Kennaraháskóli Íslands

Áfang ar í starfi árið 2007
ársskýrsla2007
Aldarafmæli
Ákveðið var að minnast hundrað ára afmælis Kennaraskólans
nú Kennaraháskólans með margvíslegum hætti á
háskólaárinu 2007–2008. Rektor skipaði nefnd til að undirbúa
viðburði á afmælisárinu og voru þeir helstu kynntir í
upphafi skólaárs. Á skólaárinu hófst fjölbreytt dagskrá sem
fyrirhugað er að standi til vors 2008.
Nýskipan náms
Ný námskrá Kennaraháskólans tók gildi haustið 2007. Með
henni komu til framkvæmda þær breytingar sem unnið
hefur verið að síðastliðin þrjú ár. Námi við Kennaraháskólann
er nú skipað á fjórar brautir: kennarabraut, íþróttaog
heilsubraut, þroskaþjálfa- og tómstundabraut og rannsóknarnámsbraut
og það skipulagt sem samfellt fimm ára
háskólanám sem lýkur með meistaragráðu. Er það í samræmi
við lagafrumvarp sem lagt var fram á Alþingi haustið
2007. Þar er gert ráð fyrir meistaraprófi til að öðlast löggildingu
til kennarastarfs. Þar til sú breyting hefur verið staðfest
með lögum lýkur kennaranámi með bakkalárgráðu.
Breytingar á stjórnsýslu skólans
Nokkrar breytingar urðu á stjórnsýslu skólans á árinu í
tengslum við nýskipan námsins. Þar til ný námskrá tók gildi
voru deildarforsetar grunn- og framhaldsdeilda framkvæmdastjórar
kennslusviðs. Eftir breytinguna, 1. ágúst
2007, tók aðstoðarrektor kennslu við stjórn kennslusviðs
með þeirri undantekningu að rannsóknartengt framhaldsnám
heyrir undir aðstoðarrektor rannsókna sem þá tók við
stjórn rannsóknarsviðs. Áður var rannsóknarsviði stjórnað af
framkvæmdastjóra. Aðstoðarrektorum til ráðgjafar er
kennslu ráð sem tók við hlutverki deildarráða í fyrra skipulagi.
Vísindaráð hefur áfram ráðgjafarhlutverk hvað varðar
rannsóknir við skólann. Námsbrautarstjórar og námsbrautarstjórnir
hafa daglega umsjón með námi á hverri námsbraut
fyrir sig.
Í kjölfar þessara breytinga var orðalagi í reglum skólans
breytt til samræmis við þær.
Símenntunarstofnun og Rannsóknarstofnun
sameinaðar
Í byrjun árs voru sameinaðar tvær stofnanir innan skólans,
Rannsóknarstofnun, sem áður tilheyrði rannsóknarsviði, og
Símenntunarstofnun. Þá tók til starfa ný stofnun Símenntun
– rannsóknir – ráðgjöf (SRR). Meginhlutverk hennar er að
veita aðilum utan Kennaraháskólans þjónustu á fræðasviði
uppeldis, menntunar og þjálfunar og mun hún sinna verkefnum
þeim sem Rannsóknarstofnun og Símenntunarstofnun
sinntu áður, svo sem símenntun, þjónusturannsóknum,
ráðgjöf, skipulagningu málþinga og fyrirlestra og
útgáfu á sviði uppeldis, menntunar og þjálfunar.
Sameining Kennaraháskóla Íslands
og Háskóla Íslands
Í upphafi árs 2007 voru samþykkt á Alþingi lög um sameiningu
Háskóla Íslands og Kennaraháskóla Íslands. Þar kemur
fram að sameiningin skuli taka gildi 1. júlí 2008. Markmið
sameiningarinnar er að efla háskólamenntun á Íslandi,
tryggja fjölbreyttara og sveigjanlegra námsframboð í námi
kennara og annarra uppeldisstétta, skapa aukin tækifæri
fyrir nemendur, styrkja kennslu og rannsóknir í uppeldis- og
menntavísindum, efla stoðþjónustu í sameinuðum háskóla
og skapa forsendur fyrir því að menntun á sviði uppeldisog
menntunarfræða á Íslandi sé sambærileg við það sem
best gerist í okkar nágrannalöndum.
Rektorar háskólanna tveggja réðu verkefnisstjóra til að
stjórna verkinu í samráði við sig. Verkefnisstjóri fékk til liðs
við sig tvo fulltrúa hvors skóla í sameiginlega verkefnisstjórn
til að annast undirbúning, framkvæmd og eftirfylgni með
sameiningarferlinu. Skipaðir voru fjölmargir formlegir og
óformlegir verkefnishópar til að fjalla um afmörkuð svið í
sameiningarferlinu, sjá t.d. bls. 40. Skila þeir skýrslum
sínum til verkefnisstjórnarinnar.
Síðari hluta ársins var orðið ljóst að hinn sameinaði háskóli
myndi skiptast í fimm fræðasvið. Kennaraháskóli Íslands
mun verða meginuppistaða eins þeirra og mynda menntavísindasvið
Háskóla Íslands frá 1. júlí 2008. Fyrst um sinn
mun menntavísindasvið starfa í húsnæði núverandi Kenn-
arahá skóla en stefnt er að því að menntavísindasvið flytji í
nýbyggingar á lóð Háskóla Íslands við Suðurgötu innan
fimm ára.
Í sameiningarferlinu er lögð rík áhersla á að byggja upp
traust til hins nýja háskóla, fylkja starfsfólki og nemendum
um nýja framtíðarsýn skólans og leggja grunn að góðum
starfsanda og sameiginlegri stofnanamenningu. Með þetta í
huga bauð rektor Kennaraháskólans í upphafi háskólaársins
öllu starfsfólki beggja skólanna til samkomu í Fjöru, mötuneyti
skólans við Stakkahlíð.
Umsókn um viðurkenningu háskóla
Samkvæmt ákvörðun menntamálaráðuneytisins skilaði
Kennaraháskóli Íslands, líkt og aðrir háskólar sem starfa á
félagsvísindasviði, umsókn um viðurkenningu háskóla á
fræðasviði sínu haustið 2007. Í viðurkenningunni felst staðfesting
á að starfsemi háskólans sé í samræmi við lög um
háskóla (63/2006), en viðurkenningin er byggð á alþjóðlegum
viðmiðum um háskólastarfsemi og er ætlað að stuðla
að því að íslenskir háskólar uppfylli gæðakröfur og standist
alþjóðlegan samanburð.
Umsókninni, sem skilað var bæði á íslensku og ensku,
fylgdu ítarleg fylgiskjöl með upplýsingum um alla þætti í
starfsemi skólans. Áætlað er að menntamálaráðuneytið
svari umsókninni í upphafi árs 2008 að fenginni niðurstöðu
erlendrar sérfræðinganefndar sem falið var að meta
umsókn skólans.
Aukið samstarf Kennaraháskóla Íslands
við grunn- og leikskóla
Á árinu undirritaði rektor Kennaraháskóla Íslands samstarfssamninga
við 76 grunn- og leikskóla. Annars vegar fela
samningarnir í sér samstarf um framkvæmd vettvangsnáms,
sjá nánar bls. 23. Hins vegar eru þeir viljayfirlýsing skólanna
um að skapa möguleika á samstarfi á breiðari grunni, t.d.
um þróunarverkefni, rannsóknir eða kennslu faggreina.
Starfstengt diplómunám fyrir fólk með
þroskahömlun
Á árinu samþykkti háskólaráð að hrint yrði af stað tilraunaverkefni
um starfstengt diplómunám fyrir fólk með þroskahömlun
í samstarfi við Fjölmennt – fullorðinsfræðslu fatlaðra
og Landssamtökin Þroskahjálp. Um er að ræða nýjung
í samræmi við yfirlýsta stefnu Kennaraháskóla Íslands,
mannréttindasáttmála og alþjóðlega stefnu hagsmunasamtaka
fólks með þroskahömlun. Námið er skipulagt út frá
þörfum og möguleikum nemenda með það að markmiði
að undirbúa þá til afmarkaðra starfa á vettvangi þroskaþjálfa
og tómstunda- og félagsmálafræðinga. Námið veitir ekki
háskólagráðu heldur viðurkenningu (diploma) og er tengt
Evrópsku samstarfsverkefni á sviði háskólamenntunar fyrir
þroskahamlaða. Frá hausti 2007 hefur hópur fólks með
þroskahömlun stundað nám þetta við þroskaþjálfa- og
tómstundabraut skólans.
Á alþjóðadegi fatlaðra 2007 hlaut Kennaraháskólinn Múrbrjót
inn, viðurkenningu Landssamtakanna Þroskahjálpar,
fyrir frumkvæði sitt við þetta verkefni. Skólinn var einnig tilnefndur
til Hvatningarverðlauna Öryrkjabandalags Íslands
fyrir frumkvöðlastarf að þessu námi.
Fagráð
Í reglum um Kennaraháskóla Íslands er ákvæði um fagráð
og verkefni þeirra. Fagráðum er ætlað að taka þátt í þróun
náms- og kennsluskrár, efla rannsóknir á sínu sviði og
stuðla að samstarfi kennara um rannsóknarverkefni. Þau
skulu einnig veita ráðgjöf um innkaup og aðstöðu til
kennslu á sviðinu, leggja fram hugmyndir um verkefni á
ársskýrsla2007
8
9