Kennaraháskóli Íslands

ársskýrsla2007
sviði símenntunar og fjalla um mál sem beint er til þeirra af
háskólaráði, rektor, kennslusviði, rannsóknarsviði, þjónustusviði,
rekstrarsviði eða aðilum utan skólans.
Fagráð við Kennaraháskóla Íslands árið 2007 voru 17 talsins,
þ.e. fagráð í félagsfræði, fjölmenningarfræðum, fötlunarfræðum,
íslensku, kennslu- og menntunarfræði, sálfræði,
upplýsingatækni og miðlun, heimspeki, list- og verkgreinum,
lýðheilsu, námi og kennslu ungra barna, náttúrufræði
og náttúrufræðimenntun, samfélagsgreinum, um
samskipti mál og læsi, skóla og samfélag án aðgreiningar,
stærðfræði og stærðfræðimenntun og útinám. Nánast allir
kennarar skólans starfa með einu eða fleiri fagráðum.
Rannsóknarstofur
Samkvæmt reglum um Kennaraháskóla Íslands er heimilt
að setja upp rannsóknarstofur eða rannsóknarhópa um
ákveðin verkefni og hvetur skólinn starfsmenn sína til að
stofna slíkar stofur á sínu fræðasviði og þverfræðilega með
aðilum á öðrum fræðasviðum. Á árinu samþykkti háskólaráð
reglur um starfsemi rannsóknarstofa við skólann. Leitast
verður við að stofna og starfrækja rannsóknarstofur á öllum
fræðasviðum skólans.
Á árinu voru stofnaðar fyrstu þrjár rannsóknarstofurnar. Þær
eru rannsóknarstofa í menntunarfræðum ungra barna,
rann sóknarstofa í fjölmenningarfræðum og rannsóknar stofa
um þroska, mál og læsi barna og unglinga. Á árinu var auk
þeirra undirbúin stofnun rannsóknarstofu í íþrótta- og heilsufræðum
og rannsóknarstofu um skóla án aðgreiningar.
Gæðastjórnun
Árið 2007 var haldið áfram að þróa leiðir til að bæta starf
skólans og setja verklagsreglur fyrir ýmsa þætti í starfsemi
hans. Unnið var að samþættingu og samræmingu á ýmsum
þáttum náms við skólann og þjónustu sem hann veitir.
Þjónustuver
Í lok september 2007 var opnað þjónustuver í anddyri skólahússins
við Stakkahlíð. Þjónustuverinu er ætlað að bæta og
samræma þjónustu við nemendur, starfsfólk og aðra sem
leita til stofnunarinnar. Við þessa breytingu var nemendaskrá
skólans flutt í þjónustuverið ásamt almennri afgreiðslu, símaog
póstþjónustu.
Siðareglur
Samkvæmt lögum um háskóla ber öllum háskólum að setja
sér siðareglur. Í júní 2007 samþykkti háskólaráð Kennara háskóla
Íslands siðareglur fyrir skólann.
Ráðstefnur og málþing
Á hverju háskólaári eru haldin í Kennaraháskólanum málþing
og fundir um ýmis málefni sem tengjast fræðasviði skólans.
Annars vegar er um að ræða skipulagða fyrirlestra á vegum
Símenntunar – rannsóknar – ráðgjafar (SRR), sjá bls 36, hins
vegar ráðstefnur og málþing á vegum skólans og í samstarfi
við aðra aðila. Sem dæmi má nefna að í febrúar voru rannsóknir
í kynjafræðum til umræðu, í mars var ráðstefna í samvinnu
við fjölmarga aðra aðila um íslensku sem annað tungumál
undir yfirskriftinni Innflytjendur og framhaldsskólinn og í
maí var haldið málþing um útivist í tilefni þess að árið 2008
verður boðið útivistarnám við skólann í samstarfi við nokkra
aðra háskóla á Norðurlöndum. Dagana 8. og 9. júní efndu
Háskóli Íslands, Kennaraháskólinn og Náttúru fræði stofnun
Íslands til Jónasarstefnu þar sem varpað var ljósi á list Jónasar
Hallgrímssonar, líf hans og fræði. Þá er þess að geta að í lok
október stóð jafnréttisnefnd Kennaraháskólans fyrir dagskrá
sem bar yfirskriftina Jafnrétti og skóli.
Árlegt málþing skólans Rannsóknir – nýbreytni – þróun var
haldið 18.–19. október. Að þessu sinni var yfirskrift málþingsins
Maður brýnir mann. Samskipti, umhyggja, samábyrgð.
Nánar er greint frá því á bls. 36.
Upplýsinga- og samráðsfundir
Ársfundur
Ársfundur Kennaraháskóla Íslands var haldinn 23. maí 2007.
Á fundinum var dreift skýrslu um starfsemi skólans árið 2006
og gerð grein fyrir helstu þáttum starfsins, fjárreiðum stofnunarinnar
og markmiðum næsta starfsárs.
Misserisþing
Sú hefð hefur skapast í starfi Kennaraháskólans að efna
tvisvar á hverju háskólaári til umræðu meðal kennara og
starfsfólks um tiltekin málefni sem mikilvæg þykja fyrir uppbyggingu
og þróun starfsins í skólanum. Samstarfsdagar þessir
eru nefndir misserisþing og er stúdentaráði boðin þátttaka í
þeim. Misserisþing vorið 2007 var haldið 26. febrúar og helgað
fyrirhugaðri sameiningu Háskóla Íslands og framtíðarsýn
skólans sem nýtt menntavísindasvið innan Háskólans. Um
haustið var misserisþing haldið 30. nóvember. Þar var fjallað
um rannsóknir og rannsóknarstefnu skólans, m.a. drög að
endurskoðaðri rannsóknarstefnu, rannsóknarumhverfi, val á
áherslusviðum, samstarf við skóla og fyrirtæki um rannsóknir
og þróunarstarf og fjármögnun rannsókna.
Upplýsingafundir rektors
Eins og venja er boðaði rektor til nokkurra upplýsinga- og
umræðufunda á árinu. Markmið fundanna var að gefa starfsfólki
aukin tækifæri til að fylgjast með þróun stofnunarinnar
og koma á framfæri skoðunum sínum á þeim málefnum sem
tekin voru fyrir hverju sinni. Á árinu 2007 tóku þessir fundir
mjög mið af væntanlegri sameiningu Kennaraháskólans og
Háskóla Íslands.
Auk þessara almennu umræðufunda bauð rektor til fundarraðar
þar sem fjallað var í minni hópum um skipulag og
stjórn sýslu hins nýja menntavísindasviðs og hugsanlega
deildaskiptingu þess.
ársskýrsla2007
10
11