Skýrsla um samræmd próf í 10. bekk 2008 - Námsmatsstofnun

Námsmatsstofnun Samræmd prí í 10. bekk árið 2008
áreiðanleiki í jarðvísindaþætti náttúrufræðiprófsins 0,41 og þjóðfélagsfræðiþætti
samfélagsgreinumprófsins 0,63. Ályktanir sem byggja á einkunnum þessa námsþáttar eru því
ekki eins traustar og þær sem byggja á öðrum námsþáttum og heildareinkunnum í þessum
prófum. Námsmatsstofnun sendir skólum samræmdar einkunnir, námsþáttaeinkunnir og
raðeinkunnir nemenda. Skólastjórum er skylt að láta samræmdar einkunnir koma fram á
einkunnablöðum nemenda í 10. bekk. Þær eru tilgreindar í reglugerð 414/2000 sem hluti af
inntökuskilyrðum bóknáms- og verknámsbrauta í framhaldsskólum.
SJÁ TÖFLU
Tafla 4.1 Áreiðanleiki og vikmörk samræmdra einkunna og námsþátta einkunna í 10. bekk 2008.
4.3 Innbyrðis tengsl námsþátta og tengsl samræmdra einkunna 1 og
námsþátta
Fylgni samræmdra einkunna á einstökum prófum í 10. bekk 2008 er nokkuð há, eða r
= 0,53 til r = 0,76 milli einstakra greina. Hæst fylgni einstakra prófa er milli náttúrufræði og
samfélagsgreina, r = 0,76. Veikust eru tengslin milli dönsku og samfélagsgreinum (sjá töflu
4.2). Háa fylgni má túlka með þeim hætti að nemendur sem fengu háa einkunn á einu
prófanna fengu að jafnaði einnig háa einkunn á hinum prófunum. Einnig má túlka þetta svo að
sé nemendum raðað eftir einkunn á einhverjum tveimur samræmdum prófum þá verður röð
nemenda mjög svipuð á báðum prófunum. Fylgni milli einstakra prófa er almennt hærri en
búast mætti við á þeim forsendum að þeim er ætlað að leggja mat á kunnáttu eða færni í
einstökum námsgreinum. Fylgnin er full sterk þó ekki sé ljóst að hvaða marki frammistaðan
byggir á námsgetu nemenda, stuðningi frá heimili eða áhuga og vinnu nemenda en þessir
undirliggjandi þættir hafa sitt að segja. Heildareinkunnir á samræmdu prófi í 10. bekk 2008
hafa jafnframt sterk tengsl við heildareinkunnir sömu nemenda sem tóku samræmt próf í 7.
bekk haustið 2004. Fylgni milli einkunna á samræmdu prófi í íslensku í 7. bekk og samræmdu
prófi í íslensku í 10. bekk er r = 0,805. Í stærðfræði eru tengsl milli frammistöðu í 7. bekk og
frammistöðu í 10. bekk r = 0,761 (sjá myndir 4.1 og 4.2).
Tengsl námsþátta í íslensku eru miðlungi sterk (sjá töflu 4.3). Sterkust eru þau milli
málfræði og lesskilnings. Tengsl ritunar við hina þættina er veikari en innbyrðis tengsl
stafsetningar, málfræði og lesskilnings. Þessi fylgnitengsl sýna að námsþættirnir tengjast vel
innbyrðis en um leið að þeir, að a.m.k. að einhverju marki. leggja mat á mismunandi færni eða
kunnáttu.
Í stærðfræði voru fimm námsþættir. Tengsl milli þeirra eru sterk eins og sést í töflu
4.3, sérstaklega milli algebru, rúmfræði og reiknings og aðgerða. Fylgnistuðlar eru á bilinu r =
0,66 til 0,80. Um tungumálin er svipaða sögu að segja þar sem fylgnistuðlar eru á bilinu r =
0,65 til 0,73
1
Stærð úrtaka í tölfræðigreiningum sem greint er frá í þessum kafla er frá 1610 til 4348 nemendur. Allir fylgnistuðlar sem
fjallað er um í kaflanum eru tölfræðilega marktækt stærri en núll við hefðbundin marktektarmörk.
21