on üçüncü fəsil - Azərbaycan Tarixi Portalı

Erməniyyəyə çatdı. Cəsur Vardanın təmtəraqlı qayıtması, onun
hunlar və albanlarla ittifaq bağlaması xəbərini almış Basak onunla
qaqrşılaşmaqdan qorxaraq qaçdı və onun bədxasiyyətliyi üzündən
Allahın ona heç rəhmi də gəlmədi.
Bütün bu albanlar və ermənilər arasında Allahın köməyilə
baş verən hadisələr şah Yezdəgirdin hakimiyyəti dövründə olmuşdur.
İYİRMİ BİRİNCİ FƏSİL
Albaniya çarı Vaçe barəsində bütpərəstlərin
eyiblərini rədd edib, o, canlı Allaha necə inanır; İrana
qarşı necə döyüşür, sonra da rahib olub müqəddəs
həyatını sovməədə necə keçirirdi
Hökmranlığının on doqquzuncu ilində II Yezdəgird öldü.
Onun iki oğlu 122 bir- birinə düşmən olub ali hakimiyyət uğrunda
mübarizə aparırdılar. Onlar ədavətdə olduğu zaman Albaniya çarı II
Vaçe 123 üsyan qaldırdı. 124 II Vaçe II Yezdəgirdin bacısı oğlu idi.
Atası kimi II Vaçe Milli ənənəyə görə xristian idi, lakin qanunpozan
II Yezdəgird ona zorla məcus dinini qəbul etdirdi. İndi isə,
məqamdan istifadə edərək II Vaçe qərara gəldi ki, dönük sifətilə çar
olmaqdansa döyüşdə ölmək daha yaxşıdır.
67