Report ni Philip Alston, Special Rapporteur mainaig iti pammapatay ...

panid 46
pammapatay kasilpu iti panagsingir iti buwis, gapu daytoy ta impasa na ti impormasyon iti AFP
wenno PNP tapno matiliw dagiti miembro ti CPP wenno NPA ket malisian na ti panagbayad.
43 Iladladawan ti CPP/NPA/NDF ti bagi na a kas “sovereign” wenno kangatwan nga
agturay a kas grupo nga addaan iti “status of belligerency” (i.e., kayat na a sawen, ket maysa nga
armado nga bunggoy nga akin tengngel ti makaanay a nasakupan a daga tapno bigbigen ti
gangannaet nga estado a kas maysa a gobyerno) Buybuyaen ti CPP/NPA/NDF ti bagi na a kas
gupo nga addaan iti “pulitikal nga awtoridad a mangibagi iti umili a Pilipino ken kadagiti
organisado a puersa a pampulitika a mangiwaywayat iti armado a rebolusyonaryo a dangadang
para iti nailian a wayawaya ken demokrasya, iti panangirupir iti karbengan iti bukod a
panangngeddeng” (Declaration of Undertaking). Nu daytoy ti pangibasaran, iruprupir ti
CPP/NPA/NDF nga adda awtoridad na a mangipataray iti bukod na a sistema ti hustisya mainaig
kadagiti krimen. Ipingpinget ti CPP/NPA/NDF a ti kastoy a karbengan na ket pasingkedan ti
CARHRIHL, a pinirmaan dagiti mangibagi iti Gubyerno ken iti NDF idi 16 ti Marso 1998.
Segun iti CARHRIHL, Paset III, Artikulo 4, “Maimbestigar ken, no ipakita ti ebidensya a
rumbeng, ket mausig iti korte dagiti manglabsing wenno mangabuso kadagiti karbengan-tao. . .
.”
44 Nailanad iti “Guide for Establishing the People’s Democratic Government” (1972),
Maikatlo a Tsapter, ti batayan a proseso a masurot iti panagusig iti kaso iti korte ti umili. Ngem
saan na nga ipalpalawag no ania a paglintegan ti maiyaplikar. Kuna dagiti mangibagi iti NDF,
manarimaan pay ti proseso ti panangisurat iti paglintegan, sumagmamanu a kasuratan ti
nangparnuway ti penal code wenno natipon a linteg para iti panag-usig. Karaman kadagitoy ti
“Guide for Establishing the People’s Democratic Government”, ti “Basic Rules of the New
People’s Army” (1969), ti “Rules in the Investigation and Prosecution of Suspected Enemy
Spies” (Pagannurotan iti Panangimbestigar ken Panagusig kadagiti Tattao a Suspetsado kas
Espiya ti Kabusor) (1989), ken ti “NDFP Declaration of Undertaking to Apply the Geneva
Conventions of 1949 and Protocol I of 1977” (1996). Iti “Basic Rules of the New People’s
Army”, adda ti listaan dagiti basol a madusa babaen iti panagparuar ken pammapatay no ti
nakabasol ket miembro ti NPA — “nagtraydor, nakikadwa iti kabusor, pinanawan na iti saad na,
nagespiya, nangsabotahe, nangparugso, nagparugso ti yaalsa, murder, nagtakaw, nang-rape,
nangigagara nga nag-uram , ken nakaro a panangkurap iti pundo ti umili” (Prinsipyo IV, Punto
8). Ngem awan ti naisurat ditoy wenno iti aniaman kadagiti naibaga nga instrumento nga aktwal
a depenisyon dagiti kangrunaan nga paset dagitoy a krimen.
45 Ti kadawyan nga Artikulo 3(1)(d) a iti Geneva Conventions of 1949; Protocol I, Artikulo
75(4); Rome Statute of the International Criminal Court (Alagaden ti Roma ti Internasyonal a
Korte para kadagiti Krimen), Artikulo 8(2)(c)(iv); International Committee of the Red Cross,
Customary International Humanitarian Law (Nainkaugalian a Paglintegan a Makatao), Jean-
Marie Henckaerts ken Louise Doswald-Beck (dagiti editor), Cambridge University Press, 2005,
Pagannurotan 100-103, 156.
46 Pinalawag dagiti mangibagi iti NDF nga ti rebbengen kadagiti tatao ket mangsaksakop iti
nadumaduma a sitwasyon mairaman nu ti maysa a tao ti makagapo ti dunor, pannakadadael iti
sanikua, wenno pannakatay ti dadduma a tao, ket rumbeng ngarud a maballaagan isuna; no ti tao
nagbalin a paset ti struktura-militar, ket rumbeng ngarud a maibilang isuna a kas lehitimo a