Kennaraháskóli Íslands

ársskýrsla2007
Leikskólabraut
Leikskólakennaranám til B.Ed.-gráðu, 90 einingar (180
ECTS), skiptist í grunnnámskeið, uppeldis- og kennslufræði,
námssvið leikskólans, valnámskeið og vettvangsnám. Nám
á leikskólabraut var í boði bæði sem staðnám og fjarnám.
Forstöðumaður leikskólabrautar á vormisseri var Hrönn
Pálmadóttir lektor.
Tómstundabraut
Á tómstundabraut var unnt að ljúka 90 eininga (180 ECTS)
námi til B.A.-gráðu. Námið var skipulagt sem fjarnám með
staðlotum og var ætlað þeim sem vinna að tómstundamálum
í grunnskólum og félagsmiðstöðvum, hjá íþrótta- og
æskulýðsfélögum og á öðrum slíkum vettvangi. Námið
skiptist í menntunarfræði, tómstundafræði, valnámskeið og
vettvangstengd verkefni.
Forstöðumaður tómstundabrautar á vormisseri var Vanda
Sigurgeirsdóttir lektor.
Þroskaþjálfabraut
Þroskaþjálfanám til B.A.-gráðu, 90 einingar (180 ECTS),
skiptist í þroskaþjálfafræði, fötlunafræði, félagsfræði, þroskasálfræði,
siðfræði, valnámskeið og vettvangsnám. Nám á
þroskaþjálfabraut var í boði bæði sem staðnám og fjarnám.
Forstöðumaður þroskaþjálfabrautar á vormisseri var Vilborg
Jóhannsdóttir lektor.
Viðbótarnám
Auk ofangreindra námsbrauta bauð Kennaraháskóli Íslands
viðbótarnám þar sem kennurum og þroskaþjálfum gafst
kostur á að bæta við grunnmenntun sína.
Annars vegar var um að ræða viðbótarnám til fyrstu
háskólagráðu fyrir þá sem luku námi frá Fósturskóla Íslands,
Íþróttakennaraskóla Íslands og Þroskaþjálfaskóla Íslands
áður en þeir sameinuðust Kennaraháskóla Íslands 1998.
Nemendur sem völdu þennan kost fylgdu námi á viðkomandi
námsbraut. Hins vegar var boðið almennt viðbótarnám
þar sem ýmsum námskeiðum var raðað saman án
þess að stefnt væri að því að ljúka prófgráðu.
Námsráðgjafar skólans höfðu umsjón með því námi.
Framhaldsdeild
Á vormisseri 2007 var í framhaldsdeild boðið nám til M.Ed.-
gráðu í uppeldis- og menntunarfræði, 60 einingar (120
ECTS). Einnig bauðst 30 eininga (60 ECTS) nám (fyrri hluti
meistaranáms) í sérkennslufræði, stjórnun menntastofnana
og þroskaþjálfa- og fötlunarfræði og síðari hluti meistaranáms
til M.Ed.-gráðu, ætlað þeim sem áður höfðu lokið
fyrri hluta meistaranáms. Í íþrótta- og heilsufræði bauðst 60
eininga (120 ECTS) rannsóknartengt framhaldsnám til M.S.-
gráðu. Enn fremur var í boði nám til doktorsgráðu (Ph.D.).
Deildarforseti framhaldsdeildar til 1. ágúst 2007 var dr.
Ragnhildur Bjarnadóttir. Deildarráð skipuðu auk deildarforseta
Jóhanna Einarsdóttir prófessor, Gunnar E. Finnbogason
dósent, Steinunn Helga Lárusdóttir dósent og Þorsteinn
Helgason dósent. Fulltrúar nemenda voru Guðrún Vala
Elísdóttir og Árni Guðmundsson.
Helstu verkefni á vormisseri 2007
Deildarráð framhaldsdeildar var samkvæmt reglum um
Kennaraháskóla Íslands samstarfsvettvangur um kennslu við
skólann og deildarforseta til ráðuneytis um stjórn og
umsýslu náms í deildinni. Helstu verkefni deildarráðs framhaldsdeildar
tóku mið af þeim markmiðum sem sett voru
fram í ársskýrslu síðasta árs. Deildarráð grunndeildar og
framhaldsdeildar héldu flesta fundi sína á árinu sameiginlega
vegna heildarendurskipulagningar námsins.
Endurskoðun náms
Á árinu voru gerðar töluverðar breytingar á skipan náms í
framhaldsdeild. Leitast var við að bæta og efla námið enn
frekar, auka sveigjanleika í kennslu og námsframboð fyrir
þá sem vilja hefja meistaranám strax að loknu bakkalárnámi.
Var það í samræmi við markmið sem sett voru fram í
síðustu ársskýrslu. Unnið var að því að skipuleggja bæði
starfstengt og rannsóknartengt framhaldsnám. Lýsingar á
námi voru felldar að Viðmiðum um æðri menntun og prófgráður
í samræmi við Bologna-samkomulagið sem Ísland
er aðili að.
Námsbrautir í framhaldsdeild á
vormisseri 2007
Uppeldis- og menntunarfræði
Um var að ræða 60 eininga (120 ECTS) framhaldsnám sem
lauk með M.Ed.-gráðu.
Námið var bæði hagnýtt og fræðilegt, annars vegar ætlað
þeim sem vildu halda áfram námi að loknu bakkalárnámi
og hins vegar starfandi kennurum.
Á námsbrautinni var unnt að stunda almennt nám í uppeldis-
og menntunarfræði en einnig gafst nemendum kostur
á að byggja upp þekkingu sína á ýmsum sérsviðum
menntunarfræða. Eftirfarandi námsleiðir voru í boði: fjölmenning,
fullorðinsfræðsla, íþrótta- og heilsufræði, kennslufræði
og skólastarf, nám og kennsla ungra barna, stærðfræðimenntun
og tölvu- og upplýsingatækni.
Ragnhildur Bjarnadóttir deildarforseti hafði umsjón með
námi á brautinni.
Sérkennslufræði
Nám í sérkennslufræði var 30 einingar (60 ECTS) og lauk
með Dipl.Ed.-gráðu sem jafnframt er fyrri hluti meistaranáms.
Námið var ætlað starfandi kennurum, þroskaþjálfum og
öðrum uppeldisstéttum sem vildu auka þekkingu sína og
hæfni á sviði sérkennslufræða.
Forstöðumaður var Dóra S. Bjarnason prófessor.
Stjórnun menntastofnana
Nám í stjórnun menntastofnana var 30 einingar (60 ECTS)
og lauk með Dipl.Ed.-gráðu sem jafnframt er fyrri hluti
meistaranáms.
Námið var einkum ætlað skólastjórum og stjórnendum
annarra menntastofnana, millistjórnendum, ráðgjöfum,
kennurum og öðrum þeim sem stefndu á stjórnunarstörf í
skólum og öðrum menntastofnunum.
Forstöðumaður var Börkur Hansen prófessor.
Þroskaþjálfa- og fötlunarfræði
Nám í þroskaþjálfa- og fötlunarfræði var 30 einingar (60
ECTS) og lauk með Dipl.Ed.-gráðu sem jafnframt er fyrri
hluti meistaranáms.
Námið var ætlað þroskaþjálfum og öðrum sem vinna með
fötluðu fólki á öllum aldri hvar sem er í samfélaginu.
Markmiðið með náminu var að dýpka þekkingu og auka
færni í þroskaþjálfun með megináherslu á nýjar rannsóknir,
hugmyndir og vinnubrögð innan fötlunarfræða.
Forstöðumaður var Guðrún V. Stefánsdóttir lektor.
ársskýrsla2007
16
17