a mangitandudo iti Marxismo, Leninismo, ken Kapanunotan ni Mao
Zedong]” (artikulo II). (“Constitution of the Democratic Front of the Philippines” (Konstitusyon
ti Demokratiko a Prente ti Pilipinas) a pinasingkedan ti Nasyonal a Kumperensya dagiti
Representatibo ti Nailian a Demokratiko a Prente, Hulyo 1994 (Annex A-2 ti Declaration of
Undertaking to Apply the Geneva Conventions of 1949 and Protocol I of 1977 (Seksyon ti Joint
Secretariat ti GRP-NDFP Joint Monitoring Committee a Nominado ti NDFP [awan petsa])
[Declaration of Undertaking].)
Segun iti “Basic Rules of the New People’s Army” (Batayan a Pagannurotan ti Baro a
Buyot ti Umili) (Annex C ti Declaration of Undertaking), “Kanayon a sumurot ti Baro a Buyot ti
Umili iti idadaulo ti Partido Komunista ti Pilipinas; ngarud, nasken a sumurot isuna iti amin a
desisyon, bilin, ken direktiba ti Nasyonal a Konggreso, Komite-Sentral, Pulitikal a Dibisyon, ken
Komisyon-Militar ti Partido.” (Prinsipyo I, Punto 1). Ti Komisyon-Militar ket organo ti Komite-
Sentral ken kangrunaan a pagsilpuan ti CPP iti NPA (Prinsipyo I, Punto 2). Ngem “Amin a di-aregular
a yunit-panggubat, a kas dagiti yunit ti gerilya, milisya, self-defence, ken armado a
partisano iti syudad, ket direkta a maipauneg iti lokal a komite ti partido. Nupay kasta, awaten
da latta ti direkta a bilin manipud iti Komisyon-Militar wenno iti komand-militar a mangisilpu
kadakuada kadagiti regular nga agalis-alis a puersa.” (Prinsipyo I, Punto 9). Naiparuar ti “Basic
Rules of the New People’s Army” iti Pulong dagiti Nalabaga a Komander ken Mannakigubat (29
ti Marso 1969), ket naaprubaran daytoy ti Komite-Sentral ti CPP (13 ti Mayo 1969). (Mainota
met a nailanad iti artikulo V, seksyon 4 ti “Constitution of the Democratic Front of the
Philippines,” a pinasingkedan ti Nasyonal a Kumperensya dagiti Representatibo ti NDF idi
Hulyo 1994, a “Respetaren dagiti adu-a-benneg a relasyon iti uneg ti Nailian a Demokratiko a
Prente dagiti madama a dua-a-benneg a relasyon dagiti makikaysa nga organisasyon. Ti Baro a
Buyot ti Umili ket naipauneg iti absoluto a panangidaulo ti Partido-Komunista ti Pilipinas.”
(Annex A-2 ti Declaration of Undertaking).)
5 Ti naiparang a bilang dagiti mannakigubat ti NPA ket pammatapata laeng ti Gubyerno.
Nailadawan ti CPP/NPA/NDF kas “kabilegan a pangta” iti maysa nga ababa nga innadal nga
imbingay ti Executive Secretary (Sekretaryo-Ehekutibo) ken dadduma pay a nangangato nga
opisyales. Segun kadagiti rekord ti Gubyerno, manipud idi tawen 2000, nakapatay ti NPA iti
kameng ti pulisya ken militar iti amin a rehion malaksid iti Autonomous Region of Muslim