Dituria,- Revistë <strong>mujore</strong> për fëmijë, të rinjë <strong>dhe</strong> prindër , <strong>shtator</strong> <strong>2007</strong>–faqe 10 Përralla të zgjedhura shqiptare VAJZA E ZGJUAR Një herë një mbret thirri një djalë <strong>dhe</strong> i tha:- Na këtë lirë, me këtë lirë të blesh një dash, prej leshit të dashit dua mbulesë leshi, po dashin të ma sjellësh të paqethur <strong>dhe</strong> lirën të ma japësh po lirë. Djali doli në të gjitha anët për të pyetur se si mund të përmbushte kërkesën e mbretit. Rrugës takoi një plak të vjetër. - O plak, - I tha djali qemë një, u bemë dy. Do të mbajmë shoku – shokun. -Ç`thotë ky, - mendoi plaku, - unë mezi mbaj veten time, jo të mbaj e<strong>dhe</strong> këtë. Vazhduan rrugën të dy <strong>dhe</strong> qëndruan te ca varre. E pyeti djali plakun: - Në këto varre a ka shumë të vdekur që jetojnë apo të gjithë kanë vdekur? Çuditet plaku me këto fjalë <strong>dhe</strong> mendon se djali është i çmendur. Mbasi ecën <strong>dhe</strong> një copë rrugë, kaluan afër një are të mbjellë me grurë. Ky djali, sa e pa grurin i tha plakut: - Qenka shumë i mirë ky gruri, po nuk e di në e ka ngrënë i zoti apo do ta hajë. Plaku nuk u përgjigj fare. Si u përshendet me djalin, u kthye në shtëpi. Plaku kishte një vajzë shumë të mençur. -Er<strong>dhe</strong> baba? E pyeti vajza. -Erdha po më mërziti shumë një djalë që takova rrugës. -Pse ç`të tha?- Sa u përshendetëm, më tha: ”Hë, sa mirë që u takuam, se do të mbajmë shokushokun”. – Ti baba, i tha vajza, - se ke marrë vesh se ç`të ka thënë ”, sa mirë që u takuam bashkë, se do të kalojmë rrugën pa mërzitje”. – Kur shkuam te varrezat,- vazhdoi plaku, më tha:”Në këto varre a ka shumë të vdekur që jetojnë, apo të gjithë kanë vdekur?” -Baba, po tì se paske marrë vesh. Ai të ka thënë:”A ka në këto varre njerëz që kanë qenë të përmendur për zgjuarësi ose burrëri e që kujtohen e<strong>dhe</strong> sot, apo të gjithë kanë vdekur <strong>dhe</strong> nuk përmenden më?”- Kur u afruam pranë një are me grurë, më tha: ”Qenka shumë i mirë ky gruri, por nuk e di në e ka ngrënë i zoti apo do ta hajë?” -Baba , ai të ka thënë se ai që e kishte atë grurë a e ka të tijin apo e ka borxh për ta dhënë. Po ç`u bë ai djali? Shkoi qoji diçka për të ngrënë. Vajza bëri bukë, zjeu <strong>dhe</strong> gjashtë kokrra vezë <strong>dhe</strong> plaku u nis. Duke shkuar rrugës mendon plaku me veten e tij: “Çì do ky një bukë të tërë <strong>dhe</strong> gjashtë vezë? Po i ha gjysmën”. E pret bukën përgjysmë, ha <strong>dhe</strong> tri vezë <strong>dhe</strong> shkon e takon me djalin <strong>dhe</strong> i jep gjysmën e bukës <strong>dhe</strong> tri vezët. I mori djali bukën <strong>dhe</strong> vezët <strong>dhe</strong>, kur filloi të hajë, i tha plakut:- ”Thuaj vajzës sate se hënëza është përgjysmë <strong>dhe</strong> në qiell duken vetëm tre yje. U kthye plaku në shtëpi <strong>dhe</strong> i tregoi vajzës çì tha djali.- Po baba, ia paske quar ushqimet të përgjysmuara? I tha vajza.- Po,- i tha plaku, ia qova gjysmën e bukës me tri vezë përsipër. – Ky djali qenka shumë i mençur tha vajza.- Po do të ketë ndonjë hall të madh. Shko merre e sille këtu. Shkoi plaku e mori djalin <strong>dhe</strong> e solli në shtëpi. Vajza sa e pa, i tha:- Ti do të kesh ndonjë hall të madh,po ma trego mua, se ndoshta mund të të ndihmoj. – Po i tha djali. Dhe i tregoi të gjitha sa i kish kërkuar mbreti. -Mirë, tha vajza. Me lirën që ke shko bleje një dash të paqethur <strong>dhe</strong> sille këtu. Shkoi në Pazar, bleu një dash të madh të paqethur <strong>dhe</strong> e solli. E mori vajza dashin, e qethi në kurriz <strong>dhe</strong> ia la leshin të paprekur në pjesën e barkut. E punoi leshin, bëri dy mbulesa të bukura <strong>dhe</strong> njërën ia dha djalit ta shiste në Pazar për një lirë. Shkoi djali në Pazar, e shiti mbulesën një lirë <strong>dhe</strong> u kthye te vajza. Pastaj mori dashin e paqethur, mbulesën, lirën <strong>dhe</strong> ia shpuri mbretit. Mbreti u kënaq <strong>dhe</strong> djali u martua me vajzën e mençur.
Dituria,- Revistë <strong>mujore</strong> për fëmijë, të rinjë <strong>dhe</strong> prindër , <strong>shtator</strong> <strong>2007</strong>–faqe 11 Insektet 1.karkaleci 2.marimanga 3.miza 4.flutura 5.bleta 6.krimbi 7. akrepi 8.mollëkuqe 9. mickoja 10. thnegla(bubrreci)