on üçüncü fəsil - Azərbaycan Tarixi Portalı

ON YEDDİNCİ FƏSİL
Maştosun şagirdləri haqqında hekayə.
Maştosun ölümündən bir az sonra onun Albaniya
vilayətlərində olan şagirdləri bir yerə yığışaraq xeyirxah işlər haqda
öz istəklərini bir – birinə bildirdilər. “ Bizi maarifləndirən İsa
peyğəmbərin yanında əbədi rahatlıq tapandan sonra biz nə
etməliyik? Ondan sonra biz yetim qalmışıq. Gəlin, qardaşlar, yola
düşək müqəddəs Qüds şəhərinə və orada özümüzə rəhbər diləyək.
Axı bizim Şərq ölkəmizin həqiqi maarifi müqəddəs Yeliseyin
vasitəsilə Qüdsdə başlanıb.” Onlar hazırlıqlarını və tədarüklərini
görüb üç dəstəyə böldülər. Albaniyanı tərk edərək onlar Suriyanın
hüdudlarına çatdılar və yollarına davam edərək bir – birinin ardınca
Qüdsə çatdılar.
Allah evinə daxil olaraq onlar uzun müddət həyat Ağacına
səcdə etdilər. Burada Qüdsün baş keşişinə rast gələrək çox
sevindilər. Kilsə keşişlərilə də görüşüb qucaqlaşdılar və keşişlər
onlara hörmət göstərdilər. Baş keşiş Maştosun bütün səyləri və
işləri haqda və barbar qəbilələri xaçpərəstliyə döndərən zaman olan
möcüzələrdən danışdılar. Bütün bunları eşidəndən sonra Qüds
keşişləri onları neçə gün daha böyük sevinclə qəbul etdilər. Onlar
Qüdsdə üç dindar keşişlə yaxınlıq etdilər. Bunların başçısı Afanasi
idi. Ondan xahiş etdilər ki, üçü də qərib olduqları üçün onlara
Qüdsdə bələdçi olsun.
56