Kennaraháskóli Íslands

Kennslusvið
ársskýrsla2007
Kennslusvið Kennaraháskóla Íslands nær til málefna sem
lúta að kennslu. Eins og fram kemur í skýrslu þessari urðu
gagngerar breytingar á skipulagi náms við skólann á árinu
2007.
Fram til 1. ágúst 2007 var námi við skólann skipað í tvær
deildir, grunndeild og framhaldsdeild. Þegar nýtt námsskipulag
tók gildi 1. ágúst var deildaskipting lögð af. Fram
að þeim tíma voru deildarforsetar grunn- og framhaldsdeilda
framkvæmdastjórar kennslusviðs. Eftir breytinguna
tók aðstoðarrektor kennslu við stjórn kennslusviðs með
þeirri undantekningu að aðstoðarrektor rannsókna stjórnar
rannsóknartengdu framhaldsnámi.
Fyrst verður gerð grein fyrir starfi grunndeildar og framhaldsdeildar
á vormisseri 2007. Þá verður fjallað um inntöku
haustið 2007 og síðan nám samkvæmt nýju námsskipulagi
sem tók gildi á haustmisseri, sjá kaflann Nýtt
námsskipulag á bls. 19.
Nám og kennsla
á vormisseri 2007
Grunndeild
Í grunndeild var boðið 90 eininga (180 ECTS) nám til B.A.-,
B.Ed.- og B.S.-gráðu fyrir verðandi grunnskólakennara,
íþróttafræðinga, leikskólakennara, tómstundafræðinga og
þroskaþjálfa. Í grunndeild var einnig boðið nám til kennsluréttinda
og viðbótarnám sem ætlað er þeim stéttum sem
Kennaraháskólinn menntar, sjá nánar bls. 16.
Deildarforseti grunndeildar til 1. apríl var dr. Guðmundur K.
Birgisson. Síðar á vormisseri tók dr. Hanna Ragnarsdóttir við
því starfi. Í deildarráði grunndeildar sátu auk deildarforseta
Hanna Ragnarsdóttir lektor, Guðný Helga Gunnarsdóttir
lektor, Meyvant Þórólfsson lektor og Hafþór Guðjónsson
dósent. Fulltrúar stúdenta í deildarráði á vormisseri voru
Guðrún Björk Freysteinsdóttir og Hermann Örn Kristjánsson
en á haustmisseri Júlía Þorvaldsdóttir og Elvar Snær
Kristjánsson.
Helstu verkefni á vormisseri 2007
Deildarráð var samkvæmt reglum um Kennaraháskóla
Íslands samstarfsvettvangur um kennslu við skólann og
deildarforseta til ráðuneytis um stjórn og umsýslu náms í
grunndeild. Helstu verkefni deildarráðs grunndeildar tóku
mið af þeim markmiðum sem sett voru fram í ársskýrslu
síðasta árs. Deildarráð grunndeildar og framhaldsdeildar
héldu flesta fundi sína á árinu sameiginlega vegna heildarendurskipulagningar
námsins.
Endurskoðun náms
Meginverkefni deildarráðs grunndeildar á vormisseri 2007
var að ljúka endurskoðun náms á bakkalárstigi í Kennaraháskólanum
og endurskipuleggja námskeið og námsleiðir
samkvæmt þeim ákvörðunum sem teknar höfðu verið. Auk
þess var unnið að því að laga lýsingar á námi að Viðmiðum
um æðri menntun og prófgráður í samræmi við Bolognasamkomulagið
sem Ísland er aðili að.
Námsbrautir í grunndeild á
vormisseri 2007
Í grunndeild var í boði nám á sex námsbrautum á vormisseri
2007, auk viðbótarnáms fyrir þær stéttir sem Kennaraháskólinn
menntar.
Grunnskólabraut
Grunnskólakennaranám til B.Ed.-gráðu, 90 einingar (180
ECTS), skiptist í menntunarfræði, greinasvið í kjarna, kjörsvið,
frjálst val og vettvangsnám.
Kjörsvið á grunnskólabraut voru:
• Íslenska
• Íslenskt táknmál
• Stærðfræði
• Erlend mál (enska og danska)
• Náttúrufræði (líffræði, eðlis- og efnafræði, landafræði)
• Samfélagsgreinar (kristin fræði og trúarbragðafræði,
landafræði, saga og þjóðfélagsfræði)
• Heimilisfræði
• Hönnun og smíði
• Myndmennt
• Textílmennt
• Tónlist, leiklist og dans
• Yngri barna svið
• Upplýsingatækni
Nám á grunnskólabraut var í boði bæði sem staðnám og
fjarnám.
Forstöðumaður grunnskólabrautar á vormisseri var Baldur
Sigurðsson dósent.
Íþróttabraut
Nám í íþróttafræðum til B.S.-gráðu eða B.Ed.-gráðu, 90 eininga
(180 ECTS) staðnám. Nám til B.S.-gráðu var sniðið að
þörfum þeirra sem ætla sér að starfa við þjálfun íþróttamanna
en nám til B.Ed.-gráðu hentar þeim sem hyggjast
starfa við kennslu. Námið fór fram á Laugarvatni.
Forstöðumaður íþróttabrautar á vormisseri var Ann-Helen
Odberg lektor.
Kennsluréttindabraut
Nám á kennsluréttindabraut var 30 einingar (60 ECTS) og
dreifðist á tvö ár. Námið var ætlað þeim sem lokið hafa
prófi í faggrein, s.s. háskólaprófi í sérgrein eða meistaraprófi
í iðngrein, og vilja öðlast kennsluréttindi á sérsviði sínu.
Námið skiptist í uppeldisgreinar, kennslufræði og vettvangsnám
og var í boði bæði sem staðnám og fjarnám. Ef
umsækjendur fullnægðu skilyrðum 12. greinar laga nr.
86/1998 gátu þeir sótt um 15 eininga (30 ECTS) nám á
brautinni.
Forstöðumaður kennsluréttindabrautar á vormisseri var
Hróbjartur Árnason lektor.
ársskýrsla2007
14
15