SkÃ½rsla um samrÃ¦md prÃ³f Ã 10. bekk 2008 - NÃ¡msmatsstofnun

More documents

Recommendations

Info

Námsmatsstofnun Samræmd prí í 10. bekk árið 2008 Uppbygging samræmdra prófa 2008 2.1 Inngangur Prófað var í sex greinum í samræmdum prófum í 10. bekk vorið 2008. Uppbygging prófanna var svipuð og undanfarin ár. Lauslega verður fjallað um uppbyggingu hvers prófs í þessum kafla, en í töflu 2.1 er að finna yfirlit um prófin, fjölda prófhefta, námsþátta, tegundir og fjölda prófatriða og vægi einstakra námsþátta. Samræmdu prófin eru aðgengileg á vefsíðu Námsmatsstofnunar. 2.2 Samræmt próf í íslensku Í samræmda prófinu í íslensku var prófað úr stafsetningu, málfræði, ritun og einnig lestri, bókmenntum og hlustun. Prófatriði reyndu mest á beitingu reglna, kunnáttu og skilning. Lesskilningur byggir á ólesnum textum sem nemendur lesa í prófinu og svara spurningum úr. Í prófinu að þessu sinni var ljóð, smásaga, textabrot og textabrot úr fornsögu. Öll atriði í þessum námsþáttum voru fjölvalsspurningar. Reyndu spurningar úr lestextum á efnislegan skilning og ályktanir út frá textanum en einnig á uppbyggingu hans eða bókmenntalega eiginleika. Í ritun áttu nemendur að taka afstöðu til málefnis. Prófverkefni, matsreglur og dreifingu stiga er að finna á vefsíðu Námsmatsstofnunar. Hlustun var einn þáttur þess prófhluta sem kom í stað lesinna bókmennta. Aðferð við að prófa hlustun var með þeim hætti að nemendur hlustuðu á upplestur texta og síðan á spurningar úr honum. Textinn var lesinn í tveimur áföngum með spurningum að loknum hvorum lestri. Spurningarnar voru ekki prentaðar í prófhefti og reyndi prófhlutinn því á hlustun án þess að nemendur gætu stuðst við lestur. Hlustun í íslensku er því nokkuð frábrugðin því sem gerist í samræmdum prófum í erlendum tungumálum en er hinsvegar svipuð hlustunarverkefnum í samræmdum prófum í 4. og 7. bekk. 2.3 Samræmt próf í náttúrufræði Í samræmda prófinu í náttúrufræði voru þrír námsþættir, lífvísindi (vægi 44%), eðlisvísindi (vægi 44%) og jarðvísindi (vægi 12% ). Prófið var samsett úr 79 spurningum í jafn mörgum tölusettum atriðum sem samtals gáfu 79 hrástig. Efni prófsins miðast við námsefni 8. til 10. bekkjar og er ætlað að meta margvíslega færni sem ætlast er til að nemendur hafi öðlast vald á við lok grunnskóla. Mest áhersla var á kunnáttu og skilning en einnig talsverð á beitingu þekkingar. 6
Námsmatsstofnun Samræmd prí í 10. bekk árið 2008 2.4 Samræmt próf í stærðfræði Í samræmda stærðfræðiprófinu voru fimm námsþættir, reikningur og aðgerðir (vægi 18%), hlutföll og prósentur (vægi 15%), algebra (vægi 28%), rúmfræði (vægi 23%), og líkinda- og tölfræði (vægi 15%). Prófið var samsett úr 52 dæmum í jafn mörgum tölusettum atriðum sem samtals gáfu 79 stig. Efni prófsins miðast við námsefni 8. til 10. bekkjar og er ætlað að meta margvíslega færni sem ætlast er til að nemendur hafi öðlast vald á við lok grunnskóla. Að mati prófhöfunda reyndu atriði prófsins mest á beitingu og greiningu. 2.5 Samræmt próf í dönsku Samræmda dönskuprófið skiptist í þrjá námsþætti: (1) skilning á mæltu máli, (2) skilning á rituðu máli og (3) málnotkun. Námsþátturinn skilningur á mæltu máli innihélt tvö prófverkefni (A og B), annars vegar samtal (A) og hins vegar viðtal (B). Í þessum námsþætti voru samtals 20 prófatriði sem vógu 25% af prófinu. Öll prófatriði voru fjölvalsspurningar. Skilningur á rituðu máli var þrjú prófverkefni (C, D og E), allt lestextar sem giltu 40%. Í málnotkun voru þrjú verkefni, eitt eyðufyllingarverkefni (F) og tvö ritunarverkefni (G og H) , ritun G gilti 15% og ritun H gilti 10%. Vægi málnotkunar í prófinu var 35%. 2.6 Samræmt próf í ensku Alls voru þrír námsþættir í samræmdu prófi í ensku: Skilningur á mæltu máli sem vóg 25%, skilningur á rituðu máli og málnotkun. Hvor um sig vógu skilningur á rituðu máli og málnotkun 37,5%. Skilningur á mæltu máli skiptist í tvo hluta með 19 fjölvalsspurningum, í öðrum var hlustað á frásögn einstaklings en í hinum á viðtal. Í skilningi á rituðu máli voru þrjú prófverkefni, samfelldir textar og textabrot. Prófatriði voru fjölvalsspurningar. Í málnotkunarþættinum var eyðufyllingarverkefni sem reyndi á beitingu forsetninga, tengiorða, beygingu sagna og fleira og tvö ritunarverkefni. Í öðru ritunarverkefninu átti að skrifa um myndasögu í þátíð. Í hinu ritunarverkefninu áttu nemendur að skrifa fimm tveggja málsgreina svör eftir nákvæmum fyrirmælum. 2.7 Samræmt próf í samfélagsgreinum Í samræmda prófinu í samfélagsgreinum voru þrír námsþættir. Landafræði (vægi 37,5%), saga (vægi 37,5%) og þjóðfélagsfræði (vægi 25%). Prófið var samsett úr 69 spurningum í jafn mörgum tölusettum atriðum. Efni prófsins miðast við Aðalnámskrá í samfélagsgreinum, fyrir 8.-10. bekk og er ætlað að meta margvíslega færni sem ætlast er til að nemendur hafi öðlast vald á við lok grunnskóla. Í vor reyndi mest á skilning og kunnáttu. 7
Page 1 and 2: Rit 3 - 2008 Sigurgrímur Skúlason
Page 3 and 4: Námsmatsstofnun Samræmd prí í 1
Page 7: Námsmatsstofnun Samræmd prí í 1
Page 59 and 60:
Námsmatsstofnun Samræmd prí í 1
Page 61 and 62:
Page 63 and 64:
show all

SkÃ½rsla um samrÃ¦md prÃ³f Ã­ 10. bekk 2008 - NÃ¡msmatsstofnun

Create successful ePaper yourself

Delete template?

Save as template?

SkÃ½rsla um samrÃ¦md prÃ³f Ã 10. bekk 2008 - NÃ¡msmatsstofnun