Fletorja ime e mençur e mësimit Si të mësoj sa më ... - Kanton Zürich

T 24
7. Ushtrimi i referatit me gojë
Mbaje tash një herë referatin ashtu si do ta mbash në shkollë
(me të gjitha fotografitë, mediumet etj.). Sa më lirshëm që
flet, aq më mirë.
Posaçërisht është mirë nëse të dëgjon dikush gjatë ushtrimit.
Ai apo ajo mund të të thotë, për shembull, nëse po flet tepër
shpejt apo ngadalë apo diçka tjetër që bie në sy.
Respekto këto masa gjatë ushtrimit:
1. Në fillim lexoje tekstin prej fletës. Megjithatë, që tash përpiqu
që ndonjëherë ta ngresh shikimin prej fletës dhe t‘i
shikosh dëgjuesit (Si publik mund t’i vendosësh para vetes
ariun tënd me push apo një fotografi!).
2. Pastaj shenjoji në tekst vendet posaçërisht të rëndësishme
dhe mundohu që vetëm ndonjëherë të shikosh në fletë.
Vështro përndryshe në publik.
3. Referatin mundohu ta mbash krejtësisht i lirë. Që mos të
harrosh diçka, mund të bësh gati kartela të vogla apo skeda
në të cilat qëndrojnë shënimet më të rëndësishme për
çdo pjesë të temës.
jo kështu (gabimisht)!
korrekt! (drejt)!
Çka nuk duhet të ndodhë:
• Mos fol me zë tepër të ulët apo tepër shpejt.
• Mos u bëj i mërzitshëm duke folur në mënyrë monotone.
• Mos nxito gjatë leximit të tekstit duke mos bërë asnjë
pushim.
• Mos qëndro i ngurtë dhe si i ngrirë para klasës duke mos
lëvizur fare.
• Mbaje kontaktin me sy me publikun tënd.
Më së miri është ta lutësh dikë që të të vëzhgojë dhe të të
thotë se çka ishte mirë e çka nuk ishte.
Këshillë
Dhe ja një
këshillë e fundit: Para se ta
mbash një referat në shkollë,
kontrollo
- a i ke të gjitha aty,
- a funksionon teknika
(në rast se e përdor
kompjuterin dhe
projektorin).
69