Skýrsla um samræmd próf í 10. bekk 2008 - Námsmatsstofnun

Námsmatsstofnun Samræmd prí í 10. bekk árið 2008
Samræmd próf í 10. bekk 2008
Námsmatsstofnun sér um framkvæmd samræmdra prófa í 10.bekk samkvæmt
reglugerð 414/2000 og samningi við menntamálaráðuneytið. Prófað var í sex greinum í 10.
bekk vorið 2008: Íslensku, ensku, stærðfræði, dönsku, samfélagsgreinum og náttúrufræði.
Prófin voru haldin dagana 3. til 10. maí. Undirbúningur prófanna hófst vorið 2007 með
samningu prófáætlunar og verkefna í prófið. Prófatriði og prófverkefni eru samin af kennurum
með reynslu af kennslu í 10. bekk eða 1. bekk framhaldsskóla. Líkt og síðasta ár fylgdu
svarblöð öllum prófunum í ár. Í þeim prófum þar sem svarblaðið var laust varð prófbókin sjálf
eign skólans þar sem nemandinn færpi svör sín við krossaspurningum á svarblað og því einu
skilað til Námsmatsstofnunar. Prófbókinni geta skólar ráðstafað að vild sinni. Í stærðfræði er
svarblaðið hluti af prófbókinni og því er öllu skilað til stofnunarinnar.
Vinna við nemendaskrár og skráningu nemenda í próf hófst í september og stóð yfir
fram að prófdögum. Prófverkefni voru forprófuð með aðstoð nemenda í framhaldsskólum.
Upplýsingar um samningaferli og framkvæmd prófanna er að finna á vefsíðu
Námsmatsstofnunar .
Með reglugerð um samræmd próf í 10. bekk, sem sett var sumarið 2000, varð sú
breyting á stöðu samræmdra prófa að nemendum var gefinn kostur á að þreyta samræmd próf
en var ekki lengur gert skylt að þreyta þau. Þetta er því í sjöunda skiptið sem nemendur þurfa
að skrá sig til prófs. Skráning nemenda fór fram með þeim hætti að sérstök eyðublöð til
skráningar voru send skólum strax í ágúst. Skólastjórar sáu um að kynna nemendum
skráningu, söfnuðu og héldu utan um eyðublöð eftir að nemendur og forráðamenn undirrituðu
þau. Þeir færðu síðan upplýsingar um skráningu nemenda inn á vefsvæði hjá
Námsmatsstofnun.
5