Fletorja ime e mençur e mësimit Si të mësoj sa më ... - Kanton Zürich

T 7
Ushtrimi, trajnimi dhe mësimi përmendsh:
Edhe më tepër këshilla dhe teknika
Këtu gjen edhe shtatë këshilla të tjera të çmuara të mësimnxënies
për të ushtruar dhe për të mësuar përmendsh!
1. Atë që e ushtron drejtpërdrejtë para gjumit, shpesh ngulitet
në kujtesë në mënyrë veçanërisht të mirë!
Direkt para se të shkosh në shtrat përsëriti fjalët e vështira të
anglishtes, vjershën që duhet ta dish në mëngjes, rendin e 12-
të (1x12, 2x12 …) apo atë që përndryshe duhet ta mësosh.
Fike dritën dhe çuditu të nesërmen se si e ditke befas mësimin
e ushtruar!
2. Ajo të cilën e shkruan dhe pastaj ia deklamon vetes me zë,
mbetet më mirë në kujtesë, se sa ajo që vetëm e lexon.
Shkruaje në letër atë që e ke mësuar (drejtshkrimi apo fjalët e
tua anglisht, vitet, bimët apo çdo gjë tjetër). Deklamoja vetes
me zë. Tash je marrë me tri «kanale»: të lexuarit – të shkruarit
– të folurit. Kjo është më mirë për qëndrueshmërinë e detyrës
së mësuar, sesa nëse ti mëson vetëm nga një kanal (për këtë
shih po ashtu gT1 «Mësimnxënia në mënyra të ndryshme»).
3. Më mirë e mban në mend atë që mund ta konkretizosh apo
ta ilustrosh përmes një skice, një vizatimi apo një diagrami,
sesa atë që vetëm e ke shoshitur në kokë.
Për ta bërë një skicë të mirë duhet ta kesh kuptuar vërtet lëndën.
Pra, skica të ndihmon për ta shoshitur në kokë krejtësisht
saktë detyrën e mësuar. Dhe ajo është një mjet i mirë për të
mbajtur diçka në mend.
4. Ndonjëherë, për të mbajtur në mend një mësim, ndihmojnë
sajesat e veçanta për të kujtuar diçka.
Për shembull, përmes një fjalie, njeriu mund ta shquajë mirë
rendin e planeteve «Mrika e vuri në tokë macën e Jetmirit,
sepse ajo urinoi natën.» (Merkuri, Venera, Toka, Marsi, Jupiteri,
Saturni, Urani, Neptuni).
Provoje që, sa herë harron diçka në mënyrë të përsëritur, të
bësh vetë sajesa të tilla të mbamendjes!
34