Skýrsla um samræmd próf í 10. bekk 2008 - Námsmatsstofnun

Námsmatsstofnun Samræmd prí í 10. bekk árið 2008
eru normaldreifðar einkunnir á bilinu 0 til 60 og henta vel til að fjalla um frammistöðu hópa. Í
þeim samanburði og yfirlitum sem hér fara á eftir verða því meðaltöl fyrir alla nemendur sem
taka próf ávallt 30,0 en eftir því sem frammistaða nemenda er mismunandi eftir kjördæmum,
sveitarfélögum, kyni, stærð skóla eða einstökum skólum, víkja meðaltöl einstakra hópa frá
heildarmeðaltali. Það sem samanburður í töflum sýnir er því innbyrðis samanburður á
frávikum frá heildarmeðaltali.
Rétt er að benda á að nær öll umfjöllun um frammistöðu nemenda byggir á
normaldreifðum einkunnum, grunnskólaeinkunninni (0-60). Samræmdar einkunnir (1-10) eru
einungis notaðar í kafla 3.6 þar sem gefið er yfirlit um meðaltöl þessara einkunna og í kafla
4.2 þar sem staðalvilla mælinga er birt.
3.2 Fjöldi nemenda og fjarvista
Samræmd próf í 10. bekk voru haldin í 136 skólum vorið 2008. Að auki þreyttu
nokkrir nemendur próf sem voru búsettir erlendis og því ekki skráðir í skóla hérlendis. Þeir
reiknast ekki með í töflum þar sem nemendum er skipt niður eftir skólum, kjördæmum eða
sveitarfélögum. Samkvæmt nemendaskrám sem Námsmatsstofnun bárust frá skólum voru
4471 nemendur skráðir í 10. bekk þetta ár. Auk þessara nemenda áttu nemendur í 8. og 9.
bekk kost á að þreyta samræmd próf ef forráðamenn og skólastjóri teldu þá vera undir slíkt
búna. Alls skráðu 1287 yngri bekkingar sig í eitt eða fleiri próf, 112 í 8. bekk og 1175 í 9.
bekk. Þetta er aukning yngri nemenda frá því í fyrra. Þetta gerði það að verkum að fleiri létu á
það reyna að ljúka einhverju samræmdu prófanna því ef illa færi mætti alltaf reyna aftur.
Samtals voru því 5534 nemendur á skrá stofnunarinnar.
Hlutfall nemenda sem tekur samræmd próf í 10. bekk hefur að jafnaði verið hátt. Í
töflu 3.1 er yfirlit um fjölda og hlutfall þeirra sem skráðu sig ekki í próf eða voru fjarverandi
án þess að ástæður lægju fyrir. Í töflu 3.2 er yfirlit um hve mörg próf nemendur skrá sig í og
hve mörg próf þeir taka. Þar má meðal annars sjá að tæp 11% nemenda þreyta öll prófin sex.
Aðeins 4 nemendur í 10. bekk þreyttu engin próf eða 0,3% nemenda í 10. bekk sem er nokkuð
gott. Um 32% nemenda í 10. bekk skráðu sig í 1 til 3 próf. Eins og fram kom í riti
Námsmatsstofnunar nr. 10/2006 Skýrslu um samræmd próf í 10. bekk árið 2006 var hlutfall
nemenda sem þreytti öll samræmdu prófin sex vorið árið 2003 45%, vorið 2004 fór þetta
hlutfall í 38%, vorið 2005 voru 25% nemenda í 10. bekk sem þreyttu öll prófin sex og vorið
2006 var þetta hlutfall komið niður í tæp 20%. Hlutfallið fer því lækkandi enda var hugsunin
með fjölgun prófanna sú að gefa nemendum kost á auknu vali en ekki að nemendur ættu að
þreyta samræmd próf í öllum greinunum sex. Á næst ári mun þetta breytast þar sem
9